ເຂົ້າຮ່ວມໃນພິທີ ມີທ່ານພົນຈັດຕະວາ ພູວຽງ ລ່ຽມມະວົງສາ - ເລຂາພັກ, ຫົວໜ້າການທະຫານກອງບັນຊາການທະຫານແຂວງສາລະວັນ; ທ່ານ ພັນເອກ ພູວັນ ພິມມະຈັນ - ຮອງເລຂາພັກ, ຫົວໜ້າຫານເມືອງກອງບັນຊາການການທະຫານແຂວງ ສາລະວັນ ພ້ອມດ້ວຍຄະນະ ແລະ ບັນດາພະນັກງານ-ນັກຮົບ ຂອງກອງບັນຊາການທະຫານແຂວງສາລະວັນ ແລະ ກອງປະຕິບັດງານພິເສດ 192 ຫວຽດນາມ.
 |
| ທ່ານພົນຈັດຕະວາ ພູວຽງ ລ່ຽມມະວົງສາ - ເລຂາພັກ ໄດ້ວາງທູບທຽນ ແລະ ວາງດອກໄມ້ເພື່ອອາໄລຫາບັນດາທະຫານອາສາສະໝັກ ແລະ ຊ່ຽວຊານຫວຽດນາມ. (ພາບ: VOV) |
ທີ່ພິທີ, ບັນດາຜູ້ນຳແຂວງສາລະວັນ ແລະ ພະນັກງານນັກຮົບທະຫານຂອງສອງປະເທດ ໄດ້ວາງທູບທຽນ ແລະ ວາງດອກໄມ້ເພື່ອອາໄລຫາ ລະນຶກເຖິງຄຸນງາມຄວາມດີຂອງບັນດາທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດເພື່ອຊາດ ໃນປາງສົງຄາມ ຢູ່ ລາວ, ສະເພາະ ຢູ່ ພື້ນທີ່ແຂວງສາລະວັນ ແລະ ແຂວງເຊກອງ.
ໃນລະດູແລ້ງ ສົກປີ 2019 - 2020, ສາມາດຊອກຂຸດຄົ້ນໄດ້ທັງໝົດ 15 ອັດຖິ,ໃນນັ້ນແຂວງເຊກອງມີ 4 ອັດຖິ. ເພື່ອນໍາສົ່ງກັບຄືນເມືອປະເທດຫວຽດນາມ, ໂດຍພິທີທາງສາສະໜາ ແລະ ໄຫ້ວອາໄລ ໄດ້ຈັດຂຶ້ນທີ່ເຮືອນພັກຂອງກອງປະຕິບັດງານພິເສດ 192 ຢູ່ ກອງບັນຊາການທະຫານແຂວງສາລະວັນ.
 |
| ພິທີສົ່ງອັດຖິທະຫານອາສາສະໝັກ ແລະ ຊ່ຽວຊານ ຫວຽດນາມ ທີ່ເສຍສະຫຼະຢູ່ແຂວງສາລະວັນ (ປະເທດລາວ) ກັບຄືນປະເທດ. (ພາບ: VOV) |
ທ່ານ ພູວັນ ພິມມະຈັນ - ຮອງເລຂາພັກແຂວງສາລະວັນ ໄດ້ເນັ້ນໜັກວ່າ ພິທີສົ່ງອັດຖິທະຫານອາສາສະໝັກ ແລະ ຊ່ຽວຊານ ຫວຽດນາມ ໃນຄັ້ງນີ້ ເພື່ອສະແດງຄວາມຮູ້ບຸນຄຸນຢ່າງເລິກເຊິ່ງ ຂອງປະຊາຊົນລາວໂດຍເວົ້າລວມ, ແລະ ກອງບັນຊາການທະຫານແຂວງສາລະວັນ ແລະ ແຂວງເຊກອງ ເວົ້ົ້າສະເພາະ ສຳຫຼັບການເສຍສະຫຼະຢ່າງພິລະອາດຫານ ຂອງທະຫານອາສາສະໝັກ ແລະ ຊ່ຽວຊານ ຫວຽດນາມ, ປະກອບສ່ວນເຂົ້າໃນການໄຊຊະນະປະຫວັດສາດ ຂອງການປະຕິວັດຫວຽດນາມ - ລາວ, ກໍ່ຄືໄດ້ສະແດງເຖິງສາຍພົວພັນມິດຕະພາບສາມັກຄີພິເສດ ໃນການສູ້ຮົບຮ່ວມຂຸມຄອງດຽວກັນລະຫວ່າງສອງຊາດ ຫວຽດນາມ - ລາວ ທີ່ມີມາແຕ່ດົນນານ ໃຫ້ໝັ້ນນຄົງຂື້ນໄປເລື້ອຍໆ.
 | ແຂວງກວາງຈີ້: ຈັດຕັ້ງພິທີໄວ້ອາໄລ ແລະ ປົງອັດຖິທະຫານອາສາສະໝັກ ແລະ ຊ່ຽວຊານ ຫວຽດນາມທີ່ເສຍສະຫຼະຢູ່ ສປປ.ລາວ ຍສໝ - ໃນວັນທີ 5 ພຶດສະພາ 2020 ນີ້, ຢູ່ ສຸສານນັກຮົບເສຍສະລະຊີວິດເພື່ອຊາດແຫ່ງຊາດ ຖະໜົນເລກ 9, ແຂວງກວາງຈີ້ ໄດ້ຈັດຕັ້ງພິທີໄວ້ອາໄລ ແລະ ປົງອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະ ຢູ່ ລາວຈຳນວນ 16 ຊຸດ. |
 | ທະຫານຊາຍແດນ ແຂວງ ດ້ຽນບຽນ ສສ.ຫວຽດນາມ ມອບອຸປະກອນການແພດ ໃຫ້ແກ່ທະຫານຊາຍແດນແຂວງ ຜົ້ງສາລີ ສປປ.ລາວ ເພື່ອຕ້ານ ໂລກລະບາດ COVID-19 ຍສໝ - ທະຫານຊາຍແດນ ເມື່ອງປົ່ນ, ດ້ຽນບຽນ ໄດ້ມອບອຸປະກອນການແພດ ລວມມີ ຜ້າອັດປາກ 2.000 ອັນ, ຊຸດຕ້ານການລະບາດ 20 ຊຸດ, ເຄື່ອງວັດແທກອຸນຫະພູມຮ່າງກາຍເອເລັກໂຕຣນິກ 1 ໜ່ວຍ... ໃຫ້ແກ່ກອງບັນຊາການທະຫານ ແຂວງຜົ້ງສາລີ, ລາວ. |
 | ແຂວງ ກອມຕູມ ສສ.ຫວຽດນາມ ໄດ້ຈັດຕັ້ງພິທີໄວ້ອາໄລ ແລະ ປົງອັດຖິນັກຮົບ ແລະ ຜູ້ຊ່ຽວຊານ ຫວຽດນາມທີ່ເສຍສະຫຼະຊີວິດ ຢູ່ ລາວ ແລະ ກຳປູເຈຍ ຈຳນວນ 21 ຊຸດ ຍສໝ - ໃນຕອນເຊົ້າວັນທີ 27 ເມສາ 2020, ຢູ່ເຂດສຸສານນັກຮົບເສຍສະຫຼະຊີວິດເພື່ອ ຊາດເມືອງ ງອກໂຮ່ຍ, ແຂວງ ກອມຕູມ ໄດ້ຈັດຕັ້ງພິທີໄວ້ອາໄລ ແລະ ປົງອັດຖິນັກຮົບ ແລະ ຜູ້ຊ່ຽວຊານ ຫວຽດນາມທີ່ເສຍສະຫຼະຊີວິດ ຢູ່ ລາວ ແລະ ກຳປູເຈຍ ຈຳນວນ21 ຊຸດ. |
ຄຳຮຸ່ງ
