 |
ບັນຍາກາດທີ່ການຕ້ອນຮັບ.(ພາບ:baothuathienhue.vn)
ທີ່ການຕ້ອນຮັບ, ທ່ານ ຫງວຽນ ຢູງ ຮອງປະທານຄະນະກໍາມະການປະຊາຊົນ ແຂວງເທື່ອທຽນ-ເຫ້ວ ໄດ້ຢັ້ງຢືນວ່າ: ວັນບຸນວັດທະນະທໍາ, ກິລາ ແລະ ທ່ອງທ່ຽວບັນດາເຜົ່າສ່ວນໜ້ອຍບັນດາແຂວງຊາຍແດນ ຫວຽດນາມ-ລາວ ບໍພຽງແຕ່ມີຄວາມໝາຍທາງດ້ານການເມືອງ, ວັດທະນະທໍາ, ເຕັມໄປດ້ວຍນໍ້າໃຈສາມັກຄີມິດຕະພາບສອງປະເທດຫວຽດນາມ-ລາວ ເທົ່ານັ້ນ, ຫາກຍັງເປີດໂອກາດຮ່ວມມືພັດທະນາຫຼາຍຢ່າງ ລະຫວ່າງ ບັນດາແຂວງຕິດກັບຊາຍແດນອີກດ້ວຍ, ເປັນຕົ້ນແມ່ນພັດທະນາດ້ານການທ່ອງທ່ຽວ ແລະ ເປີດກວ້າງການແລກປ່ຽນດ້ານການຄ້າໃນອະນາຄົດ.
ສ່ວນ ທ່ານ ຖາວອນ ພົມມະໄລລຸນ ໄດ້ສະແດງຄວາມຂອບອົກຂອບໃຈຄະນະກໍາມະການປະຊາຊົນແຂວງເທື່ອທຽນ-ເຫ້ວ ໄດ້ສ້າງເງື່ອນໄຂດີທີ່ສຸດເພື່ອໃຫ້ຄະນະນໍາແຂວງ ແລະ ນັກສິລະປະກອນ, ນັກສະແດງແຂວງເຊກອງ ທີ່ມາເຂົ້າຮ່ວມວັນບຸນວັດທະນະທໍາ, ກິລາ ແລະ ທ່ອງທ່ຽວບັນດາເຜົ່າສ່ວນໜ້ອຍບັນດາແຂວງຊາຍແດນ ຫວຽດນາມ-ລາວ. ທ່ານ ຖາວອນ ພົມມະໄລລຸນ ມີຄວາມມຸ່ງຫວັງປາດຖະໜາວ່າຄະນະກໍາມະການປະຊາຊົນແຂວງເທື່ອທຽນເຫວ້ ຈະເອົາໃຈໃສ່, ໜູນຊ່ວຍເພື່ອໃຫ້ນັກສຶກສາແຂວງເຊກອງ ທີ່ກໍາລັງສຶກສາຮໍ່າຮຽນ ຢູ່ ເຫ້ວ ມີເງື່ອນໄຂຮໍ່າຮຽນເປັນຢ່າງດີ, ປະກອບສ່ວນຍົກສູງຄຸນນະພາບແຫຼ່ງຊັບພະຍາກອນມະນຸດໃຫ້ແຂວງເຊກອງໃນຕໍ່ໜ້າ.
（ໄຊພອນ）
