ທີ່ກອງປະຊຸມຕອນບ່າຍຂອງວັນທີ 23 ສິງຫາ ທ່ານຮອງນາຍົກ ຟ້າມ່ບິ່ງມິງ ສະແດງຄວາມຍິນດີຕ້ອນຮັບ ຕໍ່ກັບບັນດາໝາກຜົນ ແລະ ບາດກ້າວຂອງການພັດທະນາໃໝ່ຂອງມູນເຊື້ອສາຍພົວພັນມິດຕະພາບ, ຄວາມສາມັກຄີພີເສດ ແລະ ຮ່ວມມືຮອບດ້ານ ຫວຽດນາມ-ລາວ ກໍ່ຄືການພົວພັນຮ່ວມມືຮັດແໜ້ນ ແລະ ນັບມື້ນັບມີປະສິດທິຜົນ ລະຫວ່າງ ສອງກະຊວງ; ເນັ້ນໜັກຄວາມສຳຄັນຂອງກົນໄກ ເສນາທິການ-ການເມືອງຂັ້ນຮອງລັດຖະມົນຕີການຕ່າງປະເທດ; ສະເໜີທັງສອງຝ່າຍແລກປ່ຽນຢ່າງກົງໄປກົງມາ ເຊື່ອໝັ້ນ ເພື່ອປະກອບສ່ວນສິ່ງທີ່ເປັນຈິງເພື່ອນຳສາຍພົວພັນຮ່ວມມືລະຫວ່າງສອງປະເທດສືບຕໍ່ເລິກເຊິ່ງກ່ວາເກົ່າ.
 |
ທ່ານຮອງນາຍົກລັດຖະມົນຕີ ຟ້າມບິ່ງມິງ ແລະ ທ່ານ ຄຳເພົາ ເອິນທະວອນ ຮອງລັດຖະມົນຕີ ກະຊວງການຕ່າງປະເທດ ລາວ. (ພາບ: VGP)
ໂອກາດນີ້ ທ່ານຮອງນາຍົກ ຟ້າມບິ່ງມິງ ສະແດງຄວາມແບ່ງປັນ ແລະ ເຫັນໃຈຢ່າງເລິກເຊິ່ງຕໍ່ກັບຄວາມສູນເສຍອັນຮ້າຍແຮງ ຍ້ອນເຫດການຄູກັ້ນນຳ້ເຂື່ອນພະລັງງານໄຟຟ້າ ແຕກຢູແຂວງ ອັດຕະປື ຂອງ ສປປ ລາວ ໃນເດືອນ ກໍລະກົດ; ເຊື້ອໝັ້ນວ່າລັດຖະບານ ແລະ ປະຊາຊົນລາວ ອ້າຍນ້ອງຈະຜ່ານຜ່າຄວາມຫຍຸ້ງຍາກ ແລະ ປັບປຸງຊີວິດການເປັນຢູ່ເຂດໄພພິບັດ ໃຫ້ກັບສູ່ສະພາບເດີມໄດ້ໂດຍໄວ.
ທ່ານຮອງລັດຖະມົນຕີ ກະຊວງການຕ່າງປະເທດ ຄຳເພົາ ເອິນທະວັນ ຢັ້ງຢືນວ່າ: ບັນດາກົນໄກ ເສນາທິການ ສາມັນ ລະຫວ່າງ ກະຊວງການຕ່າງປະເທດ ແລະ ສຳມະນາ ການເມືອງ ຂັ້ນ ຮອງລັດຖະມົນຕີ ການຕ່າງປະເທດ ໂດຍ ຮອງນາຍົກ ຟ້າມບິ່ງມິງ ເປັນຜູ້ລິເລີ່ມນີ້ຈະປະກອບສ່ວນຢ່າງເປັນຈິງເຂົ້າໃນວຽກງານການປັບປຸງ ເພີ່ມທະວີສາພົວພັນພິເສດ ລະຫວ່າງສອງປະເທດເວົ້າລວມ ແລະ ຮ່ວມມືລະຫວ່າງ ສອງກະຊວງ ເວົ້າສະເພາະ.
 |
ບັນຍາກາດການຕ້ອນຮັບ.(ພາບ: VOV)
ທ່ານຮອງລັດຖະມົນຕີ ກະຊວງການຕ່າງປະເທດ ຄຳເພົາ ເອິນທະວັນ ສະແດງຄວາມຍິນດີນຳຜົນສຳເລັດຂອງ ກອງປະຊຸມການທູດ ຫວຽດນາມ ຄັ້ງທີ 30; ສະແດງຄວາມຂອບອົກຂອບໃຈການຮ່ວມມື ຊ່ວຍເຫຼືອອັນມິປະສິດທິຜົນຂອງກະຊວງການຕ່າງປະເທດ ຫວຽດນາມ ມອບໃຫ້ແກ່ກະຊວງ ການຕ່າງປະເທດ ລາວ ໃນຊຸມປີທີ່ຜ່ານມາ ພິເສດແມ່ນໃນການຊ່ວຍເຫຼືອຍູ້ໜູນ ການກໍ່ສ້າງພະນັກງາານດ້ານວິຊາການ ໃຫ້ແກ່ພະນັກງານໜຸ່ມນ້ອຍກະຊວງການຕ່າງປະເທດ ຂອງລາວ.
（ຫັດທະບູນ）
