 |
| ທ່ານ ຫງວຽນແມ້ງຮູ່ງ ລັດຖະມົນຕີກະຊວງຖະແຫຼງຂ່າວ ແລະ ສື່ສານ, ປະທານສະມາຄົມມິດຕະພາບຫວຽດນາມ - ອິນເດຍ ໄດ້ມອບຜ້າອັດປາກ 100.000 ອັນ ໃຫ້ແກ່ສະຖານທູດອິນເດຍປະຈຳຫວຽດນາມ ເພື່ອສະໜັບສະໜູນປະຊາຊົນ ອິນເດຍ ປ້ອງກັນ ແລະ ຄວບຄຸມ ໂລກພະຍາດ COVID-19. |
ກ່າວຄຳເຫັນທີ່ພິທີ, ທ່ານຫງວຽນແມ້ງຮຸ່ງ ປະທານສະມາຄົມມິດຕະພາບຫວຽດນາມ - ອິນເດຍ ໃຫ້ຮູ້ວ່າ, ສາຍພົວພັນມິດຕະພາບ ຫວຽດນາມ - ອິນເດຍ ທີ່ມີມາແຕ່ດົນນານແລ້ວ, ແມ່ນຮາກຖານໃນການພົວພັນດ້ານວັດທະນະທຳ, ການຄ້າ, ສາສະໜາສັນຕິພາບເມື່ອ 2000 ກວ່າປີກ່ອນ. ມາຮອດປັດຈຸບັນ, ໃນທຸກຂົງເຂດຂອງການຮ່ວມມືດ້ານເສດຖະກິດ, ການຄ້າ, ການລົງທຶນຈົນເຖິງຄວາມໝັ້ນຄົງ, ປ້ອງກັນປະເທດ, ວິທະຍາສາດ, ເຕັກໂນໂລຢີ, ວັດທະນະທຳ ແລະການສຶກສາ ໄດ້ພັດທະນາຢ່າງວ່ອງໄວ.
ດ້ວຍຄວາມປາດຖະໜາຢາກແບ່ງປັນ ແລະ ປະກອບສ່ວນເລັກນ້ອຍໃຫ້ແກ່ປະຊາຊົນອິນເດຍ ເພື່ອປ້ອງກັນໂລກລະບາດ COVID-19, ສະມາຄົມມິດຕະພາບຫວຽດນາມ - ອິນເດຍໄດ້ລະດົມບັນດາວິສາຫະກິດໃນຂະແໜງຖະແຫຼງຂ່າວ ແລະ ສື່ສານ ໜູນຊ່ວຍຜ້າອັດປາກ 100.000 ອັນ ໃຫ້ແກ່ປະຊາຊົນ ອິນເດຍ.
ສະມາຄົມມິດຕະພາບຫວຽດນາມ - ອິນເດຍ ໄດ້ສ້າງຕັ້ງຂຶ້ນໃນປີ 1982 ໄດ້ເສີມຂະຫຍາຍບົດບາດດ້ານການທູດປະຊາຊົນຂອງຕົນເປັນຢ່າງດີ, ປະກອບສ່ວນຮັດແໜ້ນ ສາຍພົວພັນມິດຕະພາບ, ຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນສອງປະເທດ. ຄວາມສາມັກຄີອັນເປັນມູນເຊື້ອ, ການຊ່ວຍເຫຼືອເຊິ່ງກັນ ແລະ ກັນ, ມິດຕະພາບຫວຽດນາມ - ອິນເດຍໄດ້ຮັບການທົດສອບ ແລະ ເພີ່ມພຸນຄູນສ້າງ ໃນຫຼາຍໄລຍະ, ໃນສັນຕິພາບ ແລະ ສົງຄາມ, ໂດຍສະເພາະແມ່ນໃນສະພາບຫຍຸ້ງຍາກ ແລະ ວິກິດການ.
ໂດຍໄດ້ຮັບຂອງຂວັນດັ່ງກ່າວ, ທ່ານ Pranay Verma ເອກອັກຄະລັດຖະທູດອິນເດຍປະຈຳ ຫວຽດນາມ ໄດ້ສະແດງຄວາມຂອບໃຈຢ່າງຈິງໃຈຕໍ່ສະມາຄົມມິດຕະພາບຫວຽດນາມ - ອິນເດຍ. ທ່ານເອກອັກຄະລັດຖະທູດອິນເດຍ ກໍ່ໄດ້ກ່າວວ່າ, ອິນເດຍ ແລະ ຫວຽດນາມໄດ້ປະຕິບັດມາດຕະການຢ່າງຄົບຖ້ວນ ແລະ ຮອບດ້ານ - ໂດຍການຕິດຕາມກວດກາ ແລະ ຄວບຄຸມ, ຫຼືຜ່ານຊຸດສະຫວັດດີການດ້ານເສດຖະກິດ ແລະ ການກະກຽມດ້ານການແພດ - ເພື່ອຮັບປະກັນວ່າພະຍາດຕິດແປດບໍ່ມີຜົນກະທົບທີ່ຍືນຍົງຕໍ່ສັງຄົມ ແລະ ພື້ນຖານເສດຖະກິດ, ໂດຍສະເພາະຕໍ່ຜູ້ທຸກຍາກ ແລະ ຜູ້ດ້ອຍໂອກາດ. ໃນໄລຍະນີ້, ທັງອິນເດຍ ແລະ ຫວຽດນາມໄດ້ຮັກສາການຕິດຕໍ່ຢ່າງໃກ້ຊິດເພື່ອແລກປ່ຽນມາດຕະການຄວບຄຸມພະຍາດ.
 | ນັກຊ່ຽວຊານອົດສະຕາລີ: ການກະທຳຂອງ ຈີນແມ່ນການກະທຳເກາະຜິດ ຍສໝ - ທ່ານສາດສະດາຈານ Carl Thayer ມະຫາວິທະຍາໄລ New South Wales ປະເທດອົດສະຕາລີ ໄດ້ຢັ້ງຢືນວ່າ ເລື່ອງ ຈີນປະກາດ ສ້າງຕັ້ງອັນທີ່ໄດ້ເອີ້ນວ່າ ເມືອງ ຊີຊາ ແລະ ເມືອງ ໜານຊາ ຢູ່ນະຄອນ ຕາມຊາ ແມ່ນການກະທຳເກາະຜິດ. |
 | ຄະນະກຳມະການປະຊາຊົນເມືອງຮ່ວາງຊາ, ນະຄອນດ່ານັ້ງ ສສ.ຫວຽດນາມ ຄັດຄ້ານເລື່ອງຈີນ ຖະແຫຼງສ້າງຕັ້ງ ເມືອງຊີຊາ ແລະ ເມືອງໜານຊາ ຍສໝ - ຄະນະກຳມະການປະຊາຊົນເມືອງ ຮ່ວາງຊາ ຄັດຄ້ານຢ່າງຮຸນແຮງ ແລະ ຮຽກຮ້ອງໃຫ້ຈີນ ລົບລ້າງຂໍ້ຕົກລົງທີ່ຜິດພາດ, ຢຸດຕິບັນດາການກະທຳຜິດກົດໝາຍຢູ່ 2 ໝູ່ເກາະຮ່ວາງຊາ ແລະ ເຈື່ອງຊາ ຂອງຫວຽດນາມ ໂດຍທັນທີ. |
 | ຫວຽດນາມຮຽກຮ້ອງຈີນຈົ່ງລົບລ້າງການສ້າງຕັ້ງອັນທີ່ເອີ້ນວ່າ ເມືອງຊີຊາ ແລະ ເມືອງ ໜານຊາ ຍສໝ - ຫວຽດນາມໄດ້ຢັ້ງຢືນຢ່າງແຮງເປັນຫຼາຍເທື່ອແລ້ວວ່າ ຫວຽດນາມ ມີພະຍານຫຼັກຖານປະຫວັດສາດຢ່າງຄົບຖ້ວນ ເພື່ອຢັ້ງຢືນ ອະທິປະໄຕຂອງ ຫວຽດນາມ ທີ່ມີ ຕໍ່ 2 ໝູ່ເກາະເຈືອງຊາ, ຮ່ວາງຊາເຊິ່ງສອດຄອງກັບກົດໝາຍສາກົນ. |
ໄຊພອນ
