| ຫວຽດນາມ - ລາວ ຢືນຢັນ, ເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ | |
| ຫວຽດນາມ-ລາວ ເສີມຂະຫຍາຍນໍ້າໃຈມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ |
ໂດຍໄດ້ຮັບຄວາມເອົາໃຈໃສ່ຊີ້ນໍາ, ນໍາພາຂອງຄະນະພັກແຂວງ, ສະພາປະຊາຊົນ, ຄະນະກໍາມະການປະຊາຊົນ, ຄະນະກໍາມະການແນວໂຮມປະເທດຊາດແຂວງ, ສະຫະພັນບັນດາອົງການຈັດຕັ້ງມິດຕະພາບແຂວງ, ສະມາຄົມມິດຕະພາບຫວຽດນາມ-ລາວ ແຂວງກາວບັ່ງ ແກ້ໄຂຄວາມຫຍຸ້ງຍາກ, ຕັ້ງໜ້າເຄື່ອນໄຫວ ແລະບັນລຸໝາກຜົນຫຼາຍຢ່າງ, ປະກອບສ່ວນເຂົ້າໃນຜົນງານລວມເພີ່ມພູນຄູນສ້າງການພົວພັນມິດຕະພາບ, ຄວາມສາມັກຄີຂອງແຂວງ.
ສະມາຄົມມິດຕະພາບຫວຽດນາມ-ລາວ ແຂວງກາວບັ່ງ ໄດ້ຮັບການສ້າງຕັ້ງແຕ່ປີ 2013, ມາຮອດປະຈຸບັນ, ສະມາຄົມໄດ້ຜັນຂະຫຍາຍການເຄື່ອນໄຫວແທດຈິງ, ມີປະສິດທິຜົນຖືກຕາມແນວທາງ, ນະໂຍບາຍການທູດຂອງພັກ ແລະລັດ, ນັບມື້ນັບເສີມຂະຫຍາຍການເຄື່ອນໄຫວໃນວຽກງານການທູດປະຊາຊົນ, ຜ່ານຜ່າຄວາມຫຍຸ້ງຍາກ ເພື່ອປະຕິບັດສໍາເລັດໜ້າທີ່ຮັກສາ ແລະປົກປັກຮັກສາສະພາບແວດລ້ອມແຫ່ງສັນຕິພາບ, ຊຸກຍູ້ການຮ່ວມມືສາກົນຫຼາຍຂະແໜງ, ຫຼາຍຂົງເຂດ ກໍ່ຄືພັດທະນາເຄືອຂ່າຍການເຄື່ອນໄຫວການທູດປະຊາຊົນໃນບໍລິເວນແຂວງ.
ພາຍຫຼັງກອງປະຊຸມໃຫຍ່ ຄັ້ງທີ II, ອາຍຸການ 2021-2026, ສະມາຄົມມິດຕະພາບຫວຽດນາມ-ລາວ ແຂວງເອົາໃຈໃສ່ເປັນພິເສດເຖິງວຽກງານກໍ່ສ້າງອົງການຈັດຕັ້ງ, ພັດທະນາເຄືອຂ່າຍສະມາຄົມເຖິງຂັ້ນເມືອງ, ຕາແສງ, ດໍາເນີນບັນດາການເຄື່ອນໄຫວເພີ່ມທະວີການພົບປະແລກແລກປ່ຽນມິດຕະພາບ, ຄວາມສາມັກຄີລະຫວ່າງປະຊາຊົນສອງປະເທດຫວຽດນາມ-ລາວ, ປະກອບສ່ວນຮັກສາ ແລະພັດທະນາການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ. ມາຮອດປະຈຸບັນ, ສະມາຄົມມີ 8 ສາຂາສັງເກດ (6 ສາຂາບັນດາຕາແສງຂອງນະຄອນ; 1 ສາຂາສັງເກດບັນດາເມືອງຢູ່ທາງທິດຕາເວນອອກ; ຮະລາງ, ຈຸ່ງແຄ໊ງ, ກວາງຮວ່າ; 1 ສາຂາສັງກັດເມືອງຮວ່າອານ) ດ້ວຍສະມາຊິກທັງໝົດ 150 ຄົນ, ທີ່ເຮັດວຽກໃນບັນດາຂະແໜງສຶກສາ, ການແພດ, ໄປສະນີ, ປ່າໄມ້, ການຄ້າ. ໃນນັ້ນມີ 130 ຄົນແມ່ນທະຫານອາສາສະໝັກ ແລະນັກຊ່ຽວຊານການທະຫານຫວຽດນາມ ຊ່ວຍການປະຕິວັດລາວ.
 |
| ຄະນະບໍລິຫານງານສະມາຄົມມິດຕະພາບຫວຽດນາມ-ລາວ ແຂວງກາວບັ່ງ, ອາຍຸການ 2021-2026. ພາບ: ລອງຮວ່ຽນ |
ສະມາຄົມສົມທົບກັບຄະນະຕິດຕໍ່ສື່ສານທະຫານອາສາສະໝັກ ແລະນັກຊ່ຽວຊານການທະຫານຫວຽດນາມ ແຂວງເງະອານ ຊອກຫາທະຫານອາສາສະໝັກທີ່ເສຍສະຫຼະຊີວິດຢູ່ແຂວງຊຽງຂວາງ (ລາວ) ເປັນຈຳນວນ 47 ອັດຖິ ເຊິ່ງແມ່ນລູກນ້ອງບັນດາເຜົ່າແຂວງກາວບັ່ງ; ສົມທົບກັບຄະນະການເມືອງ F316 ຊອກຫາໄດ້ 192 ສໍາເນົາເອກະສານບັນດາວິລະຊົນເສຍສະຫຼະຊີວິດເພື່ອຊາດ; ສົມທົບກັບຄະນະຕິດຕໍ່ສື່ສານທະຫານອາສາສະໝັກ ແລະນັກຊ່ຽວຊານການທະຫານແຂວງດ້ຽນບຽນ ຊອກໄດ້ 38 ອັດຖິນັກຮົບເສຍສະຫຼະຊີວິດເພື່ອຊາດຢູ່ສະໜາມຮົບບັນດາແຂວງພາກເໜືອລາວ ແລ້ວສົ່ງເມືອປະເທດປົງສົບຢູ່ສຸສານມິດຕະພາບ ຫວຽດນາມ-ລາວ ຕົງຄາວ ແຂວງດ້ຽນບຽນ. ຄະນະຕິດຕໍ່ສື່ສານຊອກໄດ້ 1 ອັດຖິນັກຮົບຊາວຈຸ່ງແຄ໊ງ ເສຍສະຫຼະຊີວິດຢູ່ແຂວງສະຫວັນນະເຂດ ພາກໃຕ້ລາວ. ປະຕິບັດໜ້າທີ່ການທູດປະຊາຊົນ ແລະພ້ອມກັບຄະນະຜູ້ແທນທະຫານອາສາສະໝັກ ແລະນັກຊ່ຽວຊານ ໄປຢ້ຽມຢາມ ສປປ ລາວ ແລະຢ້ຽມຢາມສະໜາມຮົບເກົ່າຫຼາຍເທື່ອ... ສົມທົບກັບຄະນະຕິດຕໍ່ສື່ສານທະຫານອາສາສະໝັກ ແລະນັກຊ່ຽວຊານການທະຫານແຂວງດ້ຽນບຽນ ຊອກໄດ້ 38 ອັດຖິນັກຮົບເສຍສະຫຼະຊີວິດຢູ່ສະໜາມຮົບບັນດາແຂວງພາກເໜືອລາວ ແລ້ວເຕົ້າໂຮມຢູ່ສຸສານມິດຕະພາບຫວຽດນາມ-ລາວ ຕົງຄາວ ແຂວງດ້ຽນບຽນ; ເຕົ້າໂຮມສໍາເນົາເອກະສານສະເໜີຕໍ່ຂັ້ນເທິງ ແລະບັນດາອົງການທີ່ມີສິດອໍານາດຂອງປະເທດເພື່ອນລາວເພື່ອປະດັບ 163 ຫຼຽນໄຊຂອງລັດລາວ, 47 ຫຼຽນໄຊອິດສະຫຼະ ແລະ 650 ຫຼຽນກາລະນຶກໃຫ້ທະຫານອາສາສະໝັກ ແລະນັກຊ່ຽວຊານການທະຫານຄົນກາວບັ່ງ ຊ່ວຍການປະຕິວັດລາວ.
ສຸມໃສ່ຍູ້ແຮງການສຶກສາມູນເຊື້ອໃນໝູ່ປະຊາຊົນກ່ຽວກັບການພົວພັນສອງປະເທດ, ຈັດຕັ້ງບັນດາການເຄື່ອນໄຫວສະເຫຼີມສະຫຼອງບັນດາວັນບຸນໃຫຍ່ຂອງສອງປະເທດ; ຍູ້ແຮງບັນດາການເຄື່ອນໄຫວຕອບບຸນແທນຄຸນ, ຮ່ວມມືດ້ານເສດຖະກິດ, ວັດທະນະທໍາ, ວິທະຍາສາດເຕັກນິກ, ກິລາລະຫວ່າງບັນດາທ້ອງຖິ່ນຂອງສອງປະເທດ. ເຂົ້າຮ່ວມງານມະໂຫລານມິດຕະພາບປະຊາຊົນຫວຽດນາມ-ລາວ ຄັ້ງທີ 5 ໂດຍສະຫະພັນບັນດາອົງການຈັດຕັ້ງມິດຕະພາບຫວຽດນາມ ແລະສູນກາງສະມາຄົມມິດຕະພາບຫວຽດນາມ-ລາວ ສົມທົບກັບສະມາຄົມມິດຕະພາບລາວ-ຫວຽດນາມ ຈັດຕັ້ງຢູ່ແຂວງກວາງຈິ້ (ຫວຽດນາມ) ແລະນະຄອນສະຫວັນນະເຂດ (ລາວ). ຕອບສະໜອງປີສາມັກຄີມິດຕະພາບຫວຽດນາມ-ລາວ, ວັນທີ 28 ຕຸລາ 2022, ສະມາຄົມສົມທົບກັບສະຫະພັນມິດຕະພາບແຂວງຈັດຕັ້ງການໂອ້ລົມສົນທະນາ “ສະເຫຼີມສະຫຼອງ 73 ປີແຫ່ງວັນມຸນເຊື້ອທະຫານອາສາສະໝັກລາວ ແລະນັກຊ່ຽວຊານການທະຫານຫວຽດນາມ ຊ່ວຍການປະຕິວັດລາວ”, ດ້ວຍການເຂົ້າຮ່ວມຂອງນັກຮົບເກົ່າອາສາສະໝັກ ແລະນັກຊ່ຽວຊານການທະຫານກວ່າ 30 ຄົນຂອງແຂວງທີ່ໄປຊ່ວຍການປະຕິວັດລາວ.
ສະມາຄົມມິດຕະພາບຫວຽດນາມ-ລາວ ແລະສະຫະພັນບັນດາອົງການຈັດຕັ້ງມິດຕະພາບແຂວງສົມທົບກັນເກັບກຳເອກະສານ ແລະຮຽບຮຽງປື້ມ “ຊາວກາວບັ່ງກັບການປະຕິວັດລາວ”. ເດືອນ ທັນວາ 2022, ສະມາຄົມສົມທົບກັບສະຫະພັນມິດຕະພາບແຂວງຈັດຕັ້ງກອງປະຊຸມສໍາມະນາວິທະສາສາດ “ທະຫານອາສາສະໝັກຊາວກາວບັ່ງ ກັບການປະຕິວັດລາວ”, ມີຫຼາຍບົດປະກອບຄໍາເຫັນ, ຄວາມຄິດເຫັນປະກອບສ່ວນເຮັດແຈ້ງບົດບາດຂອງທະຫານອາສາສະໝັກແຂວງກາວບັ່ງ ທີ່ໄປປະຕິບັດໜ້າທີ່ຕໍ່ສູ້ພ້ອມກັບການປະຕິວັດລາວ. ຜ່ານນັ້ນ, ຢືນຢັນຂະໜາດ ແລະຄວາມໝາຍປະຫວັດສາດຂອງການພົວພັນສາກົນແບບພິເສດລະຫວ່າງ ຫວຽດນາມ-ລາວ ໃນປະຫວັດສາດ, ເສີມຂະຫຍາຍນໍ້າໃຈສາມັກຄີສະໜິດແໜ້ນ, ມິດຕະພາບ, ການຮ່ວມມື, ຊ່ວຍເຫຼືອເຊິ່ງກັນ ແລະກັນລະຫວ່າງສອງປະເທດໃນພາລະກິດຕໍ່ສູ້ປົດປ່ອຍຊາດກໍ່ຄືໃນພາລະກິດສ້າງສາປະເທດຊາດ. ພາຍຫຼັງກອງປະຊຸມສໍາມະນາ, ກຸ່ມຄົ້ນຄວ້າໄດ້ປັບປຸງ ແລະພິມຈໍາໜ່າຍ 200 ປື້ມເພື່ອເປັນເອກະສານສຶກສາມູນເຊື້ອໃຫ້ປະຊາຊົນທຸກຊັ້ນວັນລະ, ໂດຍສະເພາະແມ່ນກໍາລັງປະກອບອາວຸດ ແລະລຸ້ນໜຸ່ມ.
ເຖິງວ່າແຂວງກາວບັ່ງ ບໍ່ມີເສັ້ນຊາຍແດນຕິດກັບລາວ ກໍ່ຕາມ, ແຕ່ມີການສະໜິດຕິດພັນຫຼາຍຢ່າງກັບການປະຕິວັດ ແລະປະຊາຊົນລາວ, ຫຼັກຖານແມ່ນການມີໜ້າ ແລະການປະກອບສ່ວນອັນໃຫຍ່ຫຼວງ, ສະໝັກໃຈຫຼາຍດ້ານຂອງຊາວກາວບັ່ງ ແມ່ນທະຫານອາສາສະໝັກ, ນັກຊ່ຽວຊານການທະຫານໃນເມື່ອກ່ອນທີ່ໄດ້ສະຫຼະເລື້ອດເນື້ອພ້ອມກັບປະເທດ ແລະປະຊາຊົນລາວ. ພາກສ່ວນໜຶ່ງທີ່ສໍາຄັນນີ້ພວມເຂົ້າຮ່ວມຄະນະບໍລິຫານງານ ຫຼື ແມ່ນສະມາຊິກສະມາຄົມມິດຕະພາບຫວຽດນາມ-ລາວ ຂອງແຂວງ, ສ່ວນຫຼາຍມີອາຍຸສູງ, ສຸຂະພາບອ່ອນເພຍຢູ່ແລ້ວແຕ່ຍັງສະໝັກໃຈເພີ່ມພູນຄູນສ້າງຄວາມສາມັກຄີຫວຽດນາມ-ລາວ ໃຫ້ປະຊາຊົນ ແລະລຸ້ນໜຸ່ມແຂວງກາວບັ່ງ.
ໃນໄລຍະຈະມາເຖິງ, ສະມາຄົມມິດຕະພາບຫວຽດນາມ-ລາວ ແຂວງກາວບັ່ງ ສືບຕໍ່ມີການປະກອບສ່ວນແທດຈິງ, ຕັ້ງໜ້າ, ສໍາຄັນໃນວຽກງານການທູດເວົ້າລວມ ແລະພາລະກິດສາມັກຄີສາກົນເວົ້າສະເພາະຂອງແຂວງ, ພ້ອມກັບສະມາຄົມມິດຕະພາບຫວຽດນາມ-ລາວ ໃນທົ່ວປະເທດປະກອບສ່ວນເພີ່ມທະວີການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານໃນສະພາບການ ແລະເງື່ອນໄຂໃໝ່.
 | ພ້ອມກັນເພີ່ມພູນຄູນສ້າງນໍ້າໃຈມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ ຍສໝ - ກ່ຽວກັບແຜນການຮ່ວມມືໄລຍະ 2024-2026, ສອງຝ່າຍໄດ້ເຫັນດີເປັນເອກະພາບສືບຕໍ່ສົມທົບກັນຢ່າງແໜ້ນແຟ້ນໃນວຽກງານເປັນເສນາທິການ, ຮັບໃຊ້ການເຄື່ອນໄຫວຮ່ວມມືລະຫວ່າງສອງສະພາແຫ່ງຊາດ ນັບທັງສອງຝ່າຍ ແລະຫຼາຍຝ່າຍ; ສືບຕໍ່ຈັດຕັ້ງການແລກປ່ຽນຄະນະຜູ້ແທນ ແລະຄະນະນັກຊ່ຽວຊານລະຫວ່າງຫ້ອງວ່າການສະພາແຫ່ງຊາດຫວຽດນາມ ແລະຄະນະເລຂາທິການສະພາແຫ່ງຊາດລາວ; ... |
 | ສະພາແຫ່ງຊາດ ຫວຽດນາມ - ລາວ ຢືນຢັນຈະສືບຕໍ່ສົມທົບກັ ຊຸກຍູ້ການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຍສໝ - ຕອນບ່າຍວັນທີ 4 ມັງກອນນີ້, ຢູ່ຫໍສະພາແຫ່ງຊາດ, ທ່ານປະທານສະພາແຫ່ງຊາດ ເວືອງດິ່ງເຫາະ ໄດ້ໃຫ້ການຕ້ອນຮັບທ່ານຮອງປະທານສະພາແຫ່ງຊາດ ລາວ ຈະເລີນ ເຢຍປາວເຮີ. |
ແສງເດືອນ
