 | ສະມາຄົມມິດຕະພາບ 10 ແຫ່ງເຂົ້າຮ່ວມງານມະໂຫລານານທຳນອງມິດຕະພາບແຂວງ ດົ່ງນາຍ ປີ 2024 |
| ພິທີເປີດມອບ-ຮັບໂຄງການກໍ່ສ້າງ ຫ້ອງການ ປກສ ເມືອງ ດາກຈຶງ (ລາວ) |
| ເຂດດ່ານຊາຍແດນສາກົນ ນາມຢາງ. |
ສືບຕໍ່ມູນເຊື້ອຄວາມສາມັກຄີ
ຫວນຄືນຕົ້ນປີ 2024, ເຂດຊາຍແດນອາກາດໜາວເຢັນ, ຝົນຕົກແກ່ຍາວ, ແຕ່ຜ່ານຜ່າເສັ້ນທາງໂນນເນີນກວ່າ 40 ກິໂລແມັດ, ໃນອາກາດທີ່ໜາວເຢັນ, ມີໝອກ, ທ່ານ ສອນເພັດ ຢູ່ບ້ານ ດາກຕາອອກໃຫຍ່, ເມືອງ ດາກຈຶງ, ແຂວງ ເຊກອງ (ລາວ) ພ້ອມດ້ວຍຍາດພີ່ນ້ອງ ແລະ ໝູ່ເພື່ອນ 4 ຄົນ ໄດ້ໄປດ່ານຊາຍແດນສາກົນ ນາມຢາງ ເພື່ອປະຕິບັດຂັ້ນຕອນການເຂົ້າເມືອງ ເພື່ອຈະໄດ້ໄປພົບປະກັບຍາດຕິພີ່ນ້ອງ ແລະ ຄົນຮູ້ຈັກຢູ່ຕາແສງ ດັກໂຕ່ຍ, ເມືອງ ນາມຢາງ ໂດຍໄວ.
ຕາມທ່ານ ອາລັງມິນ - ຮອງປະທານຄະນະກຳມະການປະຊາຊົນຕາແສງ ດັກໂຕ່ຍ ແລ້ວ, ນັບແຕ່ສອງບ້ານຍັງບໍ່ທັນແຮກສ່ຽວ, ປະຊາຊົນຢູ່ເຂດຊາຍແດນຂອງສອງປະເທດກໍ່ໄດ້ໄປຢ້ຽມຢາມເຊິ່ງກັນ ແລະ ກັນແລ້ວ; ວັດທະນະທຳນີ້ມີມາແຕ່ດົນນານ ແລະ ປະຈຸບັນຍັງມີການເຊື່ອມຕໍ່ຢ່າງແໜ້ນແຟ້ນກວ່າອີກ. ປະຊາຊົນຢູ່ຊາຍແດນຟາກນັ້ນໄດ້ນຳກະພາ, ຟືນໄມ້ແປກ, ອາຫານ, ເຄື່ອງປຸງຕ່າງໆເຊັ່ນ: ໝາກພິກໄທ, ເບີລວາ, ຜົງສົ້ມມາຢາມພີ່ນ້ອງ. ເບື້ອງ ຫວຽດນາມ ກໍ່ແບ່ງປັນເຂົ້າ ແລະ ເຄື່ອງໃຊ້ປະຈຳວັນເພື່ອໜູນຊ່ວຍເຊິ່ງກັນ ແລະ ກັນ”.
 |
| ທ່ານ ສອນເພັດ ແລະຄອບຄົວ ໄດ້ຜ່ານຂັ້ນຕອນການເຂົ້າເມືອງຢູ່ເຂດດ່ານຊາຍແດນ. |
ໂດຍສືບຕໍ່ມູນເຊື້ອອັນດີງາມລະຫວ່າງໝູ່ບ້ານ ແລະ ບ້ານແຮກສ່ຽວ, ໃນເດືອນ ເມສາ ປີ 2024, ເນື່ອງໃນໂອກາດບຸນປີໃໝ່ລາວ, ການນຳຕາແສງ ດັກໂຕ່ຍ ແລະ ເຈີຈູນ ໄດ້ໄປຢ້ຽມຢາມເພື່ອອວຍພອນບຸນປີໃໝ່ ຢູ່ບັນດາບ້ານຄື ດາກຕາອອກໃຫຍ່, ດາກໂດມ, ດາກດຽງ, ຄອນຢ້ອງ ເຊິ່ງແມ່ນໝູ່ບ້ານທີ່ແຮກສ່ຽວກັບຕາແສງ ດັກໂຕ່ຍ ແລະ ຕາແສງ ເຈີຈູນ.
ທ່ານ ໂບລ ເຈືອງ, ປະທານຄະນະກຳມະການປະຊາຊົນຕາແສງ ດັກໂຕ່ຍ ແບ່ງປັນວ່າ: ຄຽງຂ້າງການຈັດຕັ້ງບັນດາກິດຈະກຳກິລາບານສົ່ງມິດຕະພາບ ແລະ ພາເຂົ້າສາມັກຄີຢູ່ໝູ່ບ້ານ ດາກຕາອອກໃຫຍ່ ແລ້ວ, ຕາແສງຍັງມອບນ້ຳມັນເກືອບ 80 ລິດ, ເກືອ 80 ກິໂລ, ແປ້ງນົວ 80 ຫໍ່ ແລະ ຂອງຂວັນອື່ນໆອີກຫລາຍຢ່າງ.
 |
| ຕາແສງ ດັກໂຕ່ຍ ມອບຂອງຂວັນໃຫ້ປະຊາຊົນບ້ານ ດາກຕາອອກໃຫຍ່, ເມືອງ ດາກຈຶງ ເນື່ອງໃນໂອກາດບຸນປີໃໝ່ລາວ. |
ດ້ວຍບັນດາການເຄື່ອນໄຫວທີ່ມີຄວາມໝາຍ, ໄດ້ເສີມສ້າງຄວາມສາມັກຄີແບບພິເສດລະຫວ່າງ 2 ທ້ອງຖິ່ນໃນຊຸມປີທີ່ຜ່ານມາ. ເລຂາພັກເມືອງດາກຈຶງ - ສະຫາຍ ເພັງນາ ຈັນທະພອນ ປາດຖະໜາຢາກສືບຕໍ່ສົມທົບກັນຢ່າງແໜ້ນແຟ້ນໃນການປະຕິບັດສັນຍາວ່າດ້ວຍລະບຽບການຊາຍແດນລະຫວ່າງສອງປະເທດ, ພ້ອມທັງເພີ່ມທະວີການພົວພັນ, ແລກປ່ຽນຂໍ້ມູນຂ່າວສານກ່ຽວກັບວຽກງານປ້ອງກັນຊາດ - ປ້ອງກັນຄວາມສະຫງົບ; ການລາດຕະເວນປ້ອງກັນຊາຍແດນລະຫວ່າງກຳລັງຂອງສອງເມືອງ.
 |
| ເມືອງ ນາມຢາງ ແລະ ເມືອງດາກຈຶງ ລົງນາມໃນບົດບັນທຶກຊ່ວຍຈຳໄລຍະ ປີ 2022-2025. |
ເພິ່ມທະວີການພົວພັນຮ່ວມມື
ດ້ວຍເສັ້ນຊາຍແດນຍາວກວ່າ 90,3 ກິໂລແມັດ, ມີ 3 ຊົນເຜົ່າອ້າຍນ້ອງຄື: ເກີຕູ້, ແວ, ຕະຣຽງ ມີສາຍພົວພັນເປັນພີ່ນ້ອງກັນມາແຕ່ດົນນານ, ໄດ້ຮັບຖືວ່າແມ່ນຈຸດລວມທີ່ສຸດຂອງເມືອງ ນາມຢາງ ແລະ ເມືອງ ດາກຈຶງ.
ແຕ່ປີ 2021, ການພົວພັນຕ່າງປະເທດລະຫວ່າງສອງທ້ອງຖິ່ນຈະສືບຕໍ່ໄດ້ຮັບການເພີ່ມທະວີ, ຄະນະກຳມະການປະຊາຊົນແຂວງ ນາມຢາງ ໄດ້ຈັດຕັ້ງການມອບເຂົ້າສານ 40 ໂຕນ ໃຫ້ປະຊາຊົນເມືອງ ດາກຈຶງ ເພື່ອປ້ອງກັນ ແລະ ຕ້ານການແຜ່ລະບາດຂອງພະຍາດໂຄວິດ-19 ເນື່ອງໃນໂອກາດປະກາດເປີດຄູ່ດ່ານຊາຍແດນສາກົນ ນາມຢາງ - ດາກຕາອອກ.
ທ່ານ ອາວຽດເຊີນ, ປະທານຄະນະກຳມະການປະຊາຊົນເມືອງ ໃຫ້ຮູ້ວ່າ: “ໂດຍປະຕິບັດບົດບັນທຶກຊ່ວຍຈຳກ່ຽວກັບບັນດາເນື້ອໃນການຮ່ວມມືພັດທະນາ, ໃນຊຸມປີຜ່ານມາ, ພວກຂ້າພະເຈົ້າໄດ້ສືບຕໍ່ໜູນຊ່ວຍ ແລະ ຈັດຕັ້ງການມອບອຸປະກອນການແພດ, ເຂົ້າສານ ແລະ ສິ່ງຈຳເປັນອື່ນໆໃຫ້ເມືອງ ດາກຈຶງ ໃນການປ້ອງກັນ ແລະ ຕ້ານການແຜ່ລະບາດຂອງພະຍາດໂຄວິດ-19 ດ້ວຍຍອດມູນຄ່າ 480 ລ້ານດົ່ງ ຈາກງົບປະມານຂອງເມືອງ”.
“ແຕ່ລະປີ, 2 ເມືອງ ໄດ້ຈັດຕັ້ງບັນດາຄະນະປະຕິບັດງານ ແລະ ພົບປະແລກປ່ຽນ ເນື່ອງໃນໂອກາດບຸນປີໃໝ່ທີ່ເປັນມູນເຊື້ອຂອງ 2 ປະເທດ ແລະ ບັນດາເຫດການສໍາຄັນພິເສດ, ສືບຕໍ່ຮັກສາບັນດາກອງປະຊຸມແຕ່ລະປີລະຫວ່າງ 2 ເມືອງ ເພື່ອແນໃສ່ຮັດແໜ້ນຄວາມສາມັກຄີ, ຄວາມສະໜິດແໜ້ນລະຫວ່າງ 2 ເມືອງ ເວົ້າລວມ ແລະ ແຮກສ່ຽວລະຫວ່າງ 8 ກຸ່ມບ້ານ/ເມືອງ ດາກຈຶງ ແລະ ບັນດາບ້ານ ແລະ ຕາແສງຊາຍແດນຂອງເມືອງ ນາມຢາງ.
ໃນໄລຍະ ປີ 2022-2023, ພວກຂ້າພະເຈົ້າສືບຕໍ່ໜູນຊ່ວຍໃຫ້ເມືອງ ດາກຈຶງ ພັດທະນາການຜະລິດ ດ້ວຍຍອດຈຳນວນເງິນຊ່ວຍເຫຼືອ 200 ລ້ານດົ່ງ/ປີ, ສະເພາະ ປີ 2023, ເມືອງໄດ້ຈັດຕັ້ງຄະນະປະຕິບັດງານໄປຍັງເມືອງ ດາກຈຶງ ເພື່ອເພີ່ມທະວີການພົວພັນລະຫວ່າງສອງເມືອງ ແລະ ໜູນຊ່ວຍເຂົ້າສານ 50 ໂຕນ ດ້ວຍມູນຄ່າ 1 ຕື້ດົ່ງໃຫ້ເມືອງຂອງເພື່ອນຕື່ມອີກ. ຍອດງົບປະມານຂອງເມືອງໄດ້ໃຊ້ຈ່າຍເຂົ້າໃນການເຄື່ອນໄຫວວຽກງານການຕ່າງປະເທດໃນໄລຍະນີ້ແມ່ນກວ່າ 5 ຕື້ດົ່ງ” - ທ່ານ ເຊີນ ກ່າວ.
 |
| ສະຫາຍ ເລວັນເຮື່ີອງ (ຊ້າຍ) ເລຂາພັກເມືອງ ນາມຢາງ ມອບຂອງຂວັນໃຫ້ ສະຫາຍ ເລຂາພັກເມືອງ ດາກຈຶງ ເພັງນາ ຈັນທະພອນ ເນື່ອງໃນໂອກາດບຸນປີໃໝ່ລາວ. |
ຕາມ ສະຫາຍ ເລວັນເຮື່ອງ, ເລຂາພັກເມືອງ ນາມຢາງ ແລ້ວ, ໃນຊຸມປີຜ່ານມາ, ຄະນະພັກ, ອຳນາດການປົກຄອງ ແລະ ປະຊາຊົນ 2 ເມືອງ ຍາມໃດກໍ່ຮັກສາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ພັກ, ລັດ ແລະ ປະຊາຊົນ ຫວຽດນາມ - ລາວ, ລາວ - ຫວຽດນາມ ເວົ້າລວມ ແລະ ສາຍພົວພັນຂອງ 2 ເມືອງ ນາມຢາງ - ດາກຈຶງ ເວົ້າສະເພາະ ຍາມໃດກໍ່ໄດ້ຮັບຄວາມນັບຖືຢ່າງສູງ ແລະ ເສີມສ້າງໃຫ້ນັບມື້ນັບແໜ້ນແຟ້ນຕະຫຼອດໄປ.
 | ສະເຫຼີມສະຫຼອງວັນປົດປ່ອຍນະຄອນຫຼວງຄົບຮອບ 69 ປີ (10 ຕຸລາ 1954 - 10 ຕຸລາ 2023): ເປີດງານວາງສະແດງ "ເມືອງເກົ່າ ຖະໜົນເກົ່າ" ຍສໝ - ຕອນເຊົ້າວັນທີ 6 ຕຸລາ, ສູນສຳເນົາແຫ່ງຊາດ I - ກົມສຳເນົາໜັງສືເອກະສານແຫ່ງລັດ ສົມທົບກັບສູນອະນຸລັກຮັກສາມໍລະດົກທັງລອງ - ຮ່າໂນ້ຍ ຈັດຕັ້ງງານວາງສະແດງ “ເມືອງເກົ່າ ຖະໜົນເກົ່າ” ເພື່ອສະເຫຼີມສະຫຼອງ 69 ປີແຫ່ງວັນປົດປ່ອຍນະຄອນຫຼວງ (10 ຕຸລາ 1954 - 10 ຕຸລາ 2023). |
 | ພົນເອກ ຫວໍ ງວຽນ ຢາບ ຜ່ານການຍອມຮັບຂອງນາຍພົນຝ່າຍຕາເວັນຕົກ ຍສໝ - ດ້ວຍການປະກອບສ່ວນ ແລະ ໄຊຊະນະໃນປະຫວັດສາດແຫ່ງການຕໍ່ສູ້ປົດປ່ອຍຊົນເຜົ່າ, ເອກະພາບປະເທດຊາດ, ທ່ານພົນເອກ, ຜູ້ບັນຊາການ ຫວໍ ງວຽນ ຢາບ ບໍ່ພຽງແຕ່ໄດ້ຮັບຄວາມຮັກແພງ ແລະ ຄວາມຊົມເຊີຍ ຈາກປະຊາຊົນໃນທົ່ວປະເທດ ແລະ ເພື່ອນມິດສາກົນເທົ່ານັ້ນ ແຕ່ຍັງໄດ້ເປັນທີ່ຍອມຮັບຈາກຫຼາຍນາຍພົນຝ່າຍກົງກັນຂ້າມ. ນັ້ນແມ່ນສິ່ງທີ່ຫາຍາກ. |
ມິງດຶກ (ແປຕາມ baoquangnam.vn)
