| ສະມາຄົມມິດຕະພາບ ຫວຽດນາມ - ໄທ ເຂົ້າຮ່ວມໂຄງການ “ພົບປະໄທ” ຄັ້ງທີ 2 ຢູ່ແຂວງ ລາວກາຍ | |
| ຫວຽດນາມ ສາມາດຍົກສູງຖານະບົດບາດ, ຄວາມໄວ້ວາງໃຈເມື່ອເປັນເຈົ້າພາບຈັດຕັ້ງ ເວທີປາໄສວິທະຍາສາດໂລກ ຄັ້ງທີ 6 |
ໃນບົດລາຍງານ, ທະນາຄານໂລກ ໄດ້ກ່າວຢ່າງຈະແຈ້ງວ່າ ອັດຕາສ່ວນຖ່ວງການຄ້າຂອງສິນຄ້າ ແລະ ການບໍລິການໃນລວມຍອດຜະລິດຕະພັນພາຍໃນ (GDP) ຂອງອິນເດຍໃນທົດສະວັດທີ່ຜ່ານມາໄດ້ຫຼຸດລົງ ເຖິງວ່າປະເທດນີ້ຈະມີອັດຕາການເຕີບໂຕທາງດ້ານເສດຖະກິດ.
ບົດລາຍງານຂອງ WB ໃຫ້ຮູ້ວ່າ ອັດຕາສ່ວນກວມຕະຫຼາດຂອງ ອິນເດຍ ໃນການສົ່ງອອກສິນຄ້າປະເພດແຜ່ນແພ, ເຄື່ອງໜັງ ແລະ ເກີບ ໄດ້ເພີ່ມຂຶ້ນຈາກ 0,9% ໃນປີ 2002 ຂຶ້ນເປັນລະດັບສູງສຸດ 4,5% ໃນປີ 2013, ແຕ່ຈາກນັ້ນຫຼຸດລົງເປັນ 3,5% ໃນປີ 2022. ໃນຂະນະດຽວກັນ, ໃນປີ 2022, ອັດຕາສ່ວນກວມຕະຫຼາດຂອງ ຫວຽດນາມ ໃນບັນດາຂົງເຂດເຫຼົ່ານີ້ໄດ້ບັນລຸ 5,9%, ສ່ວນ ບັງກະລາເທດ ບັນລຸ 5,1%.
 |
| ການຜະລິດເຄື່ອງຕັດຫຍິບຢູ່ໂຮງງານຜະລິດເສື້ອເຊີດ, Veston ຢູ່ ຮ່າໂນ້ຍ. ພາບ: ແອງຕວນ/TTXVN. |
WB ສະເໜີແນະວ່າ ເພື່ອຊຸກຍູ້ການສົ່ງອອກ ແລະ ຮັບຜົນປະໂຫຍດຈາກການທີ່ ຈີນ ຫັນອອກຈາກຂະແໜງການຜະລິດທີ່ໃຊ້ແຮງງານ, ອິນເດຍ ຕ້ອງຫຼຸດຄ່າໃຊ້ຈ່າຍການຄ້າ, ຫຼຸດຜ່ອນບັຍດາສິ່ງກີດຂວາງດ້ານພາສີ ແລະ ບໍ່ແມ່ນພາສີ, ພ້ອມທັງປັບປຸງສັນຍາການຄ້າ.
ທ່ານ ນາຍົກລັດຖະມົນຕີ ອິນເດຍ Narendra Modi ວາງເປົ້າໝາຍຈະເຮັດໃຫ້ ອິນເດຍ ເປັນສູນກາງການຜະລິດໃນຂະນະທີ່ບັນດາວິສາຫະກິດ ເຫັນບັນດາລະບົບສະໜອງເປັນຫຼາຍຮູບຫຼາຍແບບນອກຈາກຈີນ. ລັດຖະບານຂອງທ່ານ Modi ໄດ້ໃຊ້ເງິນໜູນຊ່ວຍຫຼາຍຕື້ USD ເພື່ອດຶງດູດການລົງທຶນເຂົ້າໃນບັນດາຂະແໜງອຸດສາຫະກຳເຊັ່ນ ເອເລັກໂຕນິກ ແລະ ການຜະລິດຊິບ.
ແຕ່ແນວໃດກໍ່ຕາມ, ບັນດາຂົງເຂດສົ່ງອອກຂອງ ອິນເດຍ ນັບມື້ນັບສຸມທຶນຮອນ ແລະ ບໍ່ສາມາດຮັບເອົາຄົນຫວ່າງງານຫຼາຍລ້ານຄົນໃນປະເທດ.
ອ.ສະຫວັດ
