| ສ້າງກຳລັງໜູນຊຸກຍູ້ການພົວພັນ ຫວຽດນາມ - ບຸນກາຣີ | |
| ທ່ານປະທານສະພາແຫ່ງຊາດ ບຸນກາຣີ: ເພື່ອນມິດຫວຽດນາມ ແມ່ນປັດໄຈສຳຄັນ, ຮັບປະກັນຜົນສຳເລັດຂອງການຮ່ວມມືລະຫວ່າງ 2 ປະເທດ |
ວັນທີ 26 ກຸມພາ, ທ່ານລັດຖະມົນຕີ ຫງວຽນຮົ່ງດິ່ງ ໄດ້ມີພິທີພົບປະກັບທ່ານ Bogdan Bogdanov, ລັດຖະມົນຕີກະຊວງເສດຖະກິດ ແລະ ອຸດສາຫະກຳ ບຸນກາຣີ ຢູ່ນອກກອງປະຊຸມລັດຖະມົນຕີ WTO ຄັ້ງທີ 13 ຢູ່ UAE.
ທີ່ການພົບປະ, ທ່ານລັດຖະມົນຕີ ຫງວຽນຮົ່ງຢຽນ ໄດ້ຕີລາຄາສູງການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານລະຫວ່າງ ຫວຽດນາມ ແລະ ບຸນກາຣີ ໃນໄລຍະມໍ່ໆມານີ້. ເຖິງຢ່າງໃດກໍຕາມ, ມູນຄ່າການຄ້າສອງຝ່າຍຍັງຄົງຕົວຢູ່ໃນລະດັບຕ່ຳເມື່ອທຽບໃສ່ທ່າແຮງທີ່ມີຢູ່. ທ່ານລັດຖະມົນຕີໄດ້ສະແດງຄວາມເຊື່ອໝັ້ນຕໍ່ບັນດາທ່າໄດ້ປຽບທີ່ສັນຍາການຄ້າເສລີລະຫວ່າງຫວຽດນາມ ແລະ EU (EVFTA) ແລະ ສັນຍາປົກປ້ອງການລົງທຶນຫວຽດນາມ - EU (EVIPA) ນຳມາພ້ອມກັບຄວາມມານະພະຍາຍາມຂອງສະພາແຫ່ງຊາດ, ລັດຖະບານ ແລະ ວິສາຫະກິດຂອງສອງປະເທດ; ການຄ້າແລະການລົງທຶນສອງຝ່າຍຈະສືບຕໍ່ພັດທະນາຢ່າງແຂງແຮງ.
 |
| ຊຸກຍູ້ການຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງ ຫວຽດນາມ ແລະ ບຸນກາຣີ |
ທີ່ການຕ້ອນຮັບ, ທ່ານລັດຖະມົນຕີ ຫງວຽນຮົ່ງຢຽນ ຖືວ່າ, ເພື່ອຍູ້ແຮງການຮ່ວມມືດ້ານການຄ້າ ແລະ ການລົງທຶນ 2 ຝ່າຍກວ່າອີກ, 2 ຝ່າຍຄວນຮັກສາການຜັນຂະຫຍາຍປະສິດທິຜົນກົນໄກຄະນະກຳມະການລະຫວ່າງລັດຖະບານກ່ຽວກັບການຮ່ວມມືດ້ານເສດຖະກິດ, ວິທະຍາສາດ ແລະ ເຕັກນິກລະຫວ່າງ ຫວຽດນາມ ແລະ ບຸນກາຣີ. ໃນໄລຍະຈະມາເຖິງ, ທ່ານລັດຖະມົນຕີສະເໜີໃຫ້ 2 ຝ່າຍຊຸກຍູ້ການຮ່ວມມືໃນບັນດາຂົງເຂດ, ຄື: ກະສິກຳ, ທາດເຄມີ, ການຢາ; ພິຈາລະນາເລື່ອງເປີດກວ້າງການຮ່ວມມືພັດທະນາໃນບັນດາຂະແໜງອຸດສາຫະກຳ, ເຕັກໂນໂລຊີສີຂຽວ, ພະລັງງານໃໝ່…
ສ່ວນທ່ານລັດຖະມົນຕີ Bogdan Bogdanov, ໃຫ້ຮູ້ວ່າ, ຈະສົມທົບກັບກະຊວງອຸດສາຫະກຳການຄ້າ ຫວຽດນາມ ຢ່າງແໜ້ນແຟ້ນ ເພື່ອຊຸກຍູ້ການແລກປ່ຽນບັນດາເນື້ອໃນຮ່ວມມື ທີ່ຕ່າງຝ່າຍຕ່າງມີຄວາມສົນໃຈ; ຈັດກອງປະຊຸມຄັ້ງທີ 24 ຄະນະກຳມະການລະຫວ່າງລັດຖະບານ ກ່ຽວກັບການຮ່ວມມືດ້ານເສດຖະກິດ, ວິທະຍາສາດ ແລະ ເຕັກນິກຢູ່ນະຄອນຫຼວງ Sofia ຂອງ ບຸນກາຣີ ໃນປີ 2024 ໃຫ້ບັນລຸຜົນສຳເລັດ.
ປີ 2023, ຍອດວົງເງິນການຄ້າ 2 ສົ້ນ ຫວຽດນາມ - ບຸນກາຣີ ບັນລຸ 211,4 ລ້ານ USD, ເພີ່ມຂຶ້ນ 3,7% ເມື່ອທຽບໃສ່ປີ 2022.
ຄຳຮຸ່ງ
