| ກະຊວງການເງິນ: Fitch Ratings ຍົກສູງຈັດອັນດັບຄວາມເຊື່ອຖືຂອງຫວຽດນາມ | |
| VinaCapital ຄາດຄະເນວ່າ GDP ຂອງ ຫວຽດນາມ ຈະຟື້ນຟູໃນລະດັບ 6,5% ໃນປີ 2023 |
ຫວຽດນາມ ມີຄວາມສາມາດແກ່ງແຍ້ງດ້ານຄ່າໃຊ້ຈ່າຍ ແລະ ກຳລັງແຮງງານທີ່ມີຄຸນນະພາບ ເມື່ອທຽບໃສ່ກັບບັນດາປະເທດ ແລະ ໄດ້ເຂົ້າຮ່ວມສັນຍາການຄ້າເສລີ (FTA) ໃນພາກພື້ນ ແລະ ທົ່ວໂລກ. ສິ່ງດັ່ງກ່າວເປັນສັນຍານໃນທາງບວກວ່າ ການລົງທຶນໂດຍກົງຈາກຕ່າງປະເທດ (FDI) ສືບຕໍ່ມີຄວາມເຂັ້ມແຂງ, ໂດຍສະເພາະແມ່ນໃນສະຖານະການຫັນເປັນຫຼາຍຮູບຫຼາຍແບບດ້ານກຸ່ມສະໜອງທົ່ວໂລກ.
 |
| ພາບປະກອບ: TTXVN |
ຢູ່ຫວຽດນາມ, ທຶນ FDI ປະຕິບັດໃນປີ 2022 ແມ່ນ 22,4 ຕື້ USD (ປະມານ 6% GDP), ເພີ່ມຂຶ້ນຈາກ 19,7 ຕື້ USD ໃນປີ 2021 ແລະ ບັນລຸໄດ້ທຶນ FDI ໃນ 11 ເດືອນຕົ້ນປີ 2023 ແມ່ນ 20,2 ຕື້ USD. ການຍົກລະດັບການພົວພັນຫວຽດນາມ - ອາເມລິກາ ຂຶ້ນເປັນ “ຄູ່ຮ່ວມມືຍຸດທະສາດຮອບດ້ານ” ໃນເດືອນ ກັນຍາ 2023 ສາມາດສ້າງເງື່ອນໄຂສະດວກກວ່າໃຫ້ແກ່ການລົງທຶນ FDI ແລະ ການຄ້າຂອງອາເມລິກາ ເຂົ້າມາຫວຽດນາມ.
ຕາມ Fitch ແລ້ວ, ແຫຼ່ງການເງິນຈາກພາຍນອກທີ່ຖອກເທເຂົ້າຫວຽດນາມ ກໍ່ໄດ້ຮັບການປັບປຸງ, ເມື່ອເງິນຕາຕ່າງປະເທດທີ່ແຮໄວ້ຂອງຫວຽດນາມ ມາຮອດທ້າຍເດືອນກັນຍາ 2023 ບັນລຸ 89 ຕື້ USD, ພາຍຫຼັງໄດ້ຫຼຸດລົງຢ່າງແຮງໃນປີ 2022.
Fitch ກໍ່ໄດ້ຍົກອັນດັບຄວາມເຊື່ອຖືຜູ້ອອກໜີ້ໄລຍະຍາວ (IDR) ຂອງຫວຽດນາມ ຂຶ້ນເປັນລະດັບ “BB+”. ສິ່ງດັ່ງກ່າວສະແດງໃຫ້ເຫັນແງ່ຫວັງການເຕີບໂຕໃນໄລຍະກາງທີ່ເໝາະສົມ ຍ້ອນແຫຼ່ງທຶນຈາກຕ່າງປະເທດຢ່າງເຂັ້ມແຂງ, ເຊິ່ງ Fitch ເຊື່ອໝັ້ນວ່າ ຈະຊ່ວຍປັບປຸງໂຄງປະກອບສິນເຊື່ອຂອງຫວຽດນາມ.
ດີງເລື້ອງ
