ເຫດການດັ່ງກ່າວໄດ້ດຶງດູດຜູ້ເຂົ້າຮ່ວມນັບຮ້ອຍຄົນດ້ວຍບັນດາລາຍການທີ່ອຸດົມສົມບູນ ແລະ ດຶງດູດໃຈ. ນີ້ກໍ່ແມ່ນໂອກາດເພື່ອໃຫ້ປະຊາຄົມຊາວຫວຽດນາມ ອາໄສຢູ່ ຍີ່ປຸ່ນ ພ້ອມກັນທວນຄືນບັນດາຄຸນຄ່າວັດທະນະທຳມູນເຊື້ອ ພ້ອມກັນນັ້ນ ກໍ່ແນະນຳໃຫ້ບັນດາເພື່ອນມິດ ຍີ່ປຸ່ນ ໄດ້ຮູ້ເຖິງຄວາມງາມທີ່ເປັນເອກະລັກພິເສດຂອງປະເທດຊາດ.
ທີ່ເຫດການ, ບັນດາແຂກຮັບເຊີນ ແລະ ຜູ້ຊົມໄດ້ມີໂອກາດລົງຕົວຈິງກັບຫຼາຍກິດຈະກຳທີ່ໜ້າສົນໃຈ ແລະ ມີຄວາມໝາຍ. ທໍາອິດແມ່ນການເຄື່ອນໄຫວຂຽນໜັງສືຕົ້ນລະດູບານໃໝ່, ນີ້ແມ່ນຈຸດວັດທະນະທໍາມູນເຊື້ອທີ່ຫມາຍເຖິງຄວາມປາດຖະຫນາພາວະນາຂໍຄວາມສະຫງົບສຸກ, ໂຊກລາບ ແລະ ຄວາມສຸກໃນບັນດາວັນທໍາອິດຂອງປີໃຫມ່.
 |
| ການເສັງສຽງຮ້ອງ ຫວຽດນາມ Ibaraki 2024, ບ່ອນທີ່ບັນດາຜູ້ເຂົ້າຮ່ວມແມ່ນບັນດາຊາວໜຸ່ມໃນຊຸມຊົນທີ່ມີຄວາມຫຼົງໄຫຼໃນການຮ້ອງເພງ. |
ທີ່ເຫດການໄດ້ດຳເນີນການເສັງສຽງຮ້ອງ ຫວຽດນາມ Ibaraki 2024, ບ່ອນທີ່ບັນດາຜູ້ເຂົ້າຮ່ວມແມ່ນບັນດາຊາວໜຸ່ມໃນຊຸມຊົນທີ່ມີຄວາມຫຼົງໄຫຼໃນການຮ້ອງເພງ. ການສະແດງຫຼາຍຢ່າງໄດ້ກະກຽມຢ່າງລະອຽດລະອໍ, ບັນດາການສະແດງການຟ້ອນທີ່ພິຖີພິຖັນ ນັບແຕ່ທຳນອງເພງພື້ນເມືອງເຖິງບັນດາເພງຍຸກສະໄຫມ.
ພິເສດ, ການເສັງ “ຈິດໃຈສະຫງ່າຜ່າເຜີຍ ຫວຽດນາມ” ຂອງ ຫງວຽນຫວຽດຮຸ່ງ - ຜູ້ຊະນະເລີດລາງວັນສຽງຮ້ອງ ຫວຽດນາມ Ibaraki ປີ 2024 ໄດ້ເຮັດໃຫ້ທົ່ວສະໂມສອນມີຄວາມຕື້ນຕັນ ເມື່ອບົດເພງຫວນຄືນຄວາມຮັກແພງບ້ານເກີດເມືອງນອນ ແລະ ປະເທດຊາດໃນທຸກຄົນ.
 |
| ການເດີນແບບອາພອນສະໄໝ. |
ນອກຈາກນັ້ນ, ບັນດາຊາວໜຸ່ມແຂວງ Ibaraki ກໍ່ໄດ້ພ້ອມກັນເຂົ້າຮ່ວມລາຍການສະແດງຊຸດອາພອນ ao dai (ຊຸດເສື້ອຍາວ) ຂອງຊົນເຜົ່າ 3 ເຂດພາກ, ສະແດງໃຫ້ເຫັນຄວາມງາມແບບມູນເຊື້ອ ແລະ ຄວາມອຸດົມສົມບູນຂອງຊຸດອາພອນ ຫວຽດນາມ ໄປເຖິງເພື່ອນ ຍີ່ປຸ່ນ ພ້ອມກັນນັ້ນ ກໍ່ປະກອບສ່ວນໂຄສະນາວັດທະນະທຳຊຸດອາພອນ ao dai ຫວຽດນາມ ໃຫ້ເພື່ອນມິດ ຍີ່ປຸ່ນ. ບັນດາຊຸດອາພອນໄດ້ຮັບການອອກແບບຢ່າງປະດິດປະດອຍ, ເຂັ້ມໄປດ້ວຍຈຸດວັດທະນະທຳຂອງແຕ່ລະເຂດພາກ, ນັບແຕ່ພາກເໜືອ, ພາກກາງ ຫາ ພາກໃຕ້, ໄດ້ສ້າງຮູບພາບວັດທະນະທຳທີ່ມີຊີວິດຊີວາ ແລະ ຫຼາຍສີສັນ.
ໃນຂອບເຂດທີ່ເຫດການ, ບັນດາຜູ້ຊົມກໍ່ໄດ້ຊົມບັນດາລາຍການສະແດງສິລະປະທີ່ເປັນເອກະລັກພິເສດອື່ນໆເຊັ່ນ: ການຟ້ອນພື້ນເມືອງ ແລະ ບັນດາການສະແດງສິລະປະພື້ນເມືອງ. ບັນດາລາຍການສະແດງນີ້ບໍ່ພຽງແຕ່ນຳມາເຊິ່ງຄວາມມ່ວນຊື່ນ ແລະ ຄວາມຕື່ນເຕັ້ນເທົ່ານັ້ນ ຫາກຍັງຊ່ວຍໃຫ້ຜູ້ຊົມ, ພິເສດແມ່ນຊາວ ຍີ່ປຸ່ນ ເຂົ້າໃຈກ່ຽວກັບເອກະລັກວັດທະນະທຳຂອງ ຫວຽດນາມ ກ່ວາອີກ. ການພົບປະແລກປ່ຽນວັດທະນະທຳຄັ້ງນີ້ໄດ້ສ້າງຂົວເຊື່ອມຕໍ່ລະຫວ່າງສອງປະເທດຊາດຢ່າງໝັ້ນແກ່ນ, ປະກອບສ່ວນເພີ່ມທະວີຄວາມສາມັກຄີ, ຄວາມເຂົ້າໃຈເຊິ່ງກັນ ແລະ ກັນ.
 |
| Tບຸນປີໃໝ່ປະຈຳຊາດ ຫວຽດນາມ ຢູ່ Ibaraki 2025 ບໍ່ພຽງແຕ່ແມ່ນໂອກາດເພື່ອໃຫ້ປະຊາຄົມຊາວ ຫວຽດນາມ ຢູ່ ຍີ່ປຸ່ນ ຕ້ອນຮັບປີໃໝ່ພ້ອມກັນເທົ່ານັ້ນ, ຫາກຍັງແມ່ນໂອກາດເພື່ອແນະນຳໃຫ້ຊາວ ຍີ່ປຸ່ນ ໄດ້ຮູ້ເຖິງບັນດາຄຸນຄ່າວັດທະນະທຳມູນເຊື້ອອັນດີງາມຂອງ ຫວຽດນາມ ອີກດ້ວຍ. |
ບຸນປີໃໝ່ປະຈຳຊາດ ຫວຽດນາມ ຢູ່ Ibaraki 2025 ບໍ່ພຽງແຕ່ແມ່ນໂອກາດເພື່ອໃຫ້ປະຊາຄົມຊາວ ຫວຽດນາມ ຢູ່ ຍີ່ປຸ່ນ ຕ້ອນຮັບປີໃໝ່ພ້ອມກັນເທົ່ານັ້ນ, ຫາກຍັງແມ່ນໂອກາດເພື່ອແນະນຳໃຫ້ຊາວ ຍີ່ປຸ່ນ ໄດ້ຮູ້ເຖິງບັນດາຄຸນຄ່າວັດທະນະທຳມູນເຊື້ອອັນດີງາມຂອງ ຫວຽດນາມ ນຳອີກ. ບັນດາລາຍການທີ່ມີຄວາມໝາຍ, ບັນດາການເຄື່ອນໄຫວທີ່ຫຼາກຫຼາຍ ແລະ ການກະກຽມຢ່າງລະອຽດລະອໍ ຮອບຄອບ ເຮັດໃຫ້ເຫດການດັ່ງກ່າວປະສົບຜົນສຳເລັດ, ສ້າງຄວາມປະທັບໃຈຢ່າງເລິກເຊິ່ງໃນໃຈຂອງຜູ້ເຂົ້າຮ່ວມແຕ່ລະຄົນ.
 | ລະດູບານໃໝ່ບ້ານເກີດເມືອງນອນ 2025: ບັນດາເຫດການທີ່ອຸດົມສົມບູນຂອງປະຊາຄົມຊາວ ຫວຽດນາມ ຢູ່ ຍີ່ປຸ່ນ ຍສໝ - ວັນທີ 17 ກໍລະກົດ, ຢູ່ ຮ່າໂນ້ຍ, ສະຖານກົງສູນໃຫຍ່ ຫວຽດນາມ ປະຈໍາ Fukuoka, ຍີ່ປຸ່ນ ໄດ້ສົມທົບກັບສະມາຄົມຊາວ ຫວຽດນາມ ປະຈໍາ Fukuoka, ສະມາຄົມຊາວ ຫວຽດນາມ ປະຈຳ Saitama, ຍີ່ປຸ່ນ ແລະ ຊ່ອງໂທລະພາບ VTC 10 ... |
 | ກວາງບິ່ງ, ດົ່ງນາຍ ໄປຢ້ຽມຢາມ, ອວຍພອນປີໃໝ່ ແຂວງ ຈຳປາສັກ ແລະ ແຂວງ Kampong Thom. ຍສໝ - ຄະນະປະຕິບັດງານຂອງ 02 ແຂວງ ກວາງບິ່ງ, ດົ່ງນາຍ (ຫວຽດນາມ) ໄດ້ໄປຢ້ຽມຢາມ, ອວຍພອນປີໃໝ່ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ຈຳປາສັກ (ລາວ) ແລະ ແຂວງ Kampong Thom (ກຳປູເຈຍ) ເນື່ອງໃນໂອກາດບຸນປີໃໝ່ລາວ ແລະ ບຸນ Chol chnam ... |
ແທັງຮັ່ງ
