| ການພົວພັນລະຫວ່າງ ຫວຽດນາມ - ກູບາ ໄດ້ຮັບການເອົາໃຈໃສ່ປັບປຸງ, ຊຸກຍູ້ ແລະ ພັດທະນາເລິກເຊິ່ງກວ້າງຂວາງຢ່າງບໍ່ຢຸດຢັ້ງ | |
| ຊຸກຍູ້ການພົວພັນຮ່ວມມືກັບອົງການກຳມະບານ ລາວ ແລະ ກູບາ ໃຫ້ນັບມື້ນັບເລິກເຊິ່ງ |
ກ່າວຄຳປາໄສທີ່ການພົບປະ, ທ່ານ ຫງວຽນທຶກຮ້ຽນ - ຮອງປະທານຄະນະກຳມະການປະຊາຊົນນະຄອນ ເກີນເທີ ໃຫ້ຮູ້ວ່າ: ປີ 2023 ແມ່ນປີສຳຄັນຂອງການພົວພັນລະຫວ່າງ 2 ປະເທດຄື: ສະເຫຼີມສະຫຼອງ 70 ປີແຫ່ງການບຸກໂຈມຕີຄ້າຍທະຫານ Moncada; ສະເຫຼີມສະຫຼອງ 60 ປີແຫ່ງວັນ ກູບາ ສ້າງຕັ້ງຄະນະກຳມະການສາມັກຄີກັບພາກໃຕ້ ຫວຽດນາມ, ອົງການລິເລີ່ມຂອງສະມາຄົມມິດຕະພາບ ກູບາ - ຫວຽດນາມ ປະຈຸບັນ; ສະເຫຼີມສະຫຼອງ 50 ປີແຫ່ງວັນຜູ້ນຳ Fidel Castro ມາຢ້ຽມຢາມ ຫວຽດນາມ ຄັ້ງທຳອິດ ແລະ ມາຍັງເຂດປົດປ່ອຍພາກໃຕ້ ຫວຽດນາມ ໃນສະໄໝສົງຄາມທີ່ຄັບຂັນ, ດຸເດືອດ.
 |
| ການນຳສະຫະພັນບັນດາອົງການມິດຕະພາບນະຄອນ ແລະ ສະມາຄົມມິດຕະພາບ ຫວຽດນາມ - ກູບາ ນະຄອນ ເກີນເທີ ໄດ້ມອບດອກໄມ້ ແລະ ຮູບພາບເປັນທີ່ລະນຶກໃຫ້ທ່ານກົງສູນໃຫຍ່ສາທາລະນະລັດ ກູບາ ປະຈຳນະຄອນ ໂຮ່ຈີມິນ ແລະ ສາມີ |
ບັນດາເຫດການດັ່ງກ່າວມີຄວາມໝາຍເປັນສັນຍະລັກເຖິງການພົວພັນມິດຕະພາບ ຫວຽດນາມ - ກູບາ, ນ້ຳໃຈວິລະຊົນ, ພະລັງຈິດໃຈ ແລະ ສະຫງ່າຜ່າເຜີຍຂອງເພື່ອນມິດ ກູບາ, ຂະບວນການສາກົນແຫ່ງຄວາມສາມັກຄີ ແລະ ສະໜັບສະໜູນການປົດປ່ອຍຊາດຂອງປະຊາຊົນ ຫວຽດນາມ, ສາຍພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ກູບາ.
ຕາມແງ່ມູມຂອງທ້ອງຖິ່ນ, ທ່ານ ຫງວຽນທຶກຮ້ຽນ ໃຫ້ຮູ້ວ່າ ເກີນເທີ ແມ່ນໜຶ່ງໃນບັນດາທ້ອງຖິ່ນທີ່ຕັ້ງໜ້າຜັນຂະຫຍາຍຫຼາຍການເຄື່ອນໄຫວຮ່ວມມືສະເພາະ, ແທດຈິງ ເພື່ອແນໃສ່ຮັດແໜ້ນ ແລະ ເພີ່ມທະວີການພົວພັນກັບ ກູບາ ແລະ ບັນດາທ້ອງຖິ່ນຂອງ ກູບາ ຢ່າງບໍ່ຢຸດຢັ້ງ. ນະຄອນ ໄດ້ຮັບເລືອກຕັ້ງເປັນຈຸດໝາຍປາຍທາງຂອງຄະນະການນຳຂັ້ນສູງ ກູບາ ໃນຂອບເຂດການຢ້ຽມຢາມ ຫວຽດນາມ. ສິ່ງດັ່ງກ່າວບໍ່ພຽງແຕ່ຢືນຢັນທີ່ຕັ້ງສຳຄັນຂອງນະຄອນ ເກີນເທີ ແຕ່ຍັງສະແດງໃຫ້ເຫັນຄວາມສົນໃຈຂອງພັກ ແລະ ລັດ ກູບາ ໃນການຊຸກຍູ້ການພົວພັນຮ່ວມມືກັບ ຫວຽດນາມ ເວົ້າລວມ ແລະ ນະຄອນ ເກີນເທີ ເວົ້າສະເພາະ. ສະຫະພັນບັນດາອົງການມິດຕະພາບນະຄອນ, ສະມາຄົມມິດຕະພາບ ຫວຽດນາມ - ກູບາ ຍາມໃດກໍ່ເສີມຂະຫຍາຍບົດບາດເປັນຂົວຕໍ່ໃນການຮັດແໜ້ນ, ຮັກສາສາຍພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ກູບາ.
ທີ່ການພົບປະ, ທ່ານນາງ Ariadne Feo Labrada - ກົງສຸນໃຫຍ່ ສາທາລະນະລັດ ກູບາ ປະຈຳ ນະຄອນ ໂຮ່ຈີມິນ ໄດ້ສົ່ງຄຳຂອບໃຈ ລັດຖະບານ ນະຄອນ ເກີນເທີ ທີ່ຍາມໃດກໍ່ໃຫ້ການໜູນຊ່ວຍສະຖານກົງສຸນໃຫຍ່ ໃນຫຼາຍການເຄື່ອນໄຫວ. ໂດຍສະແດງຄວາມຊົມເຊີຍຕໍ່ຄວາມໄວແຫ່ງການພັດທະນາໃນທຸກດ້ານຂອງນະຄອນ ເກີນເທີ ພາຍຫຼັງ 20 ປີແຫ່ງການກາຍເປັນນະຄອນຂຶ້ນກັບສູນກາງ, ທ່ານນາງ Ariadne Feo Labrada ໃຫ້ຄຳໝັ້ນສັນຍາວ່າ ໃນຖານະຕຳແໜ່ງຂອງຕົນຈະເພີ່ມທະວີການພົວພັນຮ່ວມມືໃນຫຼາຍຂົງເຂດກັບນະຄອນ ເກີນເທີ, ປະກອບສ່ວນຮັດແໜ້ນສາຍພົວພັນສາມັກຄີລະຫວ່າງສອງປະເທດໃຫ້ແໜ້ນແຟ້ນຍິ່ງຂຶ້ນ.
ທີ່ການພົບປະ ກໍໄດ້ດຳເນີນການສະແດງຮູບພາບກ່ຽວກັບການພົວພັນມິດຕະພາບທີ່ເປັນມູນເຊື້ອລະຫວ່າງນະຄອນ ເກີນເທີ - ກູບາ,ບັນດາຜົນງານທີ່ບັນລຸໄດ້ລາງວັນສູງຢູ່ການແຂ່ງຂັນ “ຂ້ອຍຮັກກູບາ”.
ມິງດຶກ
