ພິທີຕ້ອນຮັບທ່ານລັດຖະມົນຕີກະຊວງປ້ອງກັນປະເທດ ຫວຽດນາມ ໂງຊວັນລິກ (ພາບ: TTXVN)

ທ່ານພົນເອກ ໂງຊວນລິກ ໄດ້ປຸກລະດົມພະນັກງານ, ວິສະວະກອນຂອງບໍລິສັດພະຍາຍາມແກ້ໄຂຄວາມຫຍຸ້ງຍາກ, ປຸກລະດົມແຮງງານ, ພາຫະນະ, ອຸປະກອນຢ່າງສຸດຂີດ, ຮັບປະກັນໃຫ້ກິດຈະກໍາໄດ້ກໍ່ສ້າງຖືກຕາມຄວາມຄືບໜ້າ, ຮັບປະກັນດ້ານເຕັກນິກ, ຄວາມງາມ, ເພື່ອສໍາເລັດໂດຍໄວ ແລະມອບຮັບເປີດນຳໃຊ້ກິດຈະກໍາຮັບໃຊ້ການເຄື່ອນໄຫວຂອງສະພາແຫ່ງຊາດ ລາວ ໃນປີໜ້າ; ເພື່ອໃຫ້ກິດຈະກໍາສົມກັບສັນຍາລັກຂອງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງປະເທດຫວຽດນາມ-ລາວ.

ທ່ານພົນເອກ ໂງຊວນລິກ ໄດ້ໄປຢ້ຽມຢາມບໍລິສັດໃຫຍ່ Star Telecom (UNITEL) - ວິສາຫະກິດຮ່ວມທຸລະກິດລະຫວ່າງກຸ່ມບໍລິສັດໂທລະຄົມມະນາຄົມກອງທັບ Viettel ກັບໂທລະຄົມມະນາຄົມລາວ, ທ່ານພົນເອກ ໂງຊວນລິກ ສະແດງຄວາມປິຕິຊົມຊື່ນຕໍ່ໝາກຜົນແຫ່ງການລົງທຶນດໍາເນີນທຸລະກິດຂອງວິສາຫະກິດ ແລະຖືວ່າ, ນີ້ແມ່ນແບບຢ່າງໃນການລົງທຶນດໍາເນີນທຸລະກິດອອກຕ່າງປະເທດຂອງບັນດາວິສາຫະກິດກອງທັບ. ທ່ານລັດຖະມົນຕີກະຊວງປ້ອງກັນປະເທດ ຫວຽດນາມ ໂງຊວັນລິກ ສະເໜີໃຫ້ພະນັກງານ, ພາລະກອນ UNITEL ຈົ່ງສືບຕໍ່ມານະພະຍາຍາມໃຫ້ຫຼາຍກວ່າອີກ, ຍູ້ແຮງການດໍາເນີນທຸລະກິດ, ເປິດກວ້າງຕະຫຼາດ ຕິດພັນກັບການຍົກສູງຄຸນນະພາບຂອງຜະລິດຕະພັນ; ເອົາໃຈໃສ່ເຖິງວຽກງານສັງຄົມ ເພື່ອປົວແປງ ແລະ ຍົກສູງຄຸນນະພາບຊີວິດການເປັນຢູ່ຂອງປະຊາຊົນ, ປະກອບສ່ວນເຂົ້າໃນການພັດທະນາເສດຖະກິດ - ສັງຄົມ, ຄວາມສະຫງົບປອດໄພໃຫ້ແກ່ປະເທດລາວຫຼາຍກວ່າອີກ.

（ໄຊພອນ）