| ການເສັງສຳລັບນັກຂ່າວ “ການນຳສະເໜີຂ່າວ ກ່ຽວກັບຄວາມຮຸນແຮງຕໍ່ແມ່ຍິງ ແລະ ເດັກຍິງ” | |
| ລັດຖະບານ ລາວ ແລະ UNFPA ທົບທວນແຜນປະຈຳປີ 2020 ວາງບຸລິມະສິດສຳລັບແມ່ຍິງ, ເດັກຍິງ ແລະ ໄວໜຸ່ມ ໃນປີ 2021 |
ພິທີປຸກລະດົມ ທີ່ມີຫົວຂໍ້ “ຮັບປະກັນຄວາມປອດໄພທາງສັງຄົມ, ເພີ່ມທະວີພະລັງຄວາມສາມາດ ແລະ ສ້າງໂອກາດໃຫ້ແມ່ຍິງ ແລະ ເດັກຍິງ ແນໃສ່ປະຕິບັດຄວາມສະເໝີພາບທາງເພດ ແລະ ລົບລ້າງການໃຊ້ຄວາມຮຸນແຮງລະຫວ່າງຍິງຊາຍ”. ເຫດການໄດ້ດຶງດູດການເຂົ້າຮ່ວມຂອງຜູ້ແທນ 650 ຄົນ.
ກ່າວຄຳເຫັນທີ່ພິທີເປີດ, ທ່ານນາງ ຫງວຽນທິຮ່າ, ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ, ຮອງປະທານຄະນະກຳມະການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ຫວຽດນາມ ຖືວ່າ ນີ້ແມ່ນປີທີ 7 ທີ່ຫວຽດນາມ ປະຕິບັດ ເດືອນການກະທຳແຫ່ງຊາດເພື່ອຄວາມສະເໝີພາບລະຫວ່າງຍິງ-ຊາຍ.
 |
| ຮັບປະກັນຊີວິດສັງຄົມ, ເພີ່ມທະວີພະລັງຄວາມສາມາດ, ສ້າງໂອກາດໃຫ້ແກ່ແມ່ຍິງ ແລະ ເດັກຍິງ |
ການເລືອກເຟັ້ນຫົວຂໍ້ທີ່ໄດ້ກ່າວມາໃນເດືອນການກະທຳປີນີ້ ໄດ້ຢືນຢັນບຸລິມະສິດ ແລະ ຄຳໝັ້ນສັນຍາຂອງຫວຽດນາມ ໃນການຮັບປະກັນຊີວິດສັງຄົມ ແລະ ສິດສະເໝີພາບຂອງທຸກຄົນ, ຊຸກຍູ້ຄວາມສະເໝີພາບລະຫວ່າງຍິງຊາຍຢ່າງແທ້ຈິງ.
ທ່ານນາງ ຫງວຽນທິຮ່າ ສະເໜີໃຫ້ບັນດາຂັ້ນ, ຂະແໜງການ, ທ້ອງຖິ່ນສຸມໃສ່ວຽກງານສື່ສານ ເພື່ອຍົກສູງຄວາມຮັບຮູ້ຂອງບັນດາສຳນັກງານ, ອົງການຈັດຕັ້ງ, ປະຊາຊົນກ່ຽວກັບຄວາມສະເໝີພາບລະຫວ່າງຍິງ-ຊາຍ; ເປັນເຈົ້າການໃຫ້ຄຳໝັ້ນສັນຍາ ແລະ ມີການກະທຳທີ່ະອຽດ ແລະ ແທດຈິງ ເພື່ອສ້າງສັງຄົມທີ່ສະເໝີພາບ, ບໍ່ມີການໃຊ້ຄວາມຮຸນແຮງ ແລະ ການກໍ່ທຳຮ້າຍແມ່ຍິງ ແລະ ເດັກນ້ອຍ.
 |
| ຮັບປະກັນຊີວິດສັງຄົມ, ເພີ່ມທະວີພະລັງຄວາມສາມາດ, ສ້າງໂອກາດໃຫ້ແກ່ແມ່ຍິງ ແລະ ເດັກຍິງ |
ທ່ານນາງ Elisa Fernandez Saenz, ຫົວໜ້າຜູ້ຕາງໜ້າ UN WOMEN ປະຈຳ ຫວຽດນາມ ໃຫ້ຮູ້ວ່າ: ເຫດການນີ້ແມ່ນເພື່ອຢັ້ງຢືນຄືນຄຳໝັ້ນສັນຍາຂອງ ຫວຽດນາມ ໃນການຊຸກຍູ້ຄວາມສະເໝີພາບລະຫວ່າງຍິງ - ຊາຍ ແລະ ລົບລ້າງທຸກຮູບການຈຳແນກການປະພຶດ ແລະ ຄວາມຮຸນແຮງບົນພື້ນຖານຍິງ - ຊາຍຂອງຫວຽດນາມ.
 |
“ການເຄື່ອນໄຫວໃນເດືອນການກະທຳແຫ່ງຊາດ ຄວນຊຸກຍູ້ການປ່ຽນແປງບັນດາມາດຕະຖານສັງຄົມ. ພວກເຮົາຕ້ອງພັດທະນາວັດທະນະທໍາຂອງການເຄົາລົບ ແລະ ຄວາມສະເຫມີພາບຂອງທຸກເພດໃນທຸກສະພາບການ: ຢູ່ໃນຄອບຄົວ, ໂຮງຮຽນ, ບ່ອນເຮັດວຽກ, ໃນທີ່ສາທາລະນະ, ກະທັ້ງໃນເຄືຍຂ່າຍອິນເຕີເນັດ”, ທ່ານນາງ Elisa Fernandez Saenz ເນັ້ນຫນັກ.
ກ່າວຄຳເຫັນທີ່ພິທີ, ທ່ານ ດັ້ງມິງທົງ, ຮອງປະທານຄະນະກຳມະການປະຊາຊົນແຂວງ, ຫົວໜ້າຄະນະເພື່ອຄວາມກ້າວໜ້າຂອງແມ່ຍິງແຂວງ ບ່າເຣ້ຍ - ຫວູງເຕົ່າ ຮຽກຮ້ອງໃຫ້ມີການໃຫ້ຄຳໝັ້ນສັນຍາ ແລະ ເຂົ້າຮ່ວມຈາກບັນດາອົງການ, ໝູ່ຄະນະ, ອຳນາດການປົກຄອງທຸກຂັ້ນ, ບັນດາອົງການຈັດຕັ້ງສັງຄົມ, ຜູ້ອຸປະຖຳ, ອົງການສາກົນ, ອົງການສື່ມວນຊົນ, ປະຊາຄົມຢູ່ໃນບໍລິເວນແຂວງ ສືບຕໍ່ປະຕິບັດມາດຕະການປ້ອງກັນ ແລະ ຢຸດຕິການໃຊ້ຄວາມຮຸນແຮງບົນພຶ້ນຖານດ້ານເພດໃຫ້ຫຼາຍກວ່າອີກ. ພິເສດ, ທຸກຄົນຕ້ອງປະກອບສ່ວນສຽວເວົ້າລວມຢ່າງຕັ້ງໜ້າຕໍ່ການກະທຳໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ, ປະກອບສ່ວນກໍ່ສ້າງສັງຄົມທີ່ມີຄວາມສີວິໄລ, ກ້າວໜ້າ, ສະເໝີພາບ ແລະ ພັດທະນາຢ່າງຍືນຍົງ.
 |
ຢູ່ນອກພິທີປຸກລະດົມ ໄດ້ມີບັນດາການເຄື່ອນໄຫວທີ່ຟົດຟື້ນ ຄື: ນັກຮຽນ 100 ຄົນຂອງໂຮງຮຽນມັດທະຍົມຕອນຕົ້ນ ຫວູງເຕົ່າ ໄດ້ເຕັ້ນ Flashmob ດ້ວຍຫົວຂໍ້ວ່າ “ຢ່າໃຊ້ຄວາມຮຸນແຮງ”; ແຫ່ຂະບວນໂຄສະນາເພື່ອຕອບສະໜອງເດືອນການກະທຳເພື່ອຄວາມສະເໝີພາບລະຫວ່າງຍິງ - ຊາຍ ຢູ່ຖະໜົນກວາງຈູງ, ເຈື່ອງກົງດິ່ງ, ເລຮົ່ງຟອງ ແລະ ຖະໜົນບາກູ.
ຄຳຮຸ່ງ
