ໃນການພົບປະເຈລະຈາ, ທ່ານ ບຸນທອງ ດີວິໄຊ ເຈົ້າແຂວງຈໍາປາສັກ ກ່າວວ່າ ໃນໄລຍະຜ່ານມາ, ສອງຝ່າຍໄດ້ຮ່ວມມືກັນ, ບັນລຸໄດ້ໝາກຜົນຕັ້ງໜ້າຫຼາຍຢ່າງ ແລະທ່ານກໍ່ສະເໜີໃຫ້ສະພາປະຊາຊົນນະຄອນໂຮ່ຈີມິນ ແບ່ງປັນບົດຮຽນຊ່ວຍໃຫ້ສະພາປະຊາຊົນແຂວງຈໍາປາສັກ ມີປະສົບການໃນການແກ້ໄຂບັນດາຂໍ້ຕິດຂັດຕື່ມອີກ.
 |
ທ່ານນາງ ຫງວຽນທິເລະ, ປະທານສະພາປະຊາຊົນນະຄອນໂຮ່ຈີມິນ ມອບຂອງຂວັນທີ່ລະນຶກ ໃຫ້ແກ່ທ່ານ ບຸນທອງ ດີວິໄຊ, ເລຂາພັກແຂວງ, ເຈົ້າແຂວງໆຈໍາປາສັກ. (ພາບ: saigononline.vn)
ທ່ານນາງ ຫງວຽນທິເລະ ໄດ້ແຈ້ງໃຫ້ຊາບກ່ຽວກັບສະພາບການພັດທະນາເສດຖະກິດ-ສັງຄົມ ຂອງນະຄອນໂຮ່ຈີມິນ ໃນ 6 ເດືອນຜ່ານມາ. ກ່ຽວກັບຜົນການຮ່ວມມືລະຫວ່າງສອງທ້ອງຖິ່ນ, ທ່ານນາງ ຫງວຽນທິເລະ ຕີລາຄາວ່າ, ສອງທ້ອງຖິ່ນໄດ້ມີຫຼາຍການເຄື່ອນໄຫວຮ່ວມມືຢ່າງແທດຈິງ. ບັນດາພະແນກ, ຂະແໜງການສອງຝ່າຍ ຈົ່ງສືບຕໍ່ຜັນຂະຫຍາຍບັນດາເນື້ອໃນໃນບົດບັນທຶກຊ່ວຍຈໍາວ່າດ້ວຍການກໍານົດທິດການຮ່ວມມື 2016-2020 ເຊິ່ງສອງຝ່າຍໄດ້ລົງນາມແລ້ວຢ່າງຮີບດ່ວນ, ຕັ້ງໜ້າ. ພົ້ນເດັ່ນແມ່ນໂຄງການວາງແຜນຜັງເທດສະບານເມືອງປາກຊ່ອງ, ນໍາມາເຊິ່ງຮູບໂສມໃໝ່ໃຫ້ແກ່ເທດສະບານເມືອງປາກຊ່ອງ ເວົ້າສະເພາະ ແລະແຂວງຈໍາປາສັກ ເວົ້າລວມ.
（ຄຳຮຸ່ງ）
