ປະເທດລາວ: ເປັນເວລາ 31 ມື້ຕິດຕໍ່ກັນບໍ່ພົບຜູ້ຕິດເຊື້ອໄວຣັດພະຍາດ Covid-19
	ລັດຖະບານ ປະເທດລາວ ໄດ້ສ້າງເງື່ອນໄຂໃຫ້ພົນລະເມືອງຫວຽດນາມ ກັບຄືນປະເທດ

ພາຍຫຼັງ 33 ມື້ຕິດຕໍ່ກັນໂດຍບໍ່ໄດ້ກວດພົບກໍລະນີໃໝ່ ຕິດ​ເຊື້ອໄວຣັດ COVID-19, ໃນຕອນບ່າຍຂອງວັນທີ 15 ພຶດສະພາ, ຄະນະກຳມະການຊີ້ນຳລະດັບຊາດ ສຳລັບການປ້ອງກັນ ແລະ ຄວບຄຸມພະຍາດ COVID-19 ຂອງ ສປປ.ລາວ ໄດ້ປະກາດວ່າ ເລີ່ມນຳໃຊ້ມາດຕະການຜ່ອນຜັນກົດລະບຽບການຈຳກັດ ໃນທົ່ວປະເທດ.

ປະເທດລາວ ຈະເລີ່ມປະຕິບັດຜ່ອນຜັນກົດລະບຽບການຈຳກັດໃນທົ່ວປະເທດ. (ພາບ: TTXVN)

ໃນກອງປະຊຸມຖະແຫຼງຂ່າວ, ກະຊວງສາທາລະນະສຸກ ສປປ.ລາວ ກ່າວວ່າ ປະເທດລາວ ມີຈຳນວນກໍລະນີຕິດເຊື້ອ COVID-19 ພຽງແຕ່ 19 ຄົນ, ໃນນັ້ນມີ 14 ຄົນໄດ້ຮັບການປິ່ນປົວຫາຍດີ. ການປ້ອງກັນພະຍາດ COVID-19 ໃນປະເທດລາວ ໄດ້ຮັບການຕີລາຄາສູງຈາກປະຊາຄົມສາກົນ, ແຕ່ວ່າຕໍ່ໜ້າສະພາບການທີ່ສັບສົນ ຂອງໂລກລະບາດ Covid-19 ໃນທົ່ວໂລກ ແລະ ພາກພື້ນ, ລັດຖະບານສປປ.ລາວ ຈະບໍ່ປະໝາດ ເພື່ອຫລີກລ້ຽງບໍ່ໃຫ້ການລະບາດຄັ້ງທີສອງ ທີ່ເຄີຍເກີດຂື້ນໃນຫຼາຍປະເທດອື່ນໆ.

ກ່ຽວກັບມາດຕະການຜ່ອນຜັນ ກົດລະບຽບການຈຳກັດ, ລັດຖະບານ ສປປ.ລາວ ໄດ້ອະນຸຍາດໃຫ້ບັນດາອົງການ ແລະ ວິສາຫະກິດ ໄດ້ເຄື່ອນໄຫວກັບຄືນໃໝ່ຕາມປົກກະຕິ, ແຕ່ຕ້ອງການ ສືບຕໍ່ນຳໃຊ້ມາດຕະການເພື່ອປ້ອງກັນ ແລະ ສະກັດກັ້ນການລະບາດ, ພ້ອມກັນນັ້ນ ຊຸກຍູ້ໃຫ້ການເຮັດວຽກແບບ ອອນໄລ ຖ້າມີເງື່ອນໄຂສະດວກ.

ລັດຖະບານໄດ້ຕົກລົງ ແລະ ຊີ້ນໍາກ່ຽວກັບການຜ່ອນຜັນ ມາດຕະການຈຳນວນໜຶ່ງ ແລະ ໃຫ້ສືບຕໍ່ປະຕິບັດບາງ ມາດຕະການປ້ອງກັນ ການຕິດເຊື້ອຢ່າງເຂັ້ມງວດ ໃນໄລຍະແຕ່ວັນທີ 18 ພຶດ ສະພາ ຫາ 1 ມິຖຸນາ 2020. (ພາບ: VOV)

ລັດຖະບານ ສປປ.ລາວ ຍັງສືບຕໍ່ຫ້າມ ການຈັດຕັ້ງງານກິນລ້ຽງ; ສືບຕໍ່ປິດຕະຫຼາດກາງຄືນ, ສະຖານທີ່ບັນເທີງທີ່ມີຄົນຫຼາຍ, ຮ້ານເຫຼົ້າເບຍ, ຄາຣາໂອເກະ, ຮ້ານອິນເຕີເນັດ, ຄາສິໂນ, ກິດຈະກຳກິລາມີຜູ້ຊົມ, ກໍ່ຄືຫ້າມການຊຸມນຸມ, ປະຊຸມບໍ່ເປັນທາງການ, ການຈັດຕັ້ງງານແຕ່ງດອງ, ງານບຸນປະເພນີ ມີຫລາຍກ່ວາ 50 ຄົນ ໂດຍບໍ່ສາມາດຮັບປະກັນໄລຍະຫ່າງ.

ນອກຈາກນີ້, ລັດຖະບານສປປ.ລາວ ຍັງຈະສືບຕໍ່ປິດຊາຍແດນ, ລວມທັງປະຕູຊາຍແດນຕົ້ນຕໍ, ດ່ານຊາຍແດນຮອງ ແລະ ດ່ານຊາຍແດນສາກົນ, ແລະ ພຽງແຕ່ອະນຸຍາດໃຫ້ມີການຂົນສົ່ງສິນຄ້າ ພ້ອມດ້ວຍບາງກໍລະນີການເຂົ້າ - ອອກເມືອງ ໄດ້ຮັບອະນຸຍາດໂດຍຄະນະສະເພາະກິດ. ພ້ອມກັນນັ້ນ, ປະເທດລາວ ຍັງສືບຕໍ່ຢຸດການອອກວີຊາ ໃຫ້ຄົນຕ່າງປະເທດ, ຍົກເວັ້ນນັກການທູດ, ຜູ້ຊ່ຽວຊານ, ນັກວິຊາການ ແລະ ຄົນງານທີ່ຕ້ອງການ ສຳລັບໂຄງການຈຳເປັນຕ່າງໆໃນປະເທດລາວ.

ທະຫານປ້ອງກັນຊາຍແດນແຂວງກວາງນາມ ໄດ້ມອບເຂົ້າສານ 4 ໂຕນ ໃຫ້ປະຊາຊົນແຂວງເຊກອງ, ປະເທດລາວ ຍສໝ - ຕອນບ່າຍວັນທີ 10 ພຶດສະພາ, ຢູ່ປ້ອມກວດກາດ່ານຊາຍແດນ ນ້ຳຢາງ, ແຂວງກວາງນາມ, ກອງບັນຊາການທະຫານຊາຍແດນແຂວງກວາງນາມ ໄດ້ມອບເຂົ້າສານຈຳນວນ 4 ໂຕນ ແລະ ໝີ່ສໍາເລັດຮູບ 200 ກ່ອງ ໃຫ້ແກ່ປະຊາຊົນລາວ ເພື່ອຊ່ວຍປ້ອງກັນການລະບາດຂອງພະຍາດ Covid-19.

ລັດຖະບານ ປະເທດລາວ ໄດ້ສ້າງເງື່ອນໄຂໃຫ້ພົນລະເມືອງຫວຽດນາມ ກັບຄືນປະເທດ ຍສໝ - ວັນທີ 5 ພຶດສະພາ, ສະຖານທູດຫວຽດນາມ ປະຈຳ ສປປ.ລາວ ໄດ້ປະກາດວ່າ, ໂດຍຕອບສະໜອງຕາມຄວາມປາດຖະໜາຂອງປະຊາຊົນຫວຽດນາມ ຈຳນວນຫຼວງຫຼາຍ ໃນປະເທດລາວ ທີ່ຕ້ອງການຢາກກັບເມືອບ້ານເກີດເມືອງນອນ, ຕາມຄຳສະເໜີຂອງສະຖານທູດຫວຽດນາມ ປະຈຳ ສປປ.ລາວ, ອົງການທີ່ມີໜ້າທີ່ ປະເທດລາວ ໄດ້ຕົກລົງອະນຸຍາດໃຫ້ພົນລະເມືອງຫວຽດນາມ ກຳລັງດຳລົງຊີວິດ, ເຮັດວຽກ ແລະ ຮໍ່າຮຽນຢູ່ລາວ ເດີນທາງກັບຫວຽດນາມ ຜ່ານດ່ານຊາຍແດນສາກົນ.

ປະເທດລາວ ປະຕິບັດມາດຕະການຜ່ອນຜັນ ຈໍານວນໜຶ່ງ ໃນການປ້ອງກັນ ແລະ ຕ້ານພະຍາດ Covid-19 ຍສໝ - ໃນຕອນບ່າຍຂອງວັນທີ 1 ພຶດສະພາ, ທີ່ນະຄອນຫຼວງວຽງຈັນ, ຄະນະສະເພາະກິດ ເພື່ອປ້ອງກັນ, ຄວບຄຸມ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19, ສປປ.ລາວ ໄດ້ປະກາດມາດຕະການເປັນຄັ້ງທຳອິດ ເຊິ່ງປະຕິບັດມາດຕະການຜ່ອນຜັນ ຈໍານວນໜຶ່ງໃນການປ້ອງກັນ ແລະ ຄວບຄຸມການລະບາດຂອງພະຍາດ Covid-19 ທີ່ໄດ້ນຳໃຊ້ຢ່າງຮຸນແຮງຕັ້ງແຕ່ທ້າຍເດືອນມີນາ.