ວັນທີ 23 ຕຸລາ, ຢູ່ກອງພັນຝຶກແອບ-ເຄື່ອນທີ່, ກອງບັນຊາການທະຫານຊາຍແດນແຂວງກວາງນາມ (ຫວຽດນາມ) ໄດ້ຈັດພິທີປິດຊຸດຝຶກອົບຮົມວຽກງານປ້ອງກັນຊາຍແດນໃຫ້ແກ່ພະນັກງານຂອງກໍາລັງປ້ອງກັນຊາຍແດນ ສັງກັດກອງບັນຊາການທະຫານແຂວງເຊກອງ, ປະເທດລາວ.
ພາຍຫຼັງຝຶກອົບຮົມມາເປັນເວລາ 20 ວັນ, ບັນດາພະນັກງານຂອງລາວ ໄດ້ສຳເລັດຕາມຫຼັກສູດການຝຶກອົບຮົມດ້ວຍເນື້ອໃນດ້ານການເມືອງ ແລະ ການທະຫານ; ວິຊາສະເພາະວຽກງານຄຸ້ມຄອງ ແລະປ້ອງກັນຊາຍແດນ.
 |
| ທ່ານພັນເອກພິເສດ ຟານວັນທິ ມອບໃບຍ້ອງຍໍໃຫ້ແກ່ບັນດາພະນັກງານຂອງລາວ ທີ່ເຂົ້າຮ່ວມຊຸດຝຶກອົບຮົມ. ພາບ: baoquangnam.vn |
ທ່ານພັນເອກພິເສດ ຟານວັນທິ, ຮອງຜູ້ບັນຊາການ, ຫົວໜ້າເສນາທິການກອງບັນຊາການທະຫານຊາຍແດນແຂວງກວາງນາມ ຫວັງວ່າ ພາຍຫຼັງກັບຄືນກົມກອງ, ບັນດາພະນັກງານກຳລັງປ້ອງກັນຊາຍແດນແຂວງເຊກອງ ຈະສືບຕໍ່ສົມທົບກັບກຳລັງປ້ອງກັນຊາຍແດນແຂວງກວາງນາມ ແກ້ໄຂບັນຫາທີ່ເກີດຂຶ້ນໃນຂະນະທີ່ປະຕິບັດໜ້າທີ່ວຽກງານ; ປະກອບສ່ວນຮັກສາສາຍພົວພັນມິດຕະພາບ, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ-ລາວ ເວົ້າລວມ ແລະກອງບັນຊາການທະຫານຊາຍແດນແຂວງກວາງນາມ ແລະກອງບັນຊາການທະຫານແຂວງເຊກອງ ເວົ້າສະເພາະ.
ໃນໂອກາດນີ້, ກອງບັນຊາການທະຫານຊາຍແດນແຂວງກວາງນາມ ໄດ້ມອບໃບຍ້ອງຍໍໃຫ້ແກ່ພະນັກງານຂອງລາວ ທີ່ສໍາເລັດຫຼັກສູດຂອງການຝຶກອົບຮົມດ້ວຜົນງານທີ່ດີເລີດ 4 ຄົນ .
ບູນມີ
