ສຸມໃສ່ພັດທະນາການພົວພັນລະຫວ່າງລຸ້ນໜຸ່ມ ຫວຽດນາມ - ອິນເດຍ

	ສະເຫຼີມສະຫຼອງ 80 ປີແຫ່ງວັນກອງທັບປະຊາຊົນ ຫວຽດນາມ ຢູ່ ລັດເຊຍ, ອິນເດຍ ແລະ ອົດສະຕາລີ
	ຫວຽດນາມ - ອິນເດຍ ດຳເນີນການຝຶກຊ້ອມສອງຝ່າຍຢູ່ພູມສາດຕົວຈິງ ກ່ຽວກັບການຮັກສາສັນຕິພາບ ສປຊ ປີ 2024

ທີ່​ການ​ຕ້ອນຮັບ, ທ່ານ​ລັດຖະມົນຕີ​ກະຊວງ​ຖະ​ແຫຼ​ງຂ່າວ ​ແລະ ການສື່ສານ ຫງວຽນ​ແມ້ງ​ຮຸ່ງ, ປະທານ​ສະມາຄົມ​ມິດຕະພາບ ຫວຽດນາມ - ອິນ​ເດຍ (VIFA) ຢືນຢັນ​ວ່າ ການ​ເຄື່ອນ​ໄຫວພົບປະ​ແລກປ່ຽນ​ປະຊາຊົນ​ລະຫວ່າງ ຫວຽດນາມ ​- ອິນ​ເດຍ ໄດ້ດຳເນີນຢ່າງຟົດຟື້ນ ​ແລະ ມີ​ປະສິດທິ​ຜົນໃນເວລາທີ່ຜ່ານມາ. ບັນດາ​ການ​ເຄື່ອນ​ໄຫວ​ດັ່ງກ່າວ​ປະກອບສ່ວນ​ເພີ່ມ​ທະວີ​ຄວາມ​ເຂົ້າ​ໃຈ​ລະຫວ່າງ​ປະຊາຊົນ​ສອງ​ປະ​ເທດ, ສ້າງ​ພື້ນຖານ​ໃຫ້​ແກ່​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ ຫວຽດນາມ - ອິນ​ເດຍ.

ທ່ານ​ລັດຖະມົນຕີ​ກະຊວງ​ຖະ​ແຫຼ​ງຂ່າວ ​ແລະ ການສື່ສານ ຫງວຽນ​ແມ້ງ​ຮຸ່ງ, ປະທານ​ສະມາຄົມ​ມິດຕະພາບ ຫວຽດນາມ - ອິນ​ເດຍ ກ່າວຄຳປາໄສ​ທີ່​ການ​ຕ້ອນຮັບ.

ງານສະເຫຼີມສະຫຼອງ​ມິດຕະພາບ​ປະຊາຊົນ ​ຫວຽດນາມ - ອິນ​ເດຍ ​ຄັ້ງ​ທີ 12 ​ແມ່ນ​ໂອກາດ​ເພື່ອ​ໃຫ້​ປະຊາຊົນ​ສອງ​ປະ​ເທດ​ຊອກຮູ້​ກ່ຽວ​ກັບ​ປະ​ເທດຊາດ, ປະຊາຊົນ, ວັດທະນະທຳ ​ໂດຍ​ຜ່ານ​ບັນດາ​ການ​ເຄື່ອນ​ໄຫວພົບປະ​ແລກປ່ຽນ ​ແລະ ການ​ສະແດງຕ່າງໆ. ນີ້​ກໍ​ແມ່ນ​ໂອກາດ​ເພື່ອ​ໃຫ້​ບັນດາ​ຜູ້​ແທນ​ໄດ້​ແລກປ່ຽນ​ຄວາມ​ຄິດ​ຄວາມ​ເຫັນ ​ເພື່ອ​ແນໃສ່ສືບ​ຕໍ່​ປະດິດ​ສ້າງຮູບການ​ຈັດຕັ້ງ, ຍົກ​ສູງ​ປະສິດທິ​ຜົນ​ຂອງ​ງານ​ບຸນ.

ຕາມທ່ານລັດຖະມົນຕີ ຫງວຽນແມ້ງຮຸ່ງ ແລ້ວ, ການຫັນເປັນດີຈີຕອນ ແລະ ເຕັກໂນໂລຊີໃໝ່ຄື ປັນຍາປະດິດ (AI) ພວມເປີດກ້ວາງຫຼາຍວິທີ ເພື່ອເພີ່ມທະວີຄວາມມີປະສິດທິຜົນຂອງບັນດາໂຄງການພົບປະແລກປ່ຽນມິດຕະພາບ. ທ່ານລັດຖະມົນຕີ ສະເໜີໃຫ້ບັນດາອົງການຈັດຕັ້ງຂອງ 2 ປະເທດພິຈາລະນານຳໃຊ້ບັນດາເວທີປາໄສເຕັກໂນໂລຢີເພື່ອຈັດຕັ້ງບັນດາເວທີປາໄສ ແລະ ສຳມະນາອອນລາຍກ່ຽວກັບເສດຖະກິດ, ວັດທະນະທຳ, ການສຶກສາ; ກໍ່ສ້າງ​ບັນດາໜ້າເວັບ​ຂໍ້​ມູນ​ຂ່າວສານ​ໃນ​ເຄືອ​ຂ່າຍ​ສັງຄົມອອນລາຍ ​ເພື່ອ​ສ້າງ​ເງື່ອນ​ໄຂ​ໃຫ້​ປະຊາຊົນ​ສອງ​ປະ​ເທດ​ເຊື່ອມ​ໂຍງ ​ແລະ ​ແລກປ່ຽນ.

ພ້ອມ​ກັນ​ນັ້ນ, ກໍ່ຕ້ອງ​ສຸມ​ໃສ່​ພັດທະນາ​ການ​ພົວພັນ​ລະຫວ່າງ​ລຸ້ນໜຸ່ມ ຫວຽດນາມ ​- ອິນ​ເດຍ ໂດຍຜ່ານ​ບັນດາ​ໂຄງການ​ແລກປ່ຽນ​ທຶນການ​ສຶກສາ; ພົບປະການແລກປ່ຽນລະຫວ່າງສະຖາບັນການສຶກສາ; ຈັດຕັ້ງບັນດາ​ການ​ແຂ່ງ​ຂັນ​ຫົວຄິດປະດິດສ້າງ​​ ແລະ​ ການ​ເລີ່ມ​ດຳເນີນທຸລະກິດ​ໃຫ້ແກ່​ໄວ​ຫນຸ່ມ​.

ທ່ານ Harchand Singh, ເລຂາທິການອົງການສັນຕິພາບ ແລະ ຄວາມສາມັກຄີທົ່ວປະ​ເທດ ອິນເດຍ (AIPSO), ຫົວໜ້າຄະນະຜູ້ແທນປະຊາຊົນ ອິນເດຍ ເຂົ້າຮ່ວມງານສະເຫຼີມສະຫຼອງມິດຕະພາບປະຊາຊົນ ຫວຽດນາມ - ອິນເດຍ ຄັ້ງທີ 12.

ກ່າວ​ຄຳ​ປາໄສ​ທີ່​ການ​ຕ້ອນຮັບ, ທ່ານ Harchand Singh, ​ເລຂາທິການ​ອົງການ​ສັນຕິພາບ ​ແລະ ຄວາມ​ສາມັກຄີ​ທົ່ວ​ປະ​ເທດ ​ອິນ​ເດຍ (AIPSO) ຢືນຢັນ​ວ່າ ຫວຽດນາມ ຍາມ​ໃດ​ກໍ່​ມີທີ່ຕັ້ງອັນ​ພິ​ເສດ​ໃນຫົວ​ໃຈ​ປະຊາຊົນ ອິນ​ເດຍ.

ທ່ານ Harchand Singh ສະແດງຄວາມປິຕິຊົມຊື່ນເມື່ອໄດ້ເຫັນປະຈັກຕາການພັດທະນາເສດຖະກິດ-ສັງຄົມຂອງ ຫວຽດນາມ ໃນໄລຍະທີ່ຜ່ານມາ; ພ້ອມ​ກັນ​ນັ້ນ, ທ່ານ​ກໍ່​ເນັ້ນໜັກ​ວ່າ ສອງ​ປະ​ເທດ​ຍັງ​ມີ​ຄວາມ​ສາມາດ​ບົ່ມ​ຊ້ອນ​ຫຼາຍ​ຢ່າງ​ໃນ​ການ​ຮ່ວມ​ມື​ໃນ​ຂົງ​ເຂດ​ຄື: ​ເສດຖະກິດ, ການ​ສຶກສາ ແລະ ​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ.

ບັນດາຜູ້ແທນໄດ້ຖ່າຍຮູບທີ່ລະນຶກ.

ທີ່ການຕ້ອນຮັບ, ທ່ານ ຫງວຽນຫງອກຮຸ່ງ, ຮອງປະທານສະຫະພັນບັນດາອົງການມິດຕະພາບຫວຽດນາມ (VUFO), ໃຫ້ຮູ້ວ່າ: ງານສະເຫຼີມສະຫຼອງມິດຕະພາບປະຊາຊົນ ຫວຽດນາມ - ອິນເດຍ ຄັ້ງທີ 12 ໂດຍ VUFO, VIFA ແລະ AIPSO ຈັດຕັ້ງ. ເລື່ອງທີ່ງານບຸນໄດ້ຈັດຕັ້ງເປັນປະຈຳໃນ 12 ຄັ້ງຜ່ານມາ ໄດ້ຢືນຢັນເຖິງຄວາມສຳຄັນ ແລະ ຄວາມໝາຍຂອງເຫດການ. ທ່ານ ຫງວຽນ​ຫງອກ​ຮຸ່ງ, ຮອງ​ປະ​ທານ​ສະ​ຫະ​ພັນ​ບັນດາອົງ​ການ​ມິດ​ຕະ​ພາບ ​ຫວຽດ​ນາມ (VUFO). ງານ​ສະເຫຼີມສະຫຼອງ​ຄັ້ງ​ທີ 12 ​ໄດ້​ດຳ​ເນີນ​ຢູ່​ ຫວຽດນາມ ​ແຕ່​ວັນ​ທີ 16-21 ທັນວາ ປີ 2024 ດ້ວຍ​ບັນດາ​ການ​ເຄື່ອນ​ໄຫວ​ທີ່​ຫຼາກ​ຫຼາຍ​ຄື: ການ​ໂອ້​ລົມ​ສົນທະນາ, ຢ້ຽມຢາມ​ບັນດາຮາກຖານ​ເສດຖະກິດ, ວັດທະນະທຳ, ທັດສະນີ​ຍະ​ພາບ, ການ​ພົບ​ປະ​ແລກປ່ຽນ​ດ້ານ​ສິລະ​ປະ​ຢູ່ ຮ່າ​ໂນ້ຍ, ວິງ​ຟຸກ ​ແລະ ນະຄອນ​ໂຮ່ຈີ​ມິນ.

ຫວຽດນາມ ລື່ນກາຍ ອິນເດຍ ກ່ຽວກັບຄ່າໃຊ້ຈ່າຍໃນການຜະລິດທີ່ຕໍ່າ ຍສໝ - ທະນາຄານ​ໂລກ (WB) ຫາກໍ່ປະກາດບົດ​ລາຍ​ງານ​ສະບັບ​ໜຶ່ງ​ທີ່​ໃຫ້​ຮູ້​ວ່າ ຫວຽດນາມ ​ແລະ ບັງ​ກະລາ​ເທດ ພວມລື່ນກາຍ ​ອິນ​ເດຍ ໃນ​ຖານະ​ເປັນ​ສູນການ​ຜະລິດ ​ແລະ ສົ່ງ​ອອກທີ່ມີຄ່າໃຊ້ຈ່າຍຕໍ່າ.

ຫວຽດນາມ ຢືນອັນດັບໜຶ່ງໃນການຄັດເລືອກໄປທ່ອງທ່ຽວຕ່າງປະເທດ ຂອງຊາວ ອິນເດຍ ຍສໝ - ຄວາມ​ຕ້ອງການ​ຂອງ​ຄົນ​ອິນ​ເດຍ ​ໃນ​ການ​ເດີນທາງ​ໄປ​ຕ່າງປະ​ເທດ​ໄດ້​ບັນທຶກ​ການ​ເຕີບ​ໂຕ​ຢ່າງ​ແຂງ​ແຮງ​ໃນ​ໄລຍະ​ມໍ່ໆ​ມາ​ນີ້. ​ໃນ​ນັ້ນ, ຫວຽດນາມ ​ໄດ້​ກາຍ​ເປັນ​ປະ​ເທດ​ທີ່​ນິຍົມ​ອັນ​ດັບ​ໜຶ່ງ.