ເປີດສະຫຼອງປ້າຍທີ່ລະນຶກ, ເຊີດຊູປະທານປະເທດ ໂຮ່ຈີມິນ ຢູ່ ບຣາຊິນ

	ນາຍົກລັດຖະມົນຕີ ຟ້າມມິງຈິ້ງ ແລະພັນລະຍາ ໄປຢ້ຽມຢາມ ແລະເຮັດວຽກຢູ່ ບຣາຊິນ ແລະ ສາທາລະນະລັດ Dominica
	ເຜີຍແພ່ບັນດາຄຸນຄ່າວັດທະນະທຳຂອງ ຫວຽດນາມ ເຖິງເພື່ອນມິດສາກົນ ແລະ ຊາວ ບຣາຊິນ

​ປ້າຍ​ທີ່ລະນຶກ​ ປະທານ ​ໂຮ່ຈີ​ມິນ ໄດ້ຕັ້ງ​ຢູ່ເຂດຖະໜົມ Santa Teresa, ນະຄອນ Rio de Janeiro, ​ເປັນ​ບ່ອນ​ມີພື້ນທີ່ປອດໂປ່ງ ​ແລະ ​ໃກ້​ກັບ​ສະຖານີ​ລົດ​ໄຟ, ສະດວກ​ໃຫ້​ປະຊາຊົນ​ມາ​ຢ້ຽມຊົມ. ປ້າຍດັ່ງກ່າວ ໄດ້ແກະສະຫລັກສອງພາສາເປັນພາສາ ຫວຽດນາມ - ປອກຕຸຍການ, ຮັບຮູ້ປະທານ ໂຮ່ຈີມິນ (1890-1969) ເປັນຜູ້ນຳການປະຕິວັດ ຫວຽດນາມ, ຜູ້ທີ່ອ່ານປະກາດຖະແຫຼງການເອກະລາດໃນວັນທີ 2 ກັນຍາ 1945, ແຈ້ງເກີດປະເທດ ສາທາລະນະລັດ ປະຊາທິປະໄຕ ຫວຽດນາມ. UNESCO ​ໄດ້​ເຊີດຊູ​ທ່ານເປັນ “ວິ​ລະ​ຊົນ​ປົດ​ປ່ອຍ​ຊາດ, ນັກ​​ວັດ​ທະ​ນະ​ທຳ​ດີ​ເດັ່ນ​ຂອງ​ ຫວຽດ​ນາມ” ໃນປີ 1987.

ທ່ານ​ນາ​ຍົກ​ລັດ​ຖະ​ມົນ​ຕີ ຟ້າ​ມມິ​ງຈິ​ງ ແລະ​ ບັນ​ດາ​ຜູ້​ແທນ​ທີ່​ພິທີເປີດສະຫຼອງປ້າຍ​ທີ່​ລະນຶກ ​ປະ​ທານ ​ໂຮ່​ຈິ​ມິນ ຢູ່​ນະ​ຄອນ Rio de Janeiro ປະ​ເທດ ​ບຣາ​ຊິນ. (ພາບ: ໜັງສືພິມລັດຖະບານ)

ສຳນັກຂ່າວສານຫວຽດນາມ ໄດ້ຄັດຄຳປາໄສຂອງທ່ານເອກອັກຄະລັດຖະທູດ ຫວຽດນາມ ປະຈຳ ບຣາຊິນ ບຸຍວັນຫງິ້ ທີ່ເຫດການດັ່ງກ່າວວ່າ: ໃນການເດີນທາງຊອກຫາເສັ້ນທາງກູ້ຊາດ, ປີ 1912 ປະທານ ໂຮ່ຈີມິນ ໄດ້ເຮັດວຽກຢູ່ກຳປັ່ນ ຝຣັ່ງ ເພື່ອປະຕິບັດການເດີນທາງຈາກ ຫວຽດນາມ ໄປຍັງ ຝຣັ່ງ. ໃນການເດີນທາງ, ທ່ານເປັນໄຂ້ ແລະ ໄດ້ລົງຢູ່ທ່າກຳປັ່ນ Rio de Janeiro ເພື່ອປິ່ນປົວ.

ຢູ່ທີ່ນີ້, ​ທ່ານໄດ້​ສ້າງ​ສາຍ​ພົວພັນ​ສະໜິດສະໜົມ​ກັບ​ຂະບວນການກຳມະກອນກຳມະບານ​​ຂອງ ບຣາຊິນ, ​ໄດ້​ວາງ​ພື້ນຖານໃຫ້ການພົວພັນ​ມິດຕະພາບ ​ແລະ ການ​ຮ່ວມ​ມື​ລະຫວ່າງ 2 ປະ​ເທດ​ ນັບ​ແຕ່​ຕົ້ນ​ສະຕະວັດ​ທີ XX.

ທ່ານ Pedro De Oliveira ເລຂາທິການສະມາຄົມມິດຕະພາບ ບຣາຊິນ - ຫວຽດນາມ ແລະ ທ່ານນາງ Luciana Santos ລັດຖະມົນຕີ ກະຊວງວິທະຍາສາດ, ເຕັກໂນໂລຊີ ແລະ ນະວັດຕະກຳ ບຣາຊິນ ລ້ວນແຕ່ສະແດງຄວາມຊົມເຊີຍຕໍ່ຊີວິດ ແລະ ພາລະກິດຂອງປະທານ ໂຮ່ຈີມິນ. ເຂົາເຈົ້າຢືນຢັນ​ວ່າ ປ້າຍທີ່​ລະນຶກ​ນີ້ ​ບໍ່​ພຽງ​ແຕ່​ແມ່ນ​ຂີດ​ໝາຍ​ການ​ເດີນ​ທາງ​ຂອງ ​ໂຮ່ຈີ​ມິນ ​ເທົ່າ​ນັ້ນ ຫາກ​ຍັງ​ແມ່ນ​ສັນຍາ​ລັກ​ແຫ່ງ​ຄວາມ​ເປັນມິດຕະພາບ ​ແລະ ການ​ຮ່ວມ​ມື​ລະຫວ່າງ​ປະຊາຊົນ​ສອງ​ຊາດ, ພ້ອມກັນນັ້ນ ກໍ່​ສົ່ງແຮງບັນດານໃຈກ່ຽວກັບ​ສັນຕິພາບ ​ແລະ ຄວາມ​ສາມັກຄີ​ສາກົນ.

ທ່ານ​ນາ​ຍົກ​ລັດ​ຖະ​ມົນ​ຕີ ຟ້າ​ມມິ​ງຈິ​ງ ໄດ້​ສະ​ແດງ​ຄວາມຕື້ນຕັນໃຈ​ເມື່ອ​ເພື່ອນມິດ ບຣາ​ຊິນ ເລົ່າຄືນກ່ຽວກັບເລື່ອງ​ຂອງ​ປະ​ທານ ໂຮ່​ຈີ​ມິນ ເພື່ອຊອກ​ຫາເສັ້ນທາງກູ້ຊາດ “ຄື​ເລົ່າ​ເລື່ອງຄືນເລື່ອງລາວ​ຂອງ​ຄອບ​ຄົວ, ຂອງປະ​ເທດ​ຕົນ, ຂອງປະ​ຊາ​ຊົນ ບຣາ​ຊິນ”. ​ເຫດການ​ ກໍ່​ຍັງ​ໄດ້ເປັນພະຍານຫຼັກຖານໃຫ້​ສາຍ​ພົວພັນ​ອັນ​ດີງາມ​ລະຫວ່າງ​ສອງ​ຊາດ​ໃນ​ການ​ເດີນທາງ​ຕໍ່ສູ້​ຍາດ​ເອົາ​ເອກະລາດ​ ​ແລະ ສ້າງສາ​ປະ​ເທດ​ຊາດ.

ທ່ານ​ນາຍົກລັດຖະມົນຕີ ກ່າວແຈ້ງ​ວ່າ ປະທານ ​ໂຮ່ຈີ​ມິນ ​ໄດ້​ຊອກ​ເຫັນ​ເສັ້ນທາງ​ແຫ່ງ​ການ​ປະຕິວັດ ຫວຽດນາມ, ​ໄດ້​ສ້າງ​ຕັ້ງ​ພັກ​ກອມ​ມູນິດ ​ຫວຽດນາມ, ​ແຈ້ງ​ເກີດປະເທດຊາດ ​ສາທາລະນະ​ລັດ​ ປະຊາທິປະ​ໄຕ ຫວຽດນາມ ປະຈຸ​ບັນ​ແມ່ນ​ສາທາລະນະ​ລັດ ​ສັງຄົມ​ນິຍົມ ຫວຽດນາມ. ​ໃນ​ການ​ເດີນທາງ​ນັ້ນ, ທ່ານ​ໄດ້​ຢຸດ​ຢູ່​ ບຣາຊິນ, ປະກອບສ່ວນ​ສ້າງ​ການ​ພົວພັນ​ມິດຕະພາບ​​ອັນ​ດີງາມ​ລະຫວ່າງ ຫວຽດນາມ ກັບ​ບັນດາ​ປະ​ເທດ​ເວົ້າ​ລວມ ​ແລະ ການ​ພົວພັນ​ຄູ່​ຮ່ວມ​ມື​ຮອບດ້ານ ຫວຽດນາມ - ບຣາຊິນ ​ໃນ​ປະຈຸ​ບັນ​ ເວົ້າ​ສະເພາະ.

ການ​ຕັ້ງ​ປ້າຍເຊີດຊູປະທານ ​ໂຮ່ຈີ​ມິນ ບໍ່​ພຽງ​ແຕ່​ແມ່ນ​ເພື່ອ​ສະ​ແດງ​ໃຫ້​ເຫັນ​ເຖິງການ​ເຊີດຊູ​ເພິ່ນເທົ່າ​ນັ້ນ, ຫາກ​ຍັງ​ແມ່ນ​ສະແດງຄວາມຮູ້ບຸນຄຸນບັນດາການອຸທິດສ່ວນຂອງທ່ານ ໃຫ້ແກ່ມິດຕະພາບລະຫວ່າງ 2 ປະ​ເທດ, ສອງຊາດ ໃນການພົວພັນອັນດີງາມລະຫວ່າງສອງປະເທດ.

ຕາມທ່ານນາຍົກລັດຖະມົນຕີແລ້ວ, ປ້າຍເຊີດຊູປະທານ ໂຮ່ຈີມິນ ຢູ່ນະຄອນ Rio de Janeiro ແມ່ນສະຖານທີ່ສະຫຼັບໃສ່ກັນບັນດາພື້ນຖານວັດທະນະທຳ, ຈະກາຍເປັນຈຸດໝາຍປາຍທາງປະຫວັດສາດທີ່ມີຄວາມໝາຍ ເພື່ອລຸ້ນໜຸ່ມຂອງສອງປະເທດໄດ້ຊອກຮູ້ ກ່ຽວກັບປະຫວັດສາດ, ສືບຕໍ່ ແລະ ຮັກສາບັນດາຄຸນຄ່າອັນສູງສົ່ງ ແລະ ສວຍງາມທີ່ເພິ່ນໄດ້ປະໄວ້.

“ພວກ​ຂ້າພະ​ເຈົ້າ​ເຊື່ອ​ໝັ້ນ​ວ່າ ດ້ວຍ​ບັນດາ​ປັດໄຈ​ອັນສະໜິດສະໜົມ​ທີ່​ມີ​ຢູ່​ແລ້ວ, ນະຄອນ Rio de Janeiro ເວົ້າ​ສະ​ເພາະ ​ແລະ ບັນດາ​ທ້ອງ​ຖິ່ນຕ່າງໆ​ ເວົ້າລວມ ຈະ​ຮ່ວມ​ມື​ຢ່າງ​ແໜ້ນແຟ້ນກັບ​ບັນດາ​ທ້ອງ​ຖິ່ນ​ຂອງ​ ຫວຽດນາມ ກວ່າອີກ, ປະກອບສ່ວນ​ປັບປຸງການ​ຮ່ວມ​ມື​ຫຼາຍ​ດ້ານ​ໃນ​ທຸກ​ຂັ້ນ, ​ເພີ່ມ​ທະວີ​ການ​ແລກປ່ຽນ​ປະຊາຊົນ ແລະ ການ​ພົບ​ປະ​ແລກປ່ຽນ​ວັດທະນະທຳ​ລະຫວ່າງ​ສອງ​ປະ​ເທດ", ທ່ານ​ນາ​ຍົກ​ລັດ​ຖະ​ມົນ​ຕີ​ ກ່າວ​.

ທ່ານປາດ​ຖະໜາ​ວ່າ ບັນດາລຸ້ນປະຈຸບັນ ແລະ ອະນາຄົດ​ຂອງ​ສອງ​ປະ​ເທດ ​ຈະ​ສືບ​ຕໍ່​ເສີມ​ຂະຫຍາຍ​ບັນດາ​ຄຸນຄ່າ ​ແລະ ມໍລະດົກ ​ໂດຍ​ປະທານ ​ໂຮ່ຈີ​ມິນ ຜູ້ນຳທີ່ຍິ່ງໃຫຍ່ ​ແລະ ຄົນ​ລຸ້ນກ່ອນ​ທີ່​ໄດ້​ປະ​ໄວ້, ພ້ອມ​ກັນ​ຕັດສິນໃຈ​ຊຸກຍູ້​ການ​ພົວພັນ​ ຫວຽດນາມ - ບຣາຊິນ ​ໃຫ້​ຂຶ້ນ​ສູ່​ລະດັບ​ສູງ​ໃໝ່ ເພື່ອສັນຕິພາບ ​ແລະ ການ​ຮ່ວມ​ມື​​ພັດທະນາ ​ເພື່ອ​ຊີວິດທີ່ອີ່ມໜຳສຳລານ ແລະ ສົມບູນພູນ​ສຸກ​ຂອງ​ປະຊາຊົນ​ຢູ່​ແຕ່ລະ​ປະ​ເທດ, ​ແຕ່ລະ​ພາກ​ພື້ນ ​ແລະ ​ໃນ​ໂລກ, ຄືຄວາມຄາດຫວັງເມື່ອ ປະທານ ​ໂຮ່ຈີ​ມິນ ຍັງມີຊີວິດຢູ່.

ເສົາຄໍ້າສໍາຄັນໃນສາຍພົວພັນ ຫວຽດນາມ - ບຣາຊິນ ຍສໝ - ບຣາຊິນ ແລະ ຫວຽດນາມ ສະເຫຼີມສະຫຼອງ 35 ປີ ແຫ່ງວັນສ້າງຕັ້ງການພົວພັນທາງການທູດ ໃນປີ 2024 ດ້ວຍການເລີ່ມການຮ່ວມມືສອງຝ່າຍຄືນໃໝ່. ບາດກ້າວທໍາອິດທີ່ໄດ້ປະຕິບັດແມ່ນການຢ້ຽມຢາມ ບຣາຊິນ ຂອງ ທ່ານ ຟ້າມມິງຈີ້ງ ນາຍົກລັດຖະມົນຕີຫວຽດນາມ ໃນເດືອນກັນຍາ ປີ 2023.

ພັກກອມມູນິດ ຫວຽດນາມ ແລະ ບຣາຊິນ ເພີ່ມທະວີການແລກປ່ຽນ ແລະ ແບ່ງປັນບົດຮຽນໃນບັນດາຂົງເຂດ ຍສໝ - ຕອນບ່າຍວັນທີ 28 ພະຈິກ, ຢູ່ສຳນັກງານຄະນະ​ການ​ຕ່າງປະ​ເທດ​ສູນ​ກາງ, ສະຫາຍ ເລຮວ່າຍຈູງ, ເລຂາທິການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງ ໄດ້ໃຫ້ການຕ້ອນຮັບສະຫາຍ ນາງ Luciana Santos, ປະທານພັກກອມມູນິດ ບຣາຊິນ (PcdoB), ລັດຖະມົນຕີກະຊວງວິທະຍາສາດເຕັກໂນໂລຊີ ແລະ ປ່ຽນແປງໃໝ່ຂອງ ບຣາຊິນ.