 | ຊຸກຍູ້ການຮ່ວມມືດ້ານການສຶກສາລະຫວ່າງ 2 ມະຫາວິທະຍາໄລແຖວໜ້າຂອງ ຫວຽດນາມ ແລະ ກູບາ |
| ສະມາຄົມມິດຕະພາບຫວຽດນາມ - ກູບາ ໄດ້ສະໜັບສະໜູນຂະບວນການສົນທະນາ ແລະ ການຮ່ວມມືລະຫວ່າງ ກູບາ ແລະ ອາເມລິກາ |
ກ່າວຄຳປາໄສທີ່ພິທີ, ທ່ານຮອງປະທານຄະນະກຳມະການປະຊາຊົນນະຄອນ ໂຮ່ຈິມິນ ຫວໍວັນຮວ່ານ ໄດ້ຕີລາຄາສູງການພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອ ແລະ ຄວາມສະໜິດຕິດພັນອັນຊື່ສັດບໍລິສຸດລະຫວ່າງປະຊາຊົນສອງປະເທດ ຫວຽດນາມ - ກູບາ. ບົນພື້ນຖານນັ້ນ, ທ່ານ ຫວໍວັນຮວ່ານ ຖືວ່າ: ໃນຖານະເປັນກຳລັງຫຼັກແຫຼ່ງດ້ານເສດຖະກິດ, ວັດທະນະທຳ, ວິທະຍາສາດ ແລະ ເຕັກໂນໂລຊີຂອງປະເທດ, ນະຄອນ ໂຮ່ຈີມິນ ມີຄວາມພາກພູມໃຈທີ່ໄດ້ເປັນຂົວເຊື່ອມຕໍ່ທີ່ແໜ້ນແກ່ນເພື່ອນຳສາຍພົວພັນລະຫວ່າງ ຫວຽດນາມ - ກູບາ ໃຫ້ນັບມື້ນັບພັດທະນາກວ່າ.
ໃນຊຸມປີທີ່ຜ່ານມາ, ນະຄອນໄດ້ຜັນຂະຫຍາຍການເຄື່ອນໄຫວຫຼາຍຢ່າງຄື: ການສົ່ງເສີມການຄ້າ, ການລົງທຶນ, ພົບປະແລກປ່ຽນວັດທະນະທຳ ແລະ ການໜູນຊ່ວຍອັນແທດຈິງໃຫ້ແກ່ ກູບາ ໃນຊຸມໄລຍະທີ່ຫຍຸ້ງຍາກ. ນະຄອນ ໂຮ່ຈີມິນ ບໍ່ໄດ້ຖືວ່ານັ້ນເປັນພຽງແຕ່ການຊ່ວຍເຫຼືອເທົ່ານັ້ນ, ຫາກຍັງແມ່ນຄວາມຮັບຜິດຊອບ ແລະ ຄວາມເອກອ້າງທະນົງໃຈຂອງເພື່ອນມິດສະຫາຍ ແລະ ອ້າຍນ້ອງ.
 |
| ທ່ານຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ຫວໍວັນຮວ່ານ. |
ທ່ານນາງ Ariadne Feo Labrada, ກົງສຸນໃຫຍ່ ກູບາ ປະຈໍາ ນະຄອນ ໂຮ່ຈີມິນ ເນັ້ນໜັກວ່າ: ຕະຫຼອດ 64 ປີຜ່ານມາ, ກູບາ ແລະ ຫວຽດນາມ ໄດ້ຮັກສາການພົວພັນທີ່ເປັນແບບຢ່າງໃນການພົວພັນສາກົນ. ໜ້າທີ່ຂອງຄົນລຸ້ນປະຈຸບັນແມ່ນຕັ້ງໜ້າປັບປຸງ, ເພີ່ມທະວີການຮ່ວມມື ແລະ ການພົວພັນມິດຕະພາບໃນທຸກຂົງເຂດ.
ຕາມທ່ານນາງ Ariadne Feo Labrada ແລ້ວ, ໃນຊຸມປີທີ່ຜ່ານມາ, ການພົວພັນ ກູບາ - ຫວຽດນາມ ໄດ້ພັດທະນາໃນທຸກຂົງເຂດ, ພິເສດແມ່ນການແລກປ່ຽນບັນດາການຢ້ຽມຢາມຂັ້ນສູງລະຫວ່າງ 2 ປະເທດ. ຫວ່າງມໍ່ໆນີ້, ທ່ານເລຂາທິການໃຫຍ່ ໂຕເລິມ ໄດ້ໄປຢ້ຽມຢາມ ກູບາ, ເປັນຂີດໝາຍບາດກ້າວໃໝ່ໃນການພົວພັນລະຫວ່າງສອງຝ່າຍ. ບົນພື້ນຖານການພົວພັນອັນດີງາມລະຫວ່າງສອງປະເທດ, ໄລຍະທີ່ຜ່ານມາ, ສະຖານກົງສຸນໃຫຍ່ ກູບາ ປະຈຳ ນະຄອນ ໂຮ່ຈີມິນ ໄດ້ສົມທົບກັບບັນດາອົງການ, ຫົວໜ່ວຍຂອງນະຄອນຈັດຕັ້ງຫຼາຍເຫດການ ເພື່ອແນໃສ່ເພີ່ມທະວີການພົວພັນລະຫວ່າງລຸ້ນໜຸ່ມ, ບັນດາການເຄື່ອນໄຫວພົບປະແລກປ່ຽນ, ຮ່ວມມືລະຫວ່າງບັນດາທ້ອງຖິ່ນຂອງສອງປະເທດ, ປະກອບສ່ວນເຂົ້າໃນການຮັດແໜ້ນການພົວພັນມິດຕະພາບລະຫວ່າງປະຊາຊົນສອງປະເທດໃຫ້ເລິກເຊິ່ງກວ່າອີກ.
 |
| ນະຄອນ ໂຮ່ຈີມິນ ມອບຄອມພິວເຕີ 100 ເຄື່ອງໃຫ້ປະຊາຊົນ ກູບາ. |
ຕາງໜ້າປະຊາຊົນ ແລະ ລັດຖະບານ ກູບາ, ທ່ານນາງ Ariadne Feo Labrada ຂໍຂອບອົກຂອບໃຈພັກ, ລັດ, ປະຊາຄົມວິສາຫະກິດ ແລະ ປະຊາຊົນ ຫວຽດນາມ ທີ່ໃຫ້ຄວາມຮັກແພງ ແລະ ສະໜັບສະໜູນ ກູບາ, ເອົາໃຈໃສ່ໜູນຊ່ວຍປະຊາຊົນ ກູບາ ແລະ ການພັດທະນາຂອງປະເທດ ກູບາ. ສະຖານກົງສູນໃຫຍ່ ກູບາ ປະຈຳນະຄອນ ໂຮ່ຈີມິນ ໃຫ້ຄຳໝັ້ນສັນຍາຈະສືບຕໍ່ມານະພະຍາຍາມເພີ່ມທະວີການພົວພັນດ້ານການເມືອງ, ເສດຖະກິດ ແລະ ການຮ່ວມມືລະຫວ່າງ ກູບາ - ຫວຽດນາມ.
 | ໂຮງໝໍມິດຕະພາບ ຫວຽດນາມ - ກູບາ ນະຄອນ ດົງເຫີຍ, ແຂວງກວ໋າງບິ່ງ ໄດ້ຮັບເຄື່ອງຟອກໝາກໄຂ່ຫຼັງທຽມ 2 ເຄື່ອງ. ຍສໝ - ວັນທີ 24 ມັງກອນ, ສະມາຄົມອຸປະຖຳຄົນເຈັບທຸກຍາກແຂວງ ກວາງບິ່ງ, ໂຮງໝໍມິດຕະພາບ ຫວຽດນາມ - ກູບາ ດົງເຫີຍ ໄດ້ສົມທົບກັບອົງການຈັດຕັ້ງມອບ ແລະ ຮັບເອົາເຄື່ອງຟອກໝາກໄຂ່ຫຼັງທຽມ 2 ເຄື່ອງຈາກແຫຼ່ງການໜູນຊ່ວຍ, ປະກອບສ່ວນຂອງບັນດາອົງການຈັດຕັ້ງ ແລະ ບຸກຄົນອຸປະຖຳ. |
 | ນະຄອນ ເກີນເທີ ໄດ້ພົບປະເພື່ອສະເຫຼີມສະຫຼອງ 65 ປີແຫ່ງວັນຊາດສາທາລະນະລັດ ກູບາ, ໄຊຊະນະການປະຕິວັດ ກູບາ. ຍສໝ - ຕອນບ່າຍວັນທີ 9 ມັງກອນ, ສະຫະພັນບັນດາອົງການມິດຕະພາບ ແລະ ສະມາຄົມມິດຕະພາບ ຫວຽດນາມ - ກູບາ ນະຄອນ ໄດ້ສົມທົບກັບສະຖານກົງສຸນໃຫຍ່ ສາທາລະນະລັດ ກູບາ ຈັດຕັ້ງການພົບປະສະເຫຼີມສະຫຼອງ 65 ປີແຫ່ງວັນຊາດສາທາລະນະລັດ ກູບາ, ໄຊຊະນະການປະຕິວັດ ກູບາ. |
ມິງດຶກ
