 |
| ສະຫາຍ ບຸນທອງ ຈິດມະນີ, ກໍາມະການກົມການເມືອງ, ຜູ້ປະຈຳການຄະນະເລຂາທິການສູນກາງພັກປະຊາຊົນປະຕິວັດ ລາວ, ຮອງປະທານປະເທດ ແຫ່ງ ສປປ ລາວ ໄດ້ຕ້ອນຮັບຄະນະຜູ້ແທນສະຫະພັນບັນດາອົງການມິດຕະພາບ ຫວຽດນາມ ຢ່າງອົບອຸ່ນ. ພາບ: ສຳນັກຂ່າວສານ ຫວຽດນາມ |
ຕາມສຳນັກຂ່າວສານ ຫວຽດນາມ ປະຈຳ ລາວ ແລ້ວ, ໃນຂອບເຂດການຢ້ຽມຢາມ ລາວ ແຕ່ວັນທີ 23 – 24 ທັນວາ ຂອງຄະນະຜູ້ແທນສະຫະພັນບັນດາອົງການມິດຕະພາບ ຫວຽດນາມ ໂດຍທ່ານ ຟານແອງເຊີນ ປະທານສະຫະພັນບັນດາອົງການມິດຕະພາບ ຫວຽດນາມ ເປັນຫົວໜ້າຄະນະ. ຕອນບ່າຍວັນທີ 24 ທັນວາ ຢູ່ ນະຄອນຫຼວງວຽງຈັນ, ສະຫາຍ ບຸນທອງ ຈິດມະນີ, ກໍາມະການກົມການເມືອງ ຜູ້ປະຈຳການຄະນະເລຂາທິການສູນກາງພັກປະຊາຊົນປະຕິວັດ ລາວ, ຮອງປະທານປະເທດ ແຫ່ງ ສປປ ລາວ ແລະ ສະຫາຍ ບຸນເຫຼືອ ພັນດານຸວົງ ຮັກສາການຫົວໜ້າຄະນະພົວພັນຕ່າງປະເທດສູນກາງພັກ ປະຊາຊົນປະຕິວັດ ລາວ ໄດ້ຕ້ອນຮັບຄະນະຢ່າງອົບອຸ່ນ.
ທີ່ບັນດາການຕ້ອນຮັບ, ສະຫາຍ ບຸນທອງ ຈິດມະນີ ແລະ ສະຫາຍ ບຸນເຫຼືອ ພັນດານຸວົງ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການໄປຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້; ຢືນຢັນວ່າ ການຢ້ຽມຢາມ ຈະປະກອບສ່ວນຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ລາວ-ຫວຽດນາມ ອີກກວ່າ.
ນອກຈາກນັ້ນ, ບັນດາສະຫາຍການນຳລາວ ກໍ່ຕີລາຄາສູງບົດບາດຂອງສະຫະພັນບັນດາອົງການມິດຕະພາບຫວຽດນາມ ໃນການສ້າງຕັ້ງສາຍພົວພັນ ແລະ ເຊື່ອມຕໍ່ບັນດາຄູ່ຮ່ວມມືພາຍໃນ ແລະ ຕ່າງປະເທດ, ໃນທຸກການສ່ວນປະກອບຂອງສັງຄົມ ແນໃສ່ລະດົມແຫຼ່ງກຳລັງເພື່ອຮັບໃຊ້ການພັດທະນາເສດຖະກິດ-ສັງຄົມຂອງ ຫວຽດນາມ ຢ່າງມີປະສິດທິຜົນ.
 |
| ສະຫາຍ ບຸນເຫຼືອ ພັນດານຸວົງ, ຮັກສາການຫົວໜ້າຄະນະພົວພັນຕ່າງປະເທດສູນກາງພັກ ປະຊາຊົນປະຕິວັດ ລາວ ໄດ້ຕ້ອນຮັບຄະນະຜູ້ແທນສະຫະພັນບັນດາອົງການມິດຕະພາບ ຫວຽດນາມ ຢ່າງອົບອຸ່ນ. ພາບ: ສຳນັກຂ່າວສານ ຫວຽດນາມ |
ທ່ານ ຟານແອງເຊີນ ຂອບໃຈຕໍ່ບັນດາສະຫາຍການນຳລາວ ທີ່ໄດ້ໃຫ້ການຕ້ອນຮັບຄະນະ; ໃຫ້ຮູ້ວ່າ ການຢ້ຽມຢາມ ແລະ ການເຮັດວຽກຂອງຄະນະຄັ້ງນີ້ ແມ່ນເພື່ອແລກປ່ຽນ ແລະ ແບ່ງປັນຂໍ້ມູນຂ່າວສານກ່ຽວກັບການປະກອບສ່ວນກໍ່ສ້າງພື້ນຖານສັງຄົມຢ່າງຕັ້ງໜ້າ ແລະ ສະດວກ; ຊຸກຍູ້ສັນຕິພາບ ແລະ ການພັດທະນາແບບຍືນຍົງຂອງ ຫວຽດນາມ ແລະ ໂລກ ຜ່ານບັນດາການເຄື່ອນໄຫວແລກປ່ຽນມິດຕະພາບ, ການຮ່ວມມືລະຫວ່າງປະຊາຊົນ ແລະ ວຽກງານບໍ່ຂຶ້ນກັບລັດຖະບານຕ່າງປະເທດ; ພ້ອມກັນນັ້ນ, ທ່ານກໍ່ລາຍງານບາງເນື້ອໃນທີ່ການໂອ້ລົມສົນທະນາກ່ຽວກັບແນວໂນ້ມການຕ່າງປະເທດກັບບັນດາພະນັກງານບັນດາອົງການຫຼັກແຫຼ່ງຂອງ ລາວ.
ໂດຍລາຍງານຕໍ່ບັນດາການນຳລາວ, ທ່ານ ຟານແອງເຊີນ ໃຫ້ຮູ້ວ່າ ສະຫະພັນບັນດາອົງການມິດຕະພາບຫວຽດນາມ ແມ່ນອົງການສະເພາະດ້ານການເມືອງ - ສັງຄົມ, ມີບົດບາດຫຼັກແຫຼ່ງໃນວຽກງານການທູດປະຊາຊົນ ແລະ ວຽກງານຂົນຂວາຍບໍ່ຂຶ້ນກັບລັດຖະບານຕ່າງປະເທດ; ເປັນພາກສ່ວນຂອງກຳລັງການຕ່າງປະເທດສະເພາະກິດຂອງ ຫວຽດນາມ ຈະກາຍເປັນອົງການທີ່ເຂັ້ມແຂງ, ມີອິດທິພົນສູງຢູ່ພາຍໃນ ແລະ ສາກົນ, ເຕົ້າໂຮມບັນດາກຳລັງເຂົ້າຮ່ວມການເຄື່ອນໄຫວການທູດປະຊາຊົນ ແລະ ເສນາທິການຍຸດທະສາດ, ນະໂຍບາຍກ່ຽວກັບການທູດປະຊາຊົນໃຫ້ພັກ ແລະ ລັດ.
 |
| ທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ ໄດ້ແບ່ງປັນກ່ຽວກັບການທູດຕົ້ນໄຜ່ກັບບັນດາພະນັກງານຂອງ ລາວ. ພາບ: ສຳນັກຂ່າວສານ ຫວຽດນາມ |
ທີ່ການໂອ້ລົມສົນທະນາ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ໄດ້ແບ່ງປັນກ່ຽວກັບ 4 ເນື້ອໃນຄື: ນະໂຍບາຍການຕ່າງປະເທດຂອງກອງປະຊຸມໃຫຍ່ຄັ້ງທີ XIII ຂອງພັກ; ການທູດຕົ້ນໄຜ່ ຫວຽດນາມ; ການທູດປະຊາຊົນກ່ຽວກັບພືື້ນຖານການທູດຕົ້ນໄຜ່ ຫວຽດນາມ ແລະ ການທູດຕົ້ນໄຜ່ໃນສັງກາດໃໝ່.
ກ່ອນໜ້ານັ້ນ, ຕອນບ່າຍວັນທີ 23 ທັນວາ, ຄະນະຜູ້ແທນສະຫະພັນບັນດາອົງການມິດຕະພາບ ຫວຽດນາມ ນຳໜ້າໂດຍທ່ານ ຟານແອງເຊີນ ໄດ້ມີການພົບປະ ແລະ ເຮັດວຽກກັບທ່ານຮອງປະທານສະພາແຫ່ງຊາດ, ປະທານຄະນະກຳມະການສັນຕິພາບ ແລະ ສາມັກຄີລາວ ສົມມາດ ພົນເສນາ.
ທີ່ການພົບປະ, 2 ຝ່າຍໄດ້ແລກປ່ຽນບົດຮຽນປະສົບການກ່ຽວກັບການເຄື່ອນໄຫວການທູດປະຊາຊົນ; ພ້ອມກັນນັ້ນ, ກໍ່ຕີລາຄາສູງວຽກງານການທູດປະຊາຊົນມີບົດບາດສຳຄັນໃນປະຈຸບັນ. ການເຄື່ອນໄຫວນີ້ໄປຄຽງຄູ່ກັບການເຄື່ອນໄຫວທາງການທູດຂອງພັກ ແລະ ລັດ ເພື່ອສ້າງເງື່ອນໄຂສະດວກໃຫ້ແກ່ການພົວພັນຮ່ວມມື.
ນອກຈາກນັ້ນ, ສອງຝ່າຍຍັງໄດ້ແລກປ່ຽນບັນດາບົດຮຽນປະສົບການໃນການຄຸ້ມຄອງບັນດາອົງການສາກົນທີ່ບໍ່ຂຶ້ນກັບລັດຖະບານ ແລະ ບັນດາອົງການຈັດຕັ້ງທາງສັງຄົມ, ຕີລາຄາສູງການປະກອບສ່ວນຂອງບັນດາອົງການນີ້ ດ້ວຍຖານະເປັນຄູ່ຮ່ວມມືເພື່ອພັດທະນາຢູ່ລາວ.
 | ຫວຽດນາມ - ລາວ ຢືນຢັນ, ເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ຍສໝ - ທ່ານນາງ ຄຳເພົາ ເອີນທະວັນ ໃຫ້ຮູ້ວ່າ: ໃນໄລຍະຜ່ານມາ, ເຖິງວ່າສະພາບການໂລກ ແລະພາກພື້ນສືບຕໍ່ມີການຜັນແປຢ່າງວ່ອງໄວ ແລະຍາກທີ່ຄາດຄະເນລ່ວງໜ້າໄດ້ກໍ່ຕາມ, ແຕ່ພາຍໃຕ້ການນຳພາຂອງສອງພັກ, ການຄຸ້ມຄອງຂອງສອງລັດຖະບານ ແລະການຕິດຕາມຂອງສອງສະພາແຫ່ງຊາດ ຫວຽດນາມ - ລາວ, ລາວ-ຫວຽດນາມ ພວມໃນທ່າພັດທະນາຢ່າງດີງາມ ແລະບັນລຸໄດ້ບັນດາຜົນງານສຳຄັນໃນຫຼາຍຂົງເຂດ, ນັບແຕ່ດ້ານການເມືອງ, ການປ້ອງກັນຊາດ-ປ້ອງກັນຄວາມສະຫງົບ, ການທູດຈົນຮອດດ້ານເສດຖະກິດ, ການຄ້າ, ການລົງທຶນ, ການສຶກສາ ... |
 | ຫວຽດນາມ-ລາວ ເສີມຂະຫຍາຍນໍ້າໃຈມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ຍສໝ - ທ່ານ ເຈິ່ນກວາງເຟືອງ ຖືວ່າ: ການເຈລະຈາໄດ້ສະແດງໃຫ້ເຫັນຄວາມຕັດສິນໃຈໃນການປັບປຸງ ແລະພັດທະນາສາຍພົວພັນອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງຫວຽດນາມ-ລາວ ເວົ້າລວມ ແລະລະຫວ່າງສະພາແຫ່ງຊາດຂອງສອງປະເທດເວົ້າສະເພາະ. |
ແທັງຮັ່ງ
