 | ຮ່າໂນ້ຍ ຈະສະແດງ drone 2.025 ໜ່ວຍເພື່ອສະເຫຼີມສະຫຼອງບຸນປີໃໝ່ປະຈຳຊາດ ປີມະເສັງ 2025 |
| ບຸນປີໃໝ່ປະຈຳຊາດ ຫວຽດນາມ ທີ່ຄຶກຄັກຢູ່ Ibaraki 2025 |
 |
| ເດີນທາງທ່ອງທ່ຽວໃນໂອກາດບຸນປີໃໝ່ປະຈຳຊາດ, ນັກທ່ອງທ່ຽວຈະໄດ້ເຊື່ອມຕົວເຂົ້າໃນງານບຸນປະເພນີຫຼາຍແຫ່ງຢູ່ບັນດາທ້ອງຖິ່ນ. |
ມື້ພັກ 9 ມື້ສຳລັບປີໃໝ່ປະຈຳຊາດ ປີມະເສັງ 2025 ໃກ້ເຂົ້າມາແລ້ວ. ໃນຂະນະທີ່ຫຼາຍທ້ອງຖິ່ນໄດ້ກະກຽມບັນດາການເຄື່ອນໄຫວວັດທະນະທຳ ແລະ ງານບຸນປະເພນີທີ່ເປັນເອກະລັກພິເສດ, ບັນດາວິສາຫະກິດທ່ອງທ່ຽວໄດ້ຮັບຮູ້ທ່າອ່ຽງການເຄື່ອນຍ້າຍຕະຫຼອດບຸນເຕັດເພີ່ມຂຶ້ນ, ພິເສດແມ່ນຢູ່ບັນດານະຄອນໃຫຍ່ຄື ຮ່າໂນ້ຍ ແລະ ນະຄອນ ໂຮ່ຈີມິນ
ບັນດາການສຳຜັດຕົວຈິງທີ່ເຂັ້ມຂຸ້ນໄປດ້ວຍສີສັນໃນທົ່ວປະເທດ
ລະດູງານບຸນທີ່ຟົດຟື້ນດ້ວຍບັນດາການເຄື່ອນໄຫວວັດທະນະທໍາ, ງານບຸນພື້ນເມືອງ ແລະ ບັນດາຜະລິດຕະພັນການທ່ອງທ່ຽວທີ່ໜ້າສົນໃຈໃນໂອກາດບຸນປີໃໝ່ປະຈຳຊາດທີ່ຈະມາເຖິງ ຈະພາໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດໄດ້ມີໂອກາດສຳຜັດກັບບັນດາສີສັນຂອງງານບຸນທີ່ເປັນເອກະລັກສະເພາະຂອງແຕ່ລະເຂດໃນທົ່ວປະເທດ.
ທີ່ນະຄອນ ໂຮ່ຈີມິນ, ຖະໜົນດອກໄມ້ ຫງວຽນເຫ້ວ ດ້ວຍຫົວຂໍ້ວ່າ “ປະເທດຊາດດອກໄມ້ງາມດັ່ງໄໝມີ່, ລະດູໃບໄມ້ປົ່ງທີ່ມີຄວາມສະຫງົບສຸກ” ແຕ່ວັນທີ 27 ມັງກອນ ຫາວັນທີ 2 ກຸມພາ (ແຕ່ວັນທີ 28 ເດືອນ 12 ຫາວັນທີ 5 ເດືອນ 1 ຕາມປະຕິທີນຈັນທະຄະຕິ) ຈະແມ່ນພື້ນທີ່ທີ່ເຕັມໄປດ້ວຍດອກໄມ້ ແລະ ທັດສະນີຍະພາບທີ່ເປັນເອກະລັກສະເພາະ. ນີ້ແມ່ນບ່ອນພົບປະທີ່ຄຸ້ນເຄີຍທີ່ດຶງດູດນັກທ່ອງທ່ຽວຫຼາຍລ້ານຄົນໃນແຕ່ລະປີ.
ຢູ່ເຂດທົ່ງພຽງພາກໃຕ້ແມ່ນ້ຳລຳເຊ, ເກີນເທີ ໄດ້ດຶງດູດນັກທ່ອງທ່ຽວໄປທ່ຽວຊົມຕະຫຼາດດອກໄມ້ລະດູບານໃໝ່ຢູ່ສະໜາມຫຼວງ ໄຕໂດ້. ພື້ນທີ່ສະທ້ອນໃຫ້ເຫັນບຸນເຕັດຢູ່ 3 ພາກຄື: ພາກເໜືອ, ພາກກາງ ແລະ ພາກໃຕ້ ຈະຊ່ວຍໃຫ້ນັກທ່ອງທ່ຽວຮູ້ສຶກໄດ້ເຖິງບັນຍາກາດບຸນເຕັດພື້ນເມືອງ ຫວຽດນາມ ຢ່າງຈະແຈ້ງ.
 |
| ນະຄອນ ດ່ານັງ ໃນໂອກາດບຸນປີໃໝ່ປະຈຳຊາດ 2025 ໃຫ້ຄຳໝັ້ນສັນຍາຈະນຳມາບັນດາການສຳຜັດຕົວຈິງທີ່ໜ້າສົນໃຈ. |
ໃນໂອກາດບຸນບຸນປີໃໝ່ປະຈຳຊາດ 2025, ນະຄອນ ດ່ານັງ ໃຫ້ຄຳໝັ້ນສັນຍາຈະນຳບັນດາການສຳຜັດຕົວຈິງທີ່ໜ້າສົນໃຈ ດ້ວຍບັນດາກິດຈະກຳທີ່ເປັນເອກະລັກພິເສດເຊັ່ນ: ຂົວມັງກອນພົ່ນໄຟ, ພົ່ນນ້ຳ ຫຼື ລ່ອງເຮືອລອດຂົວແມ່ນ້ຳ ຮ່ານ ໃນຍາມບຸນເຕັດ, ພິເສດແມ່ນໃນຄືນສົ່ງປີເກົ່າຕ້ອນຮັບປີໃໝ່.
ໃນໂອກາດບຸນປີໃໝ່ປະຈຳຊາດ, ຢູ່ ຮ່າໂນ້ຍ, ໃນຕະຫຼອດວັນບຸນເຕັດ 9 ວັນ, ຈະມີລາຍການສະແດງສິລະປະຫຼາຍຢ່າງຢູ່ບໍລິເວນນະຄອນຫຼວງໃນຄືນສົ່ງປີເກົ່າຕ້ອນຮັບປີໃໝ່, ຢູ່ສະໜາມຫຼວງ ດົງກິງເຫງີ່ຍຖູກ, ເຂດສວນດອກໄມ້ວິຫານ ບ່າກ້ຽວ, ສວນສາທາລະນະ ຖົງເຍິດ... ແລະ ບັນດາເຂດອື່ນໆມີການຍິງບັ້ງໄຟດອກ.
ບໍ່ໄກຈາກ ຮ່າໂນ້ຍ, ພຽງແຕ່ຂີ່ລົດໄປ 1 ຊົ່ວໂມງ, ລົງໄປຮອດເມືອງຫຼວງເກົ່າ ນິງບິ່ງ, ສະຖານທີ່ທີ່ມີຊື່ສຽງດ້ວຍບັນດາທັດສະນີຍະພາບຄື: ຈາງອ່ານ, ຕາມກົກ-ບິກດົ້ງ, ວັດ ບ໋າຍດິ່ງ, ເນື່ອງໃນໂອກາດບຸນປີໃໝ່ ປີມະເສັງ 2025 ຈະມີບັນດາກິດຈະກໍາວັດທະນະທໍາທີ່ຫນ້າສົນໃຈຫຼາຍຢ່າງ. ພິເສດ, ຕອນຄ່ຳຂອງເມືອງເກົ່າ ຮວ່າລື ຈະກາຍເປັນຈຸດນັດພົບທີ່ດຶງດູດໃຈ ດ້ວຍງານບຸນດົນຕີ ເຄົ້າດາວ 2025, ຕະຫຼາດລະດູໃບໄມ້ປົ່ງມູນເຊື້ອ...
 |
| ສາກການສະແດງແສງສີສິລະປະໂດຍນຳໃຊ້ໂດຣນ 2.024 ລຳ ຊື່ງແມ່ນ “ງານແສງສີສິລະປະ ຮ່າໂນ້ຍ - ຟົດຟື້ນສີສັນ ທັງລອງ” ເພື່ອສະເຫຼີມສະຫຼອງປີໃໝ່ 2024. |
ຂຶ້ນໄປທາງທິດຕາເວັນຕົກສ່ຽງເໜືອໃນລະດູໃບໄມ້ປົ່ງນີ້, ນັກທ່ອງທ່ຽວຈະໄດ້ສຳຜັດກັບສີສັນວັດທະນະທຳພື້ນເມືອງທີ່ເປັນເອກະລັກສະເພາະ. ງານບຸນ ລົງທົ່ງ (ບຸນລົງທົ່ງນາ) ແມ່ນໜຶ່ງໃນບັນດາງານບຸນລະດູໃບໄມ້ປົ່ງທີ່ມີຊື່ສຽງຂອງຊາວເຜົ່າ ໄຕ, ຢ້າວ, ນຸ່ງ ເຊິ່ງຈັດຂຶ້ນໃນວັນທີ 8 ເດືອນ 1 ຕາມປະຕິທີນຈັນທະຄະຕິ ຢູ່ເມືອງ ລາວກາຍ. ບຸນ ກ່າວຕ່າວ ຍັງແມ່ນຄວາມງາມແບບດັ້ງເດີມຂອງຊາວເຜົ່າ ມົ້ງ ຢູ່ບັນດາທ້ອງຖິ່ນແຂວງ ລາວກາຍ. ໃນບັນຍາກາດທີ່ຄຶກຄັກຂອງປີໃໝ່, ງານບຸນໄດ້ຈັດຂຶ້ນເພື່ອອະທິຖານໃຫ້ລູກຫຼານ, ອວຍພອນໃຫ້ປີໃໝ່ມີໂຊກມີລາບ, ມີຊີວິດທີ່ມີຄວາມຜາສຸກ.
ທ່າອ່ຽງການເຄື່ອນຍ້າຍຕະຫຼອດບຸນເຕັດແມ່ນມີທ່າອ່ຽງເພີ່ມຂຶ້ນ
ໂອກາດບຸນປີໃໝ່ປະຈຳຊາດມັກຈະເປັນຊ່ວງເວລາແຫ່ງການພັກຜ່ອນໃນລະດູໃບໄມ້ປົ່ງທີ່ເຕັມໄປດ້ວຍຄວາມງາມຂອງບຸນເຕັດ ທີ່ສືບທອດກັນມາແຕ່ບູຮານ. ຍ້ອນແນວນັ້ນ, ການທ່ອງທ່ຽວຕະຫຼອດບຸນເຕັດພວມກາຍເປັນທາງເລືອກຂອງຫຼາຍຄອບຄົວ, ພິເສດແມ່ນຊາວຫວຽດນາມ ຢູ່ຕ່າງປະເທດກັບເມືອບ້ານຕ້ອນຮັບປີໃໝ່ ແລະ ຊາວໜຸ່ມທີ່ຢາກຄົ້ນຫາຮີດຄອງປະເພນີຢູ່ບັນດາເຂດພາກ.
ໃນໄລຍະບຸນປີໃໝ່ ປີມະເສັງ 2025, ນັກທ່ອງທ່ຽວທີ່ອອກຈາກນະຄອນ ໂຮ່ຈີມິນ ມີທ່າອ່ຽງເລືອກເຟັ້ນການທ່ອງທ່ຽວທາງບົກ ດ້ວຍການເດີນທາງໄປຢ້ຽມຢາມ ຍາຈາງ, ຟານທຽດ, ດາລາດ, ຫວຸງເຕົ່າ, ກຸ່ຍເຍີນ....; ອອກເດີນທາງຈາກ ຮ່າໂນ້ຍ, ນັກທ່ອງທ່ຽວເລືອກເຟັ້ນໄປທ່ອງທ່ຽວ ຊາປາ, ຫ້າລອງ, ຮ່າຢ່າງ, ນິ່ງບິ່ງ... ຜູ້ຕາງໜ້າບັນດາອົງການທ່ອງທ່ຽວໃຫ້ຄຳເຫັນວ່າ ການທ່ອງທ່ຽວດ້ວຍທາງບົກໄດ້ຮັບຄວາມຍິຍົມຫຼາຍກວ່າໝູ່ໃນວັນບຸນເຕັດ ສ່ວນໜຶ່ງແມ່ນຍ້ອນລາຄາປີ້ຍົນສູງ ແລະ ທາງດ່ວນມີຄວາມສະດວກແລ້ວ.
 |
| ໄວຫນຸ່ມມີທ່າອຽງໄປທ່ອງທ່ຽວຕະຫຼອດບຸນເຕັດ. |
ໂດຍກຳໄດ້ທ່າອ່ຽງ, Vietravel ພວມສ້າງຂີດໝາຍດ້ວຍການເດີນທາງສົມທົບກັບການຢ້ຽມຢາມ ແລະ ຄົ້ນຫາບັນດາຄຸນຄ່າວັດທະນະທຳທ້ອງຖິ່ນກັບລາຍການທ່ອງທ່ຽວ “ລະດູໃບໄມ້ປົ່ງເລີ່ມຕົ້ນສີສັນ” ດ້ວຍກວ່າ 50 ຜະລິດຕະພັນການທ່ອງທ່ຽວພາຍໃນປະເທດແຕ່ເໜືອຮອດໃຕ້. Vietravel ບໍ່ພຽງແຕ່ນຳມາເຊິ່ງການສຳຜັດຕົວຈິງທີ່ໜ້າສົນໃຈເທົ່ານັ້ນ, ຫາກຍັງເນັ້ນໜັກເຖິງການອະນຸລັກຮັກສາ ແລະ ເຜີຍແຜ່ຄວາມງາມຂອງບຸນເຕັດ ຫວຽດນາມ ອີກດ້ວຍ.
ໃນຂະນະນັ້ນ, ບໍລິສັດທ່ອງທ່ຽວ Saigontourist ກໍ່ແນະນຳຊຸດທ່ອງທ່ຽວ “ລະດູໃບໄມ້ປົ່ງເພື່ອຄົ້ນຫາ ຫວຽດນາມ” ດ້ວຍບັນດາຈຸດເດັ່ນຂອງການທ່ອງທ່ຽວແມ່ນບັນດາການເດີນທາງສຳຜັດຕົວຈິງກັບສີສັນຂອງລະດູໃບໄມ້ປົ່ງຢູ່ເຂດທົ່ງພຽງແມ່ນ້ຳ ກິວລອງ, ທິດຕາເວັນຕົກສ່ຽງເໜືອ, ທິດຕາເວັນອອກສ່ຽງເໜືອ, ພາກກາງ ແລະ ເຂດພູສູງພາກກາງ. ພິເສດ, ຊຸດທ່ອງທ່ຽວກ່ອນບຸນເຕັດແມ່ນດຶງດູດນັກທ່ອງທ່ຽວເປັນຈຳນວນຫຼວງຫຼາຍດ້ວຍການໄປຢ້ຽມຢາມບ້ານດອກໄມ້ ຊາແດັກ (ດົ່ງທາບ), ຕະຫຼາດ ແລັກ (ເບັນແຈ), ໝູ່ບ້ານເຮັດເຂົ້າຕົ້ມຈ້າວ, ເຂົ້າໜົມໝາກພ້າວ, ກວັນເຕັດ./.
 | ຫວຽດນາມ ໄດ້ຮັບການເລືອກຕັ້ງເປັນສະມາຊິກສະພາສິດທິມະນຸດ ສປຊ ອາຍຸການ 2023 – 2025 ຍສໝ - ທ່ານຮອງລັດຖະມົນຕີ ໂດະຮຸ່ງຫວຽດ, ຫົວໜ້າຄະນະວຽກງານ ຢືນຢັນວ່າ ຫວຽດນາມ ໄດ້ຮັບເລືອກຕັ້ງເຂົ້າເປັນສະມາຊິກສະພາສິດທິມະນຸດສະຫະປະຊາຊາດ ອາຍຸການ 2023-2025 ແມ່ນຜົນສຳເລັດອັນໃຫຍ່ຫຼວງຂອງວຽກງານການຕ່າງປະເທດຫຼາຍຝ່າຍ, ປະກອບສ່ວນຊຸກຍູ້ການພົວພັນຕ່າງປະເທດ, ນະໂຍບາຍຊຸກຍູ້ ແລະ ຍົກສູງລະດັບການພົວພັນທາງການທູດຫຼາຍຝ່າຍ ຂອງກອງປະຊຸມໃຫຍ່ຄັ້ງທີ 13 ຂອງພັກ ແລະ ທິດທາງທີ 25 ຂອງຄະນະເລຂາທິການ. |
 | ປກສ ແຂວງຄຳມ່ວນ ອວຍພອນຕໍາຫຼວດແຂວງຮ່າຕິ້ງ ເນື່ອງໃນໂອກາດປີໃໝ່ປະຈຳຊາດ ຫວຽດນາມ ຍສໝ - ເນື່ອງໃນໂອກາດນີ້, ສະຫາຍ ພັນເອກ ຄຳສິງ ນົນທະສອນ ຮອງຫົວໜ້າ ປກສ ແຂວງຄຳມ່ວນ ໄດ້ສົ່ງຄຳອວຍພອນອັນປະເສີດເຖິງບັນດາພະນັກງານ, ນັກຮົບ ຕຳຫຼວດແຂວງ ຮ່າຕິ້ງ; ພ້ອມກັນນັ້ນ, ກໍ່ສະແດງຄວາມຂອບໃຈຕໍ່ຕຳຫຼວດແຂວງ ຮ່າຕິ້ງ ໃນຊຸມປີມໍ່ໆມານີ້ທີ່ໄດ້ເອົາໃຈໃສ່ ແລະ ສົມທົບກັບ ປກສ ແຂວງຄຳມ່ວນ ໃນການປະຕິບັດໜ້າທີ່ຮັບປະກັນຄວາມໝັ້ນຄົງແຫ່ງຊາດ ແລະ ປົກປັກຮັກສາຄວາມປອດໄພ, ... |
ມິງດຶກ
