 |
ຫວຽດນາມ - ລາວ: ເຊັນຂໍ້ຕົກລົງຮ່ວມມືໃນທຸກຂົງເຂດຂໍ້ມູນຂ່າວສານ - ການສື່ສານ
ໃນຂອບເຂດການຢ້ຽມຢາມ ແລະ ເຮັດວຽກຢູ່ລາວໃນລະຫວ່າງແຕ່ວັນທີ 11-13 ມີນາ, ໃນຕອນບ່າຍຂອງວັນທີ 11 ມີນາ, ຢູ່ນະຄອນຫລວງວຽງຈັນ, ທ່ານ ຫງວຽນແມ້ງຮຸ່ງ ລັດຖະມົນຕີກະຊວງຖະແຫລງຂ່າວ ແລະ ສື່ສານຫວຽດນາມ ໄດ້ມີການພົບປະເຈລະຈາກັບ ທ່ານ ບໍ່ແສງຄໍາ ວົງດານາ ລັດຖະມົນຕີກະຊວງຖະແຫລງຂ່າວ - ວັດທະນາທໍາ ແລະ ທ່ອງທ່ຽວ.
ກ່າວຄໍາເຫັນທີ່ການພົບປະເຈລະຈາ, ທ່ານ ຫງວຽນແມ້ງຮຸ່ງ ມີຄວາມປາດຖະໜາວ່າທັງສອງຝ່າຍຈະເພີ່ມທະວີຊຸກຍູ້ການຮ່ວມມືໃນການຄົ້ນຄວ້າຈັດຕັ້ງປະຕິບັດກໍ່ສ້າງສູນເກັບມ້ຽນໜັງສຶພິມເອເລັກໂຕຣນິກ, ນໍາໃຊ້ແຫຼ່ງທຶນ ODA ຂອງລັດຖະບານຫວຽດນາມໃນບັນດາໂຄງການພັດທະນາ, ຍົກສູງຄວາມສາມາດໃຫ້ແກ່ສະຖານີວິທະຍຸໂທລະພາບຂອງລາວຢ່າງມີປະສິດທິຜົນ; ເພີ່ມທະວີການແລກປ່ຽນຄະນະຜູ້ແທນ, ການຝຶກອົບຮົມ ແລະ ການກໍ່ສ້າງແຫຼ່ງຊັບພະຍາກອນມະນຸດໃຫ້ແກ່ຝ່າຍລາວ...
ທ່ານ ຫງວຽນແມ້ງຮຸ່ງ ສະເຫນີວ່າສອງກະຊວງຄວນສືບຕໍ່ຊີ້ນໍາບັນດາອົງການໜັງສຶພິມສື່ສານຂອງສອງປະເທດເພີ່ມທະວີການໂຄສະນາເຜີຍແຜ່ກ່ຽວກັບສະພາບການພັດທະນາເສດຖະກິດ-ສັງຄົມ, ວັດທະນະທໍາ ແລະ ຮູບພາບປະເທດຊາດຂອງແຕ່ລະປະເທດ, ເພື່ອຊ່ວຍໃຫ້ປະຊາຊົນຂອງສອງປະເທດນັບມື້ນັບເຂົ້າໃຈຢ່າງເລິກເຊີ່ງກ່ຽວກັບຄວາມສາມັກຄີພິເສດຂອງຫວຽດນາມ - ລາວ, ລາວ - ຫວຽດນາມ ກວ່າອີກ.
ໃນຕອນທ້າຍຂອງການພົບປະເຈລະຈາ, ລັດຖະມົນຕີທັງສອງໄດ້ເຊັນບົດບັນທຶກຄວາມເຂົ້າໃຈກ່ຽວກັບແຜນການຮ່ວມມືລະຫວ່າງສອງກະຊວງໃນປີ 2019.
（ໄຊພອນ）
