 | SEEDS ມອບໂອກາດການຮໍ່າຮຽນໃຫ້ແກ່ ນັກຮຽນ, ນັກສຶກສາ 196 ຄົນ ທີ່ມີສະພາບຄວາມຫຍຸ້ງຍາກຢູ່ ດ່າໜັງ |
| ດ່າໜັງ ຕ້ອນຮັບຖ້ຽວບິນທຳອິດຈາກມານີລາ (ຟີລິບປິນ) |
ເຫດການ ໄດ້ດຶງດູດການເຂົ້າຮ່ວມຂອງຜູ້ຕາງໜ້າການນຳນະຄອນ, ກົງສຸນໃຫຍ່ແຫ່ງ ສປປ ລາວ ປະຈຳ ນະຄອນ ດ່າຫນັງ ພ້ອມກັບອະດີດທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ເກືອບ 100 ທ່ານ ທີ່ເຄີຍໄປປະຕິບັດໜ້າທີ່ສາກົນຢູ່ ລາວ, ປະຈຸບັນ ດຳລົງຊີວິດຢູ່ ດ່າຫນັງ.
 |
| ຄະນະຕິດຕໍ່ພົວພັນອະດີດທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ທີ່ຊ່ວຍເຫຼືອການປະຕິວັດ ລາວ ຢູ່ນະຄອນ ດ່າຫນັງ ໄດ້ມອບປຶ້ມບັນທຶກ ວັນສະເຫຼີມສະຫຼອງ ຄົບຮອບ 75 ປີ ໃຫ້ກົງສຸນໃຫຍ່ແຫ່ງ ສປປ ລາວ ປະຈຳ ນະຄອນ ດ່າຫນັງ. (ພາບ: phatsuonline.vn) |
ທີ່ພິທີ, ບັນດາຜູ້ແທນໄດ້ທົບທວນຄືນບັນດາໜ້າປະຫວັດສາດທີ່ອົງອາດໃນການຕໍ່ສູ້ປົດປ່ອຍຊາດ, ໄດ້ຮັບຮູ້ເຖິງນ້ຳໃຈເປັນມິດສະຫາຍຂອງ ຫວຽດນາມ - ລາວ ທີ່ໄດ້ເພີ່ມພູນຄູນສ້າງດ້ວຍເລືອດເນື້ອຂອງນັກຮົບລຸ້ນຕ່າງໆທັງໝົດ.
ກ່າວຄຳປາໄສທີ່ພິທີ, ທ່ານ ໂຮ່ກີມິງ, ຮອງປະທານຜູ້ປະຈຳຄະນະກຳມະການປະຊາຊົນນະຄອນ, ປະທານສະມາຄົມມິດຕະພາບ ຫວຽດນາມ - ລາວ ນະຄອນ ດ່າໜັງ ຖືວ່າ: ນີ້ແມ່ນໂອກາດສະແດງຄວາມຮູ້ບຸນຄຸນການປະກອບສ່ວນອັນໃຫຍ່ຫຼວງຂອງກຳລັງທະຫານອາສາສະໝັກ ແລະ ນັກຊ່ຽວຊານ ຫວຽດນາມ ທີ່ໄດ້ຢືນຄຽງຂ້າງພ້ອມກັບການປະຕິວັດ ລາວ. ຜ່ານນັ້ນ, ກໍ່ປັບປຸງ, ເພີ່ມພູນຄູນສ້າງ, ປົກປັກຮັກສາ ແລະ ພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ.
ທ່ານ ສຸພັນ ຫາດາວເຮືອງ, ຫົວໜ້າກົງສູນໃຫຍ່ ສປປ ລາວ ປະຈຳ ນະຄອນ ດ່າຫນັງ ໄດ້ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ພັກ, ລັດ, ກອງທັບ ແລະ ປະຊາຊົນ ຫວຽດນາມ, ພິເສດແມ່ນບັນດາກຳລັງທະຫານອາສາສະໝັກ ແລະ ນັກຊ່ຽວຊານ ຫວຽດນາມ ທີ່ໄດ້ຢືນຢູ່ຄຽງຂ້າງກັບປະຊາຊົນ ລາວ ໃນການຕໍ່ສູ້ເພື່ອຍາດເອົາເອກະລາດ ແລະ ເສລີພາບ.
 |
| ລາຍການສະແດງຂອງບັນດານັກສຶກສາ ລາວ ທີ່ພວມຮຽນຢູ່ນະຄອນ ດາຫນັງ. (ພາບ: phatsuonline.vn) |
“ພັກ, ລັດ, ກອງທັບ ແລະ ປະຊາຊົນ ຫວຽດນາມ ເວົ້າລວມ, ທະຫານອາສາສະໝັກ ແລະ ນັກຊ່ຽວຊານຫວຽດນາມ ເວົ້າສະເພາະ ໄດ້ຮ່ວມທຸກກັບກອງທັບ ແລະ ປະຊາຊົນ ລາວ, ເສຍສະຫຼະຊີວິດເພື່ອຊາດປະຕິບັດພັນທະສາກົນຢູ່ ລາວ ໃນຫຼາຍສິບປີຜ່ານມາ. ມີຄົນໄດ້ຖືວ່າ ລາວ ເປັນບ້ານເກີດເມືອງນອນແຫ່ງທີສອງຂອງຕົນ, ຫຼາຍຄົນໄດ້ໃຊ້ເວລາຕະຫຼອດຊີວິດເພື່ອຕໍ່ສູ້, ເຮັດວຽກເປັນຜູ້ຊ່ຽວຊານໃນຫຼາຍຂົງເຂດທີ່ຕ່າງກັນ ຫຼາຍກວ່າໃຊ້ເວລາກັບຢູ່ກັບຄອບຄົວຂອງຕົນຢູ່ ຫວຽດນາມ.
ໃນບໍ່ວ່າໄລຍະໃດ ແລະ ສະພາບການໃດ, ພັກ, ລັດຖະບານ, ບັນດາກຳລັງປະກອບອາວຸດ ແລະ ປະຊາຊົນບັນດາເຜົ່າລາວ ກໍ່ຈະພ້ອມກັບພັກ, ລັດຖະບານ, ກອງທັບ ແລະ ປະຊາຊົນ ຫວຽດນາມ ອ້າຍນ້ອງ ຮັກປົກປັກຮັກສາ ແລະ ເສີມຂະຫຍາຍການພົວພັນມິດຕະພາບທີ່ຫາຍາກລະຫວ່າງ 2 ປະເທດໃຫ້ໝັ້ນຄົງຕະຫຼອດໄປ, ໃຫ້ສົມກັບການເສຍສະຫຼະອັນໃຫຍ່ຫຼວງຂອງບັນດານັກຮົບອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ໃນການປະຕິບັດໜ້າທີ່ສາກົນຢູ່ ລາວ". ທ່ານ ສຸພັນ ຫາດາວເຮືອງ ກ່າວ.
ບັນດາຜູ້ຕາງໜ້ານັກສຶກສາ ແລະ ໄວໜຸ່ມຂອງສອງປະເທດ ກໍ່ກ່າວຄຳໝັ້ນສັນຍາຈະສືບຕໍ່ມານະພະຍາຍາມໃນການຮ່ຳຮຽນ ແລະ ການເຄື່ອນໄຫວເພື່ອປະກອບສ່ວນປົກປັກຮັກສາ ແລະ ເພີ່ມພູນຄູນສ້າງສາຍພົວພັນມິດຕະພາບແບບພິເສດ ຫວຽດນາມ - ລາວ.
 | ຍສໝ - ຄະນະກຳມະການປະຊາຊົນນະຄອນ ດ່າໜັງ ໄດ້ອອກມະຕິຕົກລົງເລກທີ 2287/QD-UBND ກ່ຽວກັບການຮັບເອົາໂຄງການອຸປະຖຳອຸປະກອນການແພດ, ປຼາສະຕິກ ແລະ ປຶ້ມເລື່ອງເດັກນ້ອຍ ໃຫ້ແກ່ໂຮງໝໍແມ່ - ເດັກ ດ່າໜັງ ໂດຍໄດ້ຮັບການອຸປະຖຳຈາກ Lifestart Foundation Inc ດ້ວຍມູນຄ່າທັງຫມົດ ຫຼາຍກວ່າ 1,8 ຕື້ດົ່ງ. |
 | ດ່າໜັງ ຕ້ອນຮັບແຂກສາກົນ 300 ຄົນ ພາຍຫຼັງເກືອບ 2 ປີ ຍສໝ - ພາຍຫຼັງເກືອບ 2 ປີທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19, ເປັນຄັ້ງທຳອິດ, 2 ຖ້ຽວບິນໄດ້ໂດຍສານຜູ້ໂດຍສານ 310 ຄົນຈາກສິງກະໂປ ແລະ ບາງກອກ (ໄທ) ມາເຖິງນະຄອນດານັງ. |
ແທັງຮັ່ງ
