| OECD ພ້ອມແລ້ວທີ່ຈະໜູນຊ່ວຍ ຫວຽດນາມ ໃນການຊຸກຍູ້ການເຕີບໂຕໃໝ່ຄື ການຫັນປ່ຽນສີຂຽວ ແລະ ການຫັນເປັນດີຈີຕອນ | |
| ນຳການພົວພັນສອງປະເທດຫວຽດນາມ - ອາເຈນຕິນາໃຫ້ພັດທະນາດີຂຶ້ນ |
ຕອນບ່າຍວັນທີ 26 ຕຸລາ,ຢູ່ຮ່າໂນ້ຍ, ທ່ານລັດຖະມົນຕີການຕ່າງປະເທດ ຫວຽດນາມ ບຸຍແທັງເຊີນ ໄດ້ໃຫ້ການຕ້ອນຮັບທ່ານ Mathias Cormann, ເລຂາທິການໃຫຍ່ ອົງການຮ່ວມມື ແລະ ພັດທະນາເສດຖະກິດ (OECD) ໃນໂອກາດມາເຂົ້າຮ່ວມບັນດາການເຄື່ອນໄຫວໃນຂອບເຂດເວທີປາໄສ ລັດຖະມົນຕີ OECD - ອາຊີຕາເວັນອອກສ່ຽງໃຕ້ ປີ 2023 ດ້ວຍຫົວຂໍ້ “ການລົງທຶນແບບຍືນຍົງ ແລະ ມີຄຸນນະພາບ: ກຳລັງໜູນໃໝ່ໃຫ້ແກ່ການພົວພັນຄູ່ຮ່ວມມື OECD - ອາຊີຕາເວັນອອກສ່ຽງໃຕ້”.
ທີ່ການຕ້ອນຮັບ, ທ່ານ ບຸຍແທັງເຊີນ ເນັ້ນໜັກເຖິງຄວາມໝາຍສຳຄັນຂອງການຜັນຂະຫຍາຍບົດບັນທຶກຊ່ວຍຈຳແຫ່ງການຮ່ວມມື (MOU) ລະຫວ່າງ ຫວຽດນາມ ແລະ OECD. ທ່ານລັດຖະມົນຕີ ຫວັງວ່າ OECD ຈະສືບຕໍ່ໜູນຊ່ວຍໃນການສະເໜີແນະນະໂຍບາຍ ໃຫ້ແກ່ ຫວຽດນາມ, ສຸມໃສ່ເຂົ້າບັນດາຂົງເຂດຄື ພາສີຢູ່ລະດັບຕ່ຳສຸດໃນທົ່ວໂລກ, ຫຼຸດຜ່ອນການປ່ອຍທາດ ກາກບອນ, ປົກປັກຮັກສາສິ່ງແວດລ້ອມ, ເຕັກໂນໂລຢີສູງ, ເຄື່ອງເຄິ່ງຊັກນຳໄຟຟ້າ, ການຫັນເປັນດີຈີຕອນ, ປັນຍາປະດິດ… ທ່ານລັດຖະມົນຕີ ກໍ່ສະເໜີໃຫ້ OECD ສືບຕໍ່ໜູນຊ່ວຍການຈັດສົ່ງພະນັກງານປະສານງານຂອງ ຫວຽດນາມ ໄປເຮັດວຽກຢູ່ OECD.
 |
ທ່ານລັດຖະມົນຕີການຕ່າງປະເທດ ຫວຽດນາມ ບຸຍແທັງເຊີນ ແລະ ທ່ານ Mathias Cormann, ເລຂາທິການໃຫຍ່ ອົງການຮ່ວມມື ແລະ ພັດທະນາເສດຖະກິດ (ພາບ: TTXVN) |
ສ່ວນທ່ານ Mathias Cormann ສະແດງຄວາມປະທັບໃຈຕໍ່ບັນດາຈຸດພົ້ນເດັ່ນແຫ່ງການພັດທະນາເສດຖະກິດຂອງ ຫວຽດນາມ ໃນປີ 2023 ໃນສະພາບການອ່ອນຕົວຂອງເສດຖະກິດທົ່ວໂລກ. ທ່ານ Mathias Cormann ຢັ້ງຢືນວ່າ OECD ແລະ ບັນດາປະເທດສະມາຊິກ ຈະສືບຕໍ່ຮ່ວມເດີນທາງກັບ ຫວຽດນາມ ໃນການປະຕິບັດບັນດາເປົ້າໝາຍພັດທະນາແບບຍືນຍົງ, ນຳການພົວພັນຮ່ວມມື ລະຫວ່າງສອງຝ່າຍຂຶ້ນສູ່ລະດັບສູງໃໝ່, ຕິດພັນກັບບັນດາບຸລິມະສິດ ຂອງ ຫວຽດນາມ ໃນບັນດາຂົງເຂດຫາກໍ່ພົ້ນເດັ່ນຂຶ້ນຄື: ການຫັນເປັນດີຈີຕອນ, ການເຕີບໂຕສີຂຽວ.
ຕອນບ່າຍວັນທີ 27 ຕຸລາ, ທ່ານນາຍົກລັດຖະມົນຕີ Pham Minh Chinh ໄດ້ໃຫ້ການຕ້ອນຮັບທ່ານເລຂາທິການໃຫຍ່ອົງການຮ່ວມມືເສດຖະກິດ ແລະ ພັດທະນາ (OECD) Mathias Cormann ເນື່ອງໃນໂອກາດເຂົ້າຮ່ວມເວທີປາໄສລັດຖະມົນຕີ OECD - ອາຊີຕາເວັນອອກສ່ຽງໃຕ້ ແລະ ບັນດາການເຄື່ອນໄຫວອື່ນໆໃນຂອບເຂດ. ການເປັນປະທານຮ່ວມຂອງໂຄງການອາຊີຕາເວັນອອກສຽງໃຕ້ຂອງ OECD (SEARP) ໃນປີ 2023, ໄດ້ຈັດຂຶ້ນເປັນຄັ້ງທີ 2 ຢູ່ຮ່າໂນ້ຍ.
ຕີລາຄາສູງການພົວພັນຮ່ວມມືອັນດີງາມລະຫວ່າງຫວຽດນາມ ແລະ OECD, ທ່ານນາຍົກລັດຖະມົນຕີ ສະເໜີໃຫ້ 2 ຝ່າຍຊຸກຍູ້ການຮ່ວມມືແທດຈິງ ແລະ ມີປະສິດທິຜົນກ່ວາອີກ. ບຸກທະລຸໃນສະຖາບັນ, ພື້ນຖານໂຄງລ່າງ ແລະ ຊັບພະຍາກອນມະນຸດ; ສົມທົບກັນຊຸກຍູ້ການເຕີບໂຕທີ່ສຳຄັນ (ການສົ່ງອອກ, ການລົງທຶນ, ການບໍລິໂພກ) ໃນຂະນະທີ່ຊຸກຍູ້ການເຕີບໂຕໃໝ່ເຊັ່ນ: ເສດຖະກິດສີຂຽວ, ການຫັນເປັນດິຈິຕອລ, ເສດຖະກິດວົງຈອນ, ການປ່ອຍອາຍພິດຕ່ຳ, ເສດຖະກິດສະຫຼາດ.
 |
| ທ່ານນາຍົກລັດຖະມົນຕີ Pham Minh Chinh ໄດ້ໃຫ້ການຕ້ອນຮັບທ່ານເລຂາທິການໃຫຍ່ອົງການຮ່ວມມືເສດຖະກິດ ແລະ ພັດທະນາ (OECD) Mathias Cormann |
ທ່ານນາຍົກລັດຖະມົນຕີສະເໜີ OECD ໜູນຊ່ວຍຫວຽດນາມ ສ້າງບັນດານະໂຍບາຍດຶງດູດການລົງທຶນຄຸນນະພາບສູງ ເພື່ອຊ່ວຍໃຫ້ຫວຽດນາມ ເຂົ້າຮ່ວມຢ່າງເລິກເຊິ່ງກວ່າອີກໃນຕ່ອງໂສ້ມູນຄ່າ ແລະ ການສະໜອງທົ່ວໂລກ, ຮັບປະກັນຜົນປະໂຫຍດຂອງນັກລົງທຶນ ແລະ ປັບປຸງບັນດາມາດຕະຖານໃໝ່, ພິເສດແມ່ນຂັ້ນຕ່ຳພາສີຂອງໂລກ.
ສ່ວນທ່ານເລຂາທິການໃຫຍ່ ໄດ້ມີຄວາມປະທັບໃຈຕໍ່ບັນດາຜົນງານພັດທະນາຂອງຫວຽດນາມ, ໂດຍສະເພາະແມ່ນໃນສະພາບເສດຖະກິດໂລກປະສົບກັບຄວາມຫຍຸ້ງຍາກ, ການລົງທຶນຂອງໂລກຫຼຸດລົງ ແລະ ການລົງທຶນເຂົ້າຫວຽດນາມ ເພີ່ມຂຶ້ນຢ່າງບໍ່ຢຸດຢັ້ງ. ທ່ານເລຂາທິການໃຫຍ່ຖືວ່າ: ໃນສະພາບການປ່ຽນແປງຫຼາຍຢ່າງຂອງສະພາບແວດລ້ອມໂລກ, ຫວຽດນາມ ຍັງມີຊ່ອງຫວ່າງຫຼາຍຢ່າງເພື່ອດຶງດູດການລົງທຶນທີ່ມີຄຸນນະພາບສູງມຸ່ງໄປສູ່ການພັດທະນາຂຽວ ແລະ ຍືນຍົງ.
ທ່ານເລຂາທິການໃຫຍ່ຢືນຢັນຄືນໃໝ່ຄວາມສຳຄັນດ້ານຍຸດທະສາດຂອງພາກພື້ນອາຊີຕາເວັນອອກສ່ຽງໃຕ້ເວົ້າລວມ ແລະ ຫວຽດນາມ ເວົ້າສະເພາະ OECD, ປາດຖະໜາຢາກຍົກສູງການພົວພັນ ຫວຽດນາມ - OECD ແລະ ປາດຖະໜາຢາກຮ່ວມມືກັບ ຫວຽດນາມ ໃນບັນດາຂົງເຂດທີ່ເປັນຫ່ວງຄືກັນ.
ຄຳຮຸ່ງ
