ໃນໂອກາດທີ່ຄະນະຜູ້ແທນດັ່ງກ່າວເດີນທາງ ມາຢ້ຽມຢາມ ແລະ ເຮັດວຽກ ຢູ່ ສປປ ລາວ ລະຫວ່າງ ວັນທີ 1-3 ກໍລະກົດ ນີ້, ເຊິ່ງຄະນະໄດ້ຮັບການຕ້ອນຮັບຢ່າງອົບອຸ່ນ ຈາກ ສະຫາຍ ພົນຈັດຕະວາ ຄຳຫລ້າ ວົງວິໄລ ກຳມະການພັກແຂວງ, ຫົວໜ້າກອງບັນຊາການທະຫານ ແຂວງຫຼວງພະບາງ ພ້ອມດ້ວຍຄະນະ.
 |
ສະຫາຍ ພົນໂທ ເລ ຈຽມ ກຳ ມະການສູນກາງພັກກອມມູນິດ ຫວຽດນາມ ແລະ ສະຫາຍ ພົນຈັດຕະ ວາ ຄຳຫຼ້າ ວົງວິໄລ ກຳມະການ ພັກແຂວງ. (ພາບ: VOV)
ໂອກາດນີ້ ສະຫາຍ ພົນຈັດຕະວາ ຄຳຫຼ້າ ວົງວິໄລ ກຳມະການພັກແຂວງ, ກໍໄດ້ມີຄຳເຫັນຕີລາຄາສູງ ຕໍ່ກັບການມາຢ້ຽມຢາມ ເຮັດວຽກຢູ່ ສປປ ລາວ ແລະ ມາຢ້ຽມຢາມແຂວງຫຼວງພະບາງຄະນະປະຕິບັດງານໃນຄັ້ງນີ້, ເຊິ່ງເປັນການປະກອບສ່ວນອັນສຳຄັນເຂົ້າໃນການ ເພີ່ມທະວີສາຍພົວພັນ ມິດຕະພາບ ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງ ພັກ, ສອງລັດ ແລະ ສອງກອງທັບ ລາວ-ຫວຽດນາມ ທີ່ມີມູນເຊື້ອອັນດີງາມນັ້ນໃຫ້ນັບມື້ນັບມີຄວາມ ແໜ້ນແຟ້ນ, ຈະເລີນງອກງາມ ແລະ ແຕກດອກອອກຜົນຍິ່ງໆຂຶ້ນ, ພ້ອມທັງໄດ້ແຈ້ງສະພາບການພັດທະນາ-ເສດຖະກິດ-ສັງຄົມ ຂອງແຂວງ ແລະ ການເຄື່ອນໄຫວປະຕິບັດໜ້າທີ່ ປກຊ-ປກສ ຂອງກຳລັງ ປະກອບອາວຸດທ້ອງຖິ່ນ ແຂວງ ຫຼວງພະບາງ ໂດຍສັງເຂບ, ນັບ ທັງການປັບປຸງກໍ່ສ້າງກຳລັງ, ການພັດທະນາດ້ານຕ່າງໆໃນກົມ ກອງຕົນ ແລະ ໝາກຜົນການພົວ ພັນຮ່ວມມືກັບບັນດາກົມກອງ ແຮກສ່ຽວຝ່າຍຫວຽດນາມໃນ ຂົງເຂດວຽກງານຕ່າງໆໃນໄລ ຍະຜ່ານມາ. ໃນວັນຕໍ່ມາຄະນະຜູ້ແທນຄະນະ ປະຕິບັດງານພິເສດລັດຖະບານ ສສ ຫວຽດນາມ ກໍໄດ້ໄປທ່ຽວ ຊົມບັນດາສະຖານທີ່ທ່ອງທ່ຽວ ທຳມະຊາດ, ປະຫວັດສາດ ແລະ ວັດທະນະທຳຢູ່ແຂວງຫຼວງພະ ບາງຈຳນວນໜຶ່ງກ່ອນເດີນທາງ ກັບຄືນປະເທດໃນວັນດຽວກັນ.
（ຄຳຮຸ່ງ）
