ລາວ ແມ່ນສະຖານທີ່ລົງທຶນທີ່ມີຄວາມສາມາດບົ່ມຊ້ອນໃຫ້ແກ່ວິສາຫະກິດຫວຽດນາມ ແລະສາກົນ

	ຫວຽດນາມ - ລາວ ຊຸກຍູ້ການຮ່ວມມືຄວາມໝັ້ນຄົງດ້ານພະລັງງານ
	ຫວຽດນາມ ພ້ອມກັບລາວ ຮັກສາ ແລະເພີ່ມພູນຄູນສ້າງໃຫ້ແກ່ການພົວພັນອັນຍິ່ງໃຫຍ່, ຄວາມສາມັກຄີແບບພິເສດຕະຫຼອດໄປ

ວັນທີ 14 ກຸມພາ, ຢູ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ໃຫ້ການຕ້ອນຮັບຢ່າງສະໜິດສະໜົມ ແລະໂອ້ລົມກັບວິສາຫະກິດຫວຽດນາມ ແລະວິສາຫະກິດຕ່າງປະເທດ ທີ່ມາຈາກຫຼາຍປະເທດ ນຳໂດຍທ່ານ ຫງວຽນຮົ່ງເຫວະ ປະທານສະມາຄົມນັກທຸລະກິດຫວຽດນາມ ຢູ່ຕ່າງປະເທດ.

ທີ່ການພົບປະ, ທ່ານ ຫງວຽນຮົ່ງເຫວະ ໄດ້ຕີລາຄາວ່າ ນີ້ແມ່ນໂອກາດທີ່ດີເພື່ອໃຫ້ວິສາຫະກິດຫວຽດນາມ ຢູ່ຕ່າງປະເທດ ແລະວິສາຫະກິດສາກົນໄດ້ແນະນຳທ່າແຮງຂອງຕົນ, ຜ່ານນັ້ນຫວັງວ່າ ລັດຖະບານລາວ ຈະອະນຸຍາດໃຫ້ລົງທຶນໃນຫຼາຍຂົງເຂດ, ຄື: ພະລັງງານ, ບໍ່ແຮ່, ສຶກສາ, ສາທາລະນະສຸກ, ກະສິກຳເຕັກໂນໂລຢີສູງ...; ການຄ້າ, ລັດຖະບານເອເລັກໂຕນິກ ແລະການກໍ່ສ້າງທໍ່ສົ່ງນໍ້າມັນຈາກແຂວງຮ່າຕິງ ຂອງຫວຽດນາມ ໄປຫານະຄອນຫຼວງວຽງຈັນ ຂອງລາວ.

ທ່ານ ຫງວຽນຮົ່ງເຫວະ ສະແດງຄວາມປາດຖະໜາວ່າ ລັດຖະບານລາວ ຈະແບ່ງປັນນະໂຍບາຍ, ກົນໄກ, ລາຍການໃນການລົງທຶນ; ພ້ອມທັງສ້າງເງື່ອນໄຂສະດວກທີ່ສຸດໃຫ້ວິສາຫະກິດຫວຽດນາມ ແລະວິສາຫະກິດຕ່າງປະເທດເພື່ອສາມາດຜັນຂະຫຍາຍການເຄື່ອນໄຫວ, ໂຄງການລົງທຶນ, ດຳເນີນທຸລະກິດທີ່ໄດ້, ພວມ ແລະຈະປະຕິບັດໃນໄລຍະຈະມາເຖິງ.

ຝ່າຍລາວ, ທ່ານ ສອນໄຊ ສີພັນດອນ ໃຫ້ຮູ້ວ່າ ລາວ ເປັນສະຖານທີ່ລົງທຶນທີ່ມີຄວາມສາມາດບົ່ມຊ້ອນໃຫ້ວິສາຫະກິດຫວຽດນາມ ແລະສາກົນ. ທ່ານ ສອນໄຊ ສີພັນດອນ ແບ່ງປັນວ່າ ລາວ ແມ່ນປະເທດບໍ່ມີທະເລ, ແຕ່ແມ່ນປະເທດຜ່ານແດນສຳຄັນເພື່ອເຊື່ອມຕໍ່ຫວຽດນາມ ກັບ ໄທ ແລະບັນດາປະເທດໃນພາກພື້ນ. ພ້ອມທັງເນັ້ນໜັກວ່າ ປະຈຸບັນ ລາວ ຍັງມີຄວາມສາມາດບົ່ມຊ້ອນຫຼາຍຢ່າງໃຫ້ແກ່ການຮ່ວມມືດ້ານການຄ້າ, ການລົງທຶນ, ພິເສດແມ່ນ ລາວຈະເປັນສະຖານທີ່ລົງທຶນທີ່ມີຄວາມສາມາດບົ່ມຊ້ອນຫຼາຍຢ່າງໃນຂົງເຂດກະສິກຳ, ທ່ອງທ່ຽວ, logistics, ພື້ນຖານໂຄງລ່າງໃຫ້ວິສາຫະກິດຫວຽດນາມ ແລະສາກົນ.

ລັດຖະບານລາວ ຍາມໃດຈະກໍ່ສ້າງເງື່ອນໄຂສະດວກໃຫ້ວິສາຫະກິດຫວຽດນາມ ແລະນັກລົງທຶນຕ່າງປະເທດຜັນຂະຫຍາຍການເຄື່ອນໄຫວລົງທຶນ ແລະດຳເນີນທຸລະກິດຢູ່ ລາວ ໂດຍໄວ.

ເອກອັກຄະລັດຖະທູດ ຫງວຽນມິງເຕິມ: ນໍາການພົວພັນມິດຕະພາບຫວຽດນາມ-ລາວ ສືບຕໍ່ກາຍເປັນການພົວພັນແບບຢ່າງທີ່ຫາຍາກໃນໂລກ ຍສໝ - ໂດຍໄດ້ຮັບຄໍາເຊີນຂອງທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດລາວ ໄດ້ມາຢ້ຽມຢາມຫວຽດນາມ ຢ່າງເປັນທາງການ ແຕ່ວັນທີ 12-14 ກຸມພາ.

ຜັນຂະຫຍາຍການຮ່ວມມື​ລະຫວ່າງ​ກະຊວງ​ພາຍ​ໃນ​ ຫວຽດນາມ ​ແລະ ລາວ ​ໄລຍະ 2023-2026 ຢ່າງ​ມີ​ປະສິດທິ​ຜົນ ຍສໝ - ວັນ​ທີ 10 ກຸມພາ 2025, ທ່ານ​ເອກ​ອັກຄະ​ລັດຖະທູດ​ຫວຽດນາມ ປະຈຳ​ລາວ ຫງວຽນ​ມິ​ງເຕີມ ໄດ້ເຂົ້າພົບປະຢ້ຽມຢາມ ແລະ ​ເຮັດ​ວຽກ​ກັບ ທ່ານ ວິໄລວົງ ບຸດດາຄຳ, ກຳມະການ​ສູນ​ກາງ​ພັກ, ລັດຖະມົນຕີ​ກະຊວງ​ພາຍ​ໃນ​ລາວ.