 |
| ທ່ານເອກອັກຄະລັດຖະທູດ ເທບທະວອນ ໄດ້ນຳໜ້າຄະນະຜູ້ແທນສະຖານທູດລາວໄປມອບຂອງຂວັນເພື່ອຊົມເຊີຍທ່ານເອກອັກຄະລັດຖະທູດ ດິງຫງອກລິງ ແລະ ພະນັກງານສະຖານທູດຫວຽດນາມ. (ພາບ: Vien /VNA) |
ວັນທີ 12 ກັນຍາ, ຢູ່ນະຄອນຫຼວງ Kuala Lumpur, ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນຊາດສາທາລະນະລັດສັງຄົມນິຍົມຫວຽດນາມ (2 ກັນຍາ 1945 – 2 ກັນຍາ 2025), ທ່ານ ເທບທະວອນ ເອກອັກຄະລັດຖະທູດລາວ ປະຈໍາ ມາເລເຊຍ ໄດ້ນຳໜ້າຄະນະຜູ້ແທນສະຖານທູດລາວປະຈໍາ ມາເລເຊຍ ມາຢ້ຽມຢາມ ແລະ ອວຍພອນສະຖານທູດຫວຽດນາມ.
ໃນບັນຍາກາດທີ່ເບີກບານມ່ວນຊື່ນ, ທ່ານເອກອັກຄະລັດຖະທູດລາວ ໄດ້ອວຍພອນທ່ານເອກອັກຄະລັດຖະທູດຫວຽດນາມ ດິງຫງອກລິງ ແລະ ພະນັກງານທຸກຄົນຈົ່ງມີຄວາມພາກພູມໃຈ ແລະ ເບີກບານມ່ວນຊື່ນຕໍ່ບັນດາຜົນງານອັນໃຫຍ່ຫຼວງທີ່ປະຊາຊົນຫວຽດນາມ ບັນລຸໄດ້ໃນຕະຫຼອດ 80 ປີຜ່ານມາ.
ທ່ານເອກອັກຄະລັດຖະທູດ ເທບທະວອນ ໄດ້ເນັ້ນໜັກວ່າ ນັບແຕ່ໄດ້ຮັບໄຊຊະນະຂອງການປະຕິວັດເດືອນສິງຫາ ປີ 1945, ຫວຽດນາມ ໄດ້ກາຍເປັນປະເທດເອກະລາດ, ຜ່ານຜ່າຄວາມຫຍຸ້ງຍາກຫລາຍຢ່າງ, ຮັກສາເອກະລາດ, ກ້າວເຂົ້າສູ່ຍຸກໃໝ່ຢ່າງບໍ່ຢຸດຢັ້ງ ດ້ວຍເສດຖະກິດຢືນອັນດັບ 35 ຂອງໂລກ. ທ່ານກ່າວວ່າ ຫວຽດນາມແມ່ນແບບຢ່າງແຫ່ງການພັດທະນາຂອງລາວ.
ທ່ານເອກອັກຄະລັດຖະທູດ ເທບທະວອນ ກໍໄດ້ສະແດງຄວາມຂອບອົກຂອບໃຈຕໍ່ຫວຽດນາມທີ່ໄດ້ຢືນຢູ່ຄຽງຂ້າງເພື່ອປະກອບສ່ວນສ້າງຄວາມເປັນເອກະລາດແລະການພັດທະນາຂອງລາວໃນທຸກວັນນີ້, ຢືນຢັນຄວາມສາມັກຄີ, ການຮ່ວມມື, ມິດຕະພາບລະຫວ່າງຫວຽດນາມ - ລາວ ແມ່ນສະເພາະໃນໂລກ.
ທ່ານເອກອັກຄະລັດຖະທູດ ເທບທະວອນ ປາດຖະໜາວ່າ ຈະສືບຕໍ່ເພີ່ມທະວີການຮ່ວມມືຢ່າງແໜ້ນແຟ້ນ ແລະ ມີປະສິດທິຜົນລະຫວ່າງ 2 ສະຖານທູດ, ປະກອບສ່ວນຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ.
ສ່ວນທ່ານເອກອັກຄະລັດຖະທູດ ດິງຫງອກລິງ ໄດ້ສະແດງຄວາມຂອບອົກຂອບໃຈທ່ານເອກອັກຄະລັດຖະທູດ ເທບທະວອນ ແລະ ບັນດາສະຫາຍ ແລະ ເພື່ອນຮ່ວມງານຂອງລາວ ທີ່ມີຄວາມຮູ້ສຶກດີ ແລະ ຈິງໃຈຕໍ່ຫວຽດນາມ.
່ທ່ານຢືນຢັນວ່າຈະສືບຕໍ່ເພີ່ມທະວີຄວາມໄວ້ເນື້ອເຊື່ອໃຈ ແລະ ການຮ່ວມມືລະຫວ່າງສອງສະຖານທູດ, ປະກອບສ່ວນບໍາລຸງສ້າງສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດ, ການສົມທົບກັນຢ່າງມີປະສິດທິຜົນພາຍໃນສະມາຄົມບັນດາປະຊາຊາດອາຊີຕາເວັນອອກສ່ຽງໃຕ້ (ອາຊຽນ).
ທີ່ການພົບປະຢ່າງສະໜິດສະໜົມ, ທ່ານເອກອັກຄະລັດຖະທູດສອງປະເທດໄດ້ຕີລາຄາບັນດາເຫດການປະຫວັດສາດສຳຄັນຂອງສອງປະເທດ ແລະ ໄດ້ສະແດງຄວາມຊົມເຊີຍຕໍ່ການພັດທະນາສາຍພົວພັນມິດຕະພາບແບບພິເສດ.
ທ່ານເອກອັກຄະລັດຖະທູດ ດິງຫງອກລິງ ກໍ່ໄດ້ແບ່ງປັນບັນດາບາດກ້າວພັດທະນາຂອງຫວຽດນາມ, ເນັ້ນໜັກເຖິງຄວາມສຳຄັນຂອງການຮັກສາສັນຕິພາບເພື່ອພັດທະນາປະເທດຊາດ ແລະ ປົກປັກຮັກສາເອກະລາດ.
ທ່ານເອກອັກຄະລັດຖະທູດລາວ ໄດ້ມອບກະຕ່າດອກໄມ້ທີ່ສວຍງາມ ເພື່ອເປັນຄຳອວຍພອນອັນດີງາມໃຫ້ທ່ານເອກອັກຄະລັດຖະທູດຫວຽດນາມ ເນື່ອງໃນໂອກາດວັນຊາດ ແລະ ຢືນຢັນວ່າ ນ້ຳໃຈມິດຕະພາບລາວ-ຫວຽດນາມ ຈະຂຽວສົດງົດງາມຕະຫຼອດໄປ.
 | ຫວຽດນາມປາດຖະໜາຢາກພັດທະນາການພົວພັນກັບສະຫະພາບ ອາຣັບ ຢ່າງແທ້ຈິງ, ມີປະສິດທິຜົນກ່ວາອີກ ທີ່ການພົບປະ, ທ່ານປະທານປະເທດ ເລືອງເກື່ອງ ຕີລາຄາສູງ ບົດບາດ ແລະ ການປະກອບສ່ວນຢ່າງຕັ້ງໜ້າຂອງສະຫະພັນ ໃນການຮັກສາສັນຕີພາບ, ສະຖຽນລະພາບ ແລະ ການພັດທະນາຢູ່ພາກພື້ນຕາເວັນອອກກາງ - ອາບຟຼິກກາ ແລະ ໃນໂລກ. |
 | ບົດຮຽນໃນການພັດທະນາເສດຖະກິດມໍລະດົກຢູ່ ຫວຽດນາມ ແລະ ລາວ - ບັນດາການແນະນຳນະໂຍບາຍ ຍສໝ - ພາຍຫຼັງວາລະປະຊຸມທີ່ພິທີເປີດ, ກອງປະຊຸມສຳມະນາສາກົນ ຫວຽດນາມ - ລາວ 2025 ດ້ວຍຫົວຂໍ້ “ພັດທະນາເສດຖະກິດມໍລະດົກ - ບົດຮຽນຂອງ ຫວຽດນາມ ແລະ ລາວ” ໄດ້ດຳເນີນ 3 ກອງປະຊຸມສຳມະນາ ດ້ວຍບັນດາເນື້ອໃນຈຸດສຸມກ່ຽວກັບການພັດທະນາເສດຖະກິດມໍລະດົກ, ຊີ້ແຈ້ງບັນດາຜົນງານກໍຄືບັນດາບັນຫາທີ່ມີຢູ່ແລ້ວ, ສະເໜີບັນດານະໂຍບາຍອະນຸລັກຮັກສາ ແລະ ພັດທະນາເສດຖະກິດມໍລະດົກ (ລວມມີ: ບັນດາບົດຮຽນຂອງການພັດທະນາທາງດ້ານມໍລະດົກຂອງຫວຽດນາມ ... |
ມີງດຶກ
