ຫວຽດນາມ - ລາວ ໄດ້ແລກປ່ຽນບົດຮຽນ ກ່ຽວກັບການຕິດຕາມກວດກາ, ປ້ອງກັນ ແລະ ຕ້ານໄພສໍ້ລາດບັງຫຼວງ

ທັດສະນີຍະພາບການພົບປະເຈລະຈາ.(ພາບ: baohatinh.vn)

ໃນການພົບປະເຈລະຈາ, ສອງຝ່າຍໄດ້ແລກປ່ຽນປະສົບການທີ່ມີຄຸນຄ່າໃນວຽກງານກໍ່ສ້າງພັກ, ຕິດຕາມກວດກາ ແລະ ຕ້ານໄພສໍ້ລາດບັງຫຼວງ. ພ້ອມກັນນັ້ນ, ເຫັນດີຕໍ່ທິດທາງ ແລະ ມາດຕະການເພື່ອຮັດແໜ້ນ ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດເວົ້າລວມ ແລະ ລະຫວ່າງຄະນະກຳມະການຕິດຕາມກວດກາສູນກາງພັກ, ອົງການກວດກາລັດຖະບານຫວຽດນາມກັບ ຄະນະກຳມະການກວດກາສູນກາງພັກປະຊາທິປະໄຕປະຊາຊົນລາວ ໂດຍສະເພາະ.

ທ່ານ ເຈິ່ນເກິ໋ມຕູ໊ ກ່າວຄຳເຫັນທີ່ການພົບປະເຈລະຈາ.(ພາບ: baohatinh.vn)

ກ່າວຄຳເຫັນທີ່ການພົບປະເຈລະຈາ, ທ່ານ ເຈິ່ນເກິ໋ມຕູ໊, ປະທານຄະນະກຳມະການກວດກາສູນກາງພັກເນັ້ນໜັກວ່າ ຄະນະກຳມະການກວດກາສູນກາງພັກກອມມູນິດ ຫວຽດນາມ ຈະສົມທົບຢ່າງແໜ້ນແຟ້ນກັບຄະນະກວດກາສູນກາງພັກປະຊາຊົນປະຕິວັດລາວ ສືບຕໍ່ປະຕິບັດຂໍ້ຕົກລົງຂັ້ນສູງລະຫວ່າງ 2 ພັກ, ຂໍ້ຕົກລົງການຮ່ວມມືລະຫວ່າງ 2 ຄະນະກຳມະການກວດກາຢ່າງມີປະສິດທິຜົນ, ປະກອບສ່ວນປັບປຸງ, ເພີ່ມທະວີການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ.

ຄະນະກວດກາສູນກາງພັກປະຊາຊົນປະຕິວັດລາວ.(ພາບ: baohatinh.vn)

ກໍ່ໃນການພົບປະເຈລະຈາ, ທ່ານບຸນທອງ ຈິດມະນີ, ກຳມະການກົມການເມືອງ, ເລຂາສູນກາງພັກ, ຮອງນາຍົກລັດຖະມົນຕີ, ຫົວໜ້າຄະນະກວດກາສູນກາງ, ຫົວໜ້າອົງການກວດກາລັດຖະບານລາວ ປາດຖະໜາວ່າ: ໃນໄລຍະຈະມາເຖິງ ຄະນະກວດກາສູນກາງພັກປະຊາຊົນປະຕິວັດລາວ ແລະ ຄະນະກຳມະການກວດກາສູນກາງພັກກອມມູນິດ ຫວຽດນາມ ຈະມີການສົມທົບກັນ, ຮ່ວມມືກັນກໍ່ຄືແບ່ງປັນບົດຮຽນໃນທຸກດ້ານ ເພື່ອຊຸກຍູ້ການພັດທະນາເສດຖະກິດ, ຮັກສາຄວາມສະຫງົບຄວາມເປັນລະບຽບຮຽບຮ້ອຍລະຫວ່າງ 2 ປະເທດໃຫ້ເປັນປົກກະຕິ.

（ຄຳຮຸ່ງ）