ເມື່ອບໍ່ດົນມານີ້, ເນື່ອງໃນໂອກາດບຸນປີໃໝ່ປະຈຳຊາດຫວຽດນາມ, ຄະນະຜູ້ແທນ ປກສ ແຂວງຄຳມ່ວນ, ສປປ ລາວ ນຳໂດຍ ສະຫາຍ ພັນເອກ ຄຳສິງ ນົນທະສອນ ຮອງຫົວໜ້າ ປກສ ແຂວງຄຳມ່ວນ ໄດ້ຢ້ຽມຢາມ, ອວຍພອນພະນັກງານ, ນັກຮົບຕໍາຫຼວດແຂວງ ຮ່າຕິ້ງ. ທີ່ການຕ້ອນຮັບຄະນະມີສະຫາຍ ພັນເອກ ຫງວຽນຮົ່ງຟອງ, ຫົວໜ້າກອງບັນຊາການຕຳຫຼວດ ແຂວງ.
 |
| ປກສ ແຂວງຄຳມ່ວນ ອວຍພອນຕໍາຫຼວດແຂວງຮ່າຕິ້ງ. ພາບ: cand.com.vn/ |
ຕາງໜ້າການນໍາ, ພະນັກງານ, ນັກຮົບກອງບັນຊາການ ປກສ ແຂວງຄໍາມ່ວນ, ສະຫາຍ ພັນເອກ ຄຳສິງ ນົນທະສອນ ຮອງຫົວໜ້າ ປກສ ແຂວງຄຳມ່ວນ ໄດ້ສົ່ງຄຳຢ້ຽມຢາມຖາມຂ່າວ ແລະ ອວຍພອນປີໃໝ່ປະຈຳຊາດເຖິງພະນັກງານຕໍາຫຼວດແຂວງ ຮ່າຕິ້ງ. ເນື່ອງໃນໂອກາດນີ້, ສະຫາຍ ພັນເອກ ຄຳສິງ ນົນທະສອນ ຮອງຫົວໜ້າ ປກສ ແຂວງຄຳມ່ວນ ໄດ້ສົ່ງຄຳອວຍພອນອັນປະເສີດເຖິງບັນດາພະນັກງານ, ນັກຮົບ ຕຳຫຼວດແຂວງ ຮ່າຕິ້ງ; ພ້ອມກັນນັ້ນ, ກ9ສະແດງຄວາມຂອບໃຈຕໍ່ຕຳຫຼວດແຂວງ ຮ່າຕິ້ງ ໃນຊຸມປີມໍ່ໆມານີ້ທີ່ໄດ້ເອົາໃຈໃສ່ ແລະ ສົມທົບກັບ ປກສ ແຂວງຄຳມ່ວນ ໃນການປະຕິບັດໜ້າທີ່ຮັບປະກັນຄວາມໝັ້ນຄົງແຫ່ງຊາດ ແລະ ປົກປັກຮັກສາຄວາມປອດໄພ, ຄວາມລະບຽບຮຽບຮ້ອຍທາງສັງຄົມເປັນຢ່າງດີ.
ໂດຍໄດ້ຮັບຄວາມຮັກແພງອັນລ້ຳຄ່າຂອງສະຫາຍ ພັນເອກ ຄຳສິງ ນົນທະສອນ ແລະ ບັນດາສະຫາຍໃນຄະນະຜູ້ແທນ ທີ່ສະຫງວນໃຫ້ຕຳຫຼວດແຂວງ ຮ່າຕິ້ງ, ບັນດາສະຫາຍໃນຄະນະຫົວໜ້າກອງບັນຊາການຕຳຫຼວດແຂວງ ຮ່າຕິ້ງ ໄດ້ສະແດງຄວາມຂອບອົກຂອບໃຈຢ່າງເລິກເຊິ່ງ ແລະ ຢືນຢັນວ່າ ການພົວພັນຮ່ວມມືລະຫວ່າງ ຕໍາຫຼວດສອງແຂວງຈະນັບມື້ນັບສະໜິດຕິດພັນ ແລະ ໝັ້ນແກ່ນກວ່າອີກ.
ຕຳຫຼວດ 2 ແຂວງຈະສືບຕໍ່ປະຕິບັດບັນດາໜ້າທີ່ໃນທຸກຂົງເຂດວຽກງານຢ່າງມີປະສິດທິຜົນ; ຕ້ານອາດຊະຍາກຳທຸກປະເພດ, ຮັບປະກັນຄວາມປອດໄພ, ຄວາມລະບຽບຮຽບຮ້ອຍຢູ່ເຂດຊາຍແດນລະຫວ່າງສອງປະເທດຫວຽດນາມ - ລາວ...
ບູນມີ
