 | ວິສາຫະກິດແຂວງຮ່າຕິ້ງ ໜູນຊ່ວຍລາວ ຮັບປະກັນຊີວິດສັງຄົມ |
| ແຂວງຮ່າຕິ້ງ ຮ່ວມມືພັດທະນາຂົງເຂດດ້ານແຮງງານ, ວຽກເຮັດງານທໍາ ແລະຮັບປະກັນຊີວິດສັງຄົມ ກັບແຂວງບໍລິຄໍາໄຊ ສປປ ລາວ |
 |
| ທ່ານ ຫງວຽນວັນຫຽບ, ຜູ້ອໍານວຍການບໍລິສັດ ປຸງແຕ່ງແປ້ງມັນຕົ້ນ ເຊໂປນ ຈໍາກັດ, ແຂວງສະຫວັນນະເຂດ, ຕອບສໍາພາດ. ພາບ: ຊວນຕູ - ນັກຂ່າວ ສຳນັກຂ່າວສານ ຫວຽດນາມ ປະຈໍາ ລາວ |
ຕາມນັກຂ່າວສຳນັກຂ່າວສານຫວຽດນາມ ຢູ່ ລາວ, ບັນດາເລື່ອງຂອງຄົນງານ ແລະ ອຳນາດການປົກຄອງທ້ອງຖິ່ນຢູ່ທີ່ນີ້ ແມ່ນຫຼັກຖານທີ່ແນ່ນອນຂອງຮູບແບບການລົງທຶນ “ສອງໃນໜຶ່ງ”, ທັງພັດທະນາທຸລະກິດ ແລະ ທັງດູແລເຖິງການຮັບປະກັນຊີວິດສັງຄົມທີ່ວິສາຫະກິດ ຫວຽດນາມ ພວມຜັນຂະຫຍາຍຢູ່ລາວ.
ນາງ ທິບພະໄກສອນ ໄຊສັນກອນ ພະນັກງານເຮັດວຽກຢູ່ບໍລິສັດຈໍາກັດຜູ້ດຽວ ປຸງແຕ່ງແປ້ງມັນຕົ້ນ ເຊໂປນ ແບ່ງປັນວ່າ: ແຕ່ກ່ອນ, ລາວເຄີຍເຮັດວຽກຢູ່ອົງການຂອງລັດມາຫຼາຍປີ ແຕ່ເງິນເດືອນບໍ່ພຽງພໍເພື່ອຊຳລະຄ່າຄອງຊີບ. ຫຼັງຈາກນັ້ນ, ລາວຕັດສິນໃຈຍ້າຍໄປເຮັດວຽກຢູ່ບໍລິສັດໜຶ່ງ ແລະ ຮອດປະຈຸບັນໄດ້ເຮັດວຽກເກືອບ 4 ດ້ວຍລະດັບເງິນເດືອນທີ່ໝັ້ນຄົງ, ມີປະກັນໄພ ແລະ ລະບອບພັກເຈັບທີ່ສົມເຫດສົມຜົນ.
ສິ່ງທີ່ເຮັດໃຫ້ນາງ ທິບພະໄກສອນ ພໍໃຈທີ່ສຸດນັ້ນ ບໍ່ພຽງແຕ່ແມ່ນລາຍຮັບທີ່ໝັ້ນຄົງເທົ່ານັ້ນ, ແຕ່ຍັງມີຄວາມສົນໃຈຢ່າງແທດຈິງຂອງວິສາຫະກິດຕໍ່ຊຸມຊົນອີກດ້ວຍ. ບໍລິສັດບໍ່ພຽງແຕ່ຈ້າງຄົນງານທ້ອງຖິ່ນເທົ່ານັ້ນ ແຕ່ຍັງສະໜັບສະໜູນຊາວກະສິກອນໃນການພັດທະນາການປູກມັນຕົ້ນ, ເປັນພືດຫຼັກຂອງເມືອງເຊໂປນ.
ເລື່ອງຂອງທ້າວ ນາຍ ໄຊຍະສອນ, ກຳມະກອນອີກຄົນໜຶ່ງຢູ່ບໍລິສັດ, ຍັງສະແດງໃຫ້ເຫັນເຖິງຜົນກະທົບຢ່າງຈະແຈ້ງຈາກການລົງທຶນຂອງວິສາຫະກິດຫວຽດນາມ. ທ້າວ ນາຍກ່າວວ່າ, ແຕ່ກ່ອນ, ລາວເຮັດວຽກຢູ່ໄຮ່ນາ, ມີຊີວິດການເປັນຢູ່ທີ່ທຸກຍາກ, ບໍ່ມີໂອກາດໄດ້ຮ່ຳຮຽນ. ຕັ້ງແຕ່ເຮັດວຽກຢູ່ບໍລິສັດມາ, ຊີວິດການເປັນຢູ່ຂອງລາວ ແລະ ຄອບຄົວກໍ່ມີການປ່ຽນແປງຢ່າງສິ້ນເຊີງ, ມີເງິນເດືອນທີ່ໝັ້ນຄົງດ້ວຍລາຍຮັບ 7-8 ລ້ານກີບ/ເດືອນ (ປະມານ 324-370 ໂດລາ/ເດືອນ) ແລະ ສະໜັບສະໜູນເງິນເຂົ້າບ້ານ, ໄດ້ຈ່າຍປະກັນໄພ...
ທ່ານ ນາຍ ກ່າວຕື່ມວ່າ ສິ່ງທີ່ເຮັດໃຫ້ລາວມີຄວາມອຸ່ນອ່ຽນໃຈທີ່ສຸດແມ່ນຄວາມຍຸຕິທັມໃນການເຮັດວຽກ, ໃຜເຮັດວຽກຫຼາຍເຊິ່ງໄດ້ຫຼາຍກວ່າ. ເມື່ອເຈັບປ່ວຍ, ຍັງໄດ້ຮັບເງິນເດືອນ, ພັກຮ້ອນກໍ່ມີກົດລະບຽບທີ່ຊັດເຈນ. ນັ້ນເຮັດໃຫ້ລາວຮູ້ສຶກສະບາຍໃຈຫຼາຍ ແລະ ພູມໃຈທີ່ໄດ້ເປັນສ່ວນໜຶ່ງຂອງບໍລິສັດ.
ແບ່ງປັນກັບນັກຂ່າວ ສຳນັກຂ່າວສານຫວຽດນາມ ປະຈໍາ ລາວ, ທ່ານ ຫງວຽນວັນຫຽບ, ຜູ້ອໍານວຍການບໍລິສັດ ບໍລິສັດຈໍາກັດຜູ້ດຽວ ປຸງແຕ່ງແປ້ງມັນຕົ້ນ ເມືອງ ເຊໂປນ ແຂວງ ສະຫວັນນະເຂດ ໃຫ້ຮູ້ວ່າ ນັບແຕ່ປີ 2012 ເປັນຕົ້ນມາ, ບໍລິສັດໄດ້ກໍານົດເປົ້າໝາຍບໍ່ພຽງແຕ່ການຜະລິດດຳເນີນທຸລະກິດ ຫາກຍັງປະກອບສ່ວນຢ່າງຕັ້ງໜ້າເຂົ້າໃນວຽກງານຮັບປະກັນຊິວີດສັງຄົມຢູ່ທ້ອງຖິ່ນອີກດ້ວຍ.
 |
| ທ່ານ ສົມບັດ ອິສະທະວົງ ຮອງເຈົ້າເມືອງເຊໂປນ ແຂວງ ສະຫວັນນະເຂດ ໄດ້ແບ່ງປັນກ່ຽວກັບບົດບາດ ແລະ ການປະກອບສ່ວນຂອງບໍລິສັດຫວຽດນາມ ທີ່ມີຕໍ່ທ້ອງຖິ່ນ. ພາບ: ຊວນທູ - ນັກຂ່າວ ສຳນັກຂາວສານ ຫວຽດນາມ ປະຈໍາ ລາວ |
ຕາມທ່ານ ສົມບັດ ອິສະທະວົງ ຮອງເຈົ້າເມືອງເຊໂປນ ແຂວງສະຫວັນນະເຂດ ໃຫ້ຮູ້ວ່າ: ເມືອງເຊໂປນ ເປັນເຂດພູດອຍທີ່ປະສົບກັບຄວາມຫຍຸ້ງຍາກຫຼາຍດ້ານ, ປະຊາຊົນສ່ວນຫຼາຍແມ່ນເຮັດໄຮ່ເຮັດນາ ແລະ ລ້ຽງສັດ. ການມີໜ້າຂອງບັນດາບໍລິສັດ ຫວຽດນາມ ເຊັ່ນ ປຸງແຕ່ງແປ້ງມັນຕົ້ນ ແລະ ປູກຢາງພາລາ ໄດ້ປະກອບສ່ວນຢ່າງໃຫຍ່ຫຼວງເຂົ້າໃນການຍົກສູງຊີວິດການເປັນຢູ່ຂອງປະຊາຊົນ, ສ້າງລາຍຮັບເພີ່ມເຕີມ ແລະ ເປີດກາລະໂອກາດຫຼຸດພົ້ນອອກຈາກຄວາມທຸກຍາກໃຫ້ປະຊົນ.
ສາມາດເວົ້າໄດ້ວ່າ ຮູບແບບການລົງທຶນຂອງວິສາຫະກິດຫວຽດນາມ ຢູ່ລາວ, ພິເສດ ຢູ່ເມືອງເຊໂປນ, ແຂວງສະຫວັນນະເຂດ ແມ່ນຕົວຢ່າງທີ່ ພົ້ນເດັ່ນຂອງການສົມທົບກັນຢ່າງກົມກຽວລະຫວ່າງຜົນປະໂຫຍດທາງທຸລະກິດ ແລະຄວາມຮັບຜິດຊອບທາງສັງຄົມ. ບໍ່ພຽງແຕ່ນຳມາເຊິ່ງປະສິດທິຜົນດ້ານເສດຖະກິດເທົ່ານັ້ນ, ບັນດາວິສາຫະກິດຍັງຕັ້ງໜ້າເຂົ້າຮ່ວມການໜູນຊ່ວຍພັດທະນາກະສິກຳ, ປັບປຸງຊີວິດການເປັນຢູ່ຂອງປະຊາຊົນ ແລະ ປະກອບສ່ວນເຂົ້າໃນບັນດາການເຄື່ອນໄຫວຂອງຊຸມຊົນ.
ແບ່ງປັນກ່ຽວກັບບົດບາດຂອງບັນດາວິສາຫະກິດ ຫວຽດນາມ, ທ່ານ ທະນົງໄທ ສຸກຄໍາທັນ, ຫົວໜ້າຄະນະຄຸ້ມຄອງເຂດພິເສດເສດຖະກິດ ແຂວງສະຫວັນນະເຂດ ຢືນຢັນວ່າ ບັນດາວິສາຫະກິດຫວຽດນາມ ລົງທຶນຢູ່ລາວ ມີບົດບາດສໍາຄັນຫຼາຍ, ປະກອບສ່ວນພັດທະນາເສດຖະກິດ - ສັງຄົມ, ພິເສດແມ່ນບັນດາຂົງເຂດປະສົບກັບຄວາມຫຍຸ້ງຍາກຫຼາຍຢ່າງ. ທ່ານກ່າວຕື່ມວ່າ ບັນດາວິສາຫະກິດ ຫວຽດນາມ ນຳເອົາບັນດາເຕັກນິກ, ເຕັກໂນໂລຢີທີ່ທັນສະໄໝ, ສ້າງວຽກເຮັດງານທຳຫຼາຍຢ່າງໃຫ້ປະຊາຊົນທ້ອງຖິ່ນ.
ໃນສະພາບການທີ່ສາຍພົວພັນມິດຕະພາບຫວຽດນາມ - ລາວ ສືບຕໍ່ໄດ້ຮັບການຊຸກຍູ້ໃນຫຼາຍຂົງເຂດ, ການປະກົດຕົວຂອງບັນດາວິສາຫະກິດຫວຽດນາມ ຢູ່ລາວ ໄດ້ສະແດງໃຫ້ເຫັນທ່າອ່ຽງການຮ່ວມມືລົງທຶນຕິດພັນກັບບັນດາການເຄື່ອນໄຫວພັດທະນາປະຊາຄົມ. ແທນທີ່ຈະມຸ່ງໄປເຖິງເປົ້າໝາຍການດຳເນີນທຸລະກິດຢ່າງດຽວ, ຫຼາຍວິສາຫະກິດໄດ້ເລືອກວິທີການເຂົ້າເຖິງກັບທ້ອງຖິ່ນຫຼາຍກວ່າເກົ່າໂດຍຜ່ານການສ້າງວຽກເຮັດງານທຳ, ໜູນຊ່ວຍການຜະລິດກະສິກຳ ແລະ ເຂົ້າຮ່ວມບັນດາໂຄງການສັງຄົມ.
 | ຮັບປະກັນຊີວິດສັງຄົມ, ເພີ່ມທະວີພະລັງຄວາມສາມາດ, ສ້າງໂອກາດໃຫ້ແກ່ແມ່ຍິງ ແລະ ເດັກຍິງ ຍສໝ - ຫວ່າງແລ້ວນີ້, ຢູ່ແຂວງ ບາເຣ້ຍ - ຫວຸງເຕົ່າ, ກະຊວງແຮງງານ, ທະຫານເສຍອົງຄະ ແລະ ສັງຄົມ ສົມທົບກັບຄະນະກຳມະການປະຊາຊົນແຂວງ ບາເຣ້ຍ - ຫວຸງເຕົ່າ, ອົງການສະຫະປະຊາຊາດ ເພື່ອຄວາມສະເໝີພາບລະຫວ່າງຍິງຊາຍ ແລະ ມອບສິດທິໃຫ້ແກ່ແມ່ຍິງ (UN WOMEN) ໄດ້ຈັດພິທີປຸກລະດົມເດືອນການກະທຳແຫ່ງຊາດເພື່ອຄວາມສະເໝີພາບລະຫວ່າງຍິງ-ຊາຍ ປີ 2022. |
 | ເພີ່ມທະວີການຮ່ວມມືກັບສະຫະປະຊາຊາດປະຈຳ ຫວຽດນາມ ກ່ຽວກັບການຮັບປະກັນຊີວິດສັງຄົມ ຍສໝ - ທ່ານນາງ Pauline Tamesis ໃຫ້ຄຳໝັ້ນສັນຍາວ່າ ສະຫະປະຊາຊາດຍາມໃດກໍ່ພ້ອມທີ່ຈະໜູນຊ່ວຍ ແລະ ຮ່ວມເດີນທາງກັບກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ເພື່ອແບ່ງປັນບົດຮຽນໃນການຮັບປະກັນຊີວິດສັງຄົມ. |
ແທັງຮັ່ງ
