ທີ່ການພົບປະ, ບັນດາຜູ້ແທນ ໄດ້ຮັບຟັງຂໍ້ມູນຂ່າວກ່ຽວກັບການພົວພັນລະຫວ່າງ ອົງການຍຸຕິທຳສານປະຊາຊົນສູງສຸດ ຫວຽດນາມ ແລະ ບັນດາຄູ່ຮ່ວມມືອາເມລິການັບແຕ່ປີ 2017 ມາຮອດປະຈຸບັນ. ພ້ອມກັນນັ້ນ, ຜູ້ຕາງໜ້າອົງການຍຸຕິທຳສານປະຊາຊົນສູງສຸດ ຫວຽດນາມ ກໍ່ໄດ້ກ່າວເຖິງບັນດາບັນຫາເຊິ່ງ ຫວຽດນາມ ສົນໃຈ ແລະ ສະເໜີໃຫ້ອາເມລິກາ ສືບຕໍ່ສະໜັບສະໜູນ ອົງການຍຸຕິທຳສານປະຊາຊົນສູງສຸດ ຂອງຫວຽດນາມໃນໄລຍະຈະມາເຖິງ.
ກ່າວຄຳເຫັນທີ່ການຕ້ອນຮັບ, ທ່ານ ປະທານສານປະຊາຊົນສູງສຸດ ຫວຽດນາມ ຫງວຽນຫ່ວາປິ່ງ ໄດ້ຕີລາຄາສູງຄວາມມານະພະຍາຍາມ ຂອງທ່ານເອກອັກຄະລັດຖະທູດອາເມລິກາໃນການຊຸກຍູ້ການພົວພັນລະຫວ່າງ ອົງການຍຸຕິທຳສອງຝ່າຍ.
 |
ທ່ານຫງວຽນຮ່ວາບິ່ງ ແລະ ທ່ານ ເອກອັກຄະລັດຖະທູດສະຫະລັດອາເມລິກາ ປະຈຳຫວຽດນາມ Daniel J. Kritenbrink. (ພາບ: baophapluat)
ທ່ານຫງວຽນຮ່ວາບິ່ງ ແບ່ງປັນວ່າ, ອົງການຍຸຕິທຳສານປະຊາຊົນສູງສຸດ ຫວຽດນາມ ພວມມຸ່ງໄປເຖິງການເປີດກວ້າງການຮ່ວມມືກັບບັນດາປະເທດນອກອາຊຽນ ໂດຍຜ່ານແຜນການດຳເນີນງານຂອງອາຊຽນ +. ນີ້ແມ່ນແນວຄວາມຄິດພື້ນຖານຂອງ ອົງການຍຸຕິທຳຫວຽດນາມ, ສ້າງຈຸດເດັ່ນໃຫ້ແກ່ກອງປະຊຸມ ອົງການຍຸຕິທຳ ຄັ້ງທີ 8 ເພື່ອປະກອບສ່ວນຊຸກຍູ້ຄວາມຫຼາກຫຼາຍໃນກິດຈະກຳການຮ່ວມມືອາຊຽນເວົ້າລວມ ແລະ ອົງການຍຸຕິທຳ ເວົ້າສະເພາະ.
ທ່ານ ເອກອັກຄະລັດຖະທູດສະຫະລັດອາເມລິກາ ປະຈຳຫວຽດນາມ Daniel J. Kritenbrink ໄດ້ຕີລາຄາສູງຄວາມຮັບຜິດຊອບຂອງຜູ້ນຳ ອົງການຍຸຕິທຳ ຫວຽດນາມ ໃນການຊຸກຍູ້ການຮ່ວມມືຂອງສານປະຊາຊົນຂອງສອງປະເທດ.
（ຄຳຮຸ່ງ）
