 | ໂຄສະນາບັນດາຜະລິດຕະພັນຫວຽດນາມ ຢູ່ງານຕະຫຼາດນັດສາກົນ ອາຫານ - ວັດທະນະທຳຢູ່ ບຣາຊິນ |
| ທ່ານປະທານປະເທດ ເລືອງເກື່ອງ ພົບປະເຈລະຈາກັບທ່ານ ປະທານາທິບໍດີ ບຣາຊິນ |
ບັນດາການເຄື່ອນໄຫວທາງການທູດລະດັບສູງ ພ້ອມກັບເອກະສານຮ່ວມມືຫຼາຍສະບັບທີ່ໄດ້ລົງນາມໃນບັນດາຂົງເຂດ: ກະສິກຳ, ເຕັກໂນໂລຊີສູງ, ກິລາ, ວັດທະນະທຳ, ຮັບມືປ່ຽນແປງຂອງດິນຟ້າອາກາດ... ໄດ້ສະແດງໃຫ້ເຫັນບາດກ້າວພັດທະນາໃໝ່ໃນການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ.
ປະຈຸບັນ, ບຣາຊິນ ແມ່ນຄູ່ຮ່ວມມືການຄ້າໃຫຍ່ທີ່ສຸດຂອງຫວຽດນາມ ຢູ່ອາເມລິກາລາຕິນ, ດ້ວຍວົງເງິນການຄ້າສອງຝ່າຍບັນລຸກວ່າ 8 ຕື້ USD ໃນປີ 2024, ພວມມຸ່ງໄປເຖິງ 10 ຕື້ USD ໃນປີນີ້ ແລະ ຄາດໝາຍໄດ້ 15 ຕື້ USD ໃນປີ 2030. ສອງປະເທດພວມຊຸກຍູ້ການຮ່ວມມືໃນຫຼາຍຂົງເຂດທີ່ມີທ່າ ແຮງ ແລະ ຄວາມຕ້ອງການລວມຄື: ກະສິກຳ, ພະລັງງານ, ວິທະຍາສາດ ແລະ ເຕັກໂນໂລຊີ, ວັດທະນະທຳ, ການປົກປັກຮັກສາສິ່ງແວດລ້ອມ ແລະ ຮັບມືກັບການປ່ຽນແປງຂອງດິນຟ້າອາກາດ. ນີ້ແມ່ນເສົາຄ້ຳສຳຄັນຂອງແຜນການເຄື່ອນໄຫວປະຕິບັດ ຄູ່ຮ່ວມມືຍຸດທະສາດໄລຍະ 2025-2030, ພ້ອມກັນນັ້ນ ແມ່ນໂອກາດເພື່ອໃຫ້ 2 ປະເທດແລກປ່ຽນບັນດາທິດທາງໃຫຍ່ເພື່ອຊຸກຍູ້ການຄ້າ, ການລົງທຶນ, ປະຕິບັດຍຸດທະສາດຫັນຕະຫຼາດຢ່າງຫຼາກຫຼາຍ, ຜະລິດຕະພັນ ແລະ ຕ່ອງໂສ້ການສະໜອງໃນສະພາບການຜັນແປຂອງພື້ນຖານເສດຖະກິດໃນໂລກ.
ນັບແຕ່ວັນສ້າງຕັ້ງການພົວພັນທາງການທູດເມື່ອວັນທີ 8 ພຶດສະພາ 1989, ການພົວພັນລະຫວ່າງ ຫວຽດນາມ - ບຣາຊິນ ໄດ້ມີບາດກ້າວກ້າວຢ່າງໃຫຍ່ຫຼວງ. ຖ້າຫາກວ່າໃນຕົ້ນຊຸມປີ 2000, ການພົວພັນດ້ານການເມືອງຫາກໍ່ໄດ້ຮັບການພັດທະນາ, ແລ້ວພາຍຫຼັງແມ່ນບັນດາການຢ້ຽມຢາມລະດັບສູງ, ພ້ອມກັບການເຕີບໂຕດ້ານເສດຖະກິດທີ່ພົ້ນເດັ່ນຄື: ວົງເງິນການຄ້າຈາກຫຼາຍສິບລ້ານ USD ໄດ້ບັນລຸເຖິງ 10 ຕື້ USD. ຜົນສຳເລັດດັ່ງກ່າວແມ່ນໝາກຜົນຂອງທັງການພົວພັນທາງການເມືອງ, ການທູດເສດຖະກິດ ແລະ ການທູດປະຊາຊົນ.
 |
| ພິທີເປີດຕົວວັດຈະນານຸກົມ ປອກຕຸຍການ - ຫວຽດນາມ ໂດຍສະມາຄົມມິດຕະພາບ ແລະ ການຮ່ວມມື ຫວຽດນາມ - ບຣາຊິນ ເປັນຜູ້ຮັບຜິດຊອບຈັດຕັ້ງ ໃນ ວັນທີ 6 ກັນຍາ 2023. (ພາບ: ທູຮ່າ) |
ໃນ 15 ປີແຫ່ງນັບແຕ່ການສ້າງຕັ້ງ (2010), ສະມາຄົມມິດຕະພາບ ແລະ ການຮ່ວມມື ຫວຽດນາມ - ບຣາຊິນ ໄດ້ຈັດຕັ້ງຄະນະຜູ້ແທນວິສາຫະກິດ ຫວຽດນາມ ໄປຍັງ ບຣາຊິນ ເປັນຈຳນວນຫຼວງຫຼາຍ ເພື່ອເຊື່ອມຕໍ່ກັບບັນດາຄູ່ຮ່ວມມືຢູ່ປະຈຳຖິ່ນ; ສົມທົບກັນຕ້ອນຮັບຄະນະຜູ້ແທນມາຢ້ຽມຢາມຫວຽດນາມ; ເພີ່ມທະວີການພົວພັນກັບສະມາຄົມມິດຕະພາບ ບຣາຊິນ - ຫວຽດນາມ, ສູນສັນຕິພາບ ແລະ ຄວາມສາມັກຄີ ບຣາຊິນ ແລະ ກຸ່ມຜູ້ແທນມິດຕະພາບ ບຣາຊິນ - ຫວຽດນາມ.
ຈາກບັນດາການເຄື່ອນໄຫວຕົວຈິງ ແລະ ດ້ວຍກ່ວາ 20 ປີແຫ່ງການຕິດຕາມກວດກາການພົວພັນ ຫວຽດນາມ - ບຣາຊິນ, ຂ້າພະເຈົ້າຢາກສະເໜີບາງຂໍ້ສະເໜີແນະເພື່ອຊຸກຍູ້ບົດບາດຂອງສະມາຄົມກ່ວາອີກໃນໄລຍະຈະມາເຖິງ:
ກ່ອນອື່ນໝົດ, ສະມາຄົມຕ້ອງຍູ້ແຮງວຽກງານຖະແຫຼງຂ່າວ, ໂຄສະນາກ່ຽວກັບປະເທດຊາດ, ປະຊາຊົນ ແລະ ຄວາມສາມາດບົ່ມຊ້ອນຮ່ວມມືລະຫວ່າງ 2 ປະເທດ, ພິເສດແມ່ນໃນຂົງເຂດເສດຖະກິດ, ການຄ້າ, ວັດທະນະທຳ, ກິລາ, ວິທະຍາສາດ - ເຕັກໂນໂລຢີ.
ທີສອງ, ປັບປຸງອົງການຈັດຕັ້ງ ແລະ ຍົກສູງປະສິດທິພາບຂອງການດໍາເນີນງານ, ໂດຍສະເພາະແມ່ນຄະນະເລຂາຂອງສະມາຄົມ, ສະໂມສອນທຸລະກິດ, ແລະ ສະໂມສອນຂອງຜູ້ທີ່ໄດ້ເຮັດວຽກ ຫຼື ຮ່ຳຮຽນໃນບຣາຊິນ. ສະມາຄົມຕ້ອງຍູ້ແຮງການເຊື່ອມຕໍ່ກັບບັນດາຄູ່ຮ່ວມມື, ເພື່ອນມິດຊາວ ບຣາຊິນ, ສະມາຄົມຊາວຫວຽດນາມ ອາໄສຢູ່ ບຣາຊິນ, ແລະ ປະຊາຄົມຊາວ ບຣາຊິນ ອາໄສຢູ່ ຫວຽດນາມ.
ທີສາມ, ເພີ່ມທະວີການສົມທົບກັບບັນດາອົງການຂອງຫວຽດນາມ ເຊັ່ນ: ກະຊວງການຕ່າງປະເທດ, ກະຊວງອຸດສາຫະກຳ ແລະ ການຄ້າ, ບັນດາວິສາຫະກິດຂອງ 2 ປະເທດ; ຮັກສາການພົວພັນຢ່າງແໜ້ນແຟ້ນກັບສະຖານທູດຫວຽດນາມ ປະຈຳ ບຣາຊິນ ແລະ ສະຖານທູດ ບຣາຊິນປະຈຳ ຫວຽດນາມ.
ທີສີ່, ລະດົມບັນດາແຫຼ່ງທຶນຢ່າງຕັ້ງໜ້າເພື່ອຮັບປະກັນການດຳເນີນງານຂອງສະມາຄົມໄດ້ຮັບການຮັກສາຢ່າງໝັ້ນຄົງ ແລະ ຄ່ອງຕົວ.
ທີຫ້າ, ຕັ້ງໜ້າຊຸກຍູ້ການເຄື່ອນໄຫວຮໍ່າຮຽນພາສາປອກຕຸຍການ ຢູ່ຫວຽດນາມ ແລະ ພາສາຫວຽດນາມ ຢູ່ບຣາຊິນ - ເປັນພື້ນຖານອັນສຳຄັນໃນການເປີດກວ້າງການແລກປ່ຽນວັດທະນະທຳ, ການສຶກສາ ແລະ ການທູດປະຊາຊົນ.
 |
| ພິທີເປີດສະຫຼອງສະໂມສອນຊາວຫວຽດນາມທີ່ໄປເຮັດວຽກ/ຮ່ຳຮຽນຢູ່ ບຣາຊິນ ໃນປີ 2019. (ພາບ: ສະມາຄົມມິດຕະພາບ ແລະ ການຮ່ວມມື ຫວຽດນາມ - ບຣາຊິນ) |
ກ່າວຄຳປາໄສທີ່ເວທີເສດຖະກິດຫວຽດນາມ - ບຣາຊິນ (29 ມີນາ 2025), ທ່ານນາຍົກລັດຖະມົນຕີ ຟ້າມມິງຈິງ ເນັ້ນໜັກວ່າ: ການພົວພັນລະຫວ່າງ 2 ປະເທດ ໄດ້ຮ່ວມຕົວ 5 ຈຸດຄ້າຍຄືກັນ, ເພີ່ມເຕີມທີ່ມີລັກສະນະເປັນເຈົ້າພາທາງ. ນັ້ນແມ່ນ ມີອຸດົມການ ແລະ ຄວາມເຊື່ອໃຈທີ່ຄ້າຍຄືກັນ; ມີສີສັນວັດທະນະທຳທີ່ໃກ້ຊິດ, ພິເສດແມ່ນນ້ຳໃຈຮັກຊາດ, ເຄົາລົບນັບຖືເພື່ອນມິດ, ຄວາມສັດຊື່, ແລະ ການພັດທະນາມຸ່ງໄປເຖິງປະຊາຊົນ; ມີພື້ນຖານເສດຖະກິດຊ່ວຍຊູກັນ ແລະ ຊຸກຍູ້ເຊິ່ງກັນ ແລະ ກັນ, ທ່າແຂງຂອງປະເທດນີ້ແມ່ນຄວາມຕ້ອງການຂອງປະເທດນັ້ນ; ມີຄວາມຮັກແພງອົບອຸ່ນ ແລະ ຈິງໃຈ; ມີຄວາມມຸ່ງມາດປາຖະໜາອັນດຽວກັນໃນການຕໍ່ສູ້ກັບຄວາມທຸກຍາກ, ສ້າງສາປະເທດຊາດເຂັ້ມແຂງ, ຮັ່ງມີ, ວັດທະນາຖາວອນ, ມຸ່ງໄປເຖິງສັນຕິພາບ, ການຮ່ວມມື, ພັດທະນາ, ເຕີບໂຕຢ່າງແຂງແຮງ, ນຳຄວາມຜາສຸກ ແລະ ຄວາມວັດທະນາຖາວອນມາໃຫ້ປະຊາຊົນ.
ໃນການຢ້ຽມຢາມ ຫວຽດນາມ, ທ່ານປະທານາທິບໍດີ Lula da Silva ໄດ້ສະແດງຄວາມຊົມເຊີຍຕໍ່ປະທານ ໂຮ່ຈີມິນ - ນັກວິລະຊົນປົດປ່ອຍຊາດ ແລະ ບຸລຸດວັດທະນະທຳຜູ້ມີຊື່ສຽງໃນໂລກ. ທ່ານຢືນຢັນວ່າ ມາຫວຽດນາມບໍ່ພຽງແຕ່ໃນຖານະປະມຸກລັດເທົ່ານັ້ນ, ຫາກຍັງແມ່ນເພື່ອນມິດທີ່ສະໜິດສະໜົມອີກດ້ວຍ.
ນີ້ແມ່ນກຳລັງຍູ້ແຮງໃໝ່ ແລະ ເປັນພື້ນຖານເພື່ອນຳການພົວພັນ ຫວຽດນາມ - ບຣາຊິນ ເຂົ້າສູ່ໄລຍະພັດທະນາຢ່າງບຸກທະລຸ. ສະມາຄົມມິດຕະພາບ ແລະ ການຮ່ວມມື ຫວຽດນາມ - ບຣາຊິນ ຈະສືບຕໍ່ເປັນພື້ນຖານສຳຄັນໃນຂະບວນການນີ້, ປະກອບສ່ວນເຮັດໃຫ້ການພົວພັນມິດຕະພາບ ແລະ ການຮ່ວມມືລະຫວ່າງປະຊາຊົນສອງປະເທດເລິກເຊິ່ງກວ່າອີກ, ມຸ່ງໄປເຖິງການພັດທະນາແບບຍືນຍົງ, ແທດຈິງ ແລະ ຮອບດ້ານ.
 | ຫວຽດນາມ ແລະ ບຣາຊິນ ຍົກລະດັບການພົວພັນເປັນຄູ່ຮ່ວມມືຍຸດທະສາດ ຍສໝ - ໃນຂອບເຂດການໄປປະຕິບັດງານຢູ່ ບຣາຊິນ, ເຂົ້າຮ່ວມກອງປະຊຸມສຸດຍອດ G20 ຢູ່ນະຄອນ Rio de Janeiro, ວັນທີ 17 ພະຈິກ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ມີການພົບປະກັບທ່ານປະທານາທິບໍດີ ບຣາຊິນ Luiz Inácio Lula da Silva. 2 ຝ່າຍໄດ້ເຫັນດີເປັນເອກະພາບຍົກລະດັບການພົວພັນ ... |
 | ເປີດສະຫຼອງປ້າຍທີ່ລະນຶກ, ເຊີດຊູປະທານປະເທດ ໂຮ່ຈີມິນ ຢູ່ ບຣາຊິນ ຍສໝ - ຕອນເຊົ້າວັນທີ 17 ພະຈິກ (ຕາມເວລາທ້ອງຖິ່ນ), ໃນຂອບເຂດການເຂົ້າຮ່ວມກອງປະຊຸມ G20 ແລະ ບັນດາການເຄື່ອນໄຫວສອງຝ່າຍຢູ່ ບຣາຊິນ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມພິທີເປີດປ້າຍທີ່ລະນຶກ, ເຊີດຊູປະທານປະເທດ ໂຮ່ຈີມິນ ຢູ່ເຂດຖະໜົນ Santa Teresa, ນະຄອນ Rio de Janeiro. ນີ້ແມ່ນບ່ອນທີ່ທ່ານເຄີຍເຮັດວຽກໃນການເດີນທາງຊອກຫາເສັ້ນທາງກູ້ຊາດໃນ ... |
ແທັງຮັ່ງ
