 | ບານເຕະ - ຂົວເຊື່ອມຕໍ່ເພີ່ມທະວີການຮ່ວມມືສື່ມວນຊົນລະຫວ່າງ ຫວຽດນາມ ແລະ ໄທ |
| ສະເຫຼີມສະຫຼອງບຸນປີໃໝ່ລາວ, ກຳປູເຈຍ, ມຽນມາ ແລະ ໄທ ຢູ່ນະຄອນໂຮ່ຈີມິນ |
ໂຄງການດັ່ງກ່າວແມ່ນສ່ວນໜຶ່ງຂອງບັນດາການເຄື່ອນໄຫວອາສາສະໝັກ “ທຳຄວາມດີຈາກໃຈ” - ຂໍ້ລິເລີ່ມຢ່າງແທດຈິງເພື່ອປຸກລະດົມຈິດໃຈແບ່ງປັນໃນປະຊາຄົມ ແລະ ປະກອບສ່ວນເພີ່ມທະວີການພົວພັນມິດຕະພາບ ຫວຽດນາມ - ໄທ, ມຸ່ງໄປເຖິງສະເຫຼີມສະຫຼອງ 49 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ (6 ສິງຫາ 1976 – 6 ສິງຫາ 2025).
ເຫດການມີການເຂົ້າຮ່ວມຂອງຜູ້ຕາງໜ້າບັນດາອົງການຄື: ກົມການຕ່າງປະເທດນະຄອນ ໂຮ່ຈິມິນ, ຄະນະກຳມະການສູນກາງແນວຮມປະເທດຊາດ ຫວຽດນາມ ນະຄອນ ໂຮ່ຈີມິນ, ສະພາກາແດງຫວຽດນາມ, ຄະນະຊາວໜຸ່ມນະຄອນໂຮ່ຈິມິນ, ສະຫະພັນບັນດາອົງການມິດຕະພາບນະຄອນໂຮ່ຈິມິນ, ນະຄອນໂຮ່ຈິມິນ, ສະມາຄົມມິດຕະພາບ ຫວຽດນາມ - ອາຊຽນນະຄອນໂຮ່ຈິມິນ, ສະມາຄົມມິດຕະພາບ ຫວຽດນາມ - ໄທ ພ້ອມກັບຫ້ອງການການຄ້າ ແລະ ອຸດສາຫະກຳ ໄທ ປະຈຳ ຫວຽດນາມ.
 |
| ທ່ານນາງ Wiraka Moodhitaporn, ກົງສຸນໃຫຍ່ປະເທດໄທ ປະຈຳ ນະຄອນ ໂຮ່ຈີມິນ ໄດ້ມອບເຄື່ອງຜະລິດອົກຊີແຊນ ແລະ ຈຳນວນເງິນເກືອບ 19 ລ້ານດົ່ງໃຫ້ແກ່ສະພາກາແດງ ຫວຽດນາມ ຢູ່ນະຄອນ ໂຮ່ຈີມິນ ແລະ ໂຄງການເດີນທາງແດງ. (ພາບ: ສຳນັກຂ່າວສານ ຫວຽດນາມ). |
ຕາມສຳນັກຂ່າວສານ ຫວຽດນາມ, ທີ່ລາຍການ, ທ່ານນາງ Wiraka Moodhitaporn, ກົງສຸນໃຫຍ່ໄທ ປະຈຳນະຄອນ ໂຮ່ຈີມິນ ກ່າວຄຳປາໄສວ່າ: “ການເຄື່ອນໄຫວໃນວັນນີ້ ແມ່ນຫຼັກຖານພະຍານໃຫ້ສາຍພົວພັນມິດຕະພາບຢ່າງແໜ້ນແຟ້ນລະຫວ່າງ ໄທ ແລະ ຫວຽດນາມ - ບໍ່ພຽງແຕ່ຢູ່ຂັ້ນລັດຖະບານເທົ່ານັ້ນ ຫາກຍັງຢູ່ຂັ້ນປະຊາຄົມອີກດ້ວຍ. ຈິດໃຈມະນຸດສະທຳ ແລະ ຈິດໃຈຮ່ວມມືລະຫວ່າງປະຊາຊົນສອງປະເທດຈະສືບຕໍ່ເປັນພື້ນຖານອັນໜັກແໜ້ນໃຫ້ແກ່ສາຍພົວພັນຄູ່ຮ່ວມມືຍຸດທະສາດລະຫວ່າງສອງປະເທດ”.
ເນື່ອງໃນໂອກາດນີ້, ສະຖານກົງສູນໃຫຍ່ໄທ ຍັງໄດ້ມອບເຄື່ອງຜະລິດອົກຊີແຊນ ແລະ ເກືອບ 19 ລ້ານດົ່ງໃຫ້ສະພາກາແດງ ນະຄອນໂຮ່ຈິມິນ ແລະ ລາຍການເດີນທາງແດງ ເພື່ອໜູນຊ່ວຍການເຄື່ອນໄຫວອາສາສະໝັກໃນຊຸມຊົນ.
ຕາມທ່ານ ຫງວຽນຕ໋ວນເຂີຍ, ຮອງຫົວໜ້າຄະນະຈັດຕັ້ງລາຍການເດີນທາງແດງສູນກາງແລ້ວ, ຂະບວນການບໍລິຈາກເລືອດຄັ້ງນີ້ໄດ້ດຳເນີນໃນຈຸດເວລາທີ່ຫຼາຍທ້ອງຖິ່ນພວມຂາດແຫຼ່ງເລືອດຢ່າງໜັກໜ່ວງເພື່ອຮັບໃຊ້ໃນການສຸກເສີນ ແລະ ປິ່ນປົວພະຍາດ, ໄດ້ສະແດງໃຫ້ເຫັນວ່າ ການໜູນຊ່ວຍຈາກຝ່າຍຊຸມຊົນສາກົນແມ່ນມີຄຸນຄ່າ ແລະ ທັນການ.
ຜູ້ບໍລິຈາກເລືອດໄດ້ຮັບການດູແລການແພດ ແລະ ຮັບຂອງຂວັນຈາກສະພາກາແດງຫວຽດນາມ ພ້ອມກັບບັນດາວິສາຫະກິດໄທ ແລະ ຫວຽດນາມ.
 |
| ໂຄງການກຸສົນ “ທຳດີຈາກໃຈ” ໄດ້ດຶງດູດການເຂົ້າຮ່ວມຂອງປະຊາຄົມຊາວໄທ ແລະ ຫວຽດນາມ ເປັນຈຳນວນຫຼວງຫຼາຍ. (ພາບ: ສຳນັກຂ່າວສານ ຫວຽດນາມ). |
ການເຄື່ອນໄຫວບໍລິຈາກເລືອດມະນຸດສະທຳແມ່ນສ່ວນໜຶ່ງຂອງບັນດາລາຍການ “ທຳຄວາມດີຈາກໃຈ” ໄດ້ຈັດຂຶ້ນປະຈຳປີ, ເພື່ອແນໃສ່ສ້າງໂອກາດໃຫ້ປະຊາຄົມຊາວໄທ ຢູ່ນະຄອນໂຮ່ຈິມິນ ພ້ອມກັບຊາວຫວຽດນາມ ຮ່ວມມືເຜີຍແຜ່ບັນດາການກະທຳທີ່ດີ, ຜ່ານນັ້ນ ປະກອບສ່ວນເພີ່ມພູນຄູນສ້າງນ້ຳໃຈມິດຕະພາບລະຫວ່າງສອງປະເທດ.
 | ອົງການຜູ້ຕາງໜ້າ ຫວຽດນາມ ປະຈຳ ມຽນມາ ແລະ ໄທ ຕິດຕາມສະພາບການຂອງພົນລະເມືອງຢູ່ເຂດແຜ່ນດິນໄຫວຢ່າງໃກ້ຊິດ ຍສໝ - ຕອນບ່າຍວັນທີ 28 ມີນານ, ເກີດເຫດແຜ່ນດິນໄຫວມີຄວາມແຮງ 7,7 ຣິກເຕີຢູ່ພາກກາງມຽນມາ, ເຮັດໃຫ້ປະຊາຊົນຫຼາຍຄົນໄດ້ຮັບບາດເຈັບ ແລະ ເຮັດໃຫ້ບັນດາກິດຈະການກໍ່ສ້າງຫຼາຍແຫ່ງຢູ່ມຽນມາ ແລະ ໄທ ຖືກຄວາມເສຍຫາຍ. |
 | ຊາວໜຸ່ມທຸກຄົນແມ່ນທູດແຫ່ງສັນຕິພາບ, ເປັນຂົວຕໍ່ສ້າງນ້ຳໃຈມິດຕະພາບ. ຍສໝ - ນີ້ແມ່ນຂໍ້ຄວາມແບ່ງປັນໂດຍທ່ານ ດົ່ງຮຸຍເກື່ອງ, ຮອງປະທານສະຫະພັນບັນດາອົງການມິດຕະພາບ ຫວຽດນາມ (VUFO) ກັບບັນດາຜູ້ແທນທີ່ເຂົ້າຮ່ວມການໂອ້ລົມສົນທະນາທາງອອນໄລດ້ວຍຫົວຂໍ້ “ແບ່ງປັນມໍລະດົກ, ມຸ່ງໄປເຖິງອະນາຄົດ” ລະຫວ່າງຊາວໜຸ່ມ, ນັກສຶກສາອາເມລິກາ ແລະ ຊາວໜຸ່ ຫວຽດນາມ, ລາວ, ກຳປູເຈຍ ແລະ ໄທ ໄດ້ດຳເນີນໃນວັນທີ 28 ມີນາ. |
ແທັງຮັ່ງ
