| ຫວຽດນາມ - ສ.ອາເມລິກາ ສູ້ຊົນນຳວົງເງິນການຄ້າໃຫ້ບັນລຸ 200 ຕື້ໂດລາສະຫະລັດ | |
| ເພີ່ມທະວີການແລກປ່ຽນປະສົບການດ້ານວິຊາຊີບລະຫວ່າງໜັງສືພິມກອງທັບປະຊາຊົນ (ຫວຽດນາມ) ແລະ ໜັງສືພິມທະຫານເຂດ 1 (ລາວ) |
ທ່ານຮອງລັດຖະມົນຕີການຕ່າງປະເທດ ຮ່າກິມງອກ, ປະທານຄະນະກຳມະການແຫ່ງຊາດ UNESCO ຫວຽດນາມ, ຫົວໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ, ຖືວ່າ: ນີ້ແມ່ນຄັ້ງທີ 2 ທີ່ຫວຽດນາມ ໄດ້ຮັບພາລະໜ້າທີ່ບົດບາດຢູ່ອົງການບໍລິຫານຫຼັກແຫຼ່ງກ່ຽວກັບວັດທະນະທຳຂອງອົງການ UNESCO. ການໄດ້ຮັບເລືອກດ້ວຍຄະແນນບັດສູງໄ ດ້ສະແດງໃຫ້ເຫັນອິດທິພົນຂອງຫວຽດນາມ ບົນເວທີສາກົນ, ພ້ອມທັງຮັບຮູ້ການປະກອບສ່ວນຕົວຈິງຂອງຫວຽດນາມໃນການພົວພັນກັບ UNESCO, ອະນຸລັກຮັກສາ ແລະ ເສີມຂະຫຍາຍຄຸນຄ່າມໍລະດົກຢູ່ຫວຽດນາມ ກໍ່ຄືໃນໂລກ.
 |
| ຜູ້ຕາງໜ້າບັນດາປະເທດສະມາຊິກຊົມເຊີຍຫວຽດນາມ ທີ່ໄດ້ຮັບການເລືອກຕັ້ງ. (ພາບ: ໜັງສືພິມປະຊາຊົນ) |
ຕາມທ່ານເອກອັກຄະລັດຖະທູດ ເລທິຮົ່ງເວີນ, ຫົວໜ້າຄະນະປະຈຳຫວຽດນາມ ປະຈຳ UNESCO ແລ້ວ: ນີ້ເປັນຄັ້ງທຳອິດທີ່ເຂົ້າຮ່ວມ 5 ກົນໄກບໍລິຫານສຳຄັນແຖວໜ້າຂອງ UNESCO ໃນເວລາດຽວກັນ, ຫວຽດນາມ ມີກາລະໂອກາດສືບຕໍ່ປະກອບສ່ວນຢ່າງເປັນເຈົ້າການ ແລະ ຕັ້ງໜ້າກ່ວາອີກໃນບັນດາໂຄງການທີ່ສໍາຄັນ ແລະ ກຳນົດທິດໃຫຍ່ຂອງ UNESCO.
ຫວຽດນາມ ຈະສົມທົບກັບ 20 ປະເທດສະມາຊິກອື່ນຮັບພາລະໜ້າທີ່ຕິດຕາມກວດກາບັນດາປະເທດສະມາຊິກ ປະຕິບັດສົນທິສັນຍາມໍລະດົກໂລກ ປີ 1972 ຂອງ UNESCO, ຜ່ານນັ້ນ ກໍ່ປົກປັກຮັກສາ, ອະນຸລັກ ເເລະ ເສີມຂະຫຍາຍຄຸນຄ່າມໍລະດົກໂລກ 1.199 ແຫ່ງໃນທົ່ວໂລກ.
ຫວຽດນາມ ຈະເຂົ້າຮ່ວມການພິຈາລະນາບັນດາເອກະສານສະເໜີອອກຮັບເລືອກມໍລະດົກຂອງບັນດາປະເທດສະມາຊິກຕາມບັນດາມາດຖານຂອງສົນທິສັນຍາມໍລະດົກໂລກ, ໂດຍນຳໃຊ້ນັ້ນເປັນອີງ ເພື່ອຍົກອອກມາຕັດສິນຮັບຮອງ ຫຼື ບໍ່ຮັບຮອງເປັນມໍລະດົກໂລກ.
ນອກຈາກນັ້ນ, ຫວຽດນາມ ກໍ່ຈະເຂົ້າຮ່ວມຈັດຕັ້ງບັນດາການເຄື່ອນໄຫວຮ່ວມມືສາກົນກ່ຽວກັບການປົກປັກຮັກສາມໍລະດົກໂລກ ເພື່ອຮັກສາ, ສົ່ງເສີມ ແລະ ຖ່າຍທອດບັນດາຄຸນຄ່າປະຫວັດສາດ ແລະ ວັດທະນະທຳໃຫ້ແກ່ຄົນລຸ້ນອະນາຄົດ, ປະກອບສ່ວນພັດທະນາແບບຍືນຍົງຂອງໂລກ. ບາງການເຄື່ອນໄຫວຄື: ແລກປ່ຽນຂໍ້ມູນຂ່າວສານ ແລະ ປະສົບການ, ສະໜອງການຊ່ວຍເຫຼືອດ້ານການເງິນ ແລະ ເຕັກນິກ, ປະຕິບັດບັນດາໂຄງການປົກປັກຮັກສາມໍລະດົກ...
ທ່ານນາງ Audrey Azoulay ຜູ້ອຳນວຍການອົງການ UNESCO ຢືນຢັນວ່າ: ຫວຽດນາມ ແມ່ນຕົວຢ່າງໃນບັນດາຜົນສຳເລັດໃນການເຊື່ອມຕໍ່ລະຫວ່າງການພັດທະນາເສດຖະກິດ, ວັດທະນະທຳ, ແມ່ນແບບຢ່າງທີ່ດີໃນການອະນຸລັກສິ່ງແວດລ້ອມ ແລະ ພັດທະນາການທ່ອງທ່ຽວແບບຍືນຍົງ. ປາດຖະໜາວ່າ ປະສົບການຂອງ ຫວຽດນາມ ຈະແມ່ນບົດຮຽນທີ່ດີໃຫ້ແກ່ຫຼາຍປະເທດໃນພາກພື້ນ ແລະ ສາກົນ ເພື່ອປະຕິບັດສົນທິສັນຍາຢ່າງມີປະສິດທິຜົນ, ປະກອບສ່ວນເສີມຂະຫຍາຍຮູບພາບຄວາມຫຼາກຫຼາຍທາງດ້ານວັດທະນະທຳມວນມະນຸດ.
ດີງເລື້ອງ
