ນັກສຶກສາຫວຽດນາມເຜີຍແຜ່ວັດທະນະທຳຫວຽດນາມ ຢູ່ລັດເຊຍ

23:21 | 16/04/2025

ຍສໝ - ວັນທີ 14 ເມສາ, ຢູ່ມະຫາວິທະຍາໄລການເງິນພາຍໃຕ້ລັດຖະບານສະຫະພັນລັດເຊຍ ໄດ້ເກີດຂຶ້ນລາຍການສິລະປະທີ່ມີຊື່ວ່າ “ຈິດໃຈຫວຽດນາມ ໃນຫົວໃຈລັດເຊຍ: ພື້ນເມືອງອັນເລິກເຊິ່ງ”, ໄດ້ນັກສຶກສາຫວຽດນາມ ແລະ ລັດເຊຍສົມທົບກັນຈັດຕັ້ງ ແລະ ສະແດງ.

	ພວກຂ້າພະເຈົ້າມີຄວາມສຸກເມື່ອໄດ້ຮ່ຳຮຽນຢູ່ ລາວ
	ວັນບຸນອ່ານຫນັງສື ຂອງນັກສຶກສາຫວຽດນາມ ຢູ່ລັດເຊຍ

ລາຍການໄດ້ຈັດຕັ້ງເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ສະຫະພັນລັດເຊຍ (30 ມັງກອນ 1950 – 30 ມັງກອນ 2025), ດ້ວຍການເຂົ້າຮ່ວມຂອງບັນດາຜູ້ແທນຄະນະພັກ, ສະຖານທູດ ຫວຽດນາມ ປະຈຳ ສະຫະພັນ ລັດເຊຍ ແລະ ຈໍານວນຫຼວງຫຼາຍນັກສຶກສາ ຫວຽດນາມ ພວມຮໍ່າຮຽນຢູ່ ມົດສະກູ.

ລາຍການໄດ້ແນະນຳບັນດາລາຍການສະແດງທີ່ເປັນເອກະລັກສະເພາະ, ດູດດື່ມກັບວັດທະນະທຳພື້ນເມືອງຫວຽດນາມ ແລະ ລັດເຊຍ. ບັນດາບົດເພງປະຕິວັດຂອງຫວຽດນາມ ໄດ້ຮັບການຜັນຂະຫຍາຍຢ່າງລະອຽດຖີ່ຖ້ວນ, ສ້າງຮູບການທະຫານລຸງໂຮ່ທີ່ໝັ້ນຄົງ, ປະກອບສ່ວນປຸກລະດົມຄວາມເອກອ້າງທະນົງໃຈຂອງຊາດ. ນັກສຶກສາຫວຽດນາມກໍໄດ້ນຳເຂົ້າໃນລາຍການບັນດາບົດເພງມ່ວນຊື່ນທີ່ຊາວໜຸ່ມຮັກແພງ.

ຄຽງຂ້າງລາຍການສິລະປະ, ນັກສຶກສາຫວຽດນາມ ຍັງໄດ້ຈັດຕັ້ງຮ້ານອາຫານ ແລະ ບັນດາການເຄື່ອນໄຫວປະສົບການດ້ານວັດທະນະທຳຄື ເຄື່ອງຫຼີ້ນພື້ນເມືອງ, ແນະນຳບັນດາເຍື່ອງອາຫານພື້ນເມືອງ.

ນັກສຶກສາຫວຽດນາມເຜີຍແຜ່ວັດທະນະທຳຫວຽດນາມ ຢູ່ລັດເຊຍ

ລາຍການ “ກອງທັບພວກເຮົາ - ກອງທັບວິລະຊົນ” ໄດ້ຮັບການສະແດງໂດຍນັກສຶກສາຫວຽດນາມ. (ຮູບ: ໜັງສືພິມ ປະຊາຊົນ)

ໃນບົດກ່າວປາໄສທາງວີດີໂອສົ່ງໄປມາລາຍການ, ທ່ານ Stanislav Prokofiev, ຜູ້ອຳນວຍການໂຮງຮຽນມະຫາວິທະຍາໄລການເງິນໄດ້ຕີລາຄາສູງການເຄື່ອນໄຫວແລກປ່ຽນວັດທະນະທຳລະຫວ່າງນັກສຶກສາຂອງສອງປະເທດ. ທ່ານແບ່ງປັນວ່າ, ນັບແຕ່ປີ 1947, ມະຫາວິທະຍາໄລການເງິນໄດ້ຮັບນັກສຶກສາຫວຽດນາມມາຮຽນ. ໃນນັ້ນຫຼາຍທ່ານໄດ້ດຳລົງຕຳແໜ່ງສຳຄັນໃນລັດຖະບານຫວຽດນາມ. ປະຈຸບັນ, ໂຮງຮຽນມີນັກຮຽນຫວຽດນາມ 165 ຄົນພວມຮ່ຳຮຽນ. ທ່ານ Prokofiev ໄດ້ຮັບຮູ້ເຖິງຈິດໃຈຮໍ່າຮຽນຢ່າງຈິງຈັງ, ເປັນຢ່າງດີເຖິງຄວາມຕັ້ງໜ້າ ແລະ ການເຂົ້າຮ່ວມຢ່າງຕັ້ງໜ້າໃນການເຄື່ອນໄຫວນອກຫຼັກສູດຂອງນັກສຶກສາ ຫວຽດນາມ.

ອານາບໍລິເວນແນະນຳການລະຫຼິ້ນພື້ນເມືອງ. (ຮູບ: ໜັງສືພິມ ປະຊາຊົນ)

ທ່ານເອກອັກຄະລັດຖະທູດຫວຽດນາມ ປະຈຳ ລັດເຊຍ ດັງມີ່ງໂຄຍ ໄດ້ສົ່ງຈົດໝາຍຊົມເຊີຍເຖິງລາຍການ. ໃນຈົດໝາຍ, ທ່ານເອກອັກຄະລັດຖະທູດ ໄດ້ຕີລາຄາວ່າ ນີ້ແມ່ນໂຄງການມີຄວາມໝາຍເພື່ອສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ - ສະຫະພັນລັດເຊຍ. ທ່ານເອກອັກຄະລັດຖະທູດ ເນັ້ນໜັກວ່າ,ບັນດາການເຄື່ອນໄຫວຂອງນັກສຶກສາ ມະຫາວິທະຍາໄລການເງິນ ພ້ອມກັບການເຂົ້າຮ່ວມຢ່າງກະຕືລືລົ້ນຂອງບັນດານັກສຶກສາຂອງມະຫາວິທະຍາໄລອື່ນຢູ່ ມົດສະກູ ໄດ້ປະກອບສ່ວນເສີມຂະຫຍາຍຮູບພາບ, ເຜີຍແຜ່ບັນດາຄຸນຄ່າວັດທະນະທຳຫວຽດນາມ ຢູ່ສະຫະພັນລັດເຊຍ.