| ງານຕະຫຼາດນັດການທ່ອງທ່ຽວ ແລະບໍລິການຈັດຈອງສາກົນຢູ່ ການາດາ ແລະ “ຈຸດພົ້ນເດັ່ນ” ຫວຽດນາມ | |
| ການາດາ ປະທັບໃຈຕໍ່ບັນດາຜົນງານຂອງ ຫວຽດນາມ |
ທ່ານ Dan On ໃຫ້ຮູ້ວ່າ: ການາດາ ຍາມໃດກໍ່ສ້າງເງື່ອນໄຂສະດວກໃຫ້ບັນດາວິສາຫະກິດຫວຽດນາມ, ເປີດກ້ວາງຕະຫຼາດໃຫ້ແກ່ສິນຄ້າຫວຽດນາມ ຫຼາຍກວ່າອີກ, ພິເສດແມ່ນຜະລິດຕະພັນກະເສດ, ຊັບພະຍາກອນນ້ຳ; ກໍ່ຄືການຮ່ວມມືດ້ານວັດທະນະທຳ - ກິລາ - ທ່ອງທ່ຽວ, ການພົບປະແລກປ່ຽນປະຊາຊົນ...
ທີ່ການສຳມະນາ, ຜູ້ຕາງໜ້າສະມາຄົມນັກທຸລະກິດຫວຽດນາມ - ການາດາ ໄດ້ອັບເດດບັນດາຂໍ້ມູນຂ່າວສານຫຼ້າສຸດກ່ຽວກັບຕະຫຼາດ, ທ່າອ່ຽງຜູ້ບໍລິໂພກ, ນະໂຍບາຍບູລິມະສິດສົ່ງອອກ ແລະ ບັນດາມາດຕະການປ້ອງກັນການຄ້າຂອງການາດາ. ພ້ອມກັນນັ້ນ, ກໍ່ແນະນຳບັນດາຊ່ອງທາງການເຊື່ອມຕໍ່ທີ່ມີປະສິດທິຜົນ ແລະ ແທດຈິງໃຫ້ແກ່ບັນດາວິສາຫະກິດ. ຜ່ານນັ້ນ ກໍ່ສ້າງກາລະໂອກາດໃຫ້ບັນດາວິສາຫະກິດ ຫວຽດນາມ ເຂົ້າຮ່ວມຕະຫຼາດການາດາ ຢ່າງເລິກເຊິ່ງ ກວ້າງຂວາງ.
 |
| ບັນດາຜູ້ແທນໄດ້ປຶກສາຫາລືໃນກອງປະຊຸມ. |
ທ່ານ ຫງວຽນກວາງຈູງ, ກົງສຸນໃຫຍ່ຫວຽດນາມ ປະຈໍາ Vancouver, ການາດາ ໃຫ້ຮູ້ວ່າ: ຫວຽດນາມ ແມ່ນຄູ່ຮ່ວມມືເສດຖະກິດທີ່ສວມບົດບາດສໍາຄັນໃນການຫັນການຄ້າເປັນຫຼາກຫຼາຍຂອງການາດາ ຢູ່ພາກພື້ນ. 2 ຝ່າຍຍັງມີຄວາມສາມາດບົ່ມຊ້ອນຫຼາຍຢ່າງເພື່ອຜັນຂະຫຍາຍເປີດກວ້າງການຮ່ວມມືຫຼາຍດ້ານ ນັບແຕ່ການຄ້າຕະຫຼອດຮອດການລົງທຶນ;
ຫວຽດນາມມີທ່າແຮງດ້ານການສົ່ງອອກຜະລິດຕະພັນຄື: ໂທລະສັບມືຖື, ຄອມພິວເຕີ, ເຄື່ອງແຜ່ນແພຕັດຫຍິບ, ເກີບໜັງ, ເຄື່ອງເຟີນີເຈີ, ຊັບພະຍາກອນນ້ຳ, ເຄື່ອງຫັດຖະກຳສິລະປະກຳ, ຢາງພາລາ... ການາດາ ສົ່ງອອກຕົ້ນຕໍໄປ ຫວຽດນາມ ແມ່ນທັນຍາຫານ, ເຄມີ, ອຸປະກອນການແພດ, ບັນດາຜະລິດຕະພັນຊີ້ນ, ຝຸ່ນ, ຖົ່ວເຫຼືອງ, ນ້ຳມັນເຊື້ອໄຟບໍ່ແຮ່... ບັນດານັກລົງທຶນການາດາ ມີຄວາມສົນໃຈໃນຂົງເຂດການສຶກສາ ແລະ ພື້ນຖານໂຄງລ່າງ, ການລົງທຶນດ້ານການເງິນ, ພະລັງງານສະອາດຢູ່ຫວຽດນາມ.
ປະຈຸບັນນີ້, ການາດາ ຢືນອັນດັບທີ 14 ໃນຈຳນວນ 140 ປະເທດ ແລະ ເຂດແຄ້ວນທີ່ລົງທຶນເຂົ້າຫວຽດນາມ. ມາຮອດເດືອນກໍລະກົດ 2023, ການາດາໄດ້ລົງທຶນໂດຍກົງເຂົ້າຫວຽດນາມໃນ 253 ໂຄງການດ້ວຍຍອດຈຳນວນທຶນຈົດທະບຽນ 4,84 ຕື້ USD.
ດີງເລື້ອງ
