 |
ທ່ານ ກິແກ້ວ ໄຂຄຳພິທູນ ກຳມະການສູນກາງພັກ, ປະທານໂຄສະນາອົບຮົມສູນກາງພັກປະຊາຊົນປະຕິວັດລາວ ຕ້ອນຮັບສະຫາຍບຸ່ຍ ເຈື່ອງ ຢາງ ຮອງປະທານໂຄສະນາສຶກສາ ສູນກາງພັກຄອມມູນິດຫວຽດນາມ. (ພາບ: ສຳນັກຂ່າວຫວຽດນາມ)
ຮອງປະທານໂຄສະນາສູນກາງພັກປະຊາຊົນປະຕິວັດລາ ສີພະເສີດ ແສນສະຫັວດ ກ່າວຕ້ອນຮັບ ແລະ ຕີລາຄາສູງ ຄວາມໝາຍຂອງການມາຢ້ຽມຢາມ ແລະ ເຮັດວຽກຂອງຄະນະຜູ້ແທນ ໂຄສະນາສຶກສາສູນກາງ ພັກຄອມມູນິດຫວຽດນາມ; ຢືນຢັນວ່າການມາຢ້ຽມຢາມຄັ້ງນີ້ ຈະປະກອບສ່ວນສຳຄັນຊ່ວຍເພີ່ມທະວີມູນເຊື້ອສາຍພົວພັນລະຫວ່າງ ສອງປະເທດ ລາວ-ຫວຽດນາມ, ຊ່ວຍຊຸກຍູ້ ແລະ ພູນສ້າງນຳ້ໃຈສາມັກຄີພິເສດ ແລະ ຮ່ວມມືຮອບດ້ານ ລະຫວ່າງ ສອງພັກສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້າລວມ, ລະຫວ່າງ ຄະນະໂຄສະນາອົບຮົມ ລາວ ແລະ ຄະນະໂຄສະນາສຶກສາຫວຽດນາມ ເວົ້າລວມ ນັບມື້ນັບຮັດແໜ້ນຍິ່ງຂື້ນ.
ຕ່າງໜ້າຄະນະ ທ່ານ ບຸ່ຍ ເຈື່ອງ ຢາງ ສະແດງຄວາມຂອບໃຈຢ່າງເລິກເຊິ່ງຕໍ່ ຄະນະໂຄສະນາອົບຮົມສູນກາງພັກ ປຊາຊົນປະຕິວັດລາວ ທີ່ໄດ້ໃຫ້ການຕ້ອນຮັບຄະນະຢ່າງສົມກຽດ, ໄມຕີຈິດ ແລະ ອົບອຸ່ນ ເຊິ່ງເປັນສິ່ງສະແດງໃຫ້ເຫັນເຖິງສາຍພົວພັນໄກ້ສິດ ລະຫວ່າງ ຄະນະໂຄສະນາສູນກາງພັກເວົ້າສະເພາະ, ລະຫວ່າງສອງພັກ, ສອງລັດ ແລະ ປະຊາຊົນ ສອງປະເທດ ຫວຽດນາມ-ລາວເວົ້າລວມ.
 |
ບັນຍາກາດກອງປະຊຸມປຶກສາຫາລືສອງຝ່າຍ.
ທີ່ການເຮັດວຽກ ທັງສອງຝ່າຍໄດ້ແລກປ່ຽນບົດຮຽນຂອງທ່າອ່ຽງ ຂອງໄວໜຸ່ມ ແລະ ເພີ່ມທະວີວຽກງານໂຄສະນາ, ຕໍ່ສູ້ ແລະ ຕ້ານກັບບັນດາທັດສະນະອັນບໍ່ຖືກຕ້ອງ ແລະ ເປັນປໍລະປັກ, ຍິດເບືອນຄວາມຈິງ; ແລກປ່ຽນບາງບັນຫາຂອງເນື້ອໃນ ແລະ ບັນດາມາດຕະການໃນການເພີ່ມທະວີສາຍພົວພັນຂອງສອງຝ່າຍໃນອານາຄົດ, ໃນນັ້ນໄດ້ເນັ້ນໜັກຮຽກຮ້ອງໃນການຍູ້ແຮງການຮ່ວມມືດ້ານການໂຄສະນາສຶກສາ, ຮ່ວມມືດ້ານວິທະຍາສາດເຕັກນິກ, ປະສານສົມທົບໃນວຽກງານກໍ່ສ້າງ, ອົບຮົມພະນັກງານ, ປະສານສົມທົບກັນດ້ານຈັດເກັບເອກກະສານເພື່ອປັບປຸງ ແລະ ເຮັດໃຫ້ມີຄວາມຫຼາກຫຼາຍດ້ານສິ່ງກໍ່ສ້າງທາງປະຫວັດສາດຂອງສາຍພົວພັນພິເສດ ຫວຽດນາມ-ລາວ.
ທີ່ການເຮັດວຽກ ທັງສອງໄດ້ເຫັນດີເປັນເອກກະພາບໃນອານາຄົດຈະເພີ່ມທະວີການຮ່ວມມືຕື່ມ ໃນວຽກງານໂຄສະນາ, ສຶກສາເລິກແລະກວ້າງ ໃນແກ່ພະນັກງານ, ສະມາຊິກພັກ ແລະ ປະຊາຊົນທຸກຂັ້ນ, ໂດຍສະເພາະແມ່ນໄວໜຸ່ມຂອງສອງປະເທດ ກ່ຽວກັບມູນເຊື້ອສາຍພົວພັນອັນຈົບງາມ ລະຫວ່າງ ສອງພັກສອງລັດ ແລະ ປະຊາຊົນ ສອງປະເທດກໍ່ຄືໝາກຜົນຂອງການປ່ຽນແປງໃໝ່ຂອງແຕ່ລະປະເທດ.
（ຫັດທະບູນ）
