 |
| ມອບໃບຍ້ອງຍໍໃຫ້ບຸກຄົນ, ກົມກອງລວມໝູ່ທີ່ມີຜົນງານໃນວຽກງານອົງການບໍ່ຂຶ້ນກັບລັດຖະບານຕ່າງປະເທດຢູ່ແຂວງເທື່ອທຽນເຫ້ວ |
ບັນດາໝາກຜົນທີ່ໜ້າສົ່ງເສີມ
ໃນໄລຍະຜັນຂະຫຍາຍດຳລັດ ເລກທີ 58/2022/ND-CP, ລົງວັນທີ 31 ສິງຫາ 2022 ຂອງລັດຖະບານກ່ຽວກັບການລົງທະບຽນ ແລະ ຄຸ້ມຄອງການເຄື່ອນໄຫວຂອງບັນດາອົງການບໍ່ຂຶ້ນກັບລັດຖະບານຕ່າງປະເທດຢູ່ ຫວຽດນາມ, ມີອົງການບໍ່ຂຶ້ນກັບລັດຖະບານຕ່າງປະເທດ 381 ແຫ່ງໃນທົ່ວປະເທດ ດ້ວຍມູນຄ່າການຊ່ວຍເຫຼືອປະມານ 200 ລ້ານ USD. ສະເພາະຢູ່ແຂວງເທື່ອທຽນເຫ້ວ, ມີອົງການບໍ່ຂຶ້ນກັບລັດຖະບານຕ່າງປະເທດ 87 ແຫ່ງພວມເຄື່ອນໄຫວ, ໃນນັ້ນ 17 ອົງການມີສຳນັກງານຜູ້ຕາງໜ້າ ໄດ້ດຶງດູດຈຳນວນເງິນຊ່ວຍເຫຼືອ 106 ບ້ວງ, ດ້ວຍຍອດຈຳນວນທີ່ໃຫ້ຄຳໝັ້ນສັນຍາເກືອບ 10 ລ້ານ USD. ບັນດາບ້ວງຊ່ວຍເຫຼືອໂຄງການ ແລະ ບໍ່ເປັນໂຄງການ ໄດ້ຜັນຂະຫຍາຍໃນຫຼາຍຂົງເຂດ ເຊັ່ນ: ການເກັບກູ້ລະເບີດ; ການປົກປັກຮັກສາສິ່ງແວດລ້ອມ, ປັບຕົວໃຫ້ເຂົ້າກັບການປ່ຽນແປງຂອງດິນຟ້າອາກາດ; ການພັດທະນາກະສິກຳ ແລະ ຊົນນະບົດ ສົມທົບກັບການຫຼຸດຜ່ອນຄວາມທຸກຍາກແບບຍືນຍົງ; ໜູນຊ່ວຍການພັດທະນາເສດຖະກິດ-ສັງຄົມ, ສາທາລະນະສຸກ, ວັດທະນະທຳ, ການສຶກສາ; ແກ້ໄຂບັນຫາສັງຄົມ; ໜູນຊ່ວຍແມ່ຍິງ, ເດັກນ້ອຍ, ຄົນພິການ...
ບັນດາອົງການຄຸ້ມຄອງລັດຢູ່ທ້ອງຖິ່ນກໍ່ຮ່ວມມື ແລະ ສົມທົບກັນຢ່າງຕັ້ງໜ້າໃນວຽກງານການເຄື່ອນໄຫວຕາມກົດໝາຍ... ນີ້ແມ່ນປະສົບການຈາກເທື່ອທ່ຽນເຫ້ວ ເພື່ອການເຄື່ອນໄຫວຂອງບັນດາອົງການບໍ່ຂຶ້ນກັບລັດຖະບານຕ່າງປະເທດໃນການດຳເນີນງານຢ່າງມີປະສິດທິຜົນ. ເຖິງຢ່າງໃດກໍຕາມ, ການເຄື່ອນໄຫວນີ້ຍັງປະສົບກັບຄວາມຫຍຸ້ງຍາກບາງດ້ານເຊັ່ນ: ຂະບວນການແກ້ໄຂລະບຽບການບໍລິຫານທີ່ກ່ຽວຂ້ອງກັບວຽກງານອອກໃບອະນຸຍາດປະຕິບັດຈາກອົງການ, ຄະນະ, ຂະແໜງການຍັງບໍ່ທັນການ ແລະ ຄົບຖ້ວນ; ຖັນແຖວພະນັກງານທີ່ເຮັດວຽກໃນອົງການບໍ່ຂຶ້ນກັບລັດຖະບານຕ່າງປະເທດແມ່ນຂາດເຂີນ ແລະ ອ່ອນແອ. ນອກຈາກນັ້ນ, ຍັງມີອົງການບໍ່ຂຶ້ນກັບລັດຖະບານຕ່າງປະເທດບາງແຫ່ງທີ່ໄດ້ຮັບໃບທະບຽນດຳເນີນງານຢູ່ຫວຽດນາມ ແຕ່ຍັງບໍ່ທັນໄດ້ປະຕິບັດລະບຽບການຢ່າງຈິງຈັງກ່ຽວກັບການສົ່ງແຈ້ງການການເຄື່ອນໄຫວຂອງອົງການໄປໃຫ້ບັນດາອົງການຄຸ້ມຄອງລັດຢູ່ທ້ອງຖິ່ນ.
ຄວາມຫຍຸ້ງຍາກອີກຢ່າງໜຶ່ງແມ່ນບັນດາຫົວໜ່ວຍທ້ອງຖິ່ນຍັງທີ່ໄດ້ຮັບລາຍການ, ໂຄງການ ຍັງບໍ່ທັນປະຕິບັດລະບຽບການຢ່າງເຂັ້ມງວດກ່ຽວກັບການອະນຸມັດ ແລະ ຮັບເງິນຊ່ວຍເຫຼືອ, ວຽກງານລາຍງານການນຳໃຊ້ບ້ວງທຶນຊ່ວຍເຫຼືອ. ວຽກງານບັນທຶກລາຍຮັບ-ລາຍຈ່າຍການຊ່ວຍເຫຼືອຕາມແຫຼ່ງລາຍຮັບງົບປະມານຍັງປະສົບກັບຄວາມຫຍຸ້ງຍາກຫຼາຍຢ່າງ, ເພາະວ່າ ເອກະສານທີ່ສົ່ງໄປໃຫ້ກົມການເງິນ ເພື່ອຂໍຢັ້ງຢືນການຊ່ວຍເຫຼືອຍັງມີໜ້ອຍ...
ເປັນເຈົ້າການໃນການເຊື່ອມໂຍງ ແລະ ເພີ່ມທະວີການຮ່ວມມື
ໃນຖານະທີ່ເປັນສະມາຊິກເຄື່ອນໄຫວຢ່າງຕັ້ງໜ້າໃນວຽກງານລະດົມ ແລະ ຜັນຂະຫຍາຍບັນດາໂຄງການອົງການບໍ່ຂຶ້ນກັບລັດຖະບານຕ່າງປະເທດຢູ່ ເທື່ອທຽນເຫ້ວ, ຜູ້ຕາງໜ້າສະຫະພັນບັນດາອົງການມິດຕະພາບແຂວງ ຢືນຢັນວ່າ ສິ່ງສຳຄັນແມ່ນການກໍ່ສ້າງກົນໄກການປະສານງານການຊ່ວຍເຫຼືອທີ່ສົມເຫດສົມຜົນ, ເພາະວ່າ ນີ້ຈະເປັນຈຸດປະສານງານເພື່ອຊ່ວຍເຊື່ອມຕໍ່ ແລະ ເພີ່ມທະວີການປະສານງານລະຫວ່າງພາກສ່ວນທີ່ກ່ຽວຂ້ອງ. ນອກນີ້, ຍັງຕ້ອງສ້າງຖານຂໍ້ມູນສຸມໃສ່, ມັນມີໂຄງສ້າງຢ່າງຈະແຈ້ງ, ມີວິທະຍາສາດ, ເຂົ້າເຖິງໄດ້ ແລະ ອັບເດັດເປັນປະຈຳກ່ຽວກັບຂົງເຂດບູລິມະສິດ ເພື່ອຊ່ວຍໃຫ້ອົງການບໍ່ຂຶ້ນກັບລັດຖະບານຕ່າງປະເທດສາມາດຊອກຫາ ແລະ ເລືອກເອົາໂຄງການ ຫຼື ລາຍການທີ່ມີຄວາມເປັນໄປໄດ້ສູງ. ນີ້ບໍ່ພຽງແຕ່ຫຼຸດຜ່ອນເວລາ ແລະ ຄວາມພະຍາຍາມໃນການຄົ້ນຫາຂໍ້ມູນ, ແຕ່ຍັງຊ່ວຍປັບປຸງຄວາມໂປ່ງໃສໃນຂະບວນການຈັດສັນການຊ່ວຍເຫຼືອ.
ເພື່ອຍົກສູງປະສິດທິພາບໂຄງການ, ຝ່າຍສະຫະພັນຖືວ່າ ຕ້ອງກໍານົດທິດທາງການກໍ່ສ້າງໂຄງການຢ່າງໃກ້ຊິດກັບເປົ້າຫມາຍການພັດທະນາແບບຍືນຍົງ (SDGs) ແລະ ວາງແຜນ, ແຜນການພັດທະນາຂອງແຂວງ, ສ້າງພື້ນຖານເພື່ອເຂົ້າເຖິງບັນດານັກອຸປະຖຳທີ່ມີຄວາມສົນໃຈໃນເປົ້າຫມາຍໄລຍະຍາວ. ຄຽງຄູ່ກັບນັ້ນແມ່ນການຜັນຂະຫຍາຍຍຸດທະສາດ networking ແລະ ການສື່ສານທີ່ເຂັ້ມແຂງ, ສ້າງຄວາມໄວ້ວາງໃຈ ແລະ ສ້າງເຄື່ອງໝາຍການຄ້າຢ່າງມີປະສິດທິຜົນ. ການນໍາໃຊ້ເຕັກໂນໂລຢີໃຫມ່ (blockchain, AI) ເພື່ອຄຸ້ມຄອງ ແລະ ຕິດຕາມໂຄງການປະສິດທິຜົນ ກໍ່ະສ້າງປັດໄຈໃນການແຂ່ງຂັນເພີ່ມຕື່ມອີກ ...
ດ້ວຍການຮ່ວມມືກວ່າ 15 ປີຢູ່ ເທື່ອທຽນເຫ້ວ, ອົົງການ Blue Dragon International (BDI-ອົດສະຕຣາລີ) ໄດ້ ແລະ ພວມຜັນຂະຫຍາຍການເຄື່ອນໄຫວທີ່ພົ້ນເດັ່ນ, ແບບຢ່າງຫຼາຍຢ່າງ ເຊັ່ນ ສົມທົບກັບສະຫະພັນແມ່ຍິງແຂວງ ຈັດຕັ້ງກອງປະຊຸມເລີ່ມປະຕິບັດໂຄງການ “ຄວາມປອດໄພ ແລະ ປອດໃສ: ສະກັດກັ້ນສະພາບເດັກນ້ອຍ ແລະ ໄວໜຸ່ມເຄື່ອນຍ້າຍໄປເຮັດວຽກຢູ່ຫ່າງໄກຢ່າງເສລີ, ຖືກຂົ່ມເຫັງຈາກການອອກແຮງງານ ແລະ ຖືກຄ້າມະນຸດຢູ່ແຂວງເທື່ອທຽນເຫ້ວ ໄລຍະ 2024 – 2028”. ຜ່ານນັ້ນ, ອົງການກໍ່ສະແດງຄວາມຫວັງວ່າ ໃນຊຸມປີຕໍ່ໜ້າ ຈະສືບຕໍ່ໄດ້ຮັບການສະໜັບສະໜູນ, ແນະນຳ ແລະ ຄຳປຶກສາຈາກບັນດາກົມ, ຂະແໜງການ ແລະ ອົງການທີ່ກ່ຽວຂ້ອງໃນການອອກແບບໂຄງການໃໝ່ ເພື່ອຕອບສະໜອງຄວາມຕ້ອງການຂອງປະຊາຊົນ, ກໍ່ຄືການຮັບປະກັນການເຄື່ອນໄຫວຂອງ Blue Dragon ປະຕິບັດຖືກຕາມຂໍ້ກຳນົດກົດໝາຍ ແລະ ສອດຄ່ອງກັບວັດທະນະທຳທ້ອງຖິ່ນ.
 | ສະມາຄົມມິດຕະພາບ ຫວຽດນາມ, ໄທ: ເປີດກວ້າງການຮ່ວມມື, ເຊື່ອມຕໍ່ແບບຍືນຍົງ ຍສໝ - ວັນທີ 13 ກັນຍາ, ຢູ່ແຂວງ ຊົນບູຣີ (ໄທ), ສະມາຄົມມິດຕະພາບ ຫວຽດນາມ - ໄທ ແລະ ສະມາຄົມມິດຕະພາບ ໄທ - ຫວຽດນາມ ໄດ້ຈັດຕັ້ງກອງປະຊຸມຮ່ວມຄັ້ງທີ 13. ນີ້ແມ່ນກອງປະຊຸມປະຈຳປີຕາມກົນໄກໜູນວຽນ ເພື່ອຕີລາຄາໝາກຜົນການຮ່ວມມືຈາກກອງປະຊຸມທີ່ຜ່ານມາ, ພ້ອມກັນນັ້ນ ກໍ່ໄດ້ແລກປ່ຽນ ແລະ ເຫັນດີເປັນເອກະພາບບັນດາການເຄື່ອນໄຫວຮ່ວມມືລະອຽດໃນໄລຍະຈະມາເຖິງ. |
 | ເຊີນລາ ເພີ່ມທະວີການຮ່ວມມືດ້ານການສຶກສາ-ບຳລຸງສ້າງກັບບັນດາແຂວງພາກເໜືອຂອງ ລາວ ຍສໝ - ວັນທີ 12 ກັນຍາ, ຢູ່ແຂວງ ເຊີນລາ ໄດ້ດຳເນີນກອງປະຊຸມພົບປະເພື່ອປຶກສາຫາລືກ່ຽວກັບມາດຕະການແກ້ໄຂຍົກສູງຄຸນນະພາບການສຶກສາ, ບຳລຸງສ້າງລະຫວ່າງ ພະແນກສຶກສາ ແລະ ບຳລຸງສ້າງ ແຂວງ ເຊີນລາ ແລະ ພະແນກສຶກສາທິການ ແລະ ກິລາ ແຂວງ ພາກເໜືອຂອງລາວ, ສາທາລະນະລັດ ປະຊາທິປະໄຕ ປະຊາຊົນລາວ. |
ມີງດຶກ
