 | ປຸກລຸກແຫຼ່ງກຳລັງ, ສ້າງກໍາລັງໜູນຊຸກຍູ້ທ່າພັດທະນາ |
| ບັນດາວິສາຫະກິດ ເຢຍລະມັນ ຖື ຫວຽດນາມ ແມ່ນຕະຫຼາດລົງທຶນທີ່ມີທ່າແຮງ ແລະ ເຊື່ອຖືໄດ້ |
ທ່າກຳປັ່ນໃໝ່, ກຳລັງບົ່ມຊ້ອນໃໝ່
ໃນຕົ້ນເດືອນຕຸລາ 2024, ບັນຍາກາດອັນຮີບດ່ວນໄດ້ກວມລວມສະຖານທີ່ກໍ່ສ້າງທ່າເຮືອ 3 ຢູ່ທ່າເຮືອ ຫວຸງອ໋າງ. ບັນດາລາຍການ: ທ່າທຽບກຳປັ່ນ, ຄານຂົວ, ຄານລາງເຄນ, ລະບົບເສັ້ນທາງໃນທ່າກຳປັ່ນ, ໜ້າທາງຂົວແມ່ນໄດ້ສຳເລັດທັງໝົດ, ກຽມພ້ອມໃຫ້ແກ່ການຂຸດຄົ້ນທາງການຄ້າໃນທ້າຍປີ.
ຕາມບໍລິສັດຫຸ້ນສ່ວນທ່າເຮືອສາກົນ ລາວ - ຫວຽດນາມ ແລ້ວ, ປະຈຸບັນ, ປະລິມານການກໍ່ສ້າງທຸກລາຍການບັນລຸເກືອບ 100%, ຮັບປະກັນຄຸນນະພາບ ແລະ ຄວາມປອດໄພ. ທ່ານ ຟ້າມກວກເລຶ້ອງ, ຮອງຜູ້ອຳນວຍການບໍລິສັດໃຫ້ຮູ້ວ່າ “ນອກຈາກຮັບສະໝັກບຸກຄະລາກອນເພີ່ມແລ້ວ, ລະບົບກົນຈັກທີ່ມີຢູ່ເຊັ່ນ: ລົດຍົກ, ລົດຕັກ,... ຍັງໄດ້ຈັດໝູນວຽນກັນຈາກທ່າກຳປັ່ນເລກທີ 1 ແລະ 2 ໄປຫາທ່າກຳປັ່ນເລກທີ 3 ຖ້າມີສິນຄ້າເຂົ້າມາ. ໃນປີ 2025, ພວກຂ້າພະເຈົ້າຈະລົງທຶນອຸປະກອນໃຫມ່".
ຂົວທ່າເຮືອ 3 ມີຄວາມຍາວ 225 ແມັດ, ເມື່ອສົມທົບກັບທ່າເຮືອ 1 (ຍາວ 185 ແມັດ) ແລະ ທ່າເຮືອ 2 (ຍາວ 287 ແມັດ) ຈະສ້າງທ່າເຮືອທີ່ບໍ່ມີຮອຍຕໍ່ຍາວ 697 ແມັດ ສາມາດຮັບເຮືອໃຫຍ່ເຂົ້າທຽບທ່າ 3 ລຳ ນ້ຳໜັກປະມານ 50.000 - 55.000 ໂຕນ ແລະ 6 - 7 ລໍາ ນ້ຳໜັກແຕ່ 3.000 - 4.000 ໂຕນ. ປະຈຸບັນ, ທ່າເຮືອ 1 ແລະ 2 ພວມຂຸດຄົ້ນສິນຄ້າ 4 ລ້ານກວ່າໂຕນໃນແຕ່ລະປີ. ເມື່ອທ່າເຮືອ 3 ເຂົ້າເຄື່ອນໄຫວ, ສິນຄ້າຜ່ານທ່າເຮືອຄາດວ່າຈະເພີ່ມຂຶ້ນເປັນ 5-7 ລ້ານໂຕນ/ປີ, ໃນນັ້ນ ສິນຄ້າຜ່ານແດນຈາກລາວ ກວມເອົາ 40-50%, ເພີ່ມຂຶ້ນ 20% ເມື່ອທຽບໃສ່ກັບປະຈຸບັນ.
 |
| ທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດລາວ ປະຈຳຫວຽດນາມ (ທີ 4 ຈາກຊ້າຍ) ໄດ້ໄປຢ້ຽມຢາມທ່າເຮືອ ຫວຸງອ໋າງ ໃນເດືອນກໍລະກົດ 2024. (ພາບ: Anh Tuan) |
ການພົວພັນຮ່ວມມືດ້ານຄົມມະນາຄົມຂົນສົ່ງລະຫວ່າງ ຫວຽດນາມ ແລະ ລາວ, ພິເສດແມ່ນການຂົນສົ່ງທາງທະເລ ໄດ້ມີມາແຕ່ດົນນານ. ວັນທີ 24 ພຶດສະພາ 2011, ບໍລິສັດຫຸ້ນສ່ວນທ່າກຳປັ່ນ ຫວຸງອ໋າງ ຫວຽດນາມ - ລາວ (ປະຈຸບັນແມ່ນບໍລິສັດຫຸ້ນສ່ວນທ່າເຮືອສາກົນ ລາວ - ຫວຽດນາມ) ໄດ້ຮັບການສ້າງຕັ້ງດ້ວຍທຶນສົມທົບ 20% ຂອງບໍລິສັດປະສົມລາວ ພັດທະນາທ່າກຳປັ່ນ ຫວຸງອ໋າງ (ລາວ).
ເພື່ອໜູນຊ່ວຍລາວ ພັດທະນາໃນໄລຍະຍາວ, ຫວຽດນາມ ໄດ້ສ້າງເງື່ອນໄຂເພື່ອໃຫ້ປະເທດລາວ ນຳໃຊ້ທ່າເຮືອ ຫວຸງອ໋າງ 1, 2, 3, ໂດຍຜ່ານນັ້ນ ກໍຊ່ວຍປະເທດລາວ ຈາກປະເທດບໍ່ມີທາງອອກສູ່ທະເລ ໄດ້ມີທາງອອກສູ່ທະເລ. ພາຍຫຼັງ 20 ປີແຫ່ງການເຄື່ອນໄຫວຢ່າງເປັນທາງການ, ທ່າເຮືອ ຫວຸງອ໋າງ 1, 2 ໂດຍບໍລິສັດຫຸ້ນສ່ວນທ່າເຮືອສາກົນ ລາວ-ຫວຽດ ເປັນປະທານລົງທຶນດ້ຮັບການເສີມຂະຫຍາຍຢ່າງສຸດຂີດ, ປະກອບສ່ວນໃຫຍ່ເຂົ້າໃນການພັດທະນາຂອງອຸດສາຫະກຳ ກໍ່ຄືຂະບວນການພັດທະນາເສດຖະກິດ-ສັງຄົມຂອງແຂວງ ຮ່າຕິ້ງ ເວົ້າສະເພາະ ແລະ ຂອງປະເທດ ຫວຽດນາມ - ລາວ ເວົ້າລວມ. ຕໍ່ກັບຄວາມຕ້ອງການຂົນສົ່ງສິນຄ້າຜ່ານທ່າເຮືອເພີ່ມຂຶ້ນ, ໃນປີ 2015, ບໍລິສັດຫຸ້ນສ່ວນທ່າເຮືອສາກົນ ລາວ-ຫວຽດ ໄດ້ລົງທຶນເພີ່ມທ່າເຮືອ 3 ດ້ວຍຍອດຈຳນວນເງິນລົງທຶນເກືອບ 1.000 ຕື້ດົ່ງ. ໂຄງການດັ່ງກ່າວປະກອບມີ: ທ່າເຮືອທຽບທ່າ,ພື້ນທີ່ໜ້ານ້ຳຢູ່ຫນ້າຂອງທ່າເຮືອ, ເດີ່ນສາງເກັບມ້ຽນ, ລະບົບເສັ້ນທາງໃນທ່າກຳປັ່ນ ແລະ ບັນດາໂຄງລ່າງເຕັກນິກ, ກິດຈະກຳໜູນຊ່ວຍສຳຮອງອື່ນໆ ດ້ວຍເນື້ອທີ່ນຳໃຊ້ໜ້າພຽງແມ່ນ 49.146 ຕາແມັດ ແລະ ໜ້ານ້ຳ 23.750 ຕາແມັດ.
ທ່ານ ຫງວຽນແອງຕວນ, ຜູ້ອຳນວຍການບໍລິສັດຫຸ້ນສ່ວນທ່າເຮືອສາກົນ ລາວ-ຫວຽດນາມ ໃຫ້ຮູ້ວ່າ “ພວກຂ້າພະເຈົ້າມີຄວາມພ້ອມດ້ານແຫຼ່ງຊັບພະຍາກອນມະນຸດເພື່ອຕ້ອນຮັບກຳປັ່ນການຄ້າໃນທ້າຍປີນີ້”.
ບຸກທະລຸໃນການເຊື່ອມຕໍ່ພາກພື້ນ
ຄຽງຄູ່ກັບການເປີດກ້ວາງທ່າເຮືອ, ຫວຽດນາມ ແລະ ລາວ ກໍ່ພວມຕັ້ງໜ້າຊຸກຍູ້ຜັນຂະຫຍາຍບັນດາໂຄງການເໍື່ອມຕໍ່ຄົມມະນາຄົມຍຸດທະສາດ ລວມມີ: ທາງດ່ວນ ຮ່າໂນ້ຍ - ວຽງຈັນ ແລະ ທາງລົດໄຟວຽງຈັນ - ຫວຸງອ໋າງ.
ໂຄງການທາງລົດໄຟວຽງຈັນ - ຫວຸງອ໋າງ ມີຄວາມຍາວ 554 ກິໂລແມັດ ຢູ່ບົນດິນແດນສອງປະເທດ ລາວ-ຫວຽດນາມ, ຂະໜາດທາງລົດໄຟ 1.435 ມີລີແມັດ, ຄວາມໄວ 150 ກິໂລແມັດຕໍ່ຊົ່ວໂມງ, ຍອດເງິນລົງທຶນປະມານ 149.550 ຕື້ດົ່ງ. ທາງລົດໄຟສາຍນີ້ຈະຊ່ວຍເພີ່ມກຳລັງການຂົນສົ່ງສິນຄ້າຢູ່ທ່າເຮືອ ຫວຸງອ໋າງ. ຜ່ານນັ້ນ, ກໍ່ຊຸກຍູ້ການພົວພັນດ້ານການຄ້າລະຫວ່າງ ຫວຽດນາມ ກັບບັນດາປະເທດບ້ານໃກ້ເຮືອນຄຽງ, ເພີ່ມທະວີການເຊື່ອມຕໍ່ພາກພື້ນ ແລະ ສາກົນ. ເມື່ອນຳເຂົ້າສູ່່ການເຄື່ອນໄຫວ, ໂຄງການຍັງຈະສ້າງທ່າໄດ້ປຽບເປີດກວ້າງໃຫ້ບັນດາວິສາຫະກິດ ຫວຽດນາມ - ລາວ ໃນການຮ່ວມມືພັດທະນາບັນດາຂົງເຂດການທ່ອງທ່ຽວ, ການບໍລິການ.
ໃນຂະນະນັ້ນ, ເມື່ອໂຄງການທາງດ່ວນ ຮ່າໂນ້ຍ-ວຽງຈັນ ໄດ້ຮັບການກໍ່ສ້າງສຳເລັດ ຈະເຮັດໃຫ້ເວລາເດີນທາງໄປມາລະຫວ່າງສອງນະຄອນຫຼວງສັ້ນລົງ, ສ້າງເງື່ອນໄຂສະດວກໃຫ້ແກ່ລົດຍົນຈາກນະຄອນຫຼວງວຽງຈັນ ໄປຍັງເຂດເສດຖະກິດແຄມທະເລຂອງຫວຽດນາມ. ເສັ້ນທາງດ່ວນແຫ່ງນີ້ ຈະເປັນບ່ອນອີງໃນການສ້າງແລວທາງເສດຖະກິດຕາເວັນອອກ-ຕາເວັນຕົກ, ເຊື່ອມຕໍ່ບັນດາປະເທດໃນພາກພື້ນແມ່ນໍ້າຂອງ, ມະຫາສະໝຸດອິນເດຍ ແລະ ມະຫາສະໝຸດປາຊີຟິກ, ຫຼຸດໄລຍະເສັ້ນທາງແລະ ເວລາການຂົນສົ່ງລົງ ເມື່ອທຽບກັບການຂົນສົ່ງທາງທະເລ.
ທີ່ກອງປະຊຸມກະກຽມເນື້ອໃນໃຫ້ແກ່ກອງປະຊຸມຄະນະກຳມະການລະຫວ່າງລັດຖະບານ ຫວຽດນາມ - ລາວ ຄັ້ງທີ 47 ທີ່ດຳເນີນຢູ່ນະຄອນຫຼວງວຽງຈັນ ໃນວັນທີ 12 ພະຈິກ 2024, ທ່ານ ເຈີ່ນກວກເຟືອງ, ຮອງລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ເນັ້ນໜັກວ່າ ທັດສະນະຍຸດທະສາດຂອງຫວຽດນາມ ແມ່ນການຊ່ວຍເຫຼືອລາວ ມີທະເລ, ທ່າເຮືອສະເພາະຂອງຕົນ, ຕໍ່ໄປແມ່ນທາງລົດໄຟ, ທາງບົກ ເພື່ອເປີດປະຕູການເຊື່ອມໂຍງເຂົ້າກັບສາກົນ, ການພັດທະນາເສດຖະກິດເປັນເອກະລາດ.
“ພວກຂ້າພະເຈົ້າຈະສຸມໃສ່ລົບລ້າງຄວາມຫຍຸ້ງຍາກ, ຊຸກຍູ້ບັນດາກິດຈະກຳເຊື່ອມຕໍ່ທີ່ສຳຄັນຄື: ໂຄງການຮ່ວມມືລົງທຶນທ່າເຮືອ ຫວຸງອ໋າງ 1, 2, 3, ບັນດາໂຄງການເຊື່ອມຕໍ່ການຄົມມະນາຄົມທາງບົກ ຮ່າໂນ້ຍ - ວຽງຈັນ, ທາງລົດໄຟ ວຽງຈັນ - ຫວຸງອ໋າງ..., ແກ້ໄຂບັນດາໂຄງການທີ່ຍັງມີບັນຫາໃຫ້ສຳເລັດ”, ທ່ານຮອງລັດຖະມົນຕີ ເຈີ່ນກວກເຟືອງ ກ່າວ.
ບັນດາໂຄງການທີ່ມີຄວາມສາມາດບົ່ມຊ້ອນນີ້, ເມື່ອສ້າງສຳເລັດ, ຄາດວ່າຈະຊຸກຍູ້ການເຕີບໂຕເສດຖະກິດແບບຍືນຍົງຂອງທັງ ຫວຽດນາມ ແລະ ລາວ, ພ້ອມທັງເພີ່ມທະວີການມີໜ້າຂອງສອງປະເທດໃນຕ່ອງໂສ້ການສະໜອງທົ່ວໂລກ.
 | ຫວຽດນາມ ສືບຕໍ່ເພີ່ມທະວີປັບປຸງທີ່ຕັ້ງ ແລະ ບົດບາດສຳຄັນຂອງຕົນໃນເວທີສາກົນ ຍສໝ - ຕາມທ່ານເອກອັກຄະລັດຖະທູດ ແລະ ຫົວໜ້າຜູ້ຕາງໜ້າບັນດາອົງການຈັດຕັ້ງສາກົນປະຈຳຫວຽດນາມ ແລ້ວ, ຫວຽດນາມ ແມ່ນຄູ່ຮ່ວມມືສຳຄັນຂອງປະຊາຄົມໂລກ ໃນການຮ່ວມມືແກ້ໄຂບັນດາສິ່ງທ້າທາຍທົ່ວໂລກ. |
 | ຄວາມເສລີພາບໃນການເດີນທະເລຢູ່ທະເລຕາເວັນອອກ ແມ່ນຄວາມສົນໃຈຂອງທຸກຝ່າຍ ຍສໝ - ທະເລຕາເວັນອອກ ບໍ່ພຽງແຕ່ແມ່ນເຂດຍຸດທະສາດ, ແຕ່ຍັງ ເປັນເຂດເພື່ອຄວາມຢູ່ລອດ (ການພັດທະນາ ແລະ ຄວາມໝັ້ນຄົງ) ຂອງບັນດາປະເທດ ASEAN ເທົ່ານັ້ນ, ແຕ່ຍັງເປັນ ເສັ້ນທາງເສດຖະກິດທີ່ສຳຄັນ ແລະ ແມ່ນເສັ້ນທາງຂົນສົ່ງ “ສາຍເລືອດ” ຂອງພາກພື້ນອາຊີ - ປາຊີຟິກ ແລະ ຂອງໂລກ ອີກດ້ວຍ. |
ມີງດຶກ
