ກ່ອນອື່ນໝົດ, ຍ້ອນວ່າທະເລຕາເວັນອອກ ຕັ້ງຢູ່ບົນເສັ້ນທາງ ສາຍຫຼັກ ການເດີນທະເລ ທີ່ເຊື່ອມຕໍ່ ລະຫວ່າງມະຫາ ສະໝຸດ ປາຊີຟິກ - ມະຫາສະໝຸດອິນເດຍ, ເອີຣົບ - ອາຊີ, ຕາເວັນອອກກາງ - ອາຊີ. ທະເລຕາເວັນອອກ ມີບົດບາດສຳຄັນທີ່ສຸດໃນການຄ້າທາງທະເລ ທົ່ວໂລກ.
 |
| ຕັ້ງຢູ່ອ່າວ ເຈີນໄມ (ເມືອງ ຝູ໋ລົກ, ແຂວງ ເທື່ອທຽນເຫວ້) ດ້ວຍເນື້ອທີ່ໜ້ານ້ຳປະມານ 20 ກມ2 ແລະ ປາກທະເລກວ້າງ 7 ກມ, ທ່າເຮືອ ເຈີນໄມ ຖືວ່າເປັນ “ຫົວໃຈ” ຂອງເຂດເສດຖະກິດ ເຈີນໄມ - ລັງໂກ. ພາບ: VNA |
ບັນດາເສັ້ນທາງເດີນທະເລ ຜ່ານທະເລຕາເວັນອອກ ແມ່ນ “ຄໍ” ເພື່ອແລກປ່ຽນສິນຄ້າ ຂອງ ຫຼາຍປະເທດອາຊີ, ດ້ວຍມູນຄ່າການຄ້າປະມານ 5,3 ພັນຕື້ ໂດລາສະຫະລັດ. ຕາມສະຖິຕິ ຂອງ ອົງການພະລັງງານ ຂອງ ສ ອາເມລິກາ, ນ້ຳ ມັນດິບ 1/3 ແລະ ອາຍແກັສແຫຼວ ຫຼາຍກວ່າເຄິ່ງໜຶ່ງຖືກຂົນສົ່ງຜ່ານທະເລຕາເວັນອອກ. ປະລິມານນ້ຳມັນດິບແລະ ອາຍ ແກັສແຫຼວ ທີ່ຂົນສົ່ງຜ່ານທະເລ ແຫ່ງນີ້ ແມ່ນຫຼາຍກວ່າ 15 ເທົ່າ ທີ່ຂົນ ສົ່ງຜ່ານຄອງ ປານາມາ ໃນ ອາເມລິກາກາງ. ໃນ ແຕ່ລະປີ, ປະລິມານ ນ້ໍາມັນ ນຳເຂົ້າປະມານ 70% ແລະ ປະລິມານ ສິນຄ້າສົ່ງອອກ ປະມານ 45% ຂອງ ຍີ່ປຸ່ນ ແມ່ນ ໄດ້ຂົນສົ່ງຜ່ານທະເລຕາເວັນອອກ. ສປ ຈີນ ມີເສັ້ນທາງເດີນທະເລ 29/39 ເສັ້ນ ແລະ ປະລິມານສິນຄ້ານຳເຂົ້າສິນຄ້າ ປະມານ 60%, 70% ນໍ້າມັນ ນໍາເຂົ້າ ຖືກຂົນສົ່ງ ຜ່ານທະເລຕາເວັນອອກ.
ບັນດາປະເທດ ຫວຽດນາມ, ໄທ, ຟີລິບປິນ, ມາເລເຊຍ, ກຳປູເຈຍ, ສິງກະໂປ, ອິນໂດເນເຊຍ ແລະ ບຣູໄນ ແມ່ນປະເທດ ໃນກຸ່ມ ASEAN ທີ່ມີຊາຍແດນຕິດກັບທະເລຕາເວັນອອກ. ປະລິມານສິນຄ້າສົ່ງອອກ ຜ່ານທະເລຕາເວັນອອກ ຂອງ ບັນດາປະເທດ ອາຊີຕາເວັນອອກສ່ຽງໃຕ້ ແມ່ນ 55%, ບັນດາ ປະເທດອຸດສາຫະກຳໃໝ່ ແມ່ນ 26%, ອົດສະຕຣາລີ ແມ່ນ 40%.
ຄຳຮຸ່ງ
