ໃນວັນທີ 8 ພຶດສະພາ, ທ່ານ ເລແທ່ງລອງ ລັດຖະມົນຕີ ກະຊວງ ຍຸດຕິທໍາ ໄດ້ຕ້ອນຮັບ ຄະນະຜູ້ແທນຈາກ ກະຊວງຍຸຕິທໍາ ຂອງລາວ ນຳໂດຍທ່ານ ເສີມສຸກ ສິມພະວົງ ຮອງລັດຖະມົນຕີ ໃນໂອກາດມາຢ້ຽມຢາມ ແລະ ເຮັດວຽກຢູ່ຫວຽດນາມ.
ໃນການຕ້ອນຮັບຄັ້ງນີ້, ລັດຖະມົນຕີ ເລແທ່ງລອງ ຕີລາຄາສູງສາຍສຳພັນ ມິດຕິພາບອັນເກົ່າແກ່, ນ້ຳໃຈສາມັກຄິພິເສດ, ການຮ່ວມມືຮອບດ້ານ ລະຫວ່າງຫວຽດນາມ-ລາວ. ໃນສະພາບການທີ່ລັດຖະບານຫວຽດນາມ ແລະ ລັດຖະບານລາວ ໄດ້ເຊັນສັນຍາກ່ຽວກັບການຮ່ວມມືໃນປີ 2018, ໃນນັ້ນມີເນື້ອໃນກ່ຽວການຮ່ວມມືດ້ານກົດຫມາຍ ແລະ ຍຸດຕິທໍາ, ລັດຖະມົນຕີ ເລແທ່ງລອງ ໄດ້ກ່າວວ່າ: ສາຍພົວພັນຮ່ວມມື ດ້ານກົດຫມາຍ ແລະ ຍຸດຕິທຳ ຂອງ ກະຊວງຍຸຕິທໍາ ຂອງສອງປະເທດ ກໍາລັງນັບມື້ນັບມີການພັດທະນາຢ່າງເຂັ້ມແຂງ ບົນເສັ້ນທາງເປັນຮູບປະທຳ , ມີປະສິດທິຜົນ ແລະ ເລິກເຊິ່ງ.
 |
ທ່ານລັດຖະມົນຕີກະຊວງ ຍຸຕິທໍາ ເລແທ່ງລອງ ພົບປະໂອ້ລົມກັບ ຮອງລັດຖະມົນຕີ ກະຊວງຍຸດຕິທຳ ລາວ ທ່ານ ເສີມສຸກ ສິມພະວົງ. (ພາບ: TH)
ທ່ານ ລັດຖະມົນຕີເຊື່ອໝັ້ນ ແລະ ຫວັງເປັນຢ່າງຍິ່ງວ່າໃນອະນາຄົດອັນໃກ້ນີ້, ກະຊວງ ຍຸຕິທໍາຂອງສອງປະເທດ ຫວຽດນາມ-ລາວ ຈະສືບຕໍ່ປະສານງານຢ່າງແໜ້ນແຟ້ນແຟ້ນ ເຜີຍແຜ່ຜົນສຳເລັດ, ເປັນຕົ້ນແມ່ນບັນດາການປະສານງານຮ່ວມມື ຂອງສອງປະເທດໃຫ້ຫຼາຍຂຶ້ນ.
ຜ່ານບັນດາ ກອງປະຊຸມແລກປ່ຽນ, ເຮັດວຽກດ້ານວິຊານການກັບບັນດາຫົວໜ່ວຍທີ່ຂື້ນກັບ ກະຊວງຍຸດຕິທຳ, ຄະນະໄດ້ຖອດຖອນບົດຮຽນທີ່ເປັນປະໂຫຍດເພື່ອຮັບໃຊ້ເຂົ້າໃນການກໍ່ສ້າງ ກົດໝາຍແພ່ງ ແລະ ກົດໜາຍໃນການນຳໃຊ້ກົດໝາຍແພ່ງ ຂອງລາວ, ພິເສດໃນສະພາບການ ກົດໝາຍແພ່ງຄາດວ່າຈະໄດ້ນຳສະເໜີ ສະພາແຫ່ງຊາດໃນເດືອນ ຕູລາ 2018ນີ້.
ຂໍສະແດງຄວາມນັບຖືຮັກແພງມາຍັງທ່ານລັດຖະມົນຕີກະຊວງ ຍຸຕິທໍາ ເລແທ່ງລອງ ທີ່ສະຫຼະເວລາຕ້ອນຮັບ, ຮອງລັດຖະມົນຕີ ກະຊວງຍຸດຕິທຳ ລາວ ທ່ານ ເສີມສຸກ ສິມພະວົງ ຫວັງເປັນຢ່າງຍິ່ງວ່າໃນອານາຄົດມໍ່ໆນີ້ ກະຊວງຍຸດຕິທະຫວຽດນາມ ຈະສືບຕໍ່ແບ່ງປັນບົດຮຽນ, ຊ່ວຍເຫຼືອ ກະຊວງຍຸດຕິທຳ ລາວ. ພ້ອມກັນນີ້ກໍ່ເຊື່ອໝັ້ນວ່າ ຜົນສຳເລັດຂອງການຢ້ຽມຍາມ ແລະ ເຮັດວຽກໃນຄັ້ງນີ້ຈະເປັນຜົນຢ່າງຕັ້ງໜ້າ ເຂົ້າໃນການກໍ່ສ້າງ ແລະ ສຳເລັດ ລະບົບກົດໝາຍ ຂອງລາວ ກໍ່ຄືເສີມຂະຫຍາຍ ເພີ່ມທະວີສາຍສຳພັນມິດຕະພາບແບບພິເສດ ຫວຽດນາມ-ລາວ.
（ຫັດທະບູນ）
