 | ມຸ່ງໜ້າໄປເຖິງການສ້າງຕັ້ງສາຂາສະມາຄົມອະດີດນັກສຶກສາຫວຽດນາມທີ່ເຄີຍໄປຮຽນຢູ່ອິນເດຍ ປະຈຳດ່າໜັງ |
| ຊາວໜຸ່ມຊາວຫວຽດນາມ ອາໄສຢູ່ຕ່າງປະເທດ 120 ຄົນຊອກຮູ້ວັດທະນະທຳ ຊາວເຜົ່າຈຳ |
ທ້າວ ຟ້າມແທງເຊີນ, ນັກສຶກສາປີ 3 ທີ່ມະຫາວິທະຍາໄລແຫ່ງຊາດ ລາວ:
ນັກສຶກສາ ຫວຽດນາມ ໄດ້ຮັບການເບິ່ງແຍງທັງດ້ານວັດຖຸ ແລະ ຈິດໃຈ
ລັດຖະບານສອງປະເທດ ຫວຽດນາມ ແລະ ລາວ ໄດ້ເອົາໃຈໃສ່ ແລະ ເບິ່ງແຍງນັກສຶກສາ ຫວຽດນາມ ຢູ່ ລາວ ທັງທາງດ້ານວັດຖຸ ແລະ ຈິດໃຈ.
 |
| ທ້າວ ຟ້າມແທງເຊີນ, ນັກສຶກສາປີ 3 ທີ່ມະຫາວິທະຍາໄລແຫ່ງຊາດ ລາວ. |
ພວກຂ້າພະເຈົ້າໄດ້ພັກຢູ່ຫໍພັກຂອງບັນດາໂຮງຮຽນຢູ່ ລາວ. ແຕ່ລະຫ້ອງກວ້າງປະມານ 20 m², ມີນັກຮຽນປະມານ 2-3 ຄົນຢູ່ນຳກັນ. ນັກສຶກສາ ຫວຽດນາມ ຈະໄດ້ນຳໃຊ້ໄຟຟ້າ ແລະ ນ້ຳປະປາ ໂດຍບໍ່ເສຍຄ່າ, ພ້ອມດ້ວຍເຄື່ອງໃຊ້ທີ່ຈຳເປັນໃນການດຳລົງຊີວິດປະຈຳວັນເຊັ່ນ: ໂຕະໄມ້, ຕຽງ, ຜ້າຫົ່ມ, ຜ້າປູບ່ອນ, ໝອນ, ເສື່ອ, ພັດລົມເພດານ, ເຄື່ອງເຮັດນ້ຳອຸ່ນ, ຄຸໃສ່ນ້ຳ ແລະ ອື່ນໆ. ແຕ່ລະເດືອນ ນັກສຶກສາຫວຽດນາມ ແຕ່ລະຄົນຈະໄດ້ຮັບເງິນ 1,2 ລ້ານກີບ (ເທົ່າກັບ 1,2 ລ້ານດົ່ງຈາກລັດຖະບານ ລາວ). ນອກຈາກນັ້ນ, ທຸກໆ 3 ເດືອນ, ນັກສຶກສາ ຫວຽດນາມ ຍັງໄດ້ຮັບ 252 USD ຈາກລັດຖະບານ ຫວຽດນາມ.
ໃນປີຮຽນກຽມພາສາລາວ, ພວກຂ້າພະເຈົ້າໄດ້ໄປຢາມແຂວງ ວັງວຽງ, ເມືອງທ່ອງທ່ຽວທີ່ມີຊື່ສຽງຂອງ ລາວ. ຫຼັງຈາກການເດີນທາງໄປແຕ່ລະຄັ້ງນັ້ນ, ພວກຂ້າພະເຈົ້າໄດ້ຮຽນຮູ້ຫຼາຍຢ່າງຈາກປະຊາຊົນຢູ່ທ້ອງຖິ່ນທີ່ເປັນມິດ ແລະ ຄວາມເບິ່ງແຍງຢ່າງສຸດໃຈຂອງຄູອາຈານ. ຢູ່ທີ່ນີ້, ຂ້າພະເຈົ້າມີໂອກາດໄດ້ພົບປະແລກປ່ຽນກັບນັກສຶກສາລາວ ແລະ ເຂົ້າຮ່ວມບັນດາກິດຈະກຳວັດທະນະທຳທີ່ຫຼາກຫຼາຍເຊັ່ນ: ງານບຸນປະເພນີ, ງານວາງສະແດງສິລະປະ, ການສະແດງສິລະປະ ແລະ ກິດຈະກຳອາສາສະໝັກເພື່ອສັງຄົມ. ບັນດາການເຄື່ອນໄຫວລົງພຶດຕິກຳຕົວຈິງເຫຼົ່ານີ້ໄດ້ຊ່ວຍໃຫ້ຂ້າພະເຈົ້າເຂົ້າໃຈຢ່າງເລິກເຊິ່ງກວ່າກ່ຽວກັບປະເທດຊາດ ແລະ ປະຊາຊົນ ລາວ. ກິດຈະກຳທີ່ໜ້າຈົດຈຳປະກອບມີ ວັນຊາດ ລາວ 2 ທັນວາ, ການແຂ່ງຂັນເວົ້າເກັ່ງພາສາ ລາວ ສຳລັບນັກສຶກສາຕ່າງປະເທດ ແລະ ງານບຸນອື່ນໆເຊັ່ນ: ບຸນປີໃໝ່ ລາວ, ບຸນຊ່ວງເຮືອ, ບຸນທາດຫຼວງ,...
ນາງ ຫງວຽນແທງຮັ່ງ, ນັກສຶກສາປີ 4 ທີ່ມະຫາວິທະຍາໄລແຫ່ງຊາດ ລາວ:
ມັກການຄົ້ນຫາບັນດາທັດສະນີຍະພາບຂອງປະເທດເພື່ອນ ລາວ
ປະເທດເພື່ອມມິດ ລາວ ມີແຫຼ່ງທ່ອງທ່ຽວທີ່ສວຍງາມຫຼາຍແຫ່ງເຊັ່ນ: ວັງວຽງ, ຊຽງຂວາງ, ຊຳເໜືອ,...
ວັງວຽງ ເປັນຈຸດໝາຍປາຍທາງທີ່ດີສໍາລັບຄົນທີ່ມັກພະຈົນໄພ ແລະ ຄົ້ນຫາ. ສະຖານທີ່ແຫ່ງນີ້ມີທິວທັດທຳມະຊາດທີ່ໃຫຍ່ໂຕມະໂຫຖານ ແລະ ແມ່ນ້ຳຊອງທີ່ງົດງາມ, ສະດວກຕໍ່ກັບບັນດາກິດຈະກຳກາງແຈ້ງທີ່ໜ້າສົນໃຈຫຼາຍຢ່າງເຊັ່ນ: ປີນພູ, ຂີ່ເຮືອກາຢັກ ແລະ ຄົ້ນຫາຖ້ຳ. ຂ້າພະເຈົ້າມັກຄວາມຮູ້ສຶກຂອງການຂີ່ເຮືອ, ທັງຊົມທິວທັດສະພາບອ້ອມຂ້າງ, ທັງມີຄວາມຮູ້ສຶກສະຫງົບ ແລະ ມິດງຽບຂອງທໍາມະຊາດ.
 |
| ນາງ ຫງວຽນແທງຮັ່ງ (ຂວາ), ນັກສຶກສາປີ 4 ທີ່ມະຫາວິທະຍາໄລແຫ່ງຊາດ ລາວ. |
ແຂວງ ຊຽງຂວາງ ມີຊື່ສຽງໂດ່ງດັງດ້ວຍທົ່ງໄຫຫີນ ເຊິ່ງເປັນໜຶ່ງໃນບັນດາຮ່ອງຮອຍບູຮານຄະດີທີ່ແປກປະຫຼາດ ແລະ ໜ້າສົນໃຈທີ່ສຸດໃນອາຊີຕາເວັນອອກສຽງໃຕ້. ເມື່ອມາທີ່ນີ້, ຂ້າພະເຈົ້າຖືກດຶງດູດ ຍ້ອນໄຫຫີນໃຫຍ່ນັບພັນໜ່ວຍທີ່ກະແຈກກະຈາຍຢູ່ທົ່ວທົ່ງນາ. ນອກຈາກນັ້ນ, ສະພາບອາກາດທີ່ເຢັນສະບາຍ ແລະ ທິວທັດທີ່ສວຍງາມຂອງພູຜາປ່າດົງຍັງເຮັດໃຫ້ແຂວງ ຊຽງຂວາງ ກາຍເປັນຈຸດໝາຍປາຍທາງທີ່ເໝາະສົມສໍາລັບການພັກຜ່ອນ ແລະ ຜ່ອນຄາຍ.
ຊຳເໜືອ ຕັ້ງຢູ່ພາກເໜືອຂອງ ລາວ ແລະ ເປັນດິນແດນທີ່ສວຍງາມ, ສະຫງົບສຸກ, ດ້ວຍບັນດາທົ່ງນາອັນກວ້າງໃຫຍ່ໄພສານ ແລະ ພູເຂົາສະຫຼັບຊັບຊ້ອນ. ຂ້າພະເຈົ້າໄດ້ມີໂອກາດໄປຢ້ຽມຢາມບັນດາໝູ່ບ້ານຂອງຊາວເຜົ່າ ມົ້ງ ແລະ ເກິມູ, ບ່ອນທີ່ຂ້າພະເຈົ້າໄດ້ຮຽນຮູ້ຫຼາຍສິ່ງກ່ຽວກັບຊີວິດ ແລະ ວັດທະນະທຳຂອງເຂົາເຈົ້າ.
ແຕ່ລະສະຖານທີ່, ຂ້າພະເຈົ້າລ້ວນແຕ່ໄປຢ້ຽມຢາມບັນດາໝູ່ບ້ານຊົນເຜົ່າ ແລະ ຊອກຮູ້ວັດທະນະທຳ, ຮີດຄອງປະເພນີທີ່ເປັນເອກະລັກພິເສດຂອງເຂົາເຈົ້າ. ນີ້ຈະເປັນຊ່ວງຊີວິດໄລຍະໜຸ່ມແໜ້ນທີ່ບໍ່ສາມາດລືມໄດ້ຂອງຂ້າພະເຈົ້າຢູ່ປະເທດ ລາວ ແທ້ໆ. ຂ້າພະເຈົ້າຫວັງວ່າ ຈະໄດ້ໄປຢ້ຽມຢາມສະຖານທີ່ທ່ອງທ່ຽວອີກຫຼາຍແຫ່ງພາຍຫຼັງການຮ່ຳຮຽນທີ່ລຳບາກ ພ້ອມທັງແບ່ງປັນບັນດາການລົງຕົວຈິງທີ່ໜ້າສົນໃຈນີ້ກັບເພື່ອນມິດຢູ່ ຫວຽດນາມ.
ຫງວຽນຫວູຮວ່ຽນວີ - ນັກສຶກສາປີທີ 3 ທີ່ມະຫາວິທະຍາໄລແຫ່ງຊາດ ລາວ:
ມີຄວາມສຸກເມື່ອໄດ້ຊິມອາຫານແຊບໆຂອງປະເທດເພື່ອນ
 |
| ນາງ ຫງວຽນວູຮວ່ຽນວີ, ນັກສຶກສາປີທີ 3 ທີ່ມະຫາວິທະຍາໄລແຫ່ງຊາດ ລາວ. |
ຂ້າພະເຈົ້າມີຄວາມສຸກເມື່ອໄດ້ຮ່ຳຮຽນຢູ່ ລາວ, ຂ້າພະເຈົ້າຮັກມັກທຸກສິ່ງຢູ່ປະເທດນີ້, ໂດຍສະເພາະ ແມ່ນອາຫານທີ່ເປັນເອກະລັກສະເພາະຂອງ ລາວ. ຂ້າພະເຈົ້າມັກບັນດາເຍື່ອງອາຫານຄື: ເຂົ້າປຽກ, ຕຳ, ຊີ້ນດາດ,...
ແຕ່ລະມື້, ຂ້າພະເຈົ້າມັກຊິມບັນດາເຍື່ອງອາຫານ ລາວ ແລະ ຮຽນຮູ້ວິທີເຮັດເຍື່ອງອາຫານທີ່ງ່າຍໆຄື ຕຳ. ນີ້ແມ່ນເຍື່ອງອາຫານທີ່ໄດ້ຮັບຄວາມນິຍົມຫຼາຍ ແລະ ຫຼັງຈາກໄດ້ຮັບຄຳແນະນໍາຂອງ ຊາວລາວ, ຂ້າພະເຈົ້າກໍ່ລອງເຮັດຫຼາຍເທື່ອ ຈິ່ງສາມາດເຮັດໄດ້. ສິ່ງທີ່ພິເສດທີ່ເຮັດໃຫ້ຂ້າພະເຈົ້າປະທັບໃຈແມ່ນ ອາຫານສ່ວນຫຼາຍຢູ່ທີ່ນີ້ແມ່ນເຜັດຫຼາຍ, ເຮັດຈາກນ້ຳປາພື້ນເມືອງ ລາວ ເຊິ່ງຂ້າພະເຈົ້າບໍ່ເຄີຍຊິມຢູ່ ຫວຽດນາມ.
ບັນດາລົດຊາດເຫຼົ່ານີ້ຈະຕິດຢູ່ໃນຄວາມຊົງຈຳຂອງຂ້າພະເຈົ້າຕະຫຼອດໄປ ເມື່ອຈົບການສຶກສາຢູ່ທີ່ນີ້. ຂ້າພະເຈົ້າປາຖະໜາຢາກຮຽນຮູ້ວິທີເຮັດບັນດາເຍື່ອງອາຫານນີ້ ເພື່ອຈະແບ່ງປັນໃຫ້ຄອບຄົວ ແລະ ໝູ່ເພື່ອນຢູ່ ຫວຽດນາມ.
 | ທີ່ຢູ່ສະໜອງຂໍ້ມູນຂ່າວສານຢ່າງເປັນທາງການໃຫ້ແກ່ນັກສຶກສາ ຫວຽດນາມ ຢູ່ ລັດເຊຍ ຍສໝ - ວັນທີ 14 ກໍລະກົດ, ຢູ່ນະຄອນຫຼວງ Moscow (ສະຫະພັນ ລັດເຊຍ), ພິທີເປີດຕົວຫນ້າເວບໄຊຂໍ້ມູນຂ່າວສານເອເລັກໂຕນິກ “ໄວຫນຸ່ມຢູ່ ລັດເຊຍ” ໄດ້ດໍາເນີນໂດຍຄະນະສະມາຊິກຊາວໜຸ່ມຢູ່ສະຫະພັນ ລັດເຊຍ ແລະ ສະມາຄົມນັກສຶກສາ ຫວຽດນາມ ປະຈໍາ ລັດເຊຍ ສົມທົບກັນຈັດຕັ້ງເນື່ອງໃນໂອກາດວັນມູນເຊື້ອຊາວໜຸ່ມອາສາສະໝັກ (15 ກໍລະກົດ). |
 | ເຊື່ອມຕໍ່ນັກສຶກສາ ຫວຽດນາມ ກັບນັກວິທະຍາສາດຟິຊິກສາດໃນໂລກ ຍສໝ - ວັນທີ 16 ກໍລະກົດ, ຢູ່ນະຄອນ ກຸ່ຍເຍີນ (ບິ່ງດິ້ງ), ນັກວິທະຍາສາດ ແລະ ນັກຄົ້ນຄວ້າ 34 ຄົນຂອງ 13 ປະເທດ ແລະ ເຂດແຄ້ວນ ໄດ້ເຂົ້າຮ່ວມພິທີເປີດສະຫຼອງໂຮງຮຽນຟິຊິກສາດ ຫວຽດນາມ ຄັ້ງທີ 30 (VSOP30). |
ມິງດຶກ
