 |
ທ່ານນາງ ເຈືອງ ຖິ ລົກ - ປະທານສະຫະພັນແມ່ຍິງແຂວງກວ້າງນາມ (ຊ້າຍມື) ມອບເງິນຈຳນວນ 200 ລ້ານດົ່ງ ໃຫ້ການນຳສະມາຄົມແມ່ຍິງແຂວງເຊກອງ.(ພາບ: CTV)
ສະຫະພັນແມ່ຍິງແຂວງກວ້າງນາມ ແລະ ສະຫະພັນແມ່ຍິງແຂວງເຊກອງ ໄດ້ມີກການປະຊຸມປຶກສາຫາລື, ແລກປ່ຽນກ່ຽວກັບໝາກຜົນຂອງການຈັດຕັ້ງປະຕິບັດບັນດາຂໍ້ຕົກລົງສັນຍາຂອງການຮ່ວມມື ລະຫວ່າງ ສອງອົງການຈັດຕັ້ງ ໃນໄລຍະ 2014 - 2019 ແລະ ປຶກສາຫາລື ແລະ ເປັນເອກະພາບກັນໃນບັນດາເນື້ອໃນຂອງການຮ່ວມມື ໄລຍະ 2019 - 2029.
ຕາມບົດບັນທຶກຊ່ວຍຈຳທີ່ໄດ້ຮັບການເຊັນລົງນາມກັນແລ້ວ, ສະຫະພັນແມ່ຍິງແຂວງກວ້າງນາມ ແລະ ສະຫະພັນແມ່ຍິງແຂວງເຊກອງ ໄດ້ເຫັນດີເປັນເອກະພາບຕໍ່ເນື້ອໃນສຳຄັນຈຳນວນໜຶ່ງທີ່ຈະປະຕິບັດໃນໄລຍະປີ 2019-2029. ໃນນັ້ນມີເນື້ອໃນຊີ້ນຳສະມາຄົມແມ່ຍິງຂັ້ນແຂວງແຕ່ລະຂັ້ນ, ຊຸກຍູ້ສົ່ງເສີມການໂຄສະນາ, ການສຶກສາ ເພື່ອຮັກສາ ແລະ ພັດທະນາສາຍພົວພັນມິດຕະພາບ, ຄວາມສາມັກຄີພິເສດ ລະຫວ່າງ ສອງປະເທດ, ສອງແຂວງ ແລະ ສອງສະມາຄົມ.
ພ້ອມກັນນັ້ນ, ກໍ່ຊີ້ນຳຂັ້ນສະມາຄົມ ຢູ້ໃນບັນດາເຂດຊາຍແດນ ຂອງເມືອງ ເຕີຍຢາງ, ນາມ ຢາງ (ແຂວງກວ້າງນາມ), ເມືອງ ກະລືມ, ດັກຈຶງ (ແຂວງເຊກອງ) ເພື່ອເພີ່ມທະວີການເຄື່ອນໄຫວແລກປ່ຽນ ແລະ ແຮກສ່ຽວຜ່ານຊາຍແດນ; ຈັດຕັ້ງປະຕິບັດຢ່າງເຂັ້ມງວດ ບັນດາສົນທິສັນຍາ ກ່ຽວກັບກົດລະບຽບຊາຍແດນຫວຽດນາມ - ລາວ, ບໍ່ອົບພະຍົບໂດຍເສລີ ແລະ ແຕ່ງດອງໂດຍບໍ່ໄດ້ຮັບອະນຸຍາດ; ປະສານສົມທົບ ເພື່ອສະໜອງຂໍ້ມູນຂ່າວສານ, ສະໜັບສະໜູນອຳນາດການປົກຄອງເຂດຊາຍແດນ ແລະ ປົກປັກຮັກສາຊາຍແດນລະຫວ່າງສອງແຂວງ; ປ້ອງກັນ ແລະ ສະກັດກັ້ນການຄ້າມະນຸດ, ໂດຍສະເພາະການຄ້າແມ່ຍິງ ແລະ ເດັກນ້ອຍ…ນອກຈາກນັ້ນ, ສະຫະພັນແມ່ຍິງແຂວງກວ້າງນາມ ຈັດຕັ້ງການລະດົມບັນດາພະນັກງານ, ສະມາຊິກແມ່ຍິງພາຍໃນແຂວງ ແລະ ບັນດາແຫລ່ງອື່ນໆເພື່ອສະໜັບສະໜູນ ແລະ ຊ່ວຍເຫລືອແມ່ຍິງ ແລະ ເດັກນ້ອຍ ທີ່ປະສົບກັບຄວາມຫຍຸ້ງຍາກໃນແຂວງເຊກອງ.
 |
ສະຫະພັນແມ່ຍິງແຂວງເຊກອງຕ້ອນຮັບຄະນະຜູ້ແທນສະຫະພັນແມ່ຍິງແຂວງກວ້າງນາມ ມາຢ້ຽມຢາມແລະເຮັດວຽກ ຢູ່ແຂວງເຊກອງ.(ພາບ: CTV)
ຮູ້ວ່າ, ໃນສົກປີ 2014 - 2019, ສະຫະພັນແມ່ຍິງແຂວງກວ້າງນາມ ໄດ້ຈັດຕັ້ງປະຕິບັດວຽກງານສະໜັບສະໜູນ ແລະຊ່ວຍເຫລືອ ແຂວງເຊກອງ ທີ່ມີມູນຄ່າທັງໝົດ ເກືອບ 600 ລ້ານດົ່ງ, ໃນນັ້ນມີ: ການສະໜັບສະໜູນ ເງິນ 350 ລ້ານດົງເພື່ອກໍ່ສ້າງເຮືອນມິດຕະພາບ(ເຮືອນເອື້ອອາທອນ)ຈຳນວນ 7 ຫຼັງ ໃຫ້ແມ່ຍິງຜູ້ທຸກຍາກ; ຊ່ວຍເຫຼືອເງິນຈຳນວນ 120 ລ້ານດົ່ງ ເພື່ອກໍ່ສ້າງເຮືອນເອື້ອອາທອນ ໃຫ້ ແມ່ ຮິມ (ເມືອງ ລະມານ) - ຜູ້ທີ່ມີຄຸນງາມຄວາມດີໃນການເບິ່ງແຍງ, ລ້ຽງດູທະຫານອາສາສະໝັກຊາວຫວຽດນາມ; ມອບຄອມພິວເຕີ ໂນ໋ດບຸກ 3 ໜ່ວຍ, ມອບຂອງຂັວນຈຳນວນ 40 ຊຸດ ໃຫ້ສະມາຄົມແມ່ຍິງແຂວງເຊກອງ ແລະ 40 ຊຸດ ໃຫ້ນັກຮຽນລາວ ຢູ່ແຂວງກວ້າງນາມ.
ເນື່ອງໃນໂອກາດນີ້, ສະຫະພັນແມ່ຍິງແຂວງກວ້າງນາມໄດ້ມອບເງິນ ຈຳນວນ 200 ລ້ານດົ່ງ ເພື່ອສະໜັບສະໜູນການກໍ່ສ້າງເຮືອນມິດຕະພາບໃຫ້ແມ່ຍິງຜູ້ທຸກຍາກຢູ່ແຂວງເຊກອງ.
（ຫັດທະບູນ）
