 |
ທ່ານ ດ່າວຫວຽດຈູງ, ຫົວໜ້າຫ້ອງວ່າການເປັນຫົວໜ້າຄະນະ ພົບປະກັບ ທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດລາວ
ທີ່ການຕ້ອນຮັບ, ທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດລາວ ສະແດງຄວາມຫວັງວ່າໃນໄລຍະຈະມາເຖິງ, ຫ້ອງວ່າການປະທານປະເທດຂອງ ລາວ ແລະ ຫວຽດນາມ ສືບຕໍ່ເພີ່ມທະວີການຮ່ວມມື, ຊ່ວຍເຫຼືອກັນເພື່ອປະຕິບັດວຽກງານເສນາທິການໃຫ້ການນຳສອງປະເທດໃຫ້ດີກ່ວາເກົ່າ, ປະຕິບັດໜ້າທີ່ເຊິ່ງສອງພັກ, ສອງລັດ ໄດ້ມອບໝາຍໃຫ້ສຳເລັດຜົນ, ປະກອບສ່ວນເຂົ້າການພັດທະນາ ແລະ ເພີ່ມພູນຄູນສ້າງໃຫ້ສາຍພົວພັນແບບພິເສດລະຫວ່າງສອງຊາດ ຫວຽດນາມ - ລາວ.
ທີ່ການຕ້ອນຮັບ, ທ່ານ ດ່າວຫວຽດຈູງ ໃຫ້ຮູ້ວ່າ, ການພົບປະເຈລະຈາໄດ້ປະສົບຜົນສໍາເລັດຢ່າງຈົບງາມ. ສອງຝ່າຍໄດ້ປຶກສາຫາລືບັນດາເນື້ອໃນເຊິ່ງສອງຝ່າຍຕ່າງມີຄວາມສົນໃຈ, ພ້ອມທັງສະເໜີບັນດາມາດຕະການປັບປຸງ ແລະ ເພີ່ມທະວີສາຍພົວພັນມິດຕະພາບ ແລະການຮ່ວມມືທີ່ເປັນມູນເຊື້ອແບບພິເສດລະຫວ່າງສອງຫ້ອງວ່າການສໍານັກງານປະທານປະເທດຫວຽດນາມ ແລະລາວ. ທ່ານ ດ່າວຫວຽດຈູງ ສະແດງຄວາມເຊື່ອໝັ້ນວ່າ ພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ, ປະເທດ ແລະ ປະຊາຊົນລາວ ຈະສືບຕໍ່ຍາດໄດ້ໄຊຊະນະໃໝ່ໃຫຍ່ຫຼວງກວ່າເກົ່າໃນການປະຕິບັດບັນດາຄາດໝາຍຂອງມະຕິກອງປະຊຸມໃຫຍ່ ຄັ້ງທີ X ຂອງພັກປະຊາຊົນປະຕິວັດລາວ ໄດ້ວາງອອກ, ຈັດຕັ້ງກອງປະຊຸມໃຫຍ່ອົງຄະນະພັກທຸກຂັ້ນສຳເລັດ, ກ້າວໄປເຖິງກອງປະຊຸມໃຫຍ່ທົ່ວປະເທດ ຄັ້ງທີ XI ຂອງພັກ, ປະຕິບັດສຳເລັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII (ໄລຍະ 2016-2020), ສ້າງສາປະເທດລາວ ສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະວັດທະນາຖາວອນ ສຳເລັດຜົນ.
（ໄຊພອນ）
