ທ່ານນາຍົກລັດຖະມົນຕີ ອິນເດຍ: ຂໍ້ລິເລີ່ມແບ່ງປັນພະທາດຂອງພຣະພຸດທະເຈົ້າກັບຫວຽດນາມ ສ້າງປະກົດການດ້ານວັດທະນະທຳ

09:20 | 04/07/2025

ຍສໝ - ທ່ານນາຍົກລັດຖະມົນຕີ ອິນເດຍ Narendra Modi ເນັ້ນໜັກວ່າ: ຂໍ້ລິເລີ່ມແບ່ງປັນພະທາດຂອງພຣະພຸດທະເຈົ້າກັບ ຫວຽດນາມ ໄດ້ສ້າງປະກົດການວັດທະນະທຳ ແລະ ຈິດໃຈ, ດ້ວຍຈຳນວນຜູ້ໄປນະມັດສະການພະທາດ 15 ລ້ານກວ່າເທື່ອຄົນຢູ່ 9 ແຫ່ງຕ່າງກັນໃນທົ່ວປະເທດ ຫວຽດນາມ.

	ບັນດາໄລຍະງານມະໂຫລານມິດຕະພາບປະຊາຊົນ ຫວຽດນາມ - ອິນເດຍ: ການເດີນທາງເຊື່ອມຕໍ່ປະຊາຊົນສອງປະເທດ
	ທ່ານນາຍົກລັດຖະມົນຕີ ຫວຽດນາມ ພົບປະກັບ ທ່ານນາຍົກລັດຖະມົນຕີ ໄທ

ນັກຂ່າວ ສຳນັກຂ່າວສານ ຫວຽດນາມ ທີ່ນະຄອນ New Delhi ໃຫ້ຮູ້ວ່າ: ໃນລາຍການວິທະຍຸກະຈາຍສຽງ Mann Ki Baat ຕອນທີ 123, ທ່ານນາຍົກລັດຖະມົນຕີ Modi ກ່າວວ່າ: “ພວກເຈົ້າສາມາດວາດພາບໄດ້ວ່າ, ຢູ່ ຫວຽດນາມ ເຊິ່ງມີປະຊາກອນປະມານ 100 ລ້ານຄົນ, ມີກ່ວາ 15 ລ້ານຄົນໄດ້ມານະມັດສະການພະທາດ. ບັນດາຮູບພາບ ແລະ ວິດິໂອເຊິ່ງໃຫ້ເຮົາເຫັນໃນສື່ສັງຄົມເຮັດໃຫ້ເຮົາຮູ້ວ່າຄວາມເຄົາລົບນັບຖືແມ່ນບໍ່ມີຂອບເຂດ. ເຖິງວ່າຝົນຕົກ ຫຼື ອາກາດຮ້ອນ, ເດັກນ້ອຍ, ຜູ້ອາວຸໂສ, ຄົນພິການ… ທຸກຄົນໄດ້ເຂົ້າແຖວອັນຍາວໆເພື່ອສະແດງຄວາມເຄົາລົບນັບຖືເປັນຊົ່ວໂມງ. ຄວາມເຄົາລົບນັບຖືຂອງປະຊາຊົນຢູ່ທີ່ນັ້ນຕໍ່ການນະມັດສະການຢ່າງເລິກເຊິ່ງນີ້້ ເຮັດໃຫ້ລັດຖະບານຫວຽດນາມ ໄດ້ຮຽກຮ້ອງຕໍ່ກຳນົດເວລາພະທາດຂອງພຣະພຸດທະເຈົ້າຕໍ່ໄປອີກ 12 ວັນ, ແລະ ອິນເດຍກໍເຫັນດີຢ່າງດີໃຈ.”

ທ່ານນາຍົກລັດຖະມົນຕີ ອິນເດຍ: ຂໍ້ລິເລີ່ມແບ່ງປັນພະທາດຂອງພຣະພຸດທະເຈົ້າກັບຫວຽດນາມ ສ້າງປະກົດການດ້ານວັດທະນະທຳ

ຕອນເຊົ້າວັນທີ 17 ພຶດສະພາ 2025, ມີປະຊາຊົນ ແລະ ພຸດທະສາສະນິກະຊົນນັບພັນຄົນໄດ້ເຂົ້າຮ່ວມຂະບວນແຫ່ພະທາດຂອງພຣະພຸດທະເຈົ້າ ເຖິງວັດ ຕາມຈຸກ. (ພາບ: ດາຍຫງຽງ/ສຳນັກຂາວສານ ຫວຽດນາມ)

ຕາມທ່ານນາຍົກລັດຖະມົນຕີ Modi ແລ້ວ, ເຫດການດັ່ງກ່າວໄດ້ຜັນຂະຫຍາຍເປັນງານບຸນຢູ່ຫວຽດນາມ, ສະແດງໃຫ້ເຫັນບັນດາອິດທິພົນຢ່າງເລິກເຊິ່ງຂອງມໍລະດົກວັດທະນະທຳຂອງ ອິນເດຍ ໃນເວທີສາກົນ. ການແບ່ງປັນພະທາດຂອງພະພຸດທະເຈົ້າກັບຫວຽດນາມ ໄດ້ເນັ້ນຫນັກການພົວພັນຢ່າງເລິກເຊິ່ງຕໍ່ກັບວັດທະນະທຳ ແລະ ຈິດວິນຍານ ລະຫວ່າງສອງປະເທດ, ຊຸກຍູ້ຄວາມເຂົ້າໃຈກ່ຽວກັບມໍລະດົກຂອງອິນເດຍ.

ທ່ານນາຍົກລັດຖະມົນຕີອິນເດຍ ຍັງໄດ້ ສົ່ງເສີມໃຫ້ຊາວອິນເດຍໄປຢ້ຽມຢາມບັນດາສະຖານທີ່ພຸດທະສາສະໜາໃນລັດຂອງຕົນ, ເນັ້ນໜັກໃຫ້ເຫັນເຖິງການເສີມຂະຫຍາຍດ້ານຈິດໃຈ ແລະ ວັດທະນະທຳ ທີ່ບັນດາການຢ້ຽມຢາມຄືນີ້ ສາມາດນຳເອົາມາໃຫ້. ການແບ່ງປັນພະທາດຂອງພະພຸດທະເຈົ້າກັບບັນດາປະເທດຄືຫວຽດນາມ, ໄທ ແລະ ມົງໂກລີ ໄດ້ສະແດງໃຫ້ເຫັນພະລັງງານຂອງພຸດທະສາສະໜາໃນການເຊື່ອມຕໍ່ເຊື່ອມກັບບັນດາພື້ນຖານວັດທະນະທຳ ແລະ ປະເທດຊາດ.

ສະເຫຼີມສະຫຼອງ 80 ປີແຫ່ງວັນກອງທັບປະຊາຊົນ ຫວຽດນາມ ຢູ່ ລັດເຊຍ, ອິນເດຍ ແລະ ອົດສະຕາລີ

ຍສໝ - ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນ ຫວຽດນາມ, ສະຖານທູດ ຫວຽດນາມ ປະຈຳ ລັດເຊຍ, ອິນເດຍ ແລະ ອົດສະຕາລີ ໄດ້ຈັດຕັ້ງບັນດາການເຄື່ອນໄຫວລະນຶກ ທວນຄືນການເດີນທາງອັນສະຫງ່າລາສີຂອງກອງທັບປະຊາຊົນ ຫວຽດນາມ ແລະ ການພົວພັນຄູ່ຮ່ວມມືດ້ານການປ້ອງກັນຊາດອັນເລິກເຊິ່ງ ລະຫວ່າງ ຫວຽດນາມ ກັບບັນດາປະເທດ.