 | ປັບປຸງ, ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດລະຫວ່າງສອງປະເທດຫວຽດນາມ-ລາວ |
| ອົງການ OECD ປາດຖະໜາຢາກປັບປຸງການພົວພັນກັບຫວຽດນາມ |
 |
| ວັນທີ 30 ມິຖຸນາ 2024, ສະຫະພັນບັນດາອົງການມິດຕະພາບ ຫວຽດນາມ ສົມທົບກັບຄູ່ຮ່ວມມື, ເພື່ອນມິດ ສ.ເກົາຫຼີ ຈັດຕັ້ງການພົບປະຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິ້ງ ກັບບັນດາເພື່ອນມິດ ສ.ເກົາຫຼີ ທີ່ໄດ້ມີການປະກອບສ່ວນຫຼາຍຢ່າງໃຫ້ແກ່ການພົວພັນ ຫວຽດນາມ - ສ.ເກົາຫຼີ. |
ປັບປຸງ ແລະ ສ້າງລະບົບໃຫ້ໝັ້ນຄົງເຂັ້ມແຂງ, ສ້າງພື້ນຖານໃຫ້ແກ່ຜົນສຳເລັດ
ວັນທີ 25 ຕຸລາ 2017, ຄະນະບໍລິຫານງານສູນກາງຊຸດທີ XII ໄດ້ອອກມະຕິຕົກລົງເລກທີ 18-NQ/TW ກ່ຽວກັບບັນຫາການສືບຕໍ່ປ່ຽນແປງໃໝ່, ສັບຊ້ອນກົງຈັກການຈັດຕັ້ງຂອງລະບົບການເມືອງໃຫ້ກະທັດລັດ, ມີການເຄື່ອນໄຫວຢ່າງມີຜົນສັກສິດ, ປະສິດທິຜົນກັບທັດສະນະຊີ້ນຳທີ່ສຳຄັນແມ່ນ "ຮັບປະກັນລັກສະນະສັງລວມ, ຄົບຊຸດ, ເຊື່ອມຕໍ່" ແລະ "ຮູບແບບ ແລະ ຂອບຂະໜາດຂອງກົງຈັກການຈັດຕັ້ງຕ້ອງສອດຄ່ອງກັບລັກສະນະ, ຈຸດພິເສດສະເພາະ, ບົດບາດ, ໜ້າທີ່ຂອງແຕ່ລະອົງການ, ຫົວໜ່ວຍ ແລະ ທ້ອງຖິ່ນ". ສຳລັບວຽກງານການທູດປະຊາຊົນ, ວັນທີ 5 ມັງກອນ 2022, ຄະນະເລຂາທິການສູນກາງພັກ ໄດ້ອອກຄຳສັ່ງເລກທີ 12-CT/TW ວ່າດ້ວຍການເພີ່ມທະວີການນຳພາຂອງພັກ, ຍົກສູງປະສິດທິຜົນດ້ານການທູດປະຊາຊົນໃນສະພາບການໃໝ່, ເນັ້ນໜັກເຖິງໜຶ່ງໃນໜ້າທີ່ສຳຄັນແມ່ນ “ເອົາໃຈໃສ່ເຖິງການປ່ຽນແປງໃໝ່, ສັບຊ້ອນ, ບູລະນະອົງການ, ກົງຈັກ, ສັບຊ້ອນເຮັດວຽກງານການທູດປະຊາຊົນນັບແຕ່ສູນກາງເຖິງທ້ອງຖິ່ນຕາມທິດທາງ . ນະວັດຕະກຳ, ການຈັດຕັ້ງ, ໂຄຕ້າບຸກຄະລາກອນເຮັດວຽກງານການທູດປະຊາຊົນ ຈາກສູນກາງລົງເຖິງທ້ອງຖິ່ນຕາມທິດທາງກະທັດລັດ, ມີປະສິດທິຜົນ”.
ເຊື່ອມຊຶມບັນດາເອກະສານຊີ້ນຳຂອງພັກ ແລະ ຮັບຮູ້ໄດ້ເຖິງຄວາມສຳຄັນຂອງກຳລັງແຮງທົ່ວລະບົບ, ໃນຊຸມປີມໍ່ໆມານີ້, ສະຫະພັນບັນດາອົງການມິດຕະພາບ ຫວຽດນາມ ໄດ້ເອົາໃຈໃສ່ເຖິງວຽກງານກໍ່ສ້າງກົງຈັກການຈັດຕັ້ງຂອງທັງອົງການປະຈຳ, ບັນດາອົງການສະມາຊິກຢູ່ສູນກາງ ແລະ ຢູ່ສະຫະພັນບັນດາອົງການມິດຕະພາບບັນດາແຂວງ, ນະຄອນ. ພິເສດ, ໃນປີ 2024, ມະຕິກອງປະຊຸມໃຫຍ່ຄະນະປະທານ ຄັ້ງທີ 9, ຊຸດທີ VI ໄດ້ວາງອອກໜຶ່ງໃນຈຸດສຸມສຳຄັນແມ່ນ “ປັບປຸງລະບົບອົງການຈັດຕັ້ງນັບແຕ່ສູນກາງລົງຮອດທ້ອງຖິ່ນ; ສືບຕໍ່ຈັດຕັ້ງ ແລະ ບູລະນະກົງຈັກການຈັດຕັ້ງຂອງອົງການປະຈຳໃຫ້ສົມບູນ".
ເພື່ອປະຕິບັດມະຕິຂອງຄະນະປະທານ, ສະຫະພັນບັນດາອົງການມິດຕະພາບ ຫວຽດນາມ ໄດ້ສຸມໃສ່ຜັນຂະຫຍາຍຫຼາຍທິດທາງໃໝ່. ຫນຶ່ງໃນທິດທາງໃຫຍ່, ໄລຍະຍາວແມ່ນຄວາມເອກະພາບໃນອາຍຸການ, ຊື່ເອີ້ນ, ລະບົບສະແກນ, ແບບເອກະສານໃນທົ່ວລະບົບ. ຕາມນັ້ນແລ້ວ, ຄະນະພັກສະຫະພັນບັນດາອົງການມິດຕະພາບ ຫວຽດນາມ ໄດ້ຕັ້ງໜ້າສະເໜີປ່ຽນເວລາຈັດຕັ້ງກອງປະຊຸມໃຫຍ່ ຄັ້ງທີ VII ຂອງສະຫະພັນບັນດາອົງການມິດຕະພາບ ຫວຽດນາມ, ສອດຄ່ອງກັບອາຍຸການກອງປະຊຸມໃຫຍ່ທຸກຂັ້ນ, ມຸ່ງໄປເຖິງການເປັນເອກະພາບເວລາກອງປະຊຸມໃຫຍ່ຂອງທັງໝົດບັນດາສະຫະພັນບັນດາອົງການມິດຕະພາບແຂວງ, ນະຄອນໃນທົ່ວປະເທດ, ສ້າງເງື່ອນໄຂໃນການສ້າງແຜນນະໂຍບາຍ, ການກຳນົດທິດ, ການຊີ້ນຳຂອງພັກ. ສະຫະພັນບັນດາອົງການມິດຕະພາບ ຫວຽດນາມ ກໍ່ໄດ້ຜັນຂະຫຍາຍລະບົບສະແກນ ແລະ ເອກະສານແບບຢ່າງ ເພື່ອນຳໃຊ້ລວມໃນທົ່ວລະບົບ.
ສຳລັບບັນດາອົງການສະມາຊິກຢູ່ສູນກາງ, ເປັນຄັ້ງທຳອິດທີ່ສະຫະພັນບັນດາອົງການມິດຕະພາບຫວຽດນາມ ເປັນເຈົ້າການກວດກາຄືນ, ຕີລາຄາສະພາບການເຄື່ອນໄຫວຂອງທັງໝົດອົງການສະມາຊິກ. ໝາກຜົນການກວດກາຄືນສະແດງໃຫ້ເຫັນວ່າ ສ່ວນຫຼາຍອົງການສະມາຊິກໄດ້ເຄື່ອນໄຫວຢ່າງມີປະສິດທິຜົນ, ປະກອບສ່ວນຢ່າງຕັ້ງໜ້າເຂົ້າໃນຜົນສຳເລັດລວມຂອງສະຫະພັນບັນດາອົງການມິດຕະພາບ ຫວຽດນາມ. ຄຽງຄູ່ກັນນັ້ນ, ບາງອົງການຈັດຕັ້ງ ເຕັມໄປດ້ວຍມູນເຊື້ອ ແຕ່ໄດ້ສຳເລັດພາລະກິດປະຫວັດສາດ, ປະຈຸບັນ ຍັງບໍ່ມີການເຄື່ອນໄຫວ, ບໍ່ໄດ້ປະກອບສ່ວນເປັນໄລຍະຍາວອີກ. ບົນພື້ນຖານນັ້ນ, ສະຫະພັນບັນດາອົງການມິດຕະພາບ ຫວຽດນາມ ເປັນເຈົ້າການປຶກສາຫາລືກັບບັນດາຄະນະ, ກະຊວງ, ຂະແໜງການທີ່ກ່ຽວຂ້ອງ (ຄະນະພົວພັນຕ່າງປະເທດສູນກາງ, ກະຊວງການຕ່າງປະເທດ, ກະຊວງພາຍໃນ) ແລະ ສະເໜີໃຫ້ຄະນະເລຂາທິການສູນກາງພັກ ອະນຸຍາດໃຫ້ສິ້ນສຸດການເຄື່ອນໄຫວຂອງ 07 ອົງການສະມາຊິກຢູ່ສູນກາງ.
ສຳລັບອົງການປະຈຳ, ແຕ່ຕົ້ນປີ, ພິເສດພາຍຫຼັງບັນດາການຊີ້ນຳຂອງສູນກາງກ່ຽວກັບການສະຫຼຸບມະຕິເລກທີ 18-NQ/TW ວ່າດ້ວຍບັນຫາກ່ຽວກັບການສືບຕໍ່ປ່ຽນແປງໃໝ່ ແລະ ສັບຊ້ອນກົງຈັກການຈັດຕັ້ງຂອງລະບົບການເມືອງໃຫ້ກະທັດລັດ, ເຄື່ອນໄຫວຢ່າງມີຜົນສັກສິດ, ມີປະສິດທິຜົນ, ສະຫະພັນບັນດາອົງການມິດຕະພາບ ຫວຽດນາມ ເປັນເຈົ້າການກວດກາຄືນ ແລະ ຕີລາຄາອົງການ, ກົງຈັກ, ຜ່ານນັ້ນ ກໍ່ຕັດສິນໃຈໂຮມເຂົ້າກັນ, ສິ້ນສຸດການເຄື່ອນໄຫວຂອງຄະນະ, ຫົວໜ່ວຍ ເພື່ອເພີ່ມທະວີຜົນສັກສິດ, ປະສິດທິຜົນ ແລະ ຍົກສູງຄຸນນະພາບການເຄື່ອນໄຫວ.
ປ່ຽນແປງໃໝ່ຈິນຕະນາການ, ວິທີການເຂົ້າເຖິງ, ເນື້ອໃນ ແລະ ແບບວິທີການເຄື່ອນໄຫວ
“ປ່ຽນແປງໃໝ່” ອາດແມ່ນຄໍາສັບທີ່ປະກົດຫຼາຍສຸດຢູ່ໃນບັນດາການຊີ້ນຳຂອງປະທານສະຫະພັນບັນດາອົງການມິດຕະພາບຫວຽດນາມ ໃນປີ 2024. ຈິດໃຈຂອງການປ່ຽນແປງໃໝ່ໄດ້ນຳເຂົ້າໃນທຸກການເຄື່ອນໄຫວ, ທຸກຂົງເຂດວຽກງານຂອງສະຫະພັນບັນດາອົງການມິດຕະພາບ ຫວຽດນາມ. ປ່ຽນແປງໃໝ່ຈິນຕະນາການ, ປ່ຽນແປງໃໝ່ໃນການກຳນົດທິດການເຄື່ອນໄຫວຂອງທົ່ວລະບົບ, ປ່ຽນແປງໃໝ່ໃນການສ້າງເຄືອຂ່າຍຄູ່ຮ່ວມມື ແລະ ປ່ຽນແປງໃໝ່ໃນວິທີການເຂົ້າເຖິງກັບບັນດາບັນຫາໃຫມ່.
ໃນວຽກງານການກຳນົດທິດ, ປີ 2024 ແມ່ນປີທຳອິດທີ່ຄະນະພັກ ແລະ ການນຳສະຫະພັນບັນດາອົງການມິດຕະພາບ ຫວຽດນາມ ຈັດຕັ້ງການການເຮັດວຽກກັບທົ່ວລະບົບ ລວມມີ ບັນດາການປະຊຸມະກັບລວມໝູ່ການນຳບັນດາອົງການສະມາຊິກສູນກາງຢູ່ສູນກາງຂຶ້ນກັບ 04 ເຂດ; ປະຊຸມທາງໄກກັບພະນັກງານ, ລັດຖະກອນ, ຂ້າລາຊະການ, ຜູ້ອອກແຮງງານທັງໝົດຂຶ້ນກັບ 52 ສະຫະພັນບັນດາອົງການມິດຕະພາບຂອງບັນດາແຂວງ, ນະຄອນ ແລະ ເຮັດວຽກກັບຄະນະ, ຫົວໜ່ວຍທັງໝົດທີ່ຂຶ້ນກັບອົງການປະຈຳ ເພື່ອແຈ້ງການກຳນົດທິດກ່ຽວກັບຈຸດສຸມວຽກງານປີ 2024, ໄດ້ຮັບຟັງ, ແລກປ່ຽນ ແລະ ແກ້ໄຂບັນດາຄວາມຫຍຸ້ງຍາກ. ວິທີນີ້ບໍ່ພຽງແຕ່ຊ່ວຍໃຫ້ບັນດາການກຳນົດທິດ, ບັນດາຈຸດສຸມໃຫຍ່ຂອງນບັນດາອົງການມິດຕະພາບ ຫວຽດນາມ ໄປເຖິງກັບບັນດາອົງການສະມາຊິກ, ໄປເຖິງແຕ່ລະຄົນລັດຖະກອນ, ຜູ້ອອກແຮງງານທັງໝົດໃນລະບົບເທົ່ານັ້ນ, ຫາກຍັງແມ່ນຊ່ອງທາງການແຈ້ງຂໍ້ມູນຂ່າວສານ 2 ດ້ານຢ່າງມີປະສິດທິຜົນ, ໂດຍກົງ, ກໍ່ຄືປັບປຸງຄວາມໄວ້ເນື້ອເຊື່ອໃຈຂອງບັນດາອົງການສະມາຊິກເຂົ້າໃນພາລະກິດ, ບົດບາດຂອງລະບົບສະຫະພັນບັນດາອົງການມິດຕະພາບ ຫວຽດນາມ.
ໃນການປັບປຸງ, ເປີດກວ້າງເຄືອຂ່າຍຄູ່ຮ່ວມມື, ສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງການກວດກາ, ຕີລາຄາ ແລະ ສ້າງຮາກຖານຂໍ້ມູນລະບົບຄູ່ຮ່ວມມື, ຊຸກຍູ້ການຕິດຕໍ່, ສ້າງຕັ້ງການພົວພັນກັບບັນດາຄູ່ຮ່ວມມືໃໝ່ໃນຫຼາຍຂົງເຂດ (ຄົ້ນຄວ້າ, ການສຶກສາ, ວັດທະນະທຳ, ເຕັກໂນໂລຢີ, ການລົງທຶນ, ການດຳເນີນທຸລະກິດ...) ເພື່ອແບ່ງປັນຂໍ້ມູນຂ່າວສານ, ແນະນຳກ່ຽວກັບສະພາບການ, ບັນດາແຜນນະໂຍບາຍ, ນະໂຍບາຍຂອງຫວຽດນາມ ແລະ ໄດ້ຜັນຂະຫຍາຍຫຼາຍການເຄື່ອນໄຫວສົມທົບຢ່າງມີປະສິດທິຜົນ.
ການປ່ຽນແປງໃໝ່ທີ່ສໍາຄັນອີກອັນຫນຶ່ງແມ່ນຢູ່ໃນວິທີການເຂົ້າເຖິງບັນດາບັນຫາໃຫມ່. ໃກ້ຊິດຕິດແທດແນວທາງ, ການກຳນົດທິດທາງໃຫຍ່ຂອງພັກ, ລັດ, ສະຫະພັນບັນດາອົງການມິດຕະພາບ ຫວຽດນາມ ໄດ້ເປັນເຈົ້າການຫັນປ່ຽນຄວາມຫຼາກຫຼາຍ, ເປີດກວ້າງບັນດາຂົງເຂດການເຄື່ອນໄຫວ. ສະຫະພັນບັນດາອົງການມິດຕະພາບ ຫວຽດນາມ ໄດ້ເພີ່ມທະວີດຶງດູດການເຂົ້າຮ່ວມຂອງທຸກຊັ້ນວັນນະສັງຄົມເຂົ້າໃນວຽກງານການທູດປະຊາຊົນ, ຊຸກຍູ້ການຕິດຕໍ່ຄູ່ຮ່ວມມືພາຍໃນ ແລະ ຕ່າງປະເທດ, ໃນນັ້ນ ມີບັນດາອົງການລັດຖະບານ, ສະພາແຫ່ງຊາດບັນດາປະເທດ, ບັນດາສະຖາບັນຄົ້ນຄວ້າ, ບັນດາວິສາຫະກິດພາຍໃນ ແລະ ຕ່າງປະເທດ, ຈາກນັ້ນ ກໍ່ປະກອບສ່ວນຢ່າງແທດຈິງເຂົ້າໃນຂະບວນການສ້າງສາ ແລະ ປ້ອງກັນປະເທດຊາດ.
ໜຶ່ງໃນບັນດາຕົວຢ່າງພົ້ນເດັ່ນກ່ຽວກັບການປ່ຽນແປງໃໝ່ໃນການເຂົ້າເຖິງແມ່ນສະຫະພັນບັນດາອົງການມິດຕະພາບ ຫວຽດນາມ ເປັນຄັ້ງທຳອິດເປັນເຈົ້າການໃນການເປັນເສນາທິການ ສະເໜີສົ່ງຄະນະໂດຍປະທານສະຫະພັນບັນດາອົງການມິດຕະພາບ ຫວຽດນາມ ນຳໜ້າໄປຢ້ຽມຢາມ ແລະ ເຮັດວຽກຢູ່ ອາເມລິກາ ເພື່ອເຂົ້າຮ່ວມການສຳມະນາສາກົນກ່ຽວກັບສາສະໜາອຳນາດກົດໝາຍ ກໍ່ຄືເຮັດວຽກກັບບັນດາອົງການທີ່ຮັບຜິດຊອບຮຽບຮຽງບັນດາຮ່າງບົດລາຍງານສິດທິມະນຸດຂອງ ອາເມລິກາ; ເປັນປະທານ, ສົມທົບກັນຕ້ອນຮັບຄະນະຄຸນພໍ່ ໂປແຕສຕັງສາກົນ ແລະ ຄະນະຜູ້ອາສາສະໝັກສາກົນຂອງບັນດານັກບຸນຍຸກສຸດທ້າຍ (Latter Day Saint movement) ທີ່ມາຢ້ຽມຢາມ ເຮັດວຽກຢູ່ ຫວຽດນາມ ເພື່ອແນໃສ່ສະໜອງຂໍ້ມູນຂ່າວສານທີ່ຊັດເຈນກ່ຽວກັບສະພາບການຊຸກຍູ້ ແລະ ປົກປັກຮັກສາສິດທິມະນຸດ ແລະ ຄວາມເສລີທາງດ້ານສາສະໜາຢູ່ ຫວຽດນາມ, ກໍ່ຄື “ການຫຼໍ່ລ້ຽງໜໍ່ແໜງແຫ່ງມິດຕະພາບ ແລະ ການຮ່ວມມື” ໃໝ່ໃນການພົວພັນ ຫວຽດນາມ - ອາເມລິກາ.
 |
| ສະຫະພັນບັນດາອົງການມິດຕະພາບ ຫວຽດນາມ ໄດ້ຕ້ອນຮັບ ແລະ ເຮັດວຽກກັບບັນດາອົງການສາສະໜາສາກົນ. |
ທິດທາງໃໝ່ເພື່ອພ້ອມກັບປະເທດຊາດກ້າວເຂົ້າສູ່ສັງກາດບືນຕົວຂຶ້ນຂອງຊາດ
ສະຖານະການຂອງໂລກ ແລະ ພາກພື້ນກໍາລັງເປັນຫຼັກຖານພະຍານເຖິງການຜັນປ່ຽນຢ່າງໄວວາ, ສັບສົນ, ບໍ່ສາມາດຄາດເດົາໄດ້ ແຕ່ມີຄວາມສໍາຄັນທີ່ສຸດກັບການແກ່ງແຍ່ງປະເທດໃຫຍ່ທີ່ນັບມື້ນັບເຄັ່ງຕຶງ, ການພັດທະນາຄືພະຍຸລົມຂອງວິທະຍາສາດ ແລະ ເຕັກໂນໂລຢີ, ພົ້ນເດັ່ນແມ່ນຂໍ້ມູນໃຫຍ່ (big data), ປັນຍາປະດິດ ແລະ ເຕັກໂນໂລຢີເຄິ່ງຊັກນຳໄຟຟ້າ. ຄຽງຄູ່ກັນນັ້ນ ແມ່ນບັນດາບັນຫາຄວາມປອດໄພແບບໃໝ່ຄື ໄພທຳມະຊາດ ແລະ ພະຍາດລະບາດ ໄດ້ວາງງອອກບໍ່ພຽງແຕ່ແມ່ນບັນດາສິ່ງທ້າທາຍເທົ່ານັ້ນ, ຫາກຍັງແມ່ນກາລະໂອກາດເພື່ອໃຫ້ ຫວຽດນາມ ເຂົ້າຮ່ວມຢ່າງຕັ້ງໜ້າເຂົ້າໃນການແກ້ໄຂບັນດາບັນຫາທົ່ວໂລກ. ເພື່ອຕອບສະໜອງຄວາມຮຽກຮ້ອງຂອງສະພາບການໂລກ ແລະ ພາກພື້ນ, ຄວາມຕັ້ງຫວັງຂອງການນຳພັກ, ລັດ ແລະ ຄວາມຕ້ອງການປ່ຽນແປງໃໝ່, ການພັດທະນາຕົນເອງ, ໃນປີ 2025, ນອກຈາກການກຳນົດທິດ ແລະ ຈຸດສຸມທີ່ສຳຄັນແລ້ວ, ລະບົບສະຫະພັນບັນດາອົງການມິດຕະພາບ ຫວຽດນາມ ກໍ່ສຸມໃສ່ເຂົ້າໃນເນື້ອໃນດັ່ງນີ້:
 |
| ການນຳສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງກອງປະຊຸມມອບວຽກທາງໄກກັບ 52 ສະຫະພັນບັນດາອົງການມິດຕະພາບບັນດາທ້ອງຖິ່ນ, ເດືອນເມສາ 2024. |
ທີໜຶ່ງ, ສະຫະພັນບັນດາອົງການມິດຕະພາບ ຫວຽດນາມ ແລະ ບັນດາອົງການສະມາຊິກ ຈະສືບຕໍ່ເຊື່ອມຊຶມຢ່າງເລິກເຊິ່ງ ແລະ ຜັນຂະຫຍາຍການປະຕິບັດແນວທາງການຕ່າງປະເທດຂອງກອງປະຊຸມໃຫຍ່ຄັ້ງທີ XIII ຢ່າງມີປະສິດທິຜົນ; ສົມທົບກັນຢ່າງແໜ້ນແຟ້ນກັບວຽກງານການພົວພັນຕ່າງປະເທດຂອງພັກ ແລະ ການທູດຂອງລັດ, ປະກອບສ່ວນຢ່າງແທດຈິງ ແລະ ປະສິດທິຜົນເຂົ້າໃນການປະຕິບັດບັນດາເປົ້າໝາຍຍຸດທະສາດຂອງປະເທດຊາດໃຫ້ປະສົບຜົນສຳເລັດ, ພິເສດແມ່ນ 2 ເປົ້າໝາຍ 100 ປີທີ່ມະຕິກອງປະຊຸມໃຫຍ່ຂອງພັກຄັ້ງທີ 13 ໄດ້ກຳນົດຄື: “ເປົ້າໝາຍເບື້ອງຕົ້ນ ປີ 2030 ແມ່ນສະເຫຼີມສະຫຼອງ 100 ປີແຫ່ງວັນສ້າງຕັ້ງພັກ ແລະ ກາຍເປັນປະເທດມີການພັດທະນາອຸດສາຫະກຳທີ່ທັນສະໄໝ, ມີລາຍຮັບປານກາງສູງ. ປີ 2045, ສະເຫຼີມສະຫຼອງ 100 ປີແຫ່ງວັນສ້າງຕັ້ງປະເທດ, ກາຍເປັນປະເທດສັງຄົມນິຍົມພັດທະນາທີ່ມີລາຍຮັບສູງ”.
ທີສອງ, ຍົກສູງຄຸນນະພາບວຽກງານການຕິດຕາມສະພາບການ, ຄົ້ນຄ້ວາ ແລະ ເປັນເສນາທິການໃຫ້ຫຼາຍກວ່າອີກ, ໃນນັ້ນ ພິເສດແມ່ນເອົາໃຈໃສ່ເຖິງເສນາທິການກ່ຽວກັບບໍລິເວນ, ຄູ່ຮ່ວມມື ແລະ ບັນດາບັນຫາທີ່ສັບສົນ ແລະ ລະອຽດອ່ອນໃນວຽກງານການທູດປະຊາຊົນ. ໃນສະພາບການໂລກທີ່ຜັນແປ, ສັບສົນ ແລະ ບໍ່ສາມາດຄາດເດົາໄດ້ຫຼາຍຢ່າງ, ຖັນແຖວເຮັດວຽກງານການທູດປະຊາຊົນຂອງສະຫະພັນບັນດາອົງການມິດຕະພາບ ຫວຽດນາມ ຕ້ອງຕິດຕາມສະພາບການຂອງໂລກ ແລະ ພາກພື້ນຢ່າງໃກ້ຊິດ, ຕ້ອງກຳນົດໄດ້ບັນດາທ່າອ່ຽງ, ກະແສຟອງອັນໃຫຍ່ຫຼວງຂອງໂລກ ເວົ້າລວມ, ຂອງປະຊາຊົນໃນໂລກ ເວົ້າສະເພາະ ເພື່ອສະເໜີແນະນະໂຍບາຍ, ນະໂຍບາຍການຮັບມືທີ່ສອດຄ່ອງຕາມແຜນນະໂຍບາຍ, ແນວທາງຂອງພັກ ແລະ ບັນດາເປົ້າໝາຍຂອງ ຫວຽດນາມ.
ທີສາມ, ສືບຕໍ່ເພີ່ມທະວີວຽກງານກໍ່ສ້າງກຳລັງຕື່ມອີກ, ປັບປຸງກົງຈັກການຈັດຕັ້ງ, ຫັນບັນດາລະບຽບຂໍ້ກຳນົດ, ຂັ້ນຕອນເປັນມາດຕະຖານ, ເພີ່ມທະວີວຽກງານສົມທົບໃນ ແລະ ນອກລະບົບ ແລະ ບຳລຸງສ້າງຖັນແຖວພະນັກງານເຮັດວຽກງານການທູດປະຊາຊົນ. ເຊື່ອມຊຶມຄຳສອນຂອງປະທານ ໂຮ່ຈີມິນ ກ່ຽວກັບ "ການຖືເປັນສຳຄັນວຽກງານການບຳລຸງສ້າງພະນັກງານການທູດ, ພະນັກງານການຕ່າງປະເທດທັງທາງດ້ານລະດັບ, ຄວາມສາມາດ ແລະ ທັງຄຸນນະທາດດ້ານການເມືອງ, ພິເສດແມ່ນຄຸນນະທາດການເມືອງໃຫ້ຫຼາຍກວ່າອີກ”. ສະຫະພັນບັນດາອົງການມິດຕະພາບ ຫວຽດນາມ ຕ້ອງກໍ່ສ້າງຖັນແຖວຮັບຜິດຊອບໂດຍສະເພາະໃນດ້ານການທູດປະຊາຊົນທີ່ມີຄຸນນະທາດດ້ານການເມືອງ, ວິຊາສະເພາະ, ມີທັກສະດ້ານການຕ່າງປະເທດຢ່າງຊຳນານ, ເພື່ອນັບມື້ນັບມີການປະກອບສ່ວນຫຼາຍກວ່າໃຫ້ການພົວພັນຕ່າງປະເທດ ເວົ້າລວມ ແລະ ການທູດປະຊາຊົນເວົ້າສະເພາະ.
ທີສີ່, ທົ່ວລະບົບຂອງສະຫະພັນບັນດາອົງການມິດຕະພາບ ຫວຽດນາມ ຈະສືບຕໍ່ມີການປ່ຽນແປງໃໝ່ກ່ຽວກັບຈິນຕະນາການ, ວິທີການເຂົ້າເຖິງ, ເນື້ອໃນ ແລະ ແບບວິທີການຈັດຕັ້ງບັນດາການເຄື່ອນໄຫວການທູດ ແລະ ພິເສດເອົາໃຈໃສ່ເຖິງລັກສະນະປະສິດທິຜົນໃນບັນດາການເຄື່ອນໄຫວການທູດປະຊາຊົນ.
ໃນສະພາບການ “ໂລກພວມຢູ່ໃນໄລຍະປ່ຽນແປງທີ່ມີລັກສະນະຍຸກສະໄໝ, ປະເທດພວກເຮົາພວມຢືນຢູ່ຕໍ່ໜ້າຈຸດເລີ່ມຕົ້ນປະຫວັດສາດໃໝ່, ສັງກາດໃໝ່, ສັງກາດບືນຕົວຂຶ້ນຂອງປະເທດຊາດ ຫວຽດນາມ” ຄືການຕີລາຄາຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກ ພັກກອມມູນິດ ຫວຽດນາມ ໂຕເລີມ, ລະບົບສະຫະພັນບັນດາອົງການມິດຕະພາບ ຫວຽດນາມ ຈະສືບຕໍ່ມານະພະຍາຍາມ, ສາມັກຄີເປັນເອກະພາບ ແລະ ພ້ອມຈິດຮ່ວມໃຈ ເພື່ອບັນລຸໄດ້ບັນດາໝາກຜົນທີ່ສຳຄັນກວ່າ, ປະກອບສ່ວນເຂົ້າໃນພາລະກິດແຫ່ງການສ້າງສາ ແລະ ພັດທະນາປະເທດຊາດຢ່າງຕັ້ງໜ້າຕື່ມອີກ.
 | ນາຍົກລັດຖະມົນຕີທັງ 2 ທ່ານເນັ້ນໜັກວ່າ ຫວຽດນາມ ແລະ ກຳປູເຈຍ ຄວນເພີ່ມທະວີການສົມທົບ, ສະໜັບສະໜູນເຊິ່ງກັນ ແລະ ກັນໃນບັນດາເວທີປາໄສຫຼາຍຝ່າຍ... |
 | ປັບປຸງ ແລະ ພັດທະນາສາຍພົວພັນບ້ານໃກ້ເຮືອນຄຽງມິດຕະພາບ, ການຮ່ວມມືຮອບດ້ານ ຫວຽດນາມ - ກຳປູເຈຍ ການນຳ 2 ທ່ານພ້ອມກັນຕີລາຄາວ່າ ການຢ້ຽມຢາມນີ້ແມ່ນເຫດການສຳຄັນໃນການປັບປຸງ ແລະ ພັດທະນາການພົວພັນບ້ານໃກ້ເຮືອນຄຽງມິດຕະພາບ, ການຮ່ວມມືຮອບດ້ານລະຫວ່າງ ຫວຽດນາມ - ກຳປູເຈຍ. |
ແທັງຮັ່ງ
