ໃນການຢ້ຽມຢາມລາວຄັ້ງນີ້, ທ່ານ ຫງວຽນ ວັນ ຟຸກ ໄດ້ມີການພົບປະ ກັບ ທ່ານນາງ ແສງເດືອນ ຫຼ້າຈັນທະບຸນ ລັດຖະມົນຕີກະຊວງສຶກສາທິການ ແລະ ກິລາລາວ. ທ່ານ ຫງວຽນ ວັນ ຟຸກສະແດງຄວາມຍິນດີ ແລະ ຂອບອົກຂອບໃຈຢ່າງສຸດຊຶ້ງຕໍ່ການຕ້ອນຮັບ ຂອງ ທ່ານນາງ ແສງເດືອນ ຫຼ້າຈັນທະບຸນ ລັດຖະມົນຕີກະຊວງສຶກສາທິການ ແລະ ກິລາລາວ
ທ່ານນາງ ແສງເດືອນ ຫຼ້າຈັນທະບຸນ ໄດ້ໃຫ້ຮູ້ວ່າ: ປະເທດລາວ ແລະ ປະຊາຊົນລາວ ຍາມໃດກໍ່ສະແດງຄວາມຂອບອົກຂອບໃຈການ ຕໍ່ກັບການຊ່ວຍເຫຼືອ ຈາກຫວຽດນາມໃນທຸກຂົງເຂດ, ພິເສດແມ່ນຂົງເຂດການສຶກສາ ແລະ ບຳລຸງສ້າງ. ແຕ່ລະປີຫວຽດນາມ ທຶນການສຶກສາ ໄລຍະສັ້ນ ແລະ ໄລຍະຍາວ ໃຫ້ແກ່ ສປປ ລາວ ແຕ່ 1.000 – 1.200 ທຶນ, ພ້ອມທັງໜູນຊ່ວຍການລົງທຶນພື້ນຖານດ້ານວັດຖຸໃຫ້ການສຶກສາລາວ ຢ່າງມີປະສິດທິຜົນ.
ຕີລາຄາສູງຜົນສຳເລັດຂອງການຮ່ວມມືດ້ານການສຶກສາຂອງຫວຽດນາມ ໃນຊຸມປີຜ່ານມາ, ທ່ານນາງ ແສງເດືອນ ຫຼ້າຈັນທະບຸນ ຫວັງເປັນຢ່າງຍິ່ງວ່າ: ໃນຕໍ່ໜ້າ, ຫວຽດນາມ ຈະສືບຕໍ່ໜູນຊ່ວຍລາວໃນການປະຕິບັດພາລະກິດ ເຊິ່ງປະກອບມີ: ກວດກາ ແລະ ຕີລາຄາຄຸນນະພາບການສຶກສາ, ບໍາລຸງສ້າງ, ການລົງທຶນພື້ນຖານດ້ານວັດຖຸການສຶກສາ...
 |
ທ່ານ ຫງວຽນວັນຟຸກ ຮອງລັດຖະມົນຕີກະຊວງສຶກສາ ແລະກໍ່ສ້າງຫວຽດນາມ ຢ້ຽມຢາມຫໍພັກນັກຮຽນຫວຽດນາມ ຢູ່ລາວ.
ເມື່ອໄດ້ພົບປະແລກປ່ຽນ ກັບ ທ່ານນາງ ແສງເດືອນ ຫຼ້າຈັນທະບຸນແລ້ວ, ທ່ານ ຫງວຽນ ວັນ ຟຸກ ໃຫ້ຮູ້ວ່າ: ຮ່າງແຜນການ “ຍົກສູງຄຸນນະພາບ ແລະ ປະສິດທິຜົນ ການຮ່ວມມື ຫວຽດນາມ - ລາວ ໃນຂົງເຂດການສຶກສາ ແລະ ພັດທະນາແຫຼ່ງຊັບພະຍາກອນມະນຸດ ໄລຍະ 2011 - 2020” ຂອງລັດຖະບານຫວຽດນາມ ໄດ້ນໍາມາເຊິ່ງປະສິດທິຜົນຢ່າງຕັ້ງໜ້າ, ກະຊວງສຶກສາ ແລະ ບຳລຸງສ້າງຫວຽດນາມ ກຳລັງທຳການຕີລາຄາໝາກຜົນ ແລະ ສະເໜີຜັນຂະຫຍາຍ ໄລຍະຕໍ່ໄປ (2021 - 2030) ຕາມທິດດີກວ່າອີກ.
ທ່ານ ຫງວຽນ ວັນ ຟຸກ ຢ້ັ້ງຢືນວ່າ: ຫວຽດນາມຍາມໃດກໍ່ປາດຖະໜາຢາກຈະຊ່ວຍກໍ່ສ້າງແຫຼ່ງຊັບພະຍາກອນມະນຸດທີ່ມີຄຸນນະພາບ ປະກອບສ່ວນໃຫ້ແກ່ການພັດທະນາເສດຖະກິດ-ສັງຄົມຂອງລາວ, ທ່ານ ຫງວຽນ ວັນ ຟຸກ ຫວັງວ່າ ສອງຝ່າຍຈະປະສານສົມທົບກັນໃນການຄັດເລືອກ, ບຳລຸງສ້າງພາສາຫວຽດນາມ, ການຄຸ້ມຄອງເພື່ອຍົກສູງຄຸນນະພາບ ການບຳລຸງສ້າງນັກຮຽນລາວ ຢູ່ຫວຽດນາມ ໃຫ້ດີຂື້ນກວ່າເກົ່າ.
ທ່ານ ຫງວຽນ ວັນ ຟຸກ ເນັ້ນໜັກວ່າ: ໃນໄລຍະຕໍ່ໄປ ຝ່າຍຫວຽດນາມ ຈະສືບຕໍ່ເພີ່ມທະວີການ ຊ່ວຍເຫຼືອໜູນຊ່ວຍລາວ ໃນຂົງເຂດການສຶກສາ ແລະ ບຳລຸງສ້າງ, ບໍ່ພຽງແຕ່ສະແດງອອກໃຫ້ເຫັນໃນການໃຫ້ທຶນການສຶກສາ, ການລົງທຶນພື້ນຖານດ້ານວັດຖຸເທົ່ານັ້ນ ແຕ່ຫາກສິ່ງສໍາຄັນກວ່ານັ້ນແມ່ນການໜູນຊ່ວຍໃຫ້ແກ່ຍຸດທະສາດພັດທະນາການສຶກສາຂອງລາວ, ພັດທະນາ ແລະ ເຊື່ອມໂຍງ ກັບປະເທດລາວ ອ້າຍນ້ອງອີກດ້ວຍ.
（ຄຳຮຸ່ງ）
