 |
ສະຫາຍ ບຸນມາ ບຸຈະເລີນ ອວຍພອນທະຫານຊາຍແດນແຂວງຮ່າຕີ້ງ
ທີ່ການພົບປະ, ຫົວໜ້າຄະນະຜູ້ແທນ ສປປ ລາວ ສອງຄົນ ໄດ້ກ່າວຄໍາອວຍພອນພະນັກງານ, ນັກຮົບທະຫານຊາຍແດນແຂວງຮ່າຕີ້ງ, ພ້ອມກັນນັ້ນກໍ່ສະແດງຄວາມຂອບອົກຂອບໃຈ ແລະ ຕິລາຄາສູງບົດບາດຂອງກໍາລັງທະຫານຊາຍແດນຮ່າຕີ້ງໃນການປະສານສົມທົບກັບກໍາລັງຝ່າຍລາວເພື່ອຮັກສາສິດອະທິປະໄຕຄວາມສະຫງົບເຂດຊາຍແດນ, ຕໍ່ສູ້ກັບບັນດາອາດຊະຍາກໍາຕ່າງໆຢ່າງມີປະສິດທິຜົນ, ໂດຍສະເພາະແມ່ນອາດຊະຍາກໍາເຂົ້າເມືອງຜິດກົດໝາຍ, ຄ້າຂາຍ, ຂົນສົ່ງຢາເສບຕິດ, ອາວຸດ.
ໂດຍສະເພາະ, ທະຫານຊາຍແດນແຂວງຮ່າຕີ້ງທີ່ໄດ້ທີການຊ່ວຍເຫຼືອພໍ່ແມ່ປະຊາຊົນຢູ່ບັນດາບ້ານເຂດຊາຍແດນຂອງລາວໃນການພັດທະນາເສດຖະກິດ, ຫຼຸດຜ່ອນຄວາມທຸກຍາກ, ກວດກາ ແລະ ປົ່ວພະຍາດ, ສ້າງບ້ານມິດຕະພາບ.
 |
ສະຫາຍ ພົມມາ ພັນທະລັງສີ ອວຍພອນທະຫານຊາຍແດນແຂວງຮ່າຕີ້ງ
ຕາງໜ້າໃຫ້ກອງບັນຊາການທະຫານຊາຍແດນຮ່າຕີ້ງ, ພັນໂທ ຫວໍ ຕຽນ ຫງີ້, ຫົວໜ້າບັນຊາການທະຫານຊາຍແດນແຂວງຮ່າຕີ້ງ ໄດ້ສະແດງຄວາມຂອບອົກຂອບໃຈການນໍາຂອງສອງແຂວງ ບໍລິຄໍາໄຊ ແລະ ຄໍາມ່ວນ ທີ່ໄດ້ໃຫ້ການເອົາໃຈໃສ່, ສ້າງເງື່ອນໄຂອັນສະດວກເພື່ອໃຫ້ແກ່ທະຫານຊາຍແດນຮ່າຕີ້ງສາມາດສໍາເລັດໜ້າທີ່ວຽກງານທີ່ໄດ້ມອບໝາຍ.
ພັນໂທ ຫວໍ ຕຽນ ຫງີ້ ໃຫ້ຮູ້ວ່າ ທະຫານຊາຍແດນແຂວງຮ່າຕີ້ງຈະສືບຕໍ່ການຊ່ວຍເຫຼືອພໍ່ແມ່ປະຊາຊົນເຂດຊາຍແດນຂອງລາວໃນການກວດກາ ແລະ ປົ່ວພະຍາດ, ສະໜອງຢາປົ່ວພະຍາດໂດຍບໍ່ເສຍຄ່າ. ເພີ່ມທະວີການປະສານສົມທົບກັບບັນດາກໍາລັງທີ່ກ່ຽວຂ້ອງຂອງສອງແຂວງໃນການແລກປ່ຽນຂໍ້ມູນຂ່າວສານ, ຈັດຕັ້ງການລາດຕະເວນສອງຝ່າຍ, ແກ້ໄຂບັນດາບັນຫາຫຍໍ້ທໍ້ທີ່ເກີດຂຶ້ນຢູ່ເຂດຊາຍແດນຮ່າຕີ້ງ - ບໍລິຄໍາໄຊ, ຮ່າຕີ້ງ - ຄໍາມ່ວນ; ປະສານສົມທົບໃນການຕໍ່ສູ້ກັບບັນດາອາດຊະຍາກໍາຢ່າງມີປະສິດທິຜົນ, ຮັກສາສະຖຽນລະພາບຄວາມປອດໄພດ້ານການເມືອງ, ຄວາມລະບຽບຮຽບຮ້ອຍດ້ານສັງຄົມຢູ່ເຂດຊາຍແດນ, ສ້າງເຂດຊາຍແດນແຫ່ງຄວາມສັນຕະພາບ, ມິດຕະພາບ, ການຮ່ວມມື ແລະ ການພັດທະນາ.
（ໄຊພອນ）
