ນັກຮຽນຮູ້ອິນເດຍຕີລາຄາບົດບາດຂອງຫວຽດນາມກັບ ອາຊຽນ ແລະ ສະພາຄວາມໝັ້ນຄົງສະຫະປະຊາຊາດ
	ຫວຽດນາມ ປະກອບສ່ວນໃນການແກ້ໄຂຫຼາຍບັນຫາຮ້ອນເຮັ່ງ ໃນເດືອນປະທານສະພາຄວາມໝັ້ນຄົງສະຫະປະຊາຊາດ

ເຂົ້າຮ່ວມກອງປະຊຸມມີລັດຖະມົນຕີຕ່າງປະເທດ 48 ປະເທດ ແລະ ຜູ້ຕາງໜ້າບັນດາປະເທດສະມາຊິກສະຫະປະຊາຊາດ.

ທ່ານຟ້າມບິ່ງມິງ ເຂົ້າຮ່ວມກອງປະຊຸມ "“75 ປີຫຼັງຈາກການສົງຄາມໂລກຄັ້ງທີ 2" ຂອງສະພາຄວາມໝັ້ນຄົງສະຫະປະຊາຊາດ. (ພາບ: baoquocte)

ກ່າວຄຳເຫັນທີ່ກອງປະຊຸມ, ທ່ານຟ້າມບິ່ງມິງ - ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໃຫ້ຮູ້ວ່າ: ເຖິງວ່າສົງຄາມໂລກຄັ້ງທີ 2 ໄດ້ສິ້ນສຸດລົງໃນປີ 1945, ແຕ່ການປະທະກັນຍັງສືບຕໍ່ເກີດຂື້ນຢູ່ຫຼາຍແຫ່ງ, ລັດທິລ່າເມືອງຂຶ້ນ, ກິລິຍາຮຸກຮານຍັງເກີດຂຶ້ນ ຢູ່ໃນຫລາຍປະເທດ, ຫວຽດນາມ ກໍ່ໄດ້ປົດປ່ອຍ ແລະ ທ້ອນໂຮມປະເທດຊາດເປັນເອກະພາບ ພາຍຫຼັງເປັນເວລາຫຼາຍປີ.

ທ່ານຟ້າມບິ່ງມິງ - ຮອງນາຍົກລັດຖະມົນຕີຕ່າງປະເທດຫວຽດນາມ ໄດ້ເນັ້ນໜັກວ່າ ດ້ວຍການດຳເນີນງານຂອງລະບົບຫຼາຍຝ່າຍ, ກົດໝາຍ ແລະ ການປະຕິບັດກົດບັດສະຫະປະຊາຊາດ, ໂດຍສະເພາະ ແມ່ນຫຼັກການພື້ນຖານອະທິປະໄຕ, ເອກະລາດ ແລະ ຜືນແຜ່ນດິນອັນຄົບຖ້ວນ, ການບໍ່ໄດ້ນຳໃຊ້ກຳລັງຂອງກອງທັບ ແລະ ແກ້ໄຂຂໍ້ຂັດແຍ່ງ ໂດຍມາດຕະການສັນຕິພາບ ໄດ້ປະກອບສ່ວນສຳຄັນເຂົ້າໃນການຮັກສາສັນຕິພາບ ແລະ ສະກັດກັ້ນສົງຄາມໂລກໃນ 75 ປີທີ່ຜ່ານມາ. ນີ້ແມ່ນບັນດາເນື້ອໃນທີ່ໄດ້ຮັບການຕົກລົງ ໃນຖະແຫຼງການປະທານ ກ່ຽວກັບ 75 ປີຂອງກົດບັດສະຫະປະຊາຊາດ ໂດຍຫວຽດນາມ - ໃນຖານະເປັນປະທານສະພາຄວາມໝັ້ນຄົງສະຫະປະຊາຊາດ ໄດ້ຮັບຜິດຊອບໃນເດືອນມັງກອນ 2020.

ທ່ານຟ້າມບິ່ງມິງ - ຮອງນາຍົກລັດຖະມົນຕີຕ່າງປະເທດຫວຽດນາມ ຢືນຢັນວ່າ ຄວາມປາດຖະໜາ ລວມ ຂອງມະນຸດຊາດ ແລະ ຄວາມຕັດສິນໃຈປົກປ້ອງເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນ ຈະເອົາຊະນະທຸກການກະທຳນຳໃຊ້ກຳລັງອາວຸດ ແລະ ຄວາມມັກໃຫຍ່ໃຝ່ສູງ ເພື່ອປົກຄອງ, ແຜ່ອຳນາດ.

ໜັງສືພິມອັງກິດ: ຫວຽດນາມ ແມ່ນພື້ນຖານເສດຖະກິດມີຄວາມໝັ້ນຄົງ ແລະ ປອດໄພພາຍຫຼັງ Covid-19 ຍສໝ - ອີງຕາມການຕີລາຄາຂອງໜັງສືພິມ The Economist, ລາຊະອານາຈັກອັງກິດ ໃຫ້ຮູ້ວ່າ ຫວຽດນາມກຳລັງຢູ່ໃນພື້ນຖານເສດຖະກິດທີ່ປອດໄພ ຫຼັງຈາກການລະບາດ ຂອງການລະບາດພະຍາດ Covid-19.

ບຸລິມະສິດ 7 ຢ່າງຂອງ ຫວຽດນາມ ທີ່ສະພາຄວາມໝັ້ນຄົງສະຫະປະຊາຊາດ ອາຍຸການ 2020-2021 ຍສໝ - ແຕ່ວັນທີ 1 ມັງກອນປີ 2020, ຫວຽດນາມ ໄດ້ເຂົ້າຮັບໜ້າທີ່ເປັນສະມາຊິກບໍ່ຖາວອນຂອງສະພາຄວາມໝັ້ນຄົງສະຫະປະຊາຊາດ ອາຍຸການ 2020-2021. ຫວຽດນາມໄດ້ສະເໜີ 7 ຫົວເລື່ອງ ບຸລິມະສິດ ທີ່ສະພາຄວາມໝັ້ນຄົງສະຫະປະຊາຊາດອາຍຸການ 2020-2021.

ຫວຽດນາມ ກຽມພ້ອມສຳລັບອາຍຸການເປັນກຳມະການບໍ່ປະຈຳການ ຂອງສະພາຄວາມໝັ້ນຄົງສະຫະປະຊາຊາດ ຍສໝ - ນັບແຕ່ວັນທີ 01 ມັງກອນ 2020, ຫວຽດນາມ ຈະຮັບດຳລົງຕຳແໜ່ງກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດ ອາຍຸການ 2020 – 2021.