| ເພີ່ມພູນຄູນສ້າງ, ພັດທະນາການພົວພັນລະຫວ່າງນະຄອນໂຮ່ຈີມິນ ແລະບັນດາທ້ອງຖິ່ນຂອງລາວ | |
| ສືບຕໍ່ເພີ່ມພູນຄູນສ້າງການພົວພັນມິດຕະພາບ, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ |
ວັນທີ 1 ທັນວາ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ໄດ້ໂອ້ລົມທາງໂທລະສັບກັບທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດລາວ.
ທ່ານເລຂາທິການໃຫຍ່ ໂຕເລິມ ສະແດງຄວາມປິຕິຊົມຊື່ນເມື່ອເຫັນວ່າ ສາຍພົວພັນຫວຽດນາມ - ລາວ ພວມພັດທະນາຢ່າງບໍ່ຢຸດຢັ້ງໃນທຸກຂົງເຂດ, ໃນນັ້ນ ການພົວພັນດ້ານການເມືອງນັບມື້ນັບພັດທະນາ; ການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບ ໄດ້ຮັບການຊຸກຍູ້ຢ່າງມີປະສິດທິຜົນ; ການຮ່ວມມືດ້ານເສດຖະກິດ, ວັດທະນະທໍາ, ການສຶກສາ, ວິທະຍາສາດ-ເຕັກນິກ ໄດ້ມີການພັດທະນາທີ່ຕັ້ງໜ້າ. ທ່ານເລຂາທິການໃຫຍ່ ເນັ້ນໜັກວ່າ ສາຍພົວພັນຫວຽດນາມ - ລາວ ຍາມໃດກໍ່ສວມບົດບາດສຳຄັນພິເສດ, ແມ່ນບຸລິມະສິດ ອັນດັບໜຶ່ງໃນນະໂຍບາຍການຕ່າງປະເທດຂອງຫວຽດນາມ, ຖືວ່ານີ້ ແມ່ນໜຶ່ງໃນບັນດາໜ້າທີ່ຍຸດທະສາດ, ມີຄວາມໝາຍເປັນຕາຍໃນພາລະກິດປະຕິວັດ, ສ້າງສາ ແລະປົກປັກຮັກສາປະເທດຊາດຂອງປະຊາຊົນຫວຽດນາມ.
 |
| ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ໂອ້ລົມທາງ ໂທລະສັບກັບທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດລາວ. ພາບ: ດັງຄວາ |
ທີ່ການໂອ້ລົມທາງໂທລະສັບ, ທ່ານເລຂາທິການໃຫຍ່ ໂຕເລິມ ໄດ້ແຈ້ງໃຫ້ຊາບບາງຈຸດພົ້ນເດັ່ນຂອງສະພາບການຢູ່ຫວຽດນາມ ຫວ່າງມໍ່ໆມານີ້, ໃນນັ້ນມີເລື່ອງຫວຽດນາມ ພວມມານະພະຍາຍາມປະຕິບັດບັນດາເປົ້າໝາຍທີ່ກອງປະຊຸມໃຫຍ່ຄັ້ງທີ XIII ຂອງພັກ ວາງອອກ ແລະຕັ້ງໜ້າກະກຽມຈັດຕັ້ງກອງປະຊຸມໃຫຍ່ ຄັ້ງທີ XIV ຂອງພັກ. ທ່ານເລຂາທິການໃຫຍ່ ໂຕເລິມ ກໍ່ໄດ້ແບ່ງປັນບາງແຜນນະໂຍບາຍ ແລະນະໂຍບາຍໃຫຍ່ຂອງພັກ ແລະລັດຫວຽດນາມ ເພື່ອນຳປະເທດຊາດກ້າວເຂົ້າສູ່ສັງກາດໃໝ່ - ສັງກາດບຸກບືນຂອງຊາດຫວຽດນາມ.
ສ່ວນທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ຕີລາຄາສູງຄວາມໝາຍຂອງການໂອ້ລົມທາງໂທລະສັບ, ສະແດງໃຫ້ເຫັນສາຍພົວພັນສາມັກຄີແບບພິເສດລະຫວ່າງສອງພັກ, ສອງລັດ ແລະປະຊາຊົນສອງປະເທດ.
ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ເນັ້ນໜັກວ່າ ລາວ ຈະສືບຕໍ່ສະໜັບສະໜູນ ແລະເຮັດຈົນສຸດຄວາມສາມາດຂອງຕົນ ເພື່ອປົກປັກຮັກສາ ແລະເສີມສ້າງສາຍພົວພັນແບບພິເສດນີ້ໃຫ້ນັບມື້ນັບພັດທະນາດີຂຶ້ນ ແລະເຊື່ອໝັ້ນວ່າ, ພາຍໃຕ້ການຊີ້ນຳນຳພາຂອງພັກກອມມູນິດຫວຽດນາມ, ໂດຍທ່ານເລຂາທິການໃຫຍ່ ໂຕເລິມ ນຳໜ້າ, ຫວຽດນາມ ຈະປະຕິບັດບັນດາໜ້າທີ່ທີ່ໄດ້ວາງໄວ້ຢ່າງສຳເລັດຜົນ, ກ້າວເຂົ້າສູ່ສັງກາດໃໝ່ - ສັງກາດບຸກບືນຂອງຊາດຫວຽດນາມ ຢ່າງໝັ້ນຄົງ.
ທີ່ການໂອ້ລົມທາງໂທລະສັບ, ການນຳສອງປະເທດໄດ້ເຫັນດີເປັນເອກະສັນກ່ຽວກັບຫຼາຍທິດທາງແນໃສ່ຜັນຂະຫຍາຍປະຕິບັດຂໍ້ຕົກລົງຂັ້ນສູງຫວຽດນາມ - ລາວ, ເສີມຂະຫຍາຍບັນດາກົນໄກທີ່ມີຢູ່ແລ້ວ, ຍົກສູງປະສິດທິຜົນການຮ່ວມມືໃນຂົງເຂດຕ່າງໆ, ເພີ່ມທະວີສາຍພົວພັນສາມັກຄີແບບພິເສດລະຫວ່າງຫວຽດນາມ ແລະລາວ, ເພື່ອຜົນປະໂຫຍດອັນແທດຈິງຂອງປະຊາຊົນແຕ່ລະປະເທດ, ເພື່ອສັນຕິພາບ, ການຮ່ວມມື ແລະການພັດທະນາໃນພາກພື້ນ ແລະໃນໂລກ.
 | ຫວຽດນາມ - ລາວ ຢືນຢັນ, ເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ຍສໝ - ທ່ານນາງ ຄຳເພົາ ເອີນທະວັນ ໃຫ້ຮູ້ວ່າ: ໃນໄລຍະຜ່ານມາ, ເຖິງວ່າສະພາບການໂລກ ແລະພາກພື້ນສືບຕໍ່ມີການຜັນແປຢ່າງວ່ອງໄວ ແລະຍາກທີ່ຄາດຄະເນລ່ວງໜ້າໄດ້ກໍ່ຕາມ, ແຕ່ພາຍໃຕ້ການນຳພາຂອງສອງພັກ, ການຄຸ້ມຄອງຂອງສອງລັດຖະບານ ແລະການຕິດຕາມຂອງສອງສະພາແຫ່ງຊາດ ຫວຽດນາມ - ລາວ, ລາວ-ຫວຽດນາມ ພວມໃນທ່າພັດທະນາຢ່າງດີງາມ ແລະບັນລຸໄດ້ບັນດາຜົນງານສຳຄັນໃນຫຼາຍຂົງເຂດ, ນັບແຕ່ດ້ານການເມືອງ, ການປ້ອງກັນຊາດ-ປ້ອງກັນຄວາມສະຫງົບ, ການທູດຈົນຮອດດ້ານເສດຖະກິດ, ການຄ້າ, ການລົງທຶນ, ການສຶກສາ ... |
 | ເພີ່ມພູນຄູນສ້າງ, ເຮັດໃຫ້ສາຍພົວພັນແບບພິເສດລະຫວ່າງສອງແຂວງ ຫາຍເຢືອງ - ແຂວງ ວຽງຈັນ ເລິກເຊິ່ງກວ່າອີກ ຍສໝ - ວັນທີ 18 ກັນຍາ, ຢູ່ສູນວັດທະນະທໍາ ສືດົງ, ຄະນະກໍາມະການປະຊາຊົນແຂວງ ຫາຍເຢືອງ ໄດ້ຈັດຕັ້ງກອງປະຊຸມພົບປະລະຫວ່າງຄະນະຜູ້ແທນສອງແຂວງ ຫາຍເຢືອງ ແລະ ແຂວງ ວຽງຈັນ (ສປປ ລາວ) ເພື່ອເພີ່ມພູນຄູນສ້າງ, ເຮັດໃຫ້ສາຍພົວພັນແບບພິເສດລະຫວ່າງສອງແຂວງເລິກເຊິ່ງກ່ວາອີກ. |
ແສງເດືອນ
